Author: ڈاکٹرغلام مصطفی بڈانی

چونیاں ،باغی ٹی وی(نامہ نگار) اسسٹنٹ کمشنر کا مرکزی سبزی منڈی چونیاں کا اچانک دورہ نیلامی کے عمل کی چیگنگ اور صفائی ستھرائی کے معیار کا جائزہ لیا

تفصیلات کے مطابق اسسٹنٹ کمشنر چونیاں عامر بٹ نے سبزی منڈی چونیاں کا صبح اچانک دورہ کیا انہوں نے مختلف آڈھتوں پر جا کر فروٹ اور سبزیوں کی بولی کے عمل کا جائزہ لیا اسسٹنٹ کمشنر نے کہا آلو 60 , پیاز 70, ٹماٹر 68, ادرک 840، لہسن چائینہ 370, بھنڈی 68, شملہ 150, سبزمرچ 60, گوبھی 115, کریلہ فارمی 110، دیسی 130, ٹینڈا دیسی 400, بند گوبھی 110 اور گاجر چائینہ 90، لیموں 150, پالک 60،بینگن 90، سیب 170، 125، کیلا 140،80, انار بدانہ 300 , انار قندھاری 240 اور کھجور 200، 300، انگور 290، آم 150 روپے فی کلوگرام میں فروخت کی جائے زائد قیمت پر سبزیوں اور فروٹ فروخت کرنے والے دکانداروں کے خلاف سخت کارروائی عمل میں لائی جائے گی

پہلے کی طرح بھاری جرمانہ یا مقدمہ بھی درج کروایا جائے گا بمطابق نرخ نامہ مارکیٹ کمیٹی روزانہ کی بنیاد پر ہونگے اسسٹنٹ کمشنر نے اس موقع پر مارکیٹ کمیٹی ملازمین اور تمام تحصیل کے پرائس کنٹرول آفسران مقررہ کردہ ریٹس پر عملدرآمد کو یقینی بنائیں، لسٹ آویزاں رکھیں اور ناجائز منافع خوری کرنیوالوں کے خلاف سخت قانونی کارروائی عمل میں لائی جائے گی انہوں نے مزید کہا کہ سبزی منڈی کے دورے کا مقصد عوام کو مہنگائی سے ریلیف دلانا ہے آئیندہ بھی امن وامان کی فضا کو برقرار رکھا جائے گا معاشرے کو امن کا گہوارہ بنانا ہماری اولین ترجیح ہے

چونیاں،باغی ٹی وی (نامہ نگار)فاسٹ فوڈ برانڈ ‘Cheezious کو "ایمرجنگ برانڈ آف دی ایئر” بیسٹ برانڈ کے اعزاز سے نواز دیا گیا۔ہمارے Cheezious خاندان کے ہر فرد کی کوشش لگن اور جذبے نے ہمیں نئی ​​بلندیوں تک پہنچایا ہے اور صنعت کی بہتری کے لیے ایک معیار قائم کیا ہے میں سب کا مشکور ہوں برانڈ مالک عمران اعجاز

تفصیلات کے مطابق عمران اعجاز برانڈ مالک Cheezious نے صحافیوں کے وفد سے گفتگو کرتے ہوئے کہا کہ ہمیں فخر ہے کہ ہمارے فاسٹ فوڈ برانڈ کو عوام کے اعتماد اور اچھے معیار کی وجہ سے”ایمرجنگ برانڈ آف دی ایئر” بیسٹ برانڈ کے ایوارڈ سے نوازا گیا برانڈ آف دی ایئر کی تقریب میریٹ ہوٹل کراچی میں منعقد ہوئی جس میں پاکستان کے سابق وزیراعظم اور قومی اسمبلی کے اسپیکر راجہ پرویز اشرف نے بطور مہمان خصوصی شرکت کی۔

یہ ایوارڈ محنت کے بغیر ممکن نہیں تھا۔ہمارے Cheezious خاندان کے ہر فرد کی کوشش، لگن اور جذبے نے ہمیں نئی ​​بلندیوں تک پہنچایا ہے اور صنعت کی بہتری کے لیے ایک معیار قائم کیا ہے۔”ایمرجنگ برانڈ آف دی ایئر” کے طور پر پہچانا جانا ہمارے اس راستے پر یقین کو تقویت دیتا ہے۔

ہمیں اپنی حدود کو آگے بڑھانے کے لیے حوصلہ افزائی کرتا ہے۔ہم آپ سب کا تہہ دل سے شکریہ ادا کرتے ہیں، کیونکہ یہ سب کی اجتماعی کوششوں نے ہمیں کامیابی کے اس عروج پر پہنچایا ہے۔مستقبل میں اس سے بھی بڑے سنگ میل ایک ساتھ ہمارے کامیاب سفر کا آغاز ہے۔

