Author: ڈاکٹرغلام مصطفی بڈانی

کوئٹہ ،باغی ٹی وی (نامہ نگار زبیرخان )حاجی ماجر کا بیٹےجو بیگناہ قتل ہوا،ہم اس کی بھرپور الفاظ میں مذمت کرتے ہیں احمد خان غبیزئی
تفصیل کے مطابق احمدخان غبیزئی نے کہا ہے کہ شہید محب اللہ حاجی ماجر کا بیٹا تھا جو فیض اللہ کے ہاتھوں نا حق شہید ہوا ، ہم غبیزئی قوم اس واقعہ کی بھرپور الفاظ میں مذمت کرتے ہیں

گذشتہ 20 سالوں میں یہ واقعات جن میں چوری ، راہزنی ، ڈکیتی ، غنڈہ گردی ، ظلم اور بد کاری میں فیض اللہ نے کی ہیں اور بھاری نقصان پہنچا یا ہے غبیزئی قوم کا اس سے کوئی تعلق نہیں ہے ۔ ہم فیض اللہ کے ہر غلط کام کی مذمت کرتے ہیں اور لوگوں سے درخواست کرتے ہیں کہ فیض اللہ کے تمام غلط کاموں کو غبیزئی قوم سے منسوب نہ کیا جائے ۔ شہید کا خاندان ہمارے دوست اور مشران ہیں ۔ ہم غبیزئی قوم اس غم کی گھڑی میں برابر کی شریک ہیں۔ ہم فیض اللہ سے لا تعلقی کا اعلان کرتے ہیں۔ اللہ تعالیٰ شہید محب اللہ کو جنت الفردوس میں اعلی مقام عطا فرمائے ۔

نوری آباد،باغی ٹی وی (نامہ نگار اللہ وسایا پالاری )ایم 9 موٹروے کے قریب ملنے والی عورت کی لاش کامعمہ حل
تفصیل کے مطابق نوری آباد پولیس کی کارروائی کچھ دن قبل ایم نائن موٹروے کے قریب سے ملنے والی عورت کی نعش کی تحقیقات کے بعد عورت کے قتل کا معمہ حل کرلیا گیاہے ، قتل میں ملوث دو ملزمان اور قتل میں استعمال ہونے والی کار اورآلہ قتل سمیت گرفتار کرکے ملزمان کے خلاف مقدمہ درج کرلیاگیا ہے

ایس ایس پی جامشورو ڈاکٹر فرخ رضا ملک کی خصوصی ہدایات پر ایس ایچ او نوری آباد انسپکٹر محمد ہاشم بروہی کی جانب سے کچھ دن قبل ایم نائن موٹروے پر عورت کی لاش ملنے والا معاملہ حل کرلیا گیاہے، قتل میں ملوث دو ملزمان رضوان ولد شمس الدین سکنہ گارڈن شو مارکیٹ کراچی اور افتخار ولد محمود حسن قریشی سکنہ سعیدآباد بلدیہ ٹائون کراچی سے گرفتار کرلیا ہے

ملزمان سے تحقیقات کے بعد قتل میں استعمال کی ہوئی کار نمبر BHN-564 اور قتل میں استعمال کیا ہوا دیگرسامان بھی برآمد کرلیا ہے –

نوری آباد ، باغی ٹي وی(نامہ نگار اللہ وسایاپالاری)ایس پی ایس سیکورٹی کمپنی نے وجہ بتائے بغیرمجھے نوکری سے نکال دیا ،2 ماہ کی تنخواہ بھی نہیں دی -علی اصغر لنجار
۔ تفصیل کے مطابق پرائیویٹ سیکیورٹی کمپنی میں ملازمت کرنے والے علی اصغر لنجار نے نوری آباد میں میڈیا سےبات کرتے ہوئے کہاکہ میں SPS سیکورٹی کمپنی میں کام کرتا تھا۔ایس پی ایس سیکورٹی کمپنی نے وجہ بتائے بغیرمجھے نوکری سے نکال دیا،نوکری سے نکال دینے کے باوجود میری دوماہ کی تنخواہ عدنان اور اجمل نے دبا لی ہے چکرلگالگاکر تھک گیا ہوں،اور وہ کہتے ہیں ہم نے تمہیں تنخواہیں نہیں دیں گے،جوکرنا ہے کرلو،

