Author: ڈاکٹرغلام مصطفی بڈانی

میہڑ،باغی ٹی وی (نامہ نگارمنظورعلی جوئیہ)جشن آزادی کے موقع پر مزہبی جماعت کی جانب سے شاندار ریلی نکالی گئی
14آگشت جشن آزادی کے موقع پر اہلسنت والجماعت کی جانب سے مسجد علی مرتضیٰ سے پریس کلب تک مولانامنظورچانڈیو کی جانب سے پاکستان کاپرچم ہاتھوں میں اٹھاکر پاک آرمی زندہ آباد ،پاکستان زندہ آباد اور ہندوستان مردہ باد کے نعرے لگائے –

انہوں نے خطاب کرتے ہوئے کہاکہ پاکستان کا ہر فرداور بچہ بچہ پاک آرمی کے ساتھ ہے اورانشاء اللہ ایک ایسا ضرور آئے گا جب مقبوضہ کشمیربھارتی غاصبوں کے شکنجے سے آزاد ہوکرپاکستان میں شامل ہوگا-

میرپور ماتھیلو،باغی ٹی وی( نامہ نگار مشتاق علی لغاری)76واں یوم آزادی جوش جذبے سے منایا جارہا ہے
جشن آزادی کے پروگراموں کے سلسلہ میں میرپورماتھیلو کے علاقہ جروارکے قریب گاؤں خدابخش لغاری کے پرائمری سکول میں جشن آزادی کے دن کی مناسبت ایک پروگرام منقعد کیا گیا جس میں سکول کے بچوں ،اساتذہ اور والدین بھرپور شرکت کی ،

سکول کی رنگارنگ تقریب میں بچوں نے ملی نغمے،ٹیبلوزکے علاوہ جشن آزادی کی مناسبت سے تقاریر کیں، بچوں نے اپنی تقاریرمیں قائداعظم محمد علی جناح اور ان کے ساتھیوں کو سلام پیش کیااورمسلمانان ہند کی انتھک جدوجہد کے بعد ہماراپیارے وطن پاکستان کو آزادی ملی، آج ہم آزادفضاؤں میں سکون کی زندگی گزار رہے ہیں

کندھ کوٹ ،باغی ٹی وی (نامہ نگار مختیاراعوان)پورے ملک کی طرح کندھ کوٹ میں بھی 76 واں یوم آزادی جوش و جذبے اور کشمیریوں سے یکجہتی کے تحت منی اسٹیڈیم کندھ کوٹ میں منایا گیا
جشن آزادی کا آغاز ڈپٹی کمشنر منورعلی مٹھیانی ،چیئرمین گل محمد جکھرانی وائس چیئرمین الطاف خان کوسو، ڈی ایس پی سید اصغر علی شاہ، سید بشیر شاہ اور دیگر شہر کے معززین نے مقررہ وقت پر پاکستانی پرچم کشائی کرکے نیک تمناؤں اور دعاؤں کے ساتھ کیا گیا ۔

کندھ کوٹ ،باغی ٹی وی (نامہ نگار مختیاراعوان)پورے ملک کی طرح کندھ کوٹ میں بھی 76 واں یوم آزادی جوش و جذبے اور کشمیریوں سے یکجہتی کے تحت منی اسٹیڈیم کندھ کوٹ میں منایا گیا@BaaghiTV @MumtaazAwan pic.twitter.com/6XlFnx8a0T

— QNN WORLD (@QNN_World) August 14, 2023

سندھ پولیس اور اسٹوڈنٹ اسکاؤٹس کی جانب سے گارڈ آف آنر پیش کیا گیا اس کے بعد منی اسٹیڈیم میں ایک پروقار تقریب کا انعقاد کیا گیا جس میں ضلعی انتظامیہ مختلف سیاسی سماجی تنظیمیں، شہری ،اساتذہ و طلباء اور صحافی برادری نے بڑی تعداد میں شرکت کی ۔

تقریب میں موجود شرکاء نے بینرز اور پلے کارڈز اٹھائے رکھے تھے، پاکستانی پرچم کے ساتھ پاکستان زندہ باد، پاک فوج زندہ باد کے نعرے بلند کئے ۔ تقریب کی شروعات کلام پاک حمد و نعت سے کی گئی جس کے بعد طلباء نے حب الوطنی کے حوالے سے مختلف تقاریر پیش کی ۔

