Author: ڈاکٹرغلام مصطفی بڈانی

گھوٹکی،باغی ٹی وی (میرماتھیلو سے مشتاق لغاری کی رپورٹ) وزیر خارجہ و پیپلز پارٹی کے چیئر مین بلاول بھٹو نے کہا ہے کہ ایک بزرگ وزیر اعظم تھا جو کہتا تھا کہ میں 50لاکھ گھر بنا کر دوں گا

گھوٹکی میں سیلاب متاثرین کو گھروں کی مالکانہ سند دینے کی تقریب سے خطاب کرتے ہوئے بلاول بھٹو نے کہا کہ اُس وزیر اعظم کو 4 سال ملے وہ ایک گھر نہیں بنا سکا۔

ان کا کہنا تھا کہ نوکریوں اور گھروں کا وعدہ کرنے والوں نے عوام کو مایوس کیا جبکہ پیپلز پارٹی نے عوام سے جو وعدہ کیا وہ پورا ہوا، غریبوں کو اس ملک میں وہ سہولتیں میسر نہیں جس سے وہ آگے بڑھ سکیں۔

بلاول بھٹو نے کہا کہ سندھ حکومت ایک عوام دوست حکومت ہے ، آج کے بعد گھوٹکی سرداروں کا نہیں عام آدمی کا ہے ، پکے گھروں کی تعمیر کے لیے آسان قرضے دے رہے ہیں، ایسے گھر بنا کر دیں گے جو دوبارہ سیلاب آنے سے نہیں گریں گے۔

انہوں نے کہا کہ آئندہ موقع ملا تو پورے پاکستان میں ہر کچے گھر میں رہنے والے کو پکے گھر اور زمین کا مالک بنانے کا منصوبہ بنائیں گے ،سندھ کے تمام اضلاع میں سیلاب متاثرین کو گھر دینے کا پروگرام جاری ہے ،

گھروں کی تعمیر کے لیے عورتوں کے نام پر بینک اکاؤنٹ کھولیں گے۔ اس موقع پر وزیر اعلیٰ سندھ مراد علی شاہ نے گفتگو کرتے ہوئے کہا کہ سندھ میں 10 سالوں میں بھر پور کام ہوا، بلاول بھٹو کی مدد سے وہ کام کئے جو نہیں کر سکتے تھے۔

کندھ کوٹ ،باغی ٹی وی (نامہ نگارمختیاراعوان )کندھ کوٹ الیکشن کمیشن اور نجی فلاحی تنظیم کائنات فاؤنڈیشن کاخواتین کے حق رائے دہی کی اہمیت کے بارے میں مشترکہ اجلاس کائنات فاؤنڈیشن کشمور کے دفتر میں منعقد ہوا۔

اجلاس کا آغاز تلاوت کلام پاک سے کیا گیا، اجلاس کی صدارت الیکشن کمشنر ستار سردار، الیکشن کمیشن آفیسر آصف زیدی نے کی، اجلاس میں ضلع بھر سے تعلق رکھنے والی خواتین اقلیتوں، خصوصی افراد اور خواجہ سراؤں کے ووٹ کے ووٹ کی اہمیت اور نوجوان نسل کی جمہوری اور سیاسی ذمہ داریوں پر تبادلہ خیال کیا گیا۔

اس موقع پر ڈسٹرکٹ الیکشن کمشنر ستار سردار نے کہا کہ الیکشن کمیشن آف پاکستان پسماندہ علاقوں میں خواتین، خواجہ سراؤں اور معذور افراد کے ووٹ میں زیادہ سے زیادہ شمولیت کی خواہش مند ہے اسی حوالے سےمختلف پروگرامترتیب دیے گئے ہیں تاکہ خواتین، خواجہ سراؤں اور معذور افراد کی ووٹ میں شمولیت زیادہ سے زیادہ ہو۔

ان کا مزید کہنا تھا کہ 8300 پر ایس ایم ایس کرکے اپنا قومی شناختی کارڈ چیک کریں اور اگر کسی قسم کی معلومات درکار ہوں تو دفتر کے فون نمبر 0722921620 پر رابطہ کریں۔ الیکشن کمیشن آف پاکستان کا عملہ آپ کی مدد کے لیے موجود رہے گا۔