میں حکام بالا اور انصاف کے اعلیٰ اداروں سے درخواست کرتا ہوں کہ عدنان اور ان کی فراڈی ٹیم کے خلاف قانونی کارروائی کی جائے،مجھے انصاف دلایاجائےبصورت دیگرمیں سماجی رہنماؤں اور آل سیکورٹی فاؤنڈیشن کے ممبران کے ساتھ مل کرعدنان کی ایس پی ایس سیکیورٹی کمپنی کے ہیڈ آفس سے سامنے دھرنا دیاجاۓ گا ،جب تک ہمیں انصاف نہ ملا ہم انصاف کیلئے آواز بلند کرتے رہیں گے۔

چترال ،باغی ٹی وی (نامہ نگار گل حماد فاروقی )چترال میں حالیہ سیلاب سے تباہی این ایچ اے کے ٹھیکدار کو ذمہ دار قرار دیا جا رہا ہے،عوامی حلقوں کاکہناہے کہ ٹھیکدار نے مستوج کے نزدیک روڈ اور کٹائی کا سارا ملبہ دریا میں پھینک دیا تھا اور عین اسی جگہ سے سیلاب نے تباہی مچائی –
چترال میں حالیہ سیلاب سے تباہی کی بڑی وجہ
ماحولیاتی تباہی کا آغاز
چترال مستوج روڈ کی تباہی، سیلاب، اور کنسٹرکشن کمپنی اور ضلعی انتظامیہ کے تباہ کن اقدامات

ماحولیاتی غیر ذمہ داری کے ایک چونکا دینے والے مظاہرے کے نتیجے میں، چترال مستوج روڈ کی تعمیر نے کاری گاؤں ( Kari) کے پرامن علاقے میں ایک تباہ کن ماحولیاتی تباہی کو جنم دیا ہے۔ تعمیراتی کمپنی نے ضلعی انتظامیہ کے ساتھ مل کر پتھر، مٹی، پتھریلی چٹانوں اور دیگر ملبے کو لاپرواہی کے ساتھ ندی دریا میں پھینک دیا ہے، جس کی وجہ سے دریائے چترال کی گہرائی کافی حد تک کم ہو رہی ہے۔ اس لاپرواہی کے نتیجے میں آس پاس کی سڑکیں اور علاقے زیر آب آگئے ہیں جس کے نتیجے میں کری میں چترال مستوج روڈ مکمل طور پر غائب ہو گیا ہے۔ ان اقدامات کے نتائج سنگین ہیں، کیونکہ یہ سڑک بالائی چترال اور زیریں چترال کے درمیان ایک اہم رابطے کے طور پر کام کرتی ہے جو دریا کے دونوں طرف رہنے والی برادریوں کے درمیان رابطے اور بقائے باہمی کو فروغ دیتی ہے۔

افسوسناک بات یہ ہے کہ رابطے کی یہ علامت اب ملبے کے نیچے دب گئی ہے، جس سے دونوں خطوں کو الگ تھلگ کر دیا گیا ہے اور اس کے بعد کے حالات سے نمٹنے کے لیے جدوجہد کرنا پڑ رہی ہے۔ اسی طرح وادی شوگرام کی وادی، اگرچہ براہ راست متاثر نہیں ہوئی ہے، لیکن اسی طرح کی آفت کا سامنا کرنے کا خطرہ ہے۔ شوگرام کے قریب تعمیراتی ملبے کو ندی نالے میں ڈالنے سے چترال مستوج روڈ کو خطرات لاحق ہیں۔ اگر فوری مداخلت نہ کی گئی تو شوگرام کا کاری جیسا حشر ہو سکتا ہے، سڑکیں اور علاقے زیر آب آ جائیں گے، جس سے مقامی لوگوں کے لیے رابطے کے اہم راستے منقطع ہو جائیں گے۔ گویا کاری میں تباہی اور شوگرام میں بڑھنے والا خطرہ کافی نہیں تھا، دنین اور کاری کے برساتی نالوں میں سیلاب نے صورتحال مزید خراب کر دی ہے۔ درجہ حرارت میں اضافے اور موسلا دھار بارشوں کی وجہ سے آنے والے یہ سیلاب نے ماحولیاتی بحران کو مزید تیز کر دیا ہے۔

