Author: ڈاکٹرغلام مصطفی بڈانی

تنگوانی باغی ٹی وی (نامہ نگار منصور بلوچ) کشمور میں ڈاکوؤں کے خلاف پولیس آپریشن جاری، تیغانی قبیلے کے 26 افراد پولیس اہلکاروں کے اغواء اور قتل کامقدمہ درج
تفصیل کے مطابق کرم پور کے تھانے میں سردار تیغو خان تیغانی،عبدالنغی تیغانی اس کے قبیلے کی 26 افراد کے خلاف پولیس اہلکاروں کو اغواء اور ایک پولیس اہلکار کو ہلاک کرنے کیFIR درج،

اغوا ہونے والے ایس ایچ او سمیت پولیس کی3 اہلکار ابھی تک ڈاکوؤں کی پاس یرغمال ہیں، ضلع کشمور میں ڈاکوؤں کا راج ہے جبکہ کئی دنوں سے کشمور پولیس کا ڈاکوؤں کے خلاف کچے میں تیغانی قبیلے کے خلاف آپریشن جاری رکھے ہوئئ ہے جبکہ آپریشن کا اب تک کوئی بھی خاطر خواہ نتیجہ نہیں نکلا ہے

دوسرے طرف ایس ایس پی عرفان علی سمو کے حکم پر کرم پور تھانے میں سردار تیغو خان تیغانی عبدالغنی اور اس کے خاندان کہ 26 افراد کے خلاف ایس ایچ او گل محمد مہر سمیت 3 پولیس اہلکاروں کو اغواء اور ایک پولیس اہلکار کو ہلاک کرنے کی ایف ائی ار درج کی گئی ہے

پولیس اہلکاروں کو اغواء ہوئے 5 دن گزر گئے ہیں جو ابھی تک ڈاکوؤں کے پاس یرغمال ہیں اور ڈسٹرکٹ کشمور کا امن وامان تباہ ہوچکا ہے آئے روز بڑھتی ہوئی بدامني عروج پر پہنچ گئی ہے-

میرپور ماتھیلو،باغی ٹی وی( نامہ نگار مشتاق علی لغاری) گھوٹکی کا امن تباہ،چوری ،ڈکیتی ،اغواء اور قتل کی وارداتیں ،شہریوں کااحتجاج
تفصیل کے مطابق خوشحال ضلع گھوٹکی کا امن تباہ،چوری ،ڈکیتی اوراغوا کی وارداتوں نے شہریوں کاسکوں تباہ کر دیا۔ اغواء اورقتل روز کا مرہ کا معمول بن گیا،گذشتہ روز گھوٹکی کی شہباز کالونی سے لغاری برادری کے دو معصوم بچوں 12 سالہ سلمان لغاری اور 9 سالہ کلثوم کو نامعلوم افراد نے اغوا کر کے بچوں کی لاشیں نہرو شاہ قبرستان میں پھینک دیں

جس پر میرپورماتھیلو میں جروار مین چوک پر احتجاجی مظاہرہ کیا گیا جس میں سیاسی، سماجی اور سول سوسائٹی سے تعلق رکھنے والے افرادنے بڑی تعداد میں شرکت کی اور نعرے لگائے۔ میوو گبول، الطاف بزدارنے خطاب کرتے ہوئے مطالبہ کیا کہ ایس ایس پی گھوٹکی معصوم بہن بھائی سلمان لغاری اور کلثوم لغاری کے قاتلوں کو گرفتار کر کے کڑی سے کڑی سزا دی جائے اور ضلع گھوٹکی میں امن و امان بحال کیا جائے کہ گائوں والے اور شہرمیں رہنے والے شہری اپنے بچوں کے ساتھ سکون کی زندگی گذار سکیں۔

