Author: ڈاکٹرغلام مصطفی بڈانی

سیالکوٹ باغی ٹی وی(سٹی رپورٹر شاہد ریاض)ڈی پی او کاپسرور دورہ،سیکیورٹی انتظامات پراطمینان کا اظہاراورجوانوں کو شاباش دی
ڈی پی او سیالکوٹ پولیس 10 محرم الحرام کے حوالہ سے سیکیورٹی انتظامات کا جائزہ لینے کے لیے پسرور پہنچے ڈی ایس پی سرکل تحصیل پسرور پولیس نے ڈی پی او سیالکوٹ کو جلوس کی سکیورٹی کے حوالہ سے بریفنگ دی اس موقع پر ایس ایچ او تھانہ سٹی پسرور بھی موجود تھے

ڈی پی او سیالکوٹ پولیس نے خود بھی سکیورٹی کا جائزہ لیا اور پسرور پولیس کی جانب سے جلوس کی سکیورٹی کے حوالہ سے کیے گئے انتظامات پر اطمینان کا اظہار کیا اور شاباش دی

ننکانہ صاحب باغی ٹی وی (نامہ نگار احسان اللہ ایاز) ریسکیو 1122عملہ ضلع بھر میں ہائی الرٹ ڈٖیوٹی سرانجام دے رہا ہے ،ڈسٹرکٹ ایمرجنسی آفیسر محمد اکرم پنوار ریسکیورز یومِ عاشورہ پہ میڈیکل کور کیساتھ روٹین کی ایمرجنسی، پیشنٹ ٹرانسفر سروس اور سیلابی علاقہ جات میں بھی بلا تعطل سروسز فراہم کر رہے ہیں

ضلع بھر میں تمام بڑی مجالس اور جلوسوں کے ہمراہ ریسکیو عملہ اپنے فرائض سر انجام دے رہے ہں ضلع بھر کے آخری جلوس کے اختتام تک کوڈ ریڈ ایکٹو رہےگا ،یومِ عاشورہ پر A کیٹگری کی 8 مجالس اور B کیٹگری کی 6 مجالس کو ریسکیو کور فراہم کیا جا رہا ہے10 محرم الحرام کے دوران ایمرجنسی کور پلان مختلف جلوسوں اور مجالس میں تمام ریسکیو افسران و انچارجز نگرانی کر رہے ہیں

ڈسٹرکٹ ایمرجنسی آفیسرنے کہا کہ تنگ گلیوں اور گنجان علاقوں میں فوری ریسپانس کیلئے موٹر بائیک ریسکیو تعینات ہے ،کسی بھی ایمرجنسی کی صورت میں فوری امدادی ہیلپ لائن 1122 ڈائل کریں یوم عاشورہ پر اعزاداروں کو فوری طبی امداد کیلئے خصوصی انتظامات کیے گئے ہیں

موبائل سروس کی عدم موجودگی میں(9201074-056) PTCL اور ریسکیو موبائل ایپ سے بھی کال کی جاسکتی ہے ،محمد اکرم پنوار یوم عاشورہ کے موقع پر نکالا گیا مرکزی جلوس حسینی باغ پہنچ کر اختتام پذیر ہوگا اور حسینی باغ میں شام غریباں برپا ہوگی

کندھ کوٹ،باغی ٹی وی (نامہ نگار مختیاراعوان )کندھ کوٹ میں ڈاکوؤں نے غوثپور کے رہائشی 12 سالہ لڑکے مقبول میرانی کی برہنہ ویڈیو جاری کردی جس میں وہ پولیس اور برادری سے خود کو آزاد کروانے کی اپیل کررہا ہے۔

کچے کے علاقے میں اس بچے سمیت 22 افراد ڈاکوؤں نے اغواء کررکھے ہیں ڈاکوؤں کے قبضے میں موجود غوث پور کا رہائشی 12 سالہ مقبول میرانی ایس ایس پی امجد شیخ اور میرانی برادری سے خود کو آزاد کروانے کی اپیل کررہا یے بچے کا کہنا ہے کہ ڈاکوؤں کو پیسے دے کر مجھے آزاد کرواؤ۔ بچہ اپنے باپ سے شکوہ کر رہا ہے کہ ، ”ایک مہینے سے میں ڈاکوؤں کے قبضے میں ہوں بڑی مصیبت میں پھنسا ہوا ہوں ، خدا کے لیے کسی بھی طرح پیسے دے کر مجھے آزاد کراؤ“۔

