Author: ڈاکٹرغلام مصطفی بڈانی

ڈیرہ غازیخان (باغی ٹی وی)حکومت پنجاب مہنگائی کو کنٹرول کرنے اور عوام کوریلیف دلانے کیلئے کوشاں ہے

مانیٹرنگ کیلئے وزراء،مشیروں،کمشنرز،ڈپٹی کمشنرز کو منڈیوں کے دوروں کی ہدایت،سرکاری قیمتوں پر عملدرآمد یقینی بنانے،ریٹ لسٹوں کو نمایاں جگہوں پر آویزاں کرنے کے احکامات جاری کئے گئے ہیں،ڈیرہ غازیخان میں بھی حکومتی احکامات پر فوری عملدرآمد کیلئے انتظامی افسران اور پرائس مجسٹریٹس کو ٹاسک دیدیا گیا ہے۔

ڈپٹی کمشنر مہر شاہد زمان لک کی زیرصدارت پرائس کنٹرول مجسٹریٹس کا ہنگامی اجلاس کمیٹی روم میں منعقد ہوا۔ اجلاس میں ایڈیشنل ڈپٹی کمشنرز رضوان نذیر،محمد اسد چانڈیہ،اسسٹنٹ کمشنرز عثمان غنی،زاہد اقبال،طارق شبیر اور پرائس مجسٹریٹس نے شرکت کی۔

ڈ پٹی کمشنر مہر شاہد زمان لک نے خطاب کرتے ہوئے کہا کہ مہنگائی کنٹرول کرنے بارے وزیر اعلیٰ پنجاب کے احکامات پر عمل درآمد کو یقینی بنایا جائے گا،خود ساختہ مہنگائی سے عوام کو مشکلات کا سامنا ہے،مہنگائی ختم کرکے لوگوں کو حقیقی ریلیف دلائیں گے،،

ڈپٹی کمشنر نے کہا ذخیرہ اندوزوں،منافع خوروں کیخلاف زیرو ٹالرنس پالیسی اپنائی جائے،میں خود اور انتظامی افسران منڈیوں میں نیلامی عمل کا معائنہ کرینگے،ہر پرائس مجسٹریٹ فیلڈ میں روزانہ50انسپکشن ضرور کرے،نیلامی عمل کی روزانہ کی بنیاد پر پڑتال کی جائے گی،

ڈپٹی کمشنر نے احکامات پر فوری عمل کو یقینی بنانے کی ہدایت کرتے ہوئے کہا کہ ناقص کارکردگی والوں کے خلاف پیدا ایکٹ کے تحت کارروائی کی جائیگی،افسران فیلڈ میں رہیں،منافع خوروں کو نشان عبرت بنائیں گے،تمام تر معاملات میں شفافیت لائی جائے .

کندھ کوٹ ،باغی ٹی وی (نامہ نگارمختیاراعوان)ڈپٹی کمشنر کشمور منور علی مٹھيانی نے سندھ حکومت، یو ایس ایڈ اور پاتھ فائنڈر کے مشترکہ تعاون سے 11 ایل ایچ وی کو لیبر روم کا سامان فراہم کیا۔
تفصیلات کے مطابق آج ڈپٹی کمشنر کشمور منور علی مٹھيانی ڈی ایچ او بابو لال سول ہسپتال نے نرسنگ سکول مین 11 LHVs کو لیبر روم کا سامان دیا، اس موقع پر پاتھ فائنڈر کے ڈسٹرکٹ کوآرڈینیٹر اشفاق احمد نے کہا کہ یونین کونسل کی سطح پر حکومت سندھ، یو ایس ایڈ اور پاتھ فائنڈر کے مشترکہ تعاون سے ایل ایچ وی کو لیبر روم کا سامان دیا جا رہا ہے تاکہ ایل ایچ وی اپنے گاؤں کے غریب اور ناقابل رسائی لوگوں کی صحت کے حوالے سے مدد کر سکیں۔

اس موقع پر پرنسپل نرسنگ سکول میڈم سشیلا مہیندر، میڈم ماہ جبین، ڈاکٹر محمد یوسف بھی موجود تھیں۔ اس کے بعد ڈپٹی کمشنر اور ڈی ایچ او نے سول ہسپتال میں ڈائیلاسز سنٹر کا دورہ کیا اور حکومت کی جانب سے ملنے والی نئی ڈائیلاسز مشین کا معائنہ بھی کیا۔ اس کے بعد ڈپٹی کمشنر اور ڈی ایچ او سرسو اور این آر ایس پی کے تعاون سے نجی ہوٹل میں ملیریا کیس مینجمنٹ کی تین روزہ ٹریننگ کی اختتامی تقریب میں پہنچے اور میڈیکل آفیسرز، ڈسپنسریوں اور ہیلتھ ٹیکنیشنز کو سرٹیفیکیٹس سے نوازا۔

واضح رہے کہ ملیریا سے متعلق میڈیکل آفیسرز، ڈسپنسریوں اور ہیلتھ ٹیکنیشنز کو تین روزہ ملیریا کیس مینجمنٹ ٹریننگ دی گئی تاکہ مریضوں کی صحیح تشخیص اور علاج کیا جا سکے۔

