Author: ڈاکٹرغلام مصطفی بڈانی

میرپورخاص،باغی ٹی وی( نامہ نگار سید شاہزیب شاہ کی رپورٹ )6 ستمبر 1965 کو پاک أفواج اور پاکستانی قوم نے بیمثال اتحاد کے ذریعے اپنے سے کئی گناہ بڑے دشمن بھارت کو کئی محاذوں پر شکست سے دوچار کردیا تھا، ہمیں اپنی افواج پر فخر ہے

ان خیالات کا اظہار اسپورٹس آفیسر واشدیو نے 6 ستمبر کے حوالے سے گلستان معذورین میرپورخاص کی جانب سے شہید بےنظیر بھٹو اسٹیڈیم المعروف (گاما اسٹیڈیم) میں انعقاد کئے گئے باسکٹ بال میچ کے اختتام پرخطاب کرتے ہوئے کیا ، انھیں اس پروگرام میں مہمان خصوصی کی حیثیت سے مدعو کیا گیا تھا-

اس موقع پر گلستان معذورین کے سرپرست آفاق احمد خان نے میڈیا سے بات کرتے ہوئے کہا کہ ہم نے وسائل نہ ہونے کے باوجود گلستان معذورین کے گلشن کے ان پھولوں (نوجوانوں) کی اس طرح آبیاری کی ہے کہ ان کی خوشبو سے ان کی مہک سے پاکستان سمیت کئی دوسرے ممالک بھی مہک رہے ہیں ، آفاق احمد خان نے مز ید کہا کہ 6 ستمبر کے حوالے سے یہ پروگرام کرنا اسلئے ضروری سمجھا کہ اس دن بزدل دشمن بھارت نے ہمیں کمزور سمجھ کر ہم پر حملہ کردیا تھا ، مگر افواج پاکستان اور پاکستانی قوم نے اسے چھٹی کا دودھ یاد دلادیا ، آج پھر وطن کو قوم کے اسی محبت اور جذبے کی ضرورت ہے

ہم گلستان معذورین پاک افواج سے بھرپور اتحاد و یکجہتی کرتے ہیں ، اس پروگرام کی تقریب تقسیم انعامات میں گلستان معذورین کے سرپرست آفاق احمد خان اور آرگنائزنگ کمیٹی کی جانب سے اسپورٹس آفیسر واسدیو کو سندھ کی ثقافت اجرک کا تحفہ پیش کیا، موقع پر موجود دیگر افراد کو اجرک کے تحائف پیش کئے گئے ،پروگرام آرگنائزگ کمیٹی اور تمام کھلاڑیوں کی جانب سے سرپرست آفاق احمد خان کو اجرک کا تحفہ پیش کیا اسٹیڈیم انچارج امام شاہ نے صافی حیات قریشی کو اجرک کا تحفہ پیش کیا-

آخر میں مہمان خصوصی نے جیتنے والی ٹیم کو ونر ٹرافی اور کیش پرائز جبکہ ہارنے والی ٹیم کو کیش پرائز دئیے ، مہمان خاص کے ساتھ دونوں ٹیموں کے کھلاڑیوں نے گروپ کی شکل میں فوٹو سیشن کرایا ،اس موقع پر یوسی انچارج عبدالسلیم محمدعلی بھرگڑی شاہزیب شاہ باغی ٹی وی نامہ نگار کے علاوہ دیگر افراد بھی موجود تھے-

کندھ کوٹ،باغی ٹی وی (نامہ نگارمختیاراعوان ) 6 ستمبر یوم دفاع ضلعی انتظامیہ کی طرف ریلی نکالی گئی
پورے ملک کی طرح کندھ کوٹ میں بھی شہداء کو خراج تحسین پیش کرنے کے لئے ڈپٹی کمشنر کشمور منور علی مٹھیانی کی ہدایت پر ایڈیشنل ڈپٹی کمشنر عبدالوہاب کی سربراہی میں ڈپٹی کمشنر آفس سے گھنٹہ گھر تک ریلی نکالی گئی۔

ریلی میں وفاقی اور صوبائی محکموں کے افسران اور شہریوں نے بڑی تعداد میں شرکت کی ۔ ریلی میں موجود شرکاء نے اپنے ہاتھ میں بینرز اور پلے کارڈز اٹھا کر پاکستان اور پاک فوج زندہ باد کے نعرے بلند کیے ۔