ڈاکوؤں نے مقبول میرانی کو ایک ماہ قبل غوثپور تھانہ کی حدود سٹی سے اغواء کیا تھا ، ورثاء سے بچے کی بازیابی کے لیے 10 لاکھ روپے تاوان طلب کیا گیا تھا جو نہ دینے کی صورت میں ڈاکوو نے بچے کو برہنہ کرکے وڈیو وائرل کردی،

واضح رہے کہ ایس ایس پی امجد احمد شیخ نے ٹیم کے ہمراہ پانچ روز کے دوران 10 مغویوں کو بازیاب کرواتے ہوئے 8 خطرناک ڈاکوؤں کو ہلاک بھی کیا ہے ایس ایس پی امجد احمد شیخ نے بچے کی وڈیو دیکھ کر بازیابی کی یقین دہائی کراتےہوئے کہا ہے ک ڈاکوؤں کا یقینی خاتمہ کیا جائے گا۔

باغی ٹی وی – ملک بھر یوم عاشور 10محرم الحرام،ماتمی جلوس رواں دواں،سیکیورٹی کے سخت انتظامات، ریسکیو 1122بھی ہائی الرٹ ہے
میہڑ سےمنِظورعلی جوئیہ کی رپورٹ کے مطابق شہداء کربلاء کی یاد میں 10محرم کا ماتمی جلوس حیدری اور مرکزی امام بارگاہ سید بچل شاہ سے برآمد ہوا،ہرطرف یاحسین یاحسین کی صدائیں بلند ،ماتمی جلوس میں ہزاروں کی تعداد میں لوگ شامل، پولیس رینجرز اور اسکاؤٹ وحدت المسلمین کی جانب سے سکیورٹی کے سخت انتظامات کئے گئے ہیں

سیالکوٹ سے باغی ٹی وی کے سٹی رپورٹر شاہد ریاض کی رپورٹ کے مطابق ڈی پی او محمد حسن اقبال کی ہدایت پر دس محرم الحرام یوم عاشورہ کا سیکیورٹی پلان جاری کر دیا گیاہے۔ دس محرم الحرام کو ضلع بھر میں کل 87 جلوس جس میں کیٹگری اے16، کیٹگری بی18 اور کیٹگری سی کے 53 جلوس برآمد ہونگے۔ جبکہ 77مجالس جس میں کیٹگری اے8، کیٹگری بی10 اور کیٹگری سی کی 59مجالس منعقد ہونگی۔

تمام جلوسوں پر ان کی حساسیت کے پیش نظر ڈیوٹی لگائی گئی ہے۔ پولیس اور دیگر اداروں کے 3000 سے زائد افسران و جوان سیکیورٹی کے فرائض سر انجام دیں گے اور دیگر یونٹس سے آنے والی نفری کی بھی ڈیوٹی لگائی گئی ہے

تمام جلوسوں کے روٹس کی سویپنگ کرائی جارہی ہے، جلوس کے داخلی و خارجی راستوں کو خار دار تاروں سے بند کردیا گیا ہے جلوس میں داخل ہونے والے تمام افراد کی میٹل ڈیٹکٹر کے ذریعے تلاشی لی جائے گی جبکہ جلوس و مجالس کی سیکیورٹی کے لیے بلند عمارتوں پر سنائپرز بھی تعینات کیے گئے ہیں. کیٹگری اے کے تمام جلوسوں کی سی سی ٹی وی کیمروں کے ذریعے مانیٹرنگ کی جائے گی۔ سٹی ایریا میں جلوس ہائے کی ہوائی نگرانی کے لیے ڈرون کیمروں کا استعمال کیا جائے گا۔