میٹنگ کے آخر میں کائنات فاؤنڈیشن نے ڈسٹرکٹ الیکشن کمشنر کشمور کے ساتھ مکمل تعاون کا اظہار کیا۔

سیالکوٹ،باغی ٹی وی(سٹی رپورٹر شاہد ریاض)ڈسٹرکٹ سیالکوٹ کلب کرکٹ چیمپین شپ 2023 کے حوالے سے CSS گراونڈ سیالکوٹ میں زیر صدارت صدر ڈسٹرکٹ کرکٹ ایسوسی ایشن سیالکوٹ ملک فیصل خورشید ایمپائرز اور اسکورر کا اجلاس منعقد ہوا جس میں کوالیفائیڈ کوچز فیصل خان. فیصل نوید پی سی بی آفیشل فرخ راجہ اور دیگر ایمپائرز و اسکورر ڈسٹرکٹ کرکٹ ایسوسی ایشن سیالکوٹ جوائنٹ سیکرٹری شاہد جٹ ممبر رانا عبدالرحمان نے شرکت کی

صدر ڈسٹرکٹ کرکٹ ایسوسی ایشن سیالکوٹ نے سب ایمپائرز اسکورر اور کوچز کا شکریہ ادا کیا اور امید کی جیسے 2014.17 میں سیالکوٹ میں کلب کرکٹ ہوئی انشاءاللہ آئندہ بھی ڈسٹرکٹ کرکٹ ایسوسی ایشن سیالکوٹ نے اُس سے زیادہ کرکٹ کروانے کا ارادہ کیا ہے اور آپ لوگ ایمپائرنگ میں پروفیشنل طریقے سے میچز کو کروائیں گے انشاءاللہ ہماری سپورٹ آپکے ساتھ ہوگی

آپ لوگ فیصلہ کرنے میں آزاد ہوں گے آپکو کسی قسم کا پریشر نہیں ہوگا ڈسپلن میں کسی قسم کا سمجھوتہ نہیں ہوگا ایمپائرز اور اسکورر کے ہیڈ فرخ راجہ نے ڈسٹرکٹ کرکٹ ایسوسی ایشن سیالکوٹ سے ایمپائرز اور اسکورر کی فیس میں اضافہ کی ریکوسٹ کی جو کہ مان لی گئی انشاءاللہ سیالکوٹ میں کلب کرکٹ دوبارہ عروج پر ہوگی

سیالکوٹ،باغی ٹی وی (سٹی رپورٹرشاہدریاض) پاکستان مسلم لیگ ن کے مرکزی رہنماو رکن قومی اسمبلی چودھری ارمغان سبحانی نے10کروڑ 63لاکھ روپے کی لاگت سے تعمیر کیے جانے والے گورنمنٹ ایسوسی ایٹ کالج فار وویمن سید پور کا افتتاح کردیا

سابق رکن صوبائی اسمبلی رانا عارف ہرناہ، شاہد کہگ، ڈائریکٹر کالجز زاہد فاروق، ڈپٹی ڈائریکٹر کالجز تنویرفاضل، پراجیکٹ ڈائریکٹر ریحانہ یاسمین، پرنسپل منیبہ سلیم، قمر زمان کسانہ ،عدیل کسانہ،صوفی اسحاق اور ایس ڈی او بلڈنگ چودھری اعجاز سمیت کثیر تعداد میں اہلیان دیہہ نے افتتاحی تقریب میں شرکت کی۔

رکن قومی اسمبلی چودھری ارمغان سبحانی نے کہا کہ تعلیم کا فروغ میرا مشن ہےاس سلسلہ مین بچیوں کو ان کے گھر کی دہلیز پر اعلی تعلیم کے مواقع فراہم کرنے گزشتہ 10سالوں میں 100سے زائد سکولوں کو اپ گریڈ کیا گیا اور5 نئے ایسوسی ایٹ کالجز کا قیام عمل میں لایا گیا،