ریلی سے خطاب کرتے ہوئے ایڈیشنل ڈپٹی کمشنر اور دیگر کا کہنا تھا کہ 6 ستمبر یوم دفاع قومی دن کے تحت جوش و جذبے سے منایا جاتا ہے ۔اس خاص دن پر ‏1965 کی جنگ میں پاکستانی فوج کی بہادری اور قربانیوں کی یاد میں شہداء کو خراج تحسین پیش کیا جاتا ہے جو کہ ہماری ایک تاریخ ہے
اس دن بھارت کو عبرت ناک شکست ہوئی آج کے دن پاکستانی فوج کے جوانوں نے اپنی جان کے نذرانے دے کر ملک کی حفاظت کی ہم پوری قوم ان کو مل کر سلام پیش کرتے ہیں ۔

کندھ کوٹ ،باغی ٹی وی (نامہ نگارمختیاراعوان )یوم دفاع کے حوالے سے کیڈٹ کالج کرم پور میں شاندار تقریب کا انعقاد کیا گیا۔ کیڈٹس نے سندھی، اردو اور انگریزی میں تقاریر کیں اور مادر وطن کے تحفظ کے لیے جانوں کا نذرانہ پیش کرنے والے شہداء کو خراج عقیدت پیش کیا۔

اس موقع پر اپنے خیالات کا اظہار کرتے ہوئے وائس پرنسپل امجد علی چانڈیو نے کہا کہ 6 ستمبر کا دن پاکستان کی تاریخ میں انتہائی اہمیت کا حامل ہے کیونکہ اس دن ہم نے اتحاد، حوصلے اور بہادری سے بھارت کو شکست دی۔آج ہم اپنے ہیروز کی قربانیوں کو یاد کر رہے ہیں اور انہیں خراج عقیدت پیش کر رہے ہیں۔

کیڈٹ کالج کرم پور کے پرنسپل پروفیسر محمد ہاشم میمن نے اپنے خطاب میں کہا کہ آزادی ایک عظیم نعمت سے کم نہیں، آزادی کی قدر غلام ہی بہتر طریقے سے جان سکتا ہے، ہمیں خوشی ہے کہ ہمیں اپنے بزرگوں کی قربانیوں کے نتیجے میں آزادی ملی، یہی وجہ ہے کہ آج ہم آزاد فضاؤں میں زندگی گزار رہے ہیں۔ اس دن ہمیں یہ عہد کرنا چاہیے کہ علم کے میدان میں محنت کریں گے اور پوری قوم کو ترقی کی راہ پر گامزن کریں گے۔سائنسی علم اور جدید ٹیکنالوجی کے حصول کے لیے بھرپور کردار ادا کریں گے۔

اس کے بعد مختلف مقابلوں میں کامیابی حاصل کرنے والے کیڈٹس کو انعامات دیے گئے، جس میں اقبال ہاؤس کے کیڈٹ چمن عباس کو بہترین تقریر، کیڈٹ حسن مصطفیٰ کو بہترین تقریر کا ایوارڈ دیا گیا۔ بہترین ڈرائنگ اور کیڈٹ خادم حسین اور کیڈٹ مدثر کو مضمون نویسی میں بہترین کارکردگی پر ایوارڈ دیا گیا۔

سیالکوٹ۔ باغی ٹی وی(سٹی رپورٹر شاہد ریاض سے) سابق وزیر دفاع خواجہ آصف نے یوم دفاع کے موقع پر چونڈہ میں خطاب میں خطاب کرتے ہوئے کہا کہ 6 ستمبر تجدید عہد کا دن ہے اس دن فقید المثال قربانیاں دیں گئیں، ہم شہدا کو خراج تحسین پیش کرتے ہیں، کسی نے بھی ملک کی خلاف سازش کی تو عوام اور فوج اس اندرونی اور بیرونی دشمن کے سامنے سیسہ پلائی دیوار بن جائے گے

جنگ عظیم کے بعد دوسری بڑی ٹینکوں کی جنگ چونڈہ محاز پر لڑی گئی، پاک فوج کے بہادر سپاہی دشمن کے سامنے سیسہ پلائی دیوار بن گے، دشمن اپنی باقیات چھوڑ کر فرار ہوگیاتھا، ہماری نظریاتی اور جغرافیائی سرحدیں آج بھی قربانی مانگتی ہیں،

ہمیں دہشت گردی کا سامنا ہے،پاک فوج،رینجرز،ایف سی اور پولیس قربانیاں دے رہے ہیں، پاکستان آج پھر ایک ایسے موڑ پر کھڑا ہے، ہمیں ملکر پاکستان کے وجود کی حفاظت کے لئے اکٹھے ہونا چاہئے، شہدا کی عظیم قربانی کو قوم آج بھی یاد کرتی ہے،جو میلی آنکھ وطن عزیز کی جانب اٹھے گی اسے نکال دیں گے