اوچ شریف باغی ٹی وی (نامہ نگار حبیب خان) الائیڈ پبلک ہائی سکول کے ہونہار طالب علم سید نفیس حسین رضوی نے بورڈ آف انٹرمیڈیٹ اینڈ سیکنڈری ایجوکیشن بہاولپور کے سالانہ امتحانات 2023 جماعت نہم میں شاندار کامیابی حاصل کی الائیڈ پبلک سکول کے ہونہار طالب علم سید نفیس حسین رضوی نے 555 نمبروں میں سے 496 نمبر حاصل کر کے اول پوزیشن حاصل کی

جس پر احمد پور شرقیہ کے معززین ناصر خان نیازی چوہدری سہیل احمد قادری عمران حفیظ خان سید خواجہ محبوب الحسن سید سبطین حیدر بخاری چوہدری محمد ساجد وڑائچ شھباز حسین بڈانی ارشاد خان بلوچ شفیق عطاری محمد اکبر خان سجاد خان کلاچی ایڈووکیٹ ساجد سراج جلوانہ ایڈووکیٹ محمد محسن کلاچی سید غلام حسنین رضا بخاری سید ناظم علی بخاری سبز پوش زاہد حسین مغل سید رضا حسین رضوی سید الیاس حسین رضوی سید ابرار حسین رضوی سید خضر عباس رضوی علی حمزہ خان جلوانہ علی حسین جلوانہ علی اکبر مسلم قریشی سید تصور حسین رضوی علی لعل خان جلوانہ سید نجف حسین رضوی اور ہردلعزیز شخصیت اےڈی خان جلوانہ نے الائیڈ پبلک سکول کے پرنسپل حسن رسول اور ہونہار طالب علم سید نفیس حسین رضوی اور انکے والد ماجد سینئر صحافی سید صدا حسین مبین رضوی کو دل کی اتھاہ گہرائیوں سے مبارک باد پیش کی

ڈیرہ اسماعیل خان،باغی ٹی وی (نامہ نگاراحمدنوازمغل) وائس چانسلر زرعی یونیورسٹی پروفیسر ڈاکٹر شکیب اللہ کا ریڈیو پاکستان ڈیرہ اسماعیل خان کے اسٹیشن کا دورہ اور پودا لگا کر مون سون شجرکاری مہم کا بھی افتتاح کیا اسٹیشن ڈائریکٹر نجم الحسن نے وائس چانسلر پروفیسر ڈاکٹر شکیب اللہ کا استقبال کیا وائس چانسلر پروفیسر ڈاکٹر شکیب اللہ نے ٹرانسمیٹر ہال سٹوڈیوز اور دیگر حصوں کا بھی دورہ کیا

ریڈیو پاکستان کے عملے سے گفتگو کرتے ہوئے وائس چانسلر پروفیسر ڈاکٹر شکیب اللہ نے کہا کہ ریڈیو پاکستان کی اہمیت ختم نہیں ہو سکتی، ریڈیو پاکستان سے ہمارے دور دراز کے علاقوں میں رہنے والے لوگ ملکی صورتحال اور دیگر خبروں سے باخبر رہتے ہیں ، وائس چانسلر پروفیسر ڈاکٹر شکیب اللہ نے کہا کہ گومل یونیورسٹی اور زرعی یونیورسٹی کے اثاثہ جات کی تقسیم بہت جلد ہو جائے گی، جس یونیورسٹی کا جو حق ہوگا اس یونیورسٹی کو پورا ملے گا، ہم کوشش کر رہے ہیں کہ زرعی یونیورسٹی میں نمبر آف سٹوڈنٹ کو بڑھایا جائے

زرعی یونیورسٹی کی کامیابیوں کا سفر تیزی سے جاری ہے زرعی یونیورسٹی ڈیر اسماعیل خان نے نہایت ہی کم عرصے میں تعلیمی میدان میں اپنا لوہا منوایا ہے ،زرعی یونیورسٹی میں اس وقت داخلوں کا سلسلہ شروع ہی یونیورسٹی علاقے میں تعلیمی میدان میں بہت تیزی سے کام کر رہی ہے ،زرعی یونیورسٹی میں جدید شعبہ جات میں داخلوں سے یہاں کے علم کے متلاشی جوانوں کو تعلیمی پیاس بجھانے کے لیے اب کہیں اور نہیں جانا پڑے گا بلکہ ان کو گھر کی دہلیز پر تعلیم دینے کا بیڑا اٹھایا ہوا ہے

وائس چانسلر پروفیسر ڈاکٹر شکیب اللہ نے مزید کہا کہ ادارے وسائل کی کمی سے نہیں بد نظامی سے ناکام ہوتے ہیں سرکاری پیسہ قومی امانت ہے اسے دیانت داری اور ایمانداری سے استعمال کیا جا رہا ہے بہتر انتظامی اقدامات کے باعث بچت ہو رہی ہے ادارے کی کی کامیابی استحکام و مضبوطی اور بقا و سلامتی کی خاطر میڈیا کا تعاون چاہیے

مختصر عرصے میں یونیورسٹی کے ماحول اور تعلیمی و انتظامیہ امور میں واضح بہتری دکھائی دینے لگی ہے، ملک کے مختلف اضلاع سے طالب علم زرعی یونیورسٹی ڈیرہ اسماعیل خان میں داخلے کے خواہش مند ہیں زرعی یونیورسٹی اب نئی بلڈنگ میں شفٹ ہو چکی ہے جس میں تمام سہولیات طلبہ و طالبات اور اسٹاف کو دی گئی ہیں ۔