وادی ایون میں جو کبھی پر سکون اور دلکش منظر ہوتا تھا، قریبی کیلاش وادی میں آنے والے سیلاب نے خدشات کو جنم دیا ہے کہ پہلے سے ہی نازک صورت حال مزید خراب ہو سکتی ہے۔ ایون کے قریب دریائے چترال کی ممکنہ رکاوٹ وادی کے مکمل ڈوبنے کا باعث بن سکتی ہے، جس سے مزید تباہی اور کمیونٹیز کی نقل مکانی ہو سکتی ہے۔ مزید برآں، کوجو کی وادی تعمیراتی ملبے کے بے رحمانہ ڈمپنگ کا شکار ہو چکی ہے۔

تعمیراتی کمپنی کی جانب سے ماحولیات کو نظر انداز کرنے کی وجہ سے دریائے چترال کوجو گاؤں کے قریب اپنے عروج پر پہنچ گیا ہے۔ دریا کا قہر ناگزیر ہے، اور اس بات کے شدید خدشات ہیں کہ کوجو کے قریب سڑک جلد ہی ختم ہو سکتی ہے، جس سے مقامی لوگوں کے لیے رابطے کا ایک اور اہم راستہ منقطع ہو جائے گا۔ کنسٹرکشن کمپنی کا ماحولیات کی قیمت پر منافع کی ڈھٹائی سے جستجو کسی دھوکے سے کم نہیں۔ ان کے اقدامات سے دریائے چترال کے قدرتی بہاؤ میں خلل پڑا ہے اور اس کا نازک ماحولیاتی توازن بگڑ گیا ہے۔ کبھی زندگی کو برقرار رکھنے والا دریا اب تباہی کی ایک زبردست طاقت بن چکا ہے، جس نے ان سڑکوں کو اپنی لپیٹ میں لے لیا ہے جن کا مقصد ترقی کی سہولت اور خوشحالی کو یقینی بنانا تھا۔

ضلعی انتظامیہ، جسے علاقے اور اس کے لوگوں کی حفاظت کی ذمہ داری سونپی گئی ہے، نے ماحولیات کے حوالے سے انتہائی لاپرواہی کا مظاہرہ کیا ہے۔ مناسب ویسٹ مینجمنٹ پروٹوکول کو نافذ کرنے اور تعمیراتی سرگرمیوں کی نگرانی کرنے میں ان کی ناکامی نے تعمیراتی کمپنی کو نتائج کا سامنا کیے بغیر اس گھناؤنے فعل کو انجام دینے کی اجازت دی ہے۔ ان کی بے عملی نے اس لاپرواہی اور تباہ کن رویے کو جاری رکھنے میں سہولت فراہم کی ہے، جس کے نتیجے میں اہم بنیادی ڈھانچے کے نقصان اور دوسرے خطوں میں آنے والے خطرات ہیں۔

ان کے غیر ذمہ دارانہ اقدامات کے اثرات کاری، شوگرام اور کوجو کے لوگوں کے لیے تباہ کن رہے ہیں۔ لاتعداد گھر بہہ گئے، ذریعہ معاش بکھر گیا، اور ضروری خدمات اور بازاروں تک رسائی منقطع ہوگئی۔ تعمیراتی ملبہ دریا میں پھینکنے کی وجہ سے ہونے والی ماحولیاتی تباہی پیمائش سے باہر ہے۔ دریا کے نازک ماحولیاتی نظام کو بے ترتیبی میں ڈال دیا گیا ہے، آبی حیات کا دم گھٹ رہا ہے اور اہم رہائش گاہوں کو تباہ کر دیا گیا ہے۔ دریا کے کنارے کے قریب رہنے والے لوگ دریا کے بہاؤ اور اونچائی میں تبدیلی کی وجہ سے مسلسل خطرے میں ہیں۔ مقامی زراعت اور ماہی گیری کی برادریوں کی مدد کرنے کے لیے دریا کی صلاحیت پر شدید سمجھوتہ کیا گیا ہے، جس کی وجہ سے روزی روٹی کے ساتھ ساتھ انسانی حیات کو خطرہ لاحق ہو گیا ہے