یہ شہید ہمارے ہیرو ہیں، ہم شہدا کے خاندانوں کے احسان مند ہیں، ان شہدا نے اپنی جانیں قربان کر کے ہمارے گھروں کو محفوظ کیا ، ملک نازک دور سے گزر رہا ہے۔ مجھے یقین ہے ہم اس مشکل دور سے سرخرو ہوں گے

شہدا کی قربانیوں کو یاد رکھیں انہوں نے اپنا آج ہمارے کل کے لئے قربان کیا،ہماری فوج اور عوام متحد ہو کر اس ملک کے چپے چپے کی حفاظت کرے گی-

سیالکوٹ، باغی ٹی وی(سٹی رپورٹر شاہد ریاض)وزیر اعلیٰ پنجاب کا آئی جی کے ہمراہ اچانک سول ہسپتال کادورہ، ہسپتال کی حالت زار پر مایوسی کا اظہار،جلد ہسپتال کی حالت بہتر ہوتی نظر آئے گی، وزیر اعلیٰ کی اپنے دورہ سیالکوٹ کے موقع پر میڈیا سے گفتگو،

سیکرٹری ہیلتھ اور سیکرٹری سی اینڈ ڈبلیو بھی وزیر اعلیٰ کے دورہ کے موقع پر موجود تھے۔خاتون کی شکایت پر پولیس اہلکار اور سیکیورٹی گارڈ کے خلاف ایکشن

وزیراعلیٰ پنجاب اور آئی جی پنجاب کا گورنمنٹ علامہ اقبال میموریل ٹیچنگ ہسپتال کا اچانک دورہ کیا ،اس موقع پر سیکرٹری ہیلتھ اور سیکرٹری سی اینڈ ڈبلیو بھی موجود تھے،وزیر اعلی کے اچانک دورہ پر ہسپتال انتظامیہ کی دوڑیں لگ گئیں، وزیر اعلی نے اپنے دورہ کے دوران میڈیا سے گفتگو کرتے ہوئے کہا کہ جتنا بڑا شہر ہے اتنی سہولیات ہسپتال میں میسر نہیں ہیں۔ ہسپتال میں کھٹمل بھی پائے گئے ہیں اور دیگر سہولیات کا بھی فقدان ہے۔

اگلے تین چار ماہ کے دوران دوبارہ دورہ کروں گا۔آج ہی سے ہسپتال میں کام ہوتا نظر آئے گا۔ہسپتال کو سہولتیں فراہم کرناریاست کی زمہ داری ہے۔
جلد ہسپتال کی شکل نکل آئے گی۔ پیڈز وارڈ میں ایک ایک بیڈ پر چار چار بچے موجود ہیں لیکن سب کو طبی امداد اور ادویات مفت فراہم کی جارہی ہیں۔ 70،80 لوگوں سے بات چیت ہوئی جنہوں نے بتایا کہ ادویات مفت مل رہی ہیں۔ ہسپتال کی حالت زار کو درست کرنا حکومت کا کام ہے ڈاکٹروں کا نہیں۔برن یونٹ کے قیام کی کوشش کریں گے۔

وزیر اعلی کے دورہ کے موقع پر ایک خاتون نے شکایت کی کہ اس سے ایک پولیس اہلکار اور گارڈ نے رقم چھین لی ہے۔ وزیراعلی پنجاب نے خاتون کی شکایت پر آئی پنجاب کو فوری انکوائری کا حکم دے دیا، آئی جی پنجاب نے خاتون کی شکایت پر موقع پر ہی انکوائری کر دی گئی،گارڈ اور پولیس اہلکار ملوث پائے گئے، پولیس اہلکار اور پرائیوٹ گارڈ کو گرفتار کر لیا گیا،ملوث اہلکار اور پرائیوٹ گارڈ کے خلاف مقدمہ درج کرنے کا حکم دیا گیا ہے، پولیس اہلکار کے خلاف محکمانہ کارروائی کرکے ڈس مس کیا جائے گا،خاتون کی چار ماہ پہلے شادی ہوئی ہے خاوند نشہ کرتا ہے علاج کے لئے ہسپتال آئی تھی خاتون کرائے کے مکان میں رہتی ہے فوری اس کے کرائے کا انتظام کر دیا گیا ہے، خاتون کھانا بنانا جانتی ہے وزیراعلی نے جلدی نوکری کے انتظام بھی کا حکم دے دیا۔