تقریب سے خطاب کرتے ہوئے ڈپٹی کمشنر منورعلی مٹیانی,چیئرمین گل محمد جکھرانی اور دیگر کا کہنا تھا کہ پاکستان ہمارے بڑوں کی قربانیوں اور قائد اعظم محمد علی جناح کی جدوجہد سے حاصل ہوا ہے آزادی نعمت ہے جس کی جتنی قدر کی جائے اتنی کم ہے پاکستان کی جدوجہد میں سندھ کے لوگوں کا بہت بڑا کردار ہے اس دن کو ہم اپنے بڑوں کی قربانیوں کو یاد کرتے ہوئے جوش و جذبے سے یہ دن مناتے ہیں

کشمیری بھائیوں سے یکجہتی میں ان کا کہنا تھا کہ بھارت نے نہتے کشمیریوں پر ظلم کی انتہا کر دی ہیں ہم کشمیریوں کے ساتھ ہیں اور ہمیشہ ساتھ رہیں گے تقریب کے اختتام پر تقریر کرنے والے طلباء کو انعام پیش کئے گئے ،

آئے ہوئے تمام معزز مہمانوں کو جشن آزادی کے حوالے سے مٹھائی پیش کی گئی ۔اس کے ساتھ ساتھ یوم آزادی کے موقع پر رات کو کیک اور آتش بازی بھی کی گئی۔ ضلع کندھ کوٹ میں وفاقی اور صوبائی دفاتر کو روشنیوں اور پاکستانی پرچموں سے سجایا گیا۔

سیالکوٹ،باغی ٹی وی (شاہدریاض سٹی رپورٹر) جشن آزادی کے موقع پر قلعہ پر پرچم کشائی کی پروقار تقریب کا انعقاد
ڈپٹی کمشنر عدنان محمود اعوان نے پرچم کشائی کی تقریب میی سرکاری و نیم سرکاری سمیت شہریوں کی بہت بڑی تعداد میی شرکت،
پرچم کشاٸی تقریب میں کرنل وحید الزماں، ایس پی محمد ضیاء ،صدر چیمبرآف کامرس ملک عبدالغفور، ایڈیشنل ڈپٹی کمشنرز محمد اقبال ، اسد کاظمی بھی شریک ہوئے ،بڑی تعداد میں فیملیز، سکولوں کے اساتذہ و طلباء و طالبات بھی پرچم کی تقریب میں شریک

سیالکوٹ،باغی ٹی وی (شاہدریاض سٹی رپورٹر) جشن آزادی کے موقع پر قلعہ پر پرچم کشائی کی پروقار تقریب کا انعقاد
ڈپٹی کمشنر عدنان محمود اعوان نے پرچم کشائی کی تقریب میی سرکاری و نیم سرکاری سمیت شہریوں کی بہت بڑی تعداد میی شرکت@BaaghiTV @MumtaazAwan pic.twitter.com/NUaaFqkK1j

— QNN WORLD (@QNN_World) August 14, 2023

پرچم کشائی سے قبل سائرن بجایا گیا، پنجاب پولیس، ریسکیو 1122 اور سول ڈیفنس کے دستوں نے پرچم کو سلامی پیش کی ، قومی ترانہ پڑھا گیا ۔گورنمنٹ کالج ویمن یونیورسٹی میں وائس چانسلر پروفیسر ڈاکٹر زریں فاطمہ رضوی نے پرچم کشائی کی ، یونیورسٹی کی طالبات نے ملی نغمے اور ٹیبلو پیش کیے ، اس موقع پر کیک کاٹا گیا اور ملک کی سلامتی کے لیے خصوصی دعا کی گئی

میرپورخاص (باغی ٹی وی نامہ نگار سیدشاہزیب شاہ کی رپورٹ) میرپورخاص میں جشن آزادی کے پر مسرت موقع پر اور پاک افواج سے اظہار یکجہتی کے لئےامن کمیٹی برائے بین المذاہب ہم آہنگی و سیاسی امور صوبہ سندھ کے نائب صدر و چیئرمین یونین کونسل نمبر 8 حاجی محمد علی کی قیادت میں زبیدہ ہائٹس سے پریس کلب تک پاکستان زندہ باد کے عنوان سے ایک عظیم الشان ریلی نکالی گئی

ریلی کے شرکاء نے ہاتھوں میں پلے کارڈ ، پوسٹرز اور بینر اٹھا رکھے تھے جس پر جشن آزادی اور پاک افواج کی حمایت میں نعرے لکھے ہوئے تھے پاکستان زندہ باد ریلی کے شرکاء پیدل مارچ کرتے ہوئے پاکستان اور پاک فوج زندہ باد کے فلک شگاف نعرے لگارہے ، مختلف مقامات پر ریلی کے شرکاء پر عوام کی جانب سے پھول نچھاور کئے گئے