سیالکوٹ سے شاہد ریاض کی ایک اور رپورٹ کے مطابق ڈسٹرکٹ ایمرجنسی آفیسر انجینئر نوید اقبال نے کہا ہے کہ ریسکیو 1122 ضلع بھر میں ہائی الرٹ ہے ،ضلع بھر میں عزاداروں کو بروقت ابتدائی طبی امداد کیلئے خصوصی میڈیکل ٹیمیں بنائی گئیں ہیں جو جلوس کے ساتھ ہمہ وقت موجود ہیں ۔
ضلع بھر میں مجالس اور جلوسوں کے ہمراہ ریسکیورز و ریسکیوحافظین اپنے فرائض سر انجام دینے پر معمور ہیں۔

تنگ گلی محلوں میں بروقت کاروائی کے لیے ریسکیو موٹر بائیک کا عملہ بھی تعینات ہے، ضلع کی تمام تحصیلوں کی اہم امام بارگاہوں میں ریسکیورز میڈیکل کوریج مہیا کر رہے ہیں۔

سیالکوٹ میں مرکزی جلوس امام بارگاہ در بتول اڈہ پسروریاں، کینٹ، مستری عبداللہ اور شاہ سیادں سے نکالے جائیں۔گے۔ 1122 ہیلپ لائن نمبر نہ ملنے کی صورت میں ریسکیو کنٹرول روم نمبر052-9250260 اور 052-9250265 پر ایمرجنسی کال کریں

نوری آباد سے نامہ نگار اللہ وسایا پالاری کی رپورٹ کے مطابق پورے ملک کے طرح نوری آباد میں حضرت امام حسین علیہ السلام اور ان کے شہید ساتھیوں کو خراج عقیدت پیش کرنے کے لیے جنہوں نے کربلا کے میدان میں اسلام کی سربلندی کے لیے عظیم قربانیاں دیں۔ جلوس حیدری امام بارگاہ نوری آباد سے بر آمد ہوا، شہدائے کربلا کو عزاداری کی گئی۔

حب ،باغی ٹی وی( نامہ نگارحکیم بلوچ ) آج 9 محرم الحرام کے سلسلے سے ایس پی ضلع حب مراد خان کی سربراہی میں سوک سینٹر ضلع حب کے سامنے پولیس کے جوانوں کو ریہرسل کرائی گئی ۔

حب ایس پی حب مراد خان نے جوانوں کو rehearsal کراتے ہوئے کہا کہ محرم الحرام کے حوالے سے الرٹ رہیں کسی بھی ناخوش گوار واقعے سے نمٹنے کے لیے جوکچھ بھی ہو چاک وچو بند رہیں اور کسی بھی شخص کو بغیر سپاسنگ کارڈ روک کر ضرور چیک کریں،چاہے وہ کوئی بھی ہو ,

انہوں نے مزید کہاکہ میڈیا کے تمام لوگوں کے ساتھ کوارڈینیٹ کریں۔اس موقع پر ان کے ہمراہ ڈی ایس پی سی ائی اے جمیل احمد باجوائی اور دیگر پولیس افسران بھی موجود تھے

سیالکوٹ،باغی ٹی وی(شاہد ریاض سٹی رپورٹر)ریسکیو 1122 نے جلوسوں میں میڈیکل کوریج فراہم کی
پنجاب ایمرجنسی سروس ڈیپارٹمنٹ ریسکیو 1122 سیالکوٹ ریسکیورز و ریسکیو محافظین 9محرم الحرام کی مناسبت سے نکالے جانے مرکزی جلوسوں میں ڈسرکٹ ایمرجنسی آفیسر انجینِر نوید اقبال کی زید قیادت میڈیکل کوریج فراہم کر رہے ہیں۔

اس سلسلے میں بھیڑ اور گجرال کے علاقوں میں جلوس نکالے گئے۔ ریسکیورز نے جلوس میں زنجیر زنی کرنے والے 180 افراد کو موقع پر ابتدائی طبی امداد مہیا کی جبکہ 1شخص کو ابتدائی طبی امداد کے بعد ہسپتال منتقل کر دیا۔