سیالکوٹ:پاکستان مسلم لیگ ن کے مرکزی رہنماو رکن قومی اسمبلی چودھری ارمغان سبحانی نے10کروڑ 63لاکھ روپے کی لاگت سے تعمیر کیے جانے والے گورنمنٹ ایسوسی ایٹ کالج فار ویمن سید پور کا افتتاح کردیا@BaaghiTV @MumtaazAwan @pmln_org pic.twitter.com/jAr8WGgeeD

— QNN WORLD (@QNN_World) August 9, 2023

انہوں نے کہا کہ اب ضرورت اس امر کی ہے ان تعلیمی اداروں کو معیاری درسگاہوں میں تبدیل کیا جائے اس سلسلہ میں سب سےاولین اور بنیادی ذمہ داری اساتذہ کی ہے کہ وہ بچوں کو بہترین تعلیم کے زیور سے آراستہ کرنے کے علاوہ ان کی اخلاقی تربیت کرکے ان کو معاشرے کا مفید اور باعزت شہری بنانے میں اپنا کردار ادا کریں۔

انہوں نے کہا کہ ملک میں الیکشن اپنے مقررہ وقت پر ہونگے مردم شماری کی وجہ سے چند روز کا فرق کرسکتا ہے۔انہوں نے کہا کہ ملک میں تمام اقلیتوں کو مکمل مذہبی آزادی حاصل ہے اور رہے گی تاہم پاکستان اسلامی جمہوریہ پاکستان ہے اور یہاں اسلامی اور جمہوری نظام ہی رہے گا اور یہی مقصد اس ملک کی بقا کا ضامن ہے۔

انہوں نے کہا کہ الیکشن میں عوام اپنا ووٹ مکمل سمجھ داری سے ملکی مفاد کو مدنظر رکھتے ہوئے استعمال کریں تاکہ ایک ایسی حکومت معرض وجود میں آئے جو ملکی سلامتی اور ترقی کی ضامن ہو۔

ڈیرہ اسماعیل خان ،باغی ٹی وی (نامہ نگاراحمدنوازمغل)پی آئی ڈی ڈیرہ دفتر کے افتتاح کے بعد وزیر مملکت فیصل کریم کنڈی کی پریس ٹاک
وزیر مملکت فیصل کریم کنڈی نے کہا کہ پی آئی ڈی کو پچھلے ادوار میں بند کیاگیا تھا جسے اب دوبارہ بحال کردیا گیا ہے،ڈیرہ کی صحافی برادری کیلئے اچھا شگون ہے،
ان کا کہنا تھا کہ چند دن مین نگران حکومت کا قیام ہونے جارہاہے،امید کرتے ہیں کہ نگران حکومت الیکشن کمیشن کے ساتھ ملکر فری اینڈ فیئر الیکشن کرائیں گے،سیاسی جماعتوں کو الیکشن سے بھگانا نہیں چاہئے ، عوام کے ووٹ کی طاقت سے جو بھی حکومت آئے اسکو ویلکم کریں گے،عوام جس کو ووٹ دے ہمیں اسکو قبول کرنا چاہئے

وزیر مملکت فیصل کریم کنڈی نے کہا کہ ڈیرہ میں 11ڈائنامک سنٹرز کا افتتاح کرچکے ہیں،ہم اتحادی حکومت کا حصہ ہیں،ماضی کی حکومتوں کی نااہلی کی وجہ سے پینالہ میں انٹرچینج نہیں بنی جو افسوسناک بات ہے،کے پی 23 فیصد ٹیکس ادا کررہا ہے، ظالمانہ ٹیکس کی پرزور مذمت کرتے ہیں

ان کاکہناتھا کہ جس سیپڈ سے وزیراعظم نے تختیاں لگائی ہیں انکا فنڈز جاری کئے جائیں ،یہ وعدے سیاسی نہ ہوں ورنہ ہم ہر موقع پر آپکو یاد دلائیں گے
جہاں نادرا افس ہیں وہاں پاسپورٹ آفس کھولے جائیں گے