سیالکوٹ ،باغی ٹی وی (سٹی رپورٹرشاہد ریاض)7 محرم الحرام،مرکزی ماتمی جلوس تیز بارش میں بھی سخت سیکیورٹی میں اختتامی منزل پرپہنچا
سیالکوٹ میں 7 ویں محرم الحرام کا مرکزی ماتمی جلوس تیز بارش کے دوران سخت حفاظتی حصار میں اپنے مقررہ راستوں سے ہوتا ہوا اختتامی منزل کی طرف رواں دواں رہا،
ڈی پی او سیالکوٹ محمد حسن اقبال تیز بارش اور سڑکوں پر کھڑے پانی کی پرواہ کیے بغیر میدان عمل میں سب سے آگےرہے اور جوانوں کیلئے فرض شناسی کی عملی مثال بن گئے.

ڈی پی او نے کہا کہ انسپکٹرز جنرل پولیس پنجاب ڈاکٹر عثمان انور کے ویژن کے مطابق جلوس کے شرکاء اور عزاداران کی حفاظت کو یقینی بنانے کیلیے مصروف عمل ہیں، بارش طوفان، سیلاب یا کوئی بھی موسمی حالات ہماری ڈیوٹی پر اثر انداز نہیں ہو سکتے.

لسبیلہ ،باغی ٹی وی (نامہ نگار حکیم بلوچ)حب ڈیم مکمل بھر گیا،سپیل وے کسی بھی وقت کھولے جاسکتے ہیں،حب ندی میں سیلابی ریلے کا خدشہ،الرٹ جاری
حب ڈیم کی سطح آب 339 کو تجاوز کرگئی،ضلعی انتظامیہ کی جانب سے سیلاب کاالرٹ جاری،پولیس کی جانب سے لوگوں کو محفوظ مقامات پر منتقل ہونے کیلئے اعلانات کئے جارہے ہیں ،ڈیم پانی آج کسی بھی وقت اسپیل وے سے خارج کر سکتا ہے، ضلعی انتظامیہ کی جانب سے ندی کے قریبی آبادی کو محتاط رہنے کی ہدایت

ڈیم اسپیل وے سے پانی خارج ہونے کے بعد حب ندی میں سیلابی ریلے انے کا خدش اج رات کو کسی بھی وقت پانی حب ڈیم سے نکل سکتا ہے ۔
ڈیم میں پانی کی سطح 339 تک پہنچ گئی ہے۔ ڈیم میں مزید پانی ذخیرہ کرنے کی گنجائش صرف ایک انچ باقی ہے۔

حب ضلع انتظامیہ نے حب ندی کے قریبی آبادی کو محتاط رہنے کی ہدایت جارہی کرتے ہوئے کہا حب ڈیم مکمل بھر گیا ہے مزید سیلابی ریلے حب ڈیم میں داخل ہو رہے ہیں آج رات کو کسی بھی وقت اسپیل وے سے پانی خارج ہو سکتا ہے لہزا عوام حب ندی کے قریب جانے سے گرہیز کریں۔

نوری آباد،باغی ٹی وی (نامہ نگار اللہ وسایا پالاری) نوری آباد کے نواحی گاؤں صوفن جاکھرو میں گاؤں کی 350 ایکڑ اراضی پر قبضہ کرنے کے بعد مسلح افراد نے دیہاتیوں میں ایک خاتون سمیت 5 افراد کو زخمی کر دیا۔
کوہستان رائل الائنس کے رہنما ڈاکٹر لکھمیر پالاری، ڈاکٹر امتیاز پالاری، محمد بخش بروہی اور دیہاتی دوست علی ، قادر جاکرو اور دیگر کی قیادت میں بااثر بلڈرز اور پولیس کے خلاف شدید احتجاج کیا،

