Author: ڈاکٹرغلام مصطفی بڈانی

احمد پور شرقیہ،باغی ٹی وی (ملک الیاس کلیار )محراب والا بستی نظیر آباد میں مزدوروں اور غریبوں کا بجلی کے بھاری بلوں پر احتجاج مزدور لوگوں کا کہنا ہے کہ ہم اپنے بچوں کا پیٹ پالیں یا بجلی کے بل بھریں ۔

حکومت وقت سے اپیل ہے کہ ہمارے اوپر رحم کھائیں ورنہ خودکشی کرنا ہمارے لیے آخری آپشن ہوگا۔مظاہرین نے دوران احتجاج بجلی کے بل بھی ہاتھوں میں اٹھا رکھے تھے

غریب مزدوروں نے حکومت کے خلاف احتجاجی مظاہرہ کیا اور ظلم کیخلاف نعرے بازی کی۔ مظاہرے میں بڑی تعداد میں عوام نے بھی شرکت کی

سرگودھا،باغی ٹی وی( نامہ نگار ملک شاہنوازجالپ سے ) پاکستان کسان اتحاد تنظیم سرگودھا کے چیئرمین محمد یونس رانجھا ، صدر عمران رانجھا اور جنرل سیکرٹری وقاص نون نے سرگودھا پریس کلب میں پریس کانفرنس سے خطاب کرتے ہوئے کہا ہے کہہ کل 12 بجے دن ضلع بھر کے کسان مرکزی چیئرمین خالد حسین باٹھ کی قیادت میں یوریا کھاد کی بلیک میں فروخت اور بجلی کے بلوں میں اضافہ کے خلاف سیال موڑ انٹر چینج پر احتجاجی دھرنا دیں گے

انھوں نے کہا کہہ کھاد کا جولائی میں سرکاری ریٹ 3170 روپے تھا اور ریٹ میں پٹرول کی قیمت کی طرح اضافہ ہو رہا ہے سرکاری ریٹ پر کھاد کا ایک گٹو بھی دستیاب نہیں ہوتا اور فی گٹو ایک ہزار روپے بلیک میں لیا جارہا ہے 3200 والا گٹو 4200 روپے کا غنڈہ گردی کے ساتھ فروخت کیا جارہا ہے اور کسان بلیک میں کھاد خریدنے پر مجبور ہیں۔

انھوں نے کہا کہہ سرگودھا سمیت ملک بھر میں جعلی دودھ کی فیکٹریاں لگی ہوئی ہیں جس میں خشک دودھ ،یوریا کھاد اور دیگر کیمیکل ملا کر دودھ بنایا جاتا ہے یہ دھندا محکمہ فوڈ اتھارٹی کی ملی بھگت سے ہورہا ہے ،جعلی دودھ سے نہ صرف معصوم بچے اور شہری بیماریوں میں مبتلا ہورہے ہیں اور جعلی دودھ کی فروخت سے کسانوں کا بھی استحصال بھی ہو رہا ہے ۔

انھوں نے کہا کہ کھاد سمیت تمام زرعی ادویات اور مشینری وغیرہ میں اجناس کی قیمتوں میں اضافہ کی شرح کے حساب سے اضافہ کیا جائے۔

انھوں نے مزید کہا کہ محمکہ زراعت اور محکمہ فوڈ اتھارٹی کرپشن میں اضافہ کا باعث بن گئے ہیں اور عوام کو کچھ ڈلیور نہیں کررہے۔ اس لئے بہتر ہوگا کہہ ان محکموں کو بند کردیا جائے۔

انھوں نے کسانوں اور شہریوں سے اپیل کی کہ وہ دھرنا میں شرکت کریں تاکہ اپنے اپنے حقوق کا تحفظ کیا جا سکے اس موقع پر صحافیوں کی بڑی موجود تھی۔

شیخوپورہ ،باغی ٹی وی(نامہ نگارمحمد طلال سے) شیخوپورہ نارووال روڈ پر ٹھٹھہ نہرے کے قریب 4 ڈاکوؤں نے موٹرسائیکل نہ روکنے پر نوجوان شاہ نواز کو فائرنگ کر کے شدید زخمی کر دیا اور فرار ہوگئے شاہ نواز کو سول ہسپتال پہنچا دیا گیا ہے

دریں اثناء تھانہ سٹی بی ڈویژن پولیس کے علاقہ رحمت کالونی میں تاجر حاجی شیخ محمد یاسین کے گھر میں رات کی تاریکی میں چوروں کا گروہ داخل ہو کر ہزاروں روپے مالیت کا سامان لے کر فرار ہوگیا۔