وزیر مملکت فیصل کریم کنڈی نے کہا کہ پارٹی لیڈر شپ نے فیصلہ کرنا ہے کہ سیٹ ایڈجسمنٹ کرے، ہماری کوشش ہے کہ ہم ہر سیٹ پر الیکشن لڑیں،اگلے وزیراعظم پاکستان بلاول بھٹو ہی ہوگا،نگران وزیراعظم پر اختلاف سیاست کا حسن ہے،ہماری کوشش ہے کہ انتخابات جلد از جلد ہونے چاہئیں ، پی پی کی کوشش ہے ہے کہ 23 میں الیکشن ہو جانا چاہئے

پی ٹی آئی پر پابندی نہیں لگانی چاہئے انہیں الیکشن لڑنا چاہئے،جو شخص 9مئی کے واقعات میں ملوث ہے اسے سزا ملنی چاہئے، ہمیں پچھلے سیاسی اختلافات ختم کرکے اگے بڑھنا چاہئے

ہماری عدالتیں کو صحیح ڈگر پر چلنا چاہئے تاکہ عوام کو انصاف ملے، عوام کا جو حق بنتا ہے اسے ووٹ کا استعمال کرنا چاہئے، ہم پی ٹی آئی کے تحصیل ممبر کی جیت پر مبارکباد دیتے ہیں، سیاسی جماعتوں ہمیشہ سے ایک دوسرے کے خلاف الیکشن لڑتی آٸی ہے

میرپورخاص،باغی ٹی وی( نامہ نگار سید شاہزیب شاہ کی رپورٹ) سی ایس ایس پی آفس میں ریجنل ڈائریکٹر نادرا اور ڈسٹرکٹ الیکشن کمشنر کی کمیونٹی گروپس سے ملاقات ۔
میرپورخاص کی سی ایس ایس پی آفس میں کمیونٹی گروپس سے ملاقات میں سی ایس ایس پی کے مینیجر محمد بخش کپری نے پروجیکٹ پر بریفنگ دی اور خواتین کے ووٹ رجسٹریشن اور کمپیوٹرائزڈ شناختی کارڈ بنوانے کے طریقہ کار اور شیڈول بنانے پر تفصیل سے بات کی،

ریجنل ڈائریکٹر نادرا میرپورخاص فیصل علی چانڈیو اور ڈسٹرکٹ الیکشن کمشنر خالد حسین لوند سی ایس ایس پی آفس میرپورخاص میں مختلف گوٹھوں سے آئے وفود سے ملاقات کی جس میں خواتین اور 18 سال کی عمر کی لڑکیوں کا ووٹ اور کمپیوٹرائزڈ شناختی کارڈ کے حصول کا طریقہ کار اور مختلف گاؤں یو سی جھلوری مکھن سموں وڈل شاہ میں موبائل رجسٹریشن وین کے شیڈول پر گفتگو کی گئی

ڈسٹرکٹ الیکشن کمشنر میرپورخاص نے ووٹ کا اندراج منتقلی اور خارج کرنے کے فارم دئیے اور بھرنے کے طریقوں پر بات کی اور پسماندہ علاقوں میں ووٹ کی اہمیت پر سیمینار کرنے کا بھی اعلان کیا۔

نادرا کے فیصل علی چانڈیو نے بتایا کہ تمام اضلاع میں سے سب سے زیادہ فی میل کاؤنٹر میرپورخاص نادرا نے لگائے ہیں اور ضلع میرپورخاص کے دو تحصیلوں حسین بخش مری اور شجاع آباد میں نادرا دفاتر کا قیام عمل میں آگیا ہے۔

ریجنل ڈائریکٹر نادرا کے ساتھ کمیونٹی نمائندوں نے ایم آر وی کا پلان بنایا اور فی میل کے کمپیوٹر شناختی کارڈ کے لیے لسٹ بھی دی۔ اس موقع پر افشین اقبال، عزیز بانو، سید بختیار شاہ، پدم مل، نجمہ شیخ ،کنول فاطمہ بیداری آرگنائزیشن کی نصرت زہرہ اور سی ایس ایس پی ایس پی نمائندگان موجود تھے ۔