Author: ڈاکٹرغلام مصطفی بڈانی

میرپور خاص،باغی ٹی وی( نامہ نگار سید شاہزیب شاہ کی رپورٹ )میرپورخاص سٹلائٹ ٹاؤن میں 8 محرم الحرام کا نسبت غازی عباس علمدار سے منسوب علم اور ذوالجناح کا جلوس نکالا گیا، جلوس طے شدہ راستوں سے ہوتا ہوا جب سٹیلائٹ ٹاؤن مین ٹنکی روڈ پہنچا تو پاکستان پیپلز پارٹی یوسی چار کے چیئرمین حاجی فاروق ملک ،کونسلر لیاقت شاہ، کونسلر تسلیم باجی و دیگر نے ماتمی جلوس کا خیر مقدم کیا ۔

اس موقع پر جلوس کے شرکاء نے شدید بارش کے باوجود جلوس کے راستے اور گذرگاہیں صاف دیکھ کر حاجی فاروق ملک کے کام کی تعریف بھی کی، جلوس کے شرکاء سارے راستے نوحہ خوانی اور ماتم کرتے رہے جبکہ جلوس کے شرکاء کو نیاز حسین بھی پیش کی گئی جلوس کی گذرگاہ پر جلوس کے دونوں اطراف دودھ اور شربت کی سبیلوں کا اہتمام کیا گیا تھا ، جلوس کے ساتھ ریسکیو 1122 کی ایمبولنس محو سفر تھی،

اس موقع پر کسی بھی شرپسندی کے خدشے کے پیش نظر رینجرز اور پولیس کی جانب سے سیکیورٹی کا سخت حصار قائم تھا ، رینجرز کے سب انسپکٹر اعجاز اپنی چاق و چوبند ٹیم کے ساتھ اور سندھ پولیس کے ایس ایچ او سٹیلائٹ ٹاؤن امین مری اور ایس ایچ او غازی خان راجڑ اپنی ٹیم کے ساتھ سیکیورٹی کے فرائض انجام دے رہے تھے ،جلوس مقررہ اور طے شدہ راستوں سے ہوتا ہوا حیدری امام بارگاہ پہنچ کر اختتام پذیر ہوا –

میرپورخاصباغی ٹی وی( نامہ نگار سید شاہزیب شاہ کی رپورٹ) ڈویژنل کمشنر میرپورخاص شفیق احمد مہیسر نےکہا ہے کہ ترقیاتی سکیموں سے متعلق تمام مطلوبہ ضروری ریکارڈ کو مدنظر رکھتے ہوئے پی سی ون منظوری کیلئے بنائےجائیں تاکہ ترقیاتی سکیمیں وقت پر مکمل ہوسکیں اور عوام کو جلد از جلد ریلیف مل سکے یہ ہدایت انہوں نےاپنے دفتر میں ضلع عمرکوٹ کے سسٹین ایبل گول ڈیویلپمنٹ پروگرام کے تحت ترقیاتی اسکیموں کا جائزہ لینے کے متعلق اجلاس کی صدارت کرتے ہوئے متعلقہ افسران کو دی

انہوں نے مزید کہا کہ ترقیاتی سکیموں کا وقت پر مکمل ہونا ضلع انتظامیہ و حکومت کی بہتر کارکردگی ظاہر کرتی ہے تاکہ عوام کو اس ضمن میں فائدہ پہنچ سکے ،اجلاس میں ڈپٹی کمشنر عمرکوٹ نوید رحمان لاڑک نے بتایا کہ مذکورہ پروگرام کے تحت ضلع عمرکوٹ کی 42 ترقیاتی اسکیمیں ہیں جنکی لاگت 500 ملین ہے جس کی پی سی ون منظوری کیلئے تیار کی گئی ہے ،اجلاس میں ایڈیشنل کمشنر 1ڈاکٹر علی نواز بھوت ، ڈائریکٹر لوکل گورنمنٹ،ایکسین پروونشل ہائی ویز عمرکوٹ ہریش کمار ، ڈسٹرکٹ اکاؤنٹس آفیسر عمرکوٹ محمد عالم سومرو اور دیگر متعلقہ افسران نے شرکت کی ۔

حب،باغی ٹی وی (نامہ نگارحکیم بلوچ ) سنئیر صوبائی وزیر بلدیات سردار محمد صالح بھوتانی کا وندر میرا پیرمیں سیاسی و سماجی شخصیت عالم بلوچ کے شمولیتی پروگرام میں خطاب.۔
تفصیلات کے مطابق وندر میں مرحوم حاجی نزر محمد بلوچ ایک نہایتی خلوص اور ہمدرردی رکھنے والا انسان تھا جن کو میں خراج تحسین پیش کرتا ہوں عالم بلوچ انہی کے صاحبزادے ہیں 1985 میں اسی جگہ پر عام انتخابات کے حوالے سے پروگرام ہوا تھا آج شمولیتی پروگرام رکھا گیا ہے آج دوبارہ ان کی یاد تازہ ہوگئی آج کے اس شمولیتی پروگرام سے کافی لوگوں جو ہماری سیاسی مخالفت کرتے ہیں کو بے حد تکلیف پہنچی ہوگی