ریلی سے صاحبزادہ حسنین راجپوت معروف عالم دین مولانا حفیظ الرحمن ،سماجی رہنماء رئیس احمد خان ،صحافی حیات قریشی یوسی چیئرمین میر علی رضا تالپور، یوسی چیئرمین حاجی فاروق ملک ،دوست محمد خاصخیلی پاک گرین فاؤنڈیشن کے محمد نوازخان ،ایڈمن صدائے حق پاکستان محمد علی بھرگڑی ،باغی ٹیوی نامہ نگار سید شاہزیب شاہ، محمود قادرری ،حافظ طارق قادری، شوکت بٹ، ممتاز علی مری، شاکر حسین شاکر، فیصل خان زئی نے بھی خطاب کیا

ریلی میں سینکڑوں کی تعداد میں شہریوں نے شرکت کی پریس کلب پر ریلی کے شرکاء سے خطاب کرتے ہوئے چیئرمین حاجی محمد علی نے کہا کہ آج کی یہ ریلی بانیان پاکستان اور افواج پاکستان کے گمنام شہیدوں کو خراج تحسین پیش کرنے کی ایک چھوٹی سی کاوش ہے جو اس پاک وطن کے عشق میں چور اپنے فرائض انجام دے رہے ہیں پاک فوج سے تعلق رکھنے والا ہر فرد خواہ سپاہی ہو یا جرنیل آسمان شجاعت کا ایک درخشاں ستارہ ہے جس کے سینے پر کسی نہ کسی قربانی کا تمغہ سجا ہوا ہے انھوں نے کہا کہ پاکستان کا دفاع ناقابل تسخیر ہے ہمیں اپنی افواج پہ ناز ہے

دنیا بھر کی تمام شیطانی قوتیں مل کر بھی پاک فوج کا مقابلہ نہیں کر سکتیں ہیں اب دشمن ہم پر براہ راست وار نہیں کر پارہا ہے لیکن معصوم عوام کے دلوں میں خوف پھیلانے کی کوشش کر رہا ہے اور کچھ لوگ آلہ کار بن کر اپنے آقاؤں کو خوش کرنے کے لئے پاک فوج کے خلاف سوشل میڈیا پر مہم چلا رہے ہیں لیکن پاکستان میں ایک فوج ہی ایسا ادارہ ہے جو ہم وطنوں کو اعتماد دلاتا ہے کہ ہم وطنوں آپ سکون کی نیند سوجاؤ ، آپکے سکون اور آرام کے لئے پاک فوج جاگ رہی ہے

انھوں نے کہا کہ پاک فوج ہر قسم کے حالات سے نمٹنا جانتی ہے اور عاقبت نا اندیش لوگ جو اس پروپیگنڈے کا حصہ بن رہے ہیں ان سے درخواست ہے کہ اپنی آنکھیں کھولیں، دشمن ہمارے سر پر تیار کھڑا ہے، اگر اب بھی آپ نے آنکھیں نہ کھولیں تو تمھاری داستان تک نہ ہوگی داستانوں میں

اس موقع پر دیگر معززین میں شوکت بٹ، محمود صابری، جمیل احمد، بشیر الہی ،محمدی فیصل، سویٹ سلمان مغل، شاکر حسین شاکر ،شہزاد احمد قادری فیصل خان زئی ،امام بلوچ، رضی انصار، محمد سعید، حاجی محمدایوب،حاجی محمد یونس ،ملک محمد خالد ،چیئرمین دوست محمد،ملک محمد ابراہیم چیئرمین ،حاجی فاروق ،ملک نواز ،احمد خان، ایاز حسین، دانش قائمخانی، قدیر احمد قدیر وائس چیئرمین محمد نعیم سید الرحمن فیض الدین فاروقی،طارق شیخ منظور قادری عظمت حسین عابدی آفتاب چوہان شازیہ قریشی ایوش درشن کمار امر لال کپل کے علاوہ صحافی حضرات سماجی شخصیات بزرگوں نوجوانوں اور بچوں نے پاک فوج سے مکمل طور پر اظہار یکجہتی کیا.آخر میں چیئرمین حاجی محمد علی نے ریلی میں آنے والے تمام شرکاء کا شکریہ ادا کیا