ڈیرہ غازیخان(باغی ٹی وی ) حکومت پنجاب اور یونیسف کے اشتراک سے ای پی آئی سیمینار،میڈیا پرسنز کو آگاہی دی گئی
سیمینار میں ڈائریکٹر جنرل ہیلتھ جنوبی پنجاب ڈاکٹر مہر محمد اقبال، ایڈیشنل ڈائریکٹر ہیلتھ علی رضا مختار،ایس بی کنسلٹنٹ یونیسیف عقیل سرفراز،ہیلتھ آفیسر یونیسف ڈاکٹر سائرہ خان کی شرکت،

سی ای او ہیلتھ ڈاکٹر ادریس لغاری،ڈی ایچ او ڈاکٹر علی ہاشم کی سیمینارکے اختتامی وقت آمد،ڈائریکٹر جنرل ہیلتھ جنوبی پنجاب ڈاکٹر مہر محمد اقبال کی طرف سے سی ای او ہیلتھ ڈاکٹر ادریس لغاری،ڈی ایچ او ڈاکٹر علی ہاشم کے غیرسنجیدہ رویہ اور بروقت سیمینار سیشن میں نہ آنے پر تمام میڈیا پرسنز سے معذرت کی گئی

سیمینار میں ای پی آئی پروگرام بارے ڈیجیٹل میڈیا ٹرینڈز،مؤثر انفارمیشن اور معاشرے پر اسکے اثرات بارے گفتگوکی گئی۔یونیسیف کے کنسلٹنٹ برائے سماجی کردار عقیل سرفراز نے بریفنگ دیتے ہوئے بتایا کہ بچوں کی زندگی کے ابتدائی دو سال انتہائی اہم ہوتے ہیں ،اس دوران بچوں کو بیماریوں سے بچانے کیلئے حفاظتی ٹیکہ جات بہت ضروری ہیں،مؤثر ٹیکہ جات کی مہم کو کامیاب بنانے میں میڈیا کا کلیدی کردار ہے،جدید ڈیجیٹل کیمونیکیشن ٹرینڈز کی بدولت ہم ای پی آئی مہم کو کامیاب بنا سکتے ہیں۔

ڈائریکٹر جنرل ہیلتھ جنوبی پنجاب ڈاکٹر مہر محمد اقبال نے کہا کہ بچے ہمارا اثاثہ اورمستقبل ہیں،انہیں بیماریوں سے محفوظ رکھنا ہماری ذمہ داری ہے،جدید دور میں میڈیا کے تعاون کے بغیر کوئی مہم کامیاب نہیں ہوسکتی اور ہم میڈیا پرسنز کی رہنمائی کو سراہتے ہیں۔

ہیلتھ آفیسر ڈاکٹر سائرہ خان نے کہا کہ یونیسف محکمہ ہیلتھ حکومت پنجاب کیساتھ مل کر عوامی خدمت کو یقینی بناتا رہے گا۔ایڈیشنل ڈائریکٹر علی رضا مختار نے کہا کہ ہیلتھ سیکٹر میں طبی سہولیات کی شہریوں تک باآسانی رسائی کو یقینی بنایا جارہا ہے۔

ڈیرہ اسماعیل خان ،باغی ٹی وی (نامہ نگاراحمد نوازمغل) لاڑ ٹی بند دریائے سندھ پرسابقہ لڑائی جھگڑے کے تنازعہ پر اسلحہ ،ڈنڈوں و کلہاڑی سے مسلح 6ملزمان کی فائرنگ اور زد و کوبی سے 1نوجوان جاں بحق جبکہ 2زخمی ہوگئے، پہاڑ پور پولیس نے زخمی کی رپورٹ پر اس واقعہ کی دعویداری قتل و اقدام قتل کی دفعات کے تحت 6افراد کیخلاف درج کرلیا ہے