بااثر مافیا کی جانب سے زمینوں پر قبضہ کیا جا رہا ہے، جہاں انہوں نے 350 ایکڑ اراضی پر جھوٹے ریکارڈ بنا کر مسلح افراد کو ہتھیاروں کے ساتھ تعینات کر رکھا ہے۔ جو کہ آئے روز گاؤں کے باہر ہوائی فائرنگ کر کے گاؤں والوں میں خوف و ہراس پھیلا رہے ہیں، گاؤں والوں کو ڈرایا دھمکایا جا رہا ہے، لوہنی کوٹ پولیس بااثر مافیا کے ساتھ مل کر زمینوں پر قبضہ کر ارہی ہےاور گاؤں کے لوگوں پر جھوٹے ایف آئی آراور مقدمے درج کئے جارہے ہیں

لونی کوٹ پولیس کے سرپرستی میں زمین پر کام جاری ہے کوہستان کی زمین سونا ہے جس پر بڑے بڑے بلڈرز اور قبضہ مافیا کا راج ہے، گاؤں والوں کاکہنا ہے کہ ہمارے ساتھ ظلم اور بربریت کی جارہی ہے، پولیس الٹا ہمیں ڈرا دھمکا رہی ہے

ہم اعلیٰ حکام کو درخواست کرتے ہیں کہ ہماری زمین سے قبضہ چھڑوایا جائے اور ہمارے ساتھ انصاف کیا جائے ورنہ دونوں اطراف سے ایم نائن موٹر وے پر سخت احتجاجی مظاہرہ کیا جائے گا

سیالکوٹ،باغی ٹی وی(سٹی رپورٹر شاہد ریاض) 7 محرم الحرام کے موقع پر ضلع بھر میں روائتی/لائسنسی 107 مجالس اور 73 ماتمی جلوسوں کی کو فول پروف سیکیورٹی فراہم کرنے کیلیے ڈی پی او سیالکوٹ محمد حسن اقبال کی سربراہی میں 2 ہزار سے زائد پولیس اہلکار فرائض سرانجام دے رہے ہیں ۔

ڈی پی او سیالکوٹ محمد حسن اقبال کی خصوصی ہدایات کے مطابق سیالکوٹ پولیس اپنے تمام دستیاب وسائل کو بروئے کار لاتے ہوئے پوری محنت و جانفشانی کے ساتھ جلوس و مجالس کی سیکیورٹی ڈیوٹی سر انجام دے رہی ہے۔ پوائنٹ ڈیوٹی پر اہلکاران کو مامور کرنے کے علاوہ تمام علاقوں کو مزید حصوں میں تقسیم کرکے نگرانی کیلئے گزیٹڈپولیس افسران کو مامور کیا گیا ہے۔

پروگرام کے دوران تھانے کی گاڑیاں،محافظ اسکواڈ اور ایلیٹ پولیس فورس گشت کے فرائض سرانجام دے رہی ہیں ۔ ٹریفک پولیس اور پٹرولنگ پولیس بھی ضلع پولیس کی معاونت اور روڈ کلیئرنس کیلئے ہمہ وقت موجود ہے۔

جبکہ مرکزی جلوسوں کیلئے 04پرت حصار قائم کئے گئے ہیں جن میں سب سے پہلے ولنٹیرکے ذریعے مجلس وجلوس میں شامل ہونے والے افراد کی شناخت اورتلاشی لی جائے گی، دوسرے مرحلے میں خواتین وحضرات مجلس کیلئے ایک راستے سے داخل ہوسکیں گے، تیسرے مرحلے میں واک تھرو گیٹ میٹل ڈیٹکٹر سے سویپنگ کی جائے گی جبکہ چوتھے اور آخری مرحلے میں عبادت گاہوں کے ہال میں بھی سیکیورٹی تعینات کر دی گئ ہے ۔