میرپور ماتھیلو(باغی ٹی وی نامہ نگار مشتاق علی لغاری) مہنگائی نے غریب آدمی کو زندہ درگور کردیا
دیہاڑی دار مزدور تو دو وقت کی روکھی روٹی بھی پیٹ بھرکر نہیں کھا سکتا ہے ، صبح سے شام مزدور آدمی مزدوری کرتا ہے، اس کی دیہاڑی میں دن بدن کمی ہوتی جارہی ہے بے روزگاری عام ہے ،ایک مزدور بمشکل 500 سے 700 روپے کماتا ہے،مزدورکی مزدوری کے برعکس اشیائے ضروریہ کی قیمتیں آسمان تک پہنچ چکی ہیں آٹا 150 روپے ،چاول 240 روپے کلو ، گھی 600 روپے، چینی 160 روپے کلو ،چنا دال 300 روپے کلو ،مونگ دال 350 روپے کلو، چاۓ کا ایک کلو 1500روپے اور کھانے پینے کی دیگراشیاکی قیمتوں ہوشربااضافہ ،

مہنگائی کی وجہ سے غریب عوام خودکشی کرنے پر مجبور ہو گئی ہے ،شہریوں نے حکام بالا سے مہنگائی پر قابو پانے کی اپیل کی ہے تاکہ غریب مزدور دو وقت کا کھانا پیٹ بھر کرکھا سکے

اوچ شریف باغی ٹی وی ( نامہ نگار حبیب خان) یوریا کھاد کا بحران ایک بار پھر شدت اختیار کر گیا، شہر بھر میں کھاد کی بلیک پر دھڑلے سے فروخت جاری، اسسٹنٹ کمشنر احمد پور شرقیہ کھاد مافیا کے سامنے ڈھیر، تحصیل انتظامیہ کا مبینہ معقول ” مال ” لیکر کسانوں کا خون نچوڑنے کی کھلی چھوٹ دینے بارے انکشاف،کاشتکاروں کا کوئی پرسان حال نہیں۔نئی کاشتہ فصلات دھان و مکئی کیلئے یوریا کھاد نایاب ہوگئی،

تفصیل کے مطابق اوچ شریف شہر اور گردونواح میں یوریا کھاد چار ہزار روپے تک بلیک میں فروخت ہورہی ہے جبکہ یوریا کا کنٹرول ریٹ تین ہزار ایک سو روپے ہے جس کے باعث یوریا کھاد ناپید ہے، ڈیلر حضرات کھاد بلیک میں من مانے ریٹوں پر فروخت کررہے ہیں جبکہ لگے ہاتھوں مبینہ جعلی کھاد کی فروخت بھی دھڑلے سے جاری ہے ۔ اسسٹنٹ کمشنر احمد پور شرقیہ اور محکمہ زراعت کا عملہ فوٹو سیشن کرکے سب اچھا ہے کی رپورٹ دے کر اپنا فرض پورا کردیتا ہے اور غریب کسان مہنگے داموں جعلی کھاد خریدنے پر مجبور کردیا گیا ہے،

کاشتکاروں کے مطابق حکومت پنجاب کے دعوے اور نعرے صرف پینا فلیکس کے اشتہارات کی حد تک ہی رہ گئے ہیں، یوریا کھاد نہ ملنے کے باعث کاشت کی گئی فصلات شدید متاثر ہونے کا خدشہ پیدا ہورہا ہے ۔باوثوق زرائع کے مطابق ڈیلرز نے کھاد اپنے گوداموں میں چھپا رکھی ہے، محکمہ زراعت فیلڈ آفیسران کھاد کی سرکاری نرخوں میں فروخت کرانے میں بے بس دیکھائی دے رہے ہیں، جبکہ انتظامیہ کے کچھ ملازمین کا کھاد مافیا کے ساتھ مبینہ گٹھ جوڑ ہونے بارے بھی انکشاف ہوا ہے،

کاشتکاروں، سیاسی و سماجی شخصیات ملک ظہورِ احمد سابق کونسلر، ملک شفیع اعوان، محمد عارف، ملک محمد عطاء حسین، ملک حاجی احمد، ملک صدیق اکبر، ملک صابر رڈ، سید ہاشم رضا شاہ، سید مرتضی رضوی، زین حیدر بخاری اور ملک پرویز خان و دیگر نے میڈیا کو انٹرویو دیتے ہوئے کہا کہ اوچ شریف شہر گردونواح کے علاقوں میں ڈیلروں نے یوریا کھاد اپنے خفیہ گوداموں میں سٹاک کر رکھی ہے عام کسانوں کو کھاد نہ ہونے کا کہہ کر ٹرخا دیا جاتا ہے