ڈیرہ اسماعیل خان کی دیگر خبریں

آل کلاس فور ملازمین ایسوسی ایشن کے وفد کی ضلعی صدر کریم نواز بلوچ کی قیادت میں تحصیل صدر برکت اللہ خان بلوچ کے والد محمد رمضان بلوچ کی وفات پر ان سے اظہار تعزیت ۔تفصیلات کے مطابق آل کلاس فور ملازمین کے وفد نے ضلعی صدر کریم نواز بلوچ کی قیادت میں آل کلاس فور ملازمین ایسوسی ایشن کے تحصیل صدر برکت اللہ خان بلوچ کی رہائشگاہ پر ان کے والد محمد رمضان بلوچ کی وفات پر اظہار تعزیت کیا
———————————-
ڈیرہ اسماعیل خان : حکومتیں ایک دوسرے پر الزام تراشی کی بجائے عوام کو ریلیف دیں موجودہ وقت میں مہنگائی عروج پر اور عوام کا پوچھنے والا کوئی نہیں انتخاب خان چمکنی پاکستان مسلم لیگ ق کے صوبائی صدر انتخاب خان چمکنی نے موجودہ مہنگائی پر پریس سے بات چیت کرتے ہوئے کہا کہ جو بھی حکومت آتی ہے وہ پچھلی حکومت پر تمام برائیوں کا ملبہ ڈالتی ہے لیکن خود کچھ نہیں کرتے اس وقت لوگوں کا یہ عالم ہے کہ بجلی کے بل انتہائی زیادہ لوڈشیڈنگ حد سے زیادہ ہے عوام پر بلوں کے زریعے بوجھ ڈالا جا رہا ہے حکومت صرف آئی ایم ایف کے ساتھ معاہدوں میں مصروف ہے لیکن عوام پر کھانے پینے کی چیزوں سے لے کر پٹرول گیس بجلی دیگر ضروریات کی اس قدر مہنگی ہو چکی ہے کہ عوام کا خرید و فروخت مشکل ہو گیا ہے عوام بے بسی اور مایوسی کے عالم میں بے یار و مددگار ہے لوگ مہنگائی کی وجہ سے خودکشی کرنے پر مجبور ہیں اور سول نافرمانی کی طرف بڑھ رہے ہیں جس سے لا اینڈ آرڈر خراب ہو رہا ہے ،
——————————
ڈیرہ اسماعیل خان : گرہ محبت اڈا پر اجناس کی دکان میں آگ کے واقع میں دکان مالک زخمی ، دکان میں موجود 5لاکھ 35ہزار روپے کی نقدی ، 10بوری گندم ،20بوری چنا وغیرہ جل کر خاکستر ہوئے، چچا کی رپورٹ پر ہتھالہ پولیس نے واقعہ کا مقدمہ درج کرلیا
—————————-
ڈیرہ اسماعیل خان : ایس ایچ او تھانہ صدر عمر فاروق مروت نے گرہ محبت میں قتل و اقدام قتل اور اسلحہ کیس کے اشتہاری ملزمان کو پناہ و خوراک دینے پر اس کے دو سہولت کاروں کو گرفتار کرلیا ۔
—————————-
ڈیرہ اسماعیل خان : گومل یونیورسٹی وینسم کالج کا اعزاز بورڈ آف انٹرمیڈیٹ اینڈ سیکنڈری ایجوکیشن ڈیرہ اسماعیل خان کے سالانہ میٹرک نتائج میں پہلی 10پوزیشن میں یونیورسٹی وینسم کے 4طلبا شامل،وائس چانسلر گومل یونیورسٹی پروفیسر ڈاکٹر شکیب اللہ کا پرنسپل وینسم کالج فتح خان سلیمان خیل کو اور ان کی پوری ٹیم کو بہترین کارکردگی پر خراج تحسین پیش کیا ۔

ڈیرہ اسماعیل خان ،باغی ٹی وی(نامہ نگار احمد نواز مغل) المعز انڈسٹریز لمیٹڈ ڈیرہ نے حسب روایت سال 2022-23میں ملز کو گنا اور چقندر سپلائی کرنے والے زمینداروں میں سے قرعہ اندازی کے ذریعے عمرہ کا ٹکٹ جیتنے والے دو خوش نصیب زمینداروں شاہ نواز گائوں اعوان اور اعجاز الحق موضع شاہدائو ررنگپور کو ریذیڈنٹ ڈائریکٹر المعز انڈسٹریز لمیٹڈ ڈیرہ محمد بلال بھٹی اور راناسجاد حسین نے عمرہ ادائیگی کیلئے چیک تقسم کئے ،

چیک وصول کرتے وقت زمینداروں نے انتہائی خوشی کا اظہار کیا اور ملز کے اس اقدام کو سراہتے ہوئے ملز کی ترقی و خوشحالی کیلئے ڈھیروں دعائیں کیں، اس موقع پر محمد بلال بھٹی نے زمینداروں کو خوشخبری دیتے ہوئے بتایا کہ ملز مالکان نے الگے سال کیلئے 4عمرہ کے ٹکٹ دینے کی منظوری دی ہے۔

اس موقع پر رانا سجاد حسین (جنرل منیجر )نے زمینداروں کے ملز کے ساتھ تعاون کرنے پرانکا شکریہ ادا کیا اور اس کے ساتھ ساتھ انہوں نے چقندراور گنے کی زیادہ سے زیادہ کاشت پر زور دیا ، انہوں نے بتایا کہ زمیندار اس وقت بجلی کے بلوں ، کھادوں اور ڈیزل کی قیمتوں میں بے پناہ اضافے پرپریشانی کا شکار ہیں،

لیکن المعز انڈسٹریز لمیٹڈ اپنے زمیندار بھائیوں کے شانہ بشانہ کھڑی ہے، ملز اپنے زمینداروں کو مناسب ریٹ پر معیاری کھادیں اور زرعی ادویات فراہم کریگی اور آبپاشی کے مسائل کو حل کرنے کیلئے پچھلے سال کی طرح اس سال بھی تقریباً دو سو سولر ٹیوب ویل فراہم کرنے کا ادارہ رکھتی ہے۔