سیالکوٹ پولیس محرم الحرام کے دوران ضلع میں امن و امان برقرار رکھنے کیلئے بھرپور عزم کے ساتھ مصروف عمل ہے۔

سیالکوٹ باغی ٹی وی (سٹی رپورٹر شاہد ریاض)ریجنل ایمرجنسی آفیسر گوجرانوالہ سید کمال عابد کاسیالکوٹ کا دورہ، مون سون سیزن اور محرام الحرام کے حوالے سے تیاریوں کا جائزہ لیا۔
تفصیل کے مطابق ریجنل ایمرجنسی آفیسر گوجرانوالہ سید کمال عابد نے سیالکوٹ کا دورہ کیا۔دورہ کا مقصد حالیہ مون سون سیزن اور محرام الحرام کے حوالے سے تیاریوں کا جائزہ لینا تھا۔ ڈسٹرکٹ ایمرجنسی آفیسر انجینئر نوید اقبال نے مون سون سیزن اور محرم الحرام کی مناسبت سے جاری ایمرجنسی کوریج پلان کے متعلق بریفنگ دی۔

ریسکیورز 9,7اور 10محرم کے حوالے سے ریسکیو میڈیکل ٹیمیں بنا دیں ہیں،ضلع بھر میں اہم امام بارگاہوں اور جلوسوں کو میڈیکل کوریج فراہم کریں گے۔ سیلابی صورتحال کے لیے ریسکیو نے چپراڑ، بجوات، ہیڈمرالہ، شہباز پور پل کے علاوہ تحصیل پسرور میں چھور اور ڈیک کے مقامات پر ریسکیو ریلیف فلڈ کا سامان پہنچا دیا ہے تا کہ کسی بھی ہنگامی صورتحال میں بروقت امداد ی کاروئیوں کا آغاز کیا جا سکے۔

ریجنل ایمرجبسی آفیسر نے مون سون اور محرم الحرام کے حوالے سے تیاریوں پر اطمینان پر اظہار کیا اور ضروری ہدایات بھی جاری کیں۔ بعدازاں ریجنل ایمرجنسی آفیسر نے ہمراہ ڈسٹرکٹ ایمرجنسی آفیسر انجینئر نوید اقبال امام بارگاہ، کینٹ، اڈہ پسروریاں، اور مستری عبداللہ کا دورہ کیا اور جلوس کی گزرگاہ کا جائزہ لیا اور مجلس انتظامیہ سے ملاقات بھی کی۔

ریجنل ایمرجنسی آفیسر گوجرانوالہ نے اپنے دورہ کے دوران ریسکیو وہیکلز کے سامان کی ورکنگ اور تعداد کو چیک کیا ، اس کے علاوہ اسٹور کی ڈیٹا انٹریز، اکاؤنٹ آفس اور ٹیکنیکل آفس کے ریکارڈ کو بھی چیک کیا۔ بعدازاں کنٹرول روم کے ایمرجنسی ریکارڈ اور ایمرجنسی کالز کو بھی سنا۔ فلڈ فائٹنگ کے آلات کی جانچ پڑتال کی گئی۔ اس موقع پر ریسکیورز کے چاق و چوبند دستے نے پریڈ کا عملی نمونہ بھی پیش کیا جس کی کمانڈ محمد امین LFRنے کی۔

اسٹیشن انچارج ضیاء المصطفی اور ریسکیو سیفٹی آفیسر سمیع اللہ گوندل بھی ہمراہ موجود تھے۔ ریجنل ایمرجنسی آفیسر نے ڈسٹرکٹ ایمرجنسی آفیسر انجینئر نوید اقبال کی کارکردگی کو سراہا اور ضروری ہدایات بھی دیں اور کہا کہ کسی بھی ہنگامی صورتحال سے نمٹنے کے لیے ہمہ وقت اپنی تیاری کو مکمل رکھیں تا کہ ہم بہتر طور پر عوام الناس کو سہولیات مہیا کر سکیں۔