ہمارے حب ضلع کے چئیرمین سمیت کونسلران اور جو معززین ہمارے ساتھ ہمیشہ رہے ہیں آج حب سے وندر تک ایک جلوس کی شکل میں ہمیں یہاں لیکر آئے ہیں ان سب کا شکریہ ادا کرتا ہوں آج جو شمولیت ہوئی ہے سیاسی طور پر ہمیں قوت بخشی ہے ،نئے لوگوں نے اعتماد کیا ہے اسی اعتماد پر میں نو مرتبہ ایم پی اے بنا بہت بڑا حلقہ ہونے سے کافی کوتاہیاں بھی ہوئی، آپ لوگوں کی محبت کی وجہ سے ضلع حب بنا، یہ ضلع ایسے نہیں بنا جبکہ تیرہ مارچ کو وندر میں جو جلسہ ہوا اسی دن ہم نے ضلع حب کی خوشخبری دی اور ضلع بناکر دیکھایا

کچھ ہی وقت کے بعد عام انتخابات ہونگے اور بہت سارے امیدوار سامنے آئیں گے آپ لوگوں کو ایسا فیصلہ کرنا ہے کہ کوئی آپ کے گھر کی زمینیں بھی چیھین نہ لیں آپ لوگوں نے ہمیشہ ہمیں عزت دی ہے جس کا میں مشکور و ممنون ہوں اور آپ لوگوں کا اس مرتبہ بھی جو فیصلہ ہوگا وہ قابل قبول ہوگا جب تک ہماری زندگی ہے میں آپ لوگوں کی خدمت کرتا رہو گا جب تک جان میں جان ہوگی انتخابات لڑنے کے بغیر آپ کا خادم رہوں گا

سیٹلمنٹ میں ناانصافیاں ہوئی ہیں سیٹلمنٹ میں ہمارے لوگوں کی چراگاہیں چھینِنے کی کوشش کی جارہی ہے ان زمینوں کے آپ ہی مالک ہیں اور اس کا دفاع ہم سب مل کر کریں گے ۔مہنداری میں پندرہ ہزار ایکڑ سیٹلمنٹ کے نام پر باہر کے لوگوں کو الاٹ کی جارہی ہے جبکہ وہاں ڈیم دس ہزار ایکڑ پانی دے سکتا ہے مگر میں جب تک آپ لوگوں کے درمیان موجود ہوں تب تک ایک ایکڑ بھی فرائم نہیں کیا جائے گا اور ہم آپ کے حق کے لیے جان دے گے ہم ایک سمندر کی مانند ہیں، مخالفین کا ڈٹ کر سامنا کریں گے ہمیں رکنا نہیں ہے ہمیں آگے بڑھنا پڑے گا ہم اپنی جدوجہد جاری رکھے گے

ہماری جو نوجوان نسل ہے وہ متحرک رہے وہ اپنے جائز حقوق کے لیے سامنے آئے ،معاشرے میں اپنا کردار ادا کرے، میڈیا کا اس معاشرے میں بہت بڑا کردار ہے کیونکہ میڈیا کے بغیر کوئی جلسہ اجتماع ممکن نہیں ہے، یہی میڈیا ہے جو ہماری آواز بنتا ہے

میں عالم بلوچ کو خراج تحسین پیش کرتا ہوں اور ان سمیت ان کی برادرری اور دوست واحباب کا شکریہ ادا کرتا ہوں لسبیلہ عوامی اتحاد کے دوستوں کا بھی شکریہ ادا کرتا ہوں، لسبیلہ عوامی اتحاد پر ہم نے ضلع حب میں کلین سویپ کیا ہے آئندہ بھی اسی طرح یکجحتی کا مظاہرہ کرکے دوبارہ کامیابی حاصل کرکے مخالفین کی نیندیں حرام کریں گے، آپ کی محبت اور شفقت کا تہہ دل سے شکریہ ادا کرتا ہوں ہم اور آپ پاکستانی ہیں، پاکستان زندہ باد بلوچستان پائندہ باد

سیالکوٹ،باغی ٹی وی(سٹی رپورٹر شاہد ریاض)ٹینریز زون کے حوالے سے اجلاس , ٹینریز کی زون میں منتقلی میں تاخیر کا سخت نوٹس
ڈپٹی کمشنر عدنان محمود اعوان ، ڈائریکٹر ٹی ڈیپ خالد رسول نے صدارت کی، پراجیکٹ ڈائریکٹر محمد عاطف ، چیئرمین ٹینریز چوہدری ذوالفقار بھی شریک ہوئے ، ٹینریز کی زون میں منتقلی میں تاخیر کا ڈپٹی کمشنر عدنان محمود اعوان نے سخت نوٹس لیا-

انہوں نے کہا کہ مزید تاخیر برداشت نہیں کی جائے گی ،ٹینریز زون ہر لحاظ سے مکمل ہے، واٹر ٹریٹمنٹ پلانٹ نومبر تک مکمل ہو جائے گا ۔ ابتک بہت کم تعداد میں ٹینریز مالکان نے تعمیرات شروع کی ہیں۔ زون انتظامیہ پلاٹ ہولڈرز کو کنسٹرکشن پلان دے۔

ڈپٹی کمشنر عدنان محمود اعوان نے حکم دیا کہ تاخیر کرنیوالوں کے پلاٹ منسوخ کر دیے جائیں، ماحولیات ڈیپارٹمنٹ شہری علاقوں میں قائم بڑی ٹینریز کے ماحولیاتی سیمپل لے۔جنکے سیمپل فٹ نہ ہوں انکو میونسپل قوانین اور ماحولیات قوانین کے تحت سیل کر دیا جائے