جبکہ بلیک میں 3100سو روپے والی یوریا کھاد 4500روپےتک فی بوری کے حساب سے فروخت کی جارہی ہے جوکہ سراسر ظلم ہے، اور اس بارے انتظامیہ کی مجرمانہ خاموشی سمجھ سے باہر ہے، انہوں نے ڈپٹی کمشنر بہاولپور سے اپیل کی ہے کہ بڑے مگرمچھوں کے گوداموں پر چھاپے مارے جائیں اور کھاد کو کنٹرول ریٹ پر فروخت کرایا جاۓ

اوچ شریف باغی ٹی وی (نامہ نگار حبیب خان) شہر فلتھ ڈپو میں تبدیل، جگہ جگہ گندگی کے ڈھیر تعفن اور بیماریاں پھیلانے کا باعث بننے لگے ، میونسپل کمیٹی صفائی ملازمین نے خاموشی اختیار کرلی ، شہری سراپا احتجاج،

تفصیلات کے مطابق اوچ شریف شہر و ملحقہ آبادیوں میں کچرے وگندگی کے ڈھیر لگے ہوئے ہیں جس کیوجہ سے شہری مہلک بیماریوں میں مبتلا ہو کر ہسپتالوں کا رخ کرنے پر مجبور ہیں ، میونسپل کمیٹی کے ذمہ داران سب اچھا ہے کا راگ آلاپ رہے ہیں جبکہ حقائق اس کے بالکل برعکس ہیں۔

شہریوں نےمیڈیانمائندگان سے گفتگو کرتے ہوئے بتایا کہ میونسپل کمیٹی میں درجنوں کی تعداد میں سینٹری ورکرز تعینات ہیں، سپروائزروں کی سرپرستی میں سینٹری ورکرز پلازوں، کوٹھیوں اور سرکاری افسران کے ڈیروں پر ڈیوٹیاں سرانجام دے رہے ہیں جس کیوجہ سے شہری آبادیوں کے اندر کچرے کے ڈھیر لگے ہوئے ہیں ،

سینٹری ورکرز موٹی ” کمائی ” کے چکر میں نجی پلازوں ، مارکیٹوں میں کام کرنے کو زیادہ ترجیح دیتے ہیں جس کی بنیادی وجہ میونسپل کمیٹی کے سپروائزر سینٹری ورکروں کی محض اس لئے سرپرستی کرتے ہیں کہ سینٹری ورکر اپنی تنخواہ میں سے کچھ حصہ سپروائزروں کو بھی ادا کرنے بارے انکشاف ہوا ہے،

شہریوں نے ارباب اختیار سے مطالبہ کیا ہے کہ میونسپل کمیٹی میں تعینات سینٹری ورکرز کو اندرون شہر میونسپل کمیٹی کے علاقوں میں صفائی ستھرائی کرنے کا پابند بنایا جائے تاکہ شہری آبادیوں میں پھیلنے والی گندگی کا خاتمہ ممکن ہو سکے اور شہری صاف ستھری آب و ہوا میں زندگیاں بسر کر سکیں

چترال(باغی ٹی وی ) چترال شہر کیلئے پینے کے صاف پانی کو پائپ لائن کے ذریعے 14 سال قبل گولین کے قدرتی چشمے سے لایا گیا تھا مگر سڑک کی کشادگی کی وجہ سے اب یہ پائپ لائن سڑک کے بیچ میں آگئی ہے اور اس سڑک پر مال بردار ٹرکوں کے گزرنے سے اس پائپ لائن کے متاثر ہونے کا شدید خطرہ پیداہوگیا ہے۔ علاقے کے لوگ مطالبہ کرتے ہیں کہ پہلےاس پائپ لائن کو محفوظ جگہ منتقل کیا جائے پھرسڑک کی تعمیر شروع کی جائے تاکہ پچاس ہزار لوگ پینے کے صاف پانی سے محروم نہ ہو۔ تفصیل گل حماد فاروقی کی اس رپورٹ میں

چترال(باغی ٹی وی ) چترال شہر کیلئے پینے کے صاف پانی کو پائپ لائن کے ذریعے 14 سال قبل گولین کے قدرتی چشمے سے لایا گیا تھا سڑک کی کشادگی سے یہ پائپ لائن درمیان میں آگئی ہے ،تفصیل گل حماد فاروقی کی اس رپورٹ میں@BaaghiTV @MumtaazAwan @GulHamaadFarooq #Chitral #NHA #KPK #PHE pic.twitter.com/X9fJDXw8cH

— QNN WORLD (@QNN_World) August 22, 2023