ننکانہ صاحب باغی ٹی وی (نامہ نگار احسان اللہ ایاز )ممکنہ سیلابی صورتحال کے پیشِ نظر پنجاب ایمرجنسی سروس ریسکیو 1122 اور ڈسٹرکٹ ڈزاسٹر مینجمنٹ اتھارٹی ننکانہ صاحب کی جانب سے دریائے راوی کے ملحقہ علاقوں میں قائم کئے گئے ریسکیو اینڈ فلڈ ریلیف کیمپس میں انسانیت کی خدمت کے جذبے سے سرشار ریسکیو 1122عملہ عوام الناس کو احساس تحفظ فراہم کرنے اور کسی بھی ناگہانی صورتحال سے نمٹنے کے لئے ہمہ وقت ہائی الرٹ ہے۔

دریائے ستلج میں سیلابی صورتحال کے پیشِ نظر ضلع قصور کو ایمرجنسی کور فراہم کرنے کے لئے ننکانہ صاحب سے ریسکیو ٹیمیں تشکیل دے دی ہیں۔ڈسٹرکٹ ایمرجنسی آفیسر محمد اکرم پنوار کی نگرانی میں ریسکیو 1122 ننکانہ صاحب کی 4 واٹر ریسکیو ٹیمیں بمعہ کشتیاں اور فلڈ فائیٹنگ سازو سامان کے ساتھ روانہ ہو چکی ہیں۔ڈسٹرکٹ ایمرجنسی آفیسر محمد اکرم پنوار نے کہا کہ مشکل میں گھرے ہوئے لوگوں کی بروقت مدد کو یقینی بنایا جائے گا اور ریسکیورز پیشہ ورانہ ذمہ داریوں کو شاندار انداز میں سرانجام دیں گے

میرپور ماتھیلو، باغی ٹی وی (نامہ نگار مشتاق علی لغاری)گھوٹکی میں گذشتہ روز لاپتہ کمسن بہن بھائی کی قبرستان سے لاشیں برآمد
تفصیل کے مطابق گذشتہ روز شہباز کالونی کے رہائشی بہن بھائی 9 سالہ بچی کلثوم اور 11 سالہ سلمان گھر کے باہر سے غائب ہو گئے تھے۔ لاپتہ ہونے والوں 2 معصوم بچوں کی قبرستان سے لاشیں برآمد،شہریوں میں خوف و ہراس پھیل گیا ،ضلع گھوٹکی میں آئے دن معصوم بچوں پر ظلم اغواء برائے تاوان چوری ڈکیتی کی وارداتیں بڑھ گئی ہیں، جیسے ضلع کا کوئی وارث ہی نہیں-

گذشتہ 2 دن کے اندر تین معصوم بچوں کو بے دردی سے قتل کیا گیا ضلع گھوٹکی شہباز کالونی کے دو 2 معصوم بہن بھائی سلمان لغاری اور کلثوم لغاری کو گھر کے باہر سے اغواء کر لیا گیا والدین نے پورا علاقہ چھان مارا مگر بچے نا مل سکے والدین گھوٹکی تھانے پر گئے مگر پولیس نے اپنی روایات برقرار رکھتے ہوئے والدین کی بات نہ سنی جس سے والدین پریشانی سے نڈھال گھر لوٹ گئے ،ورثاء کی تلاش کے بعد آج ان معصوم بچوں کی لاشیں نہرو شاہ قبرستان سے ملی متعلقہ تھانے کی پولیس کو اطلاع ملنے پر پولیس اور علاقہ مکین قبرستان سے دونوں لاشیوں کو اپنی تحویل میں لےکر ہسپتال منتقل کردیا

اس غمگین واقعہ پر پورے ضلع گھوٹکی کی عوام سوگ وار شہریوں نے اس غمگین واقعہ کو دیکھ کر دکھ کا اظہار کرتے ہوئے کہا کہ ضلع گھوٹکی کا امن بالکل تباہ ہو چکا ہے ہم وزیراعظم پاکستان شہباز شریف وزیراعلی سندھ مراد علی شاہ آئی جی سندھ ڈی ائی جی سکھر سے اپیل کرتے ہیں کہ ضلع گھوٹکی میں امن وامان کی صورتحال کو بہتر بنایا جائےل

اوکاڑہ باغی ٹی وی( نامہ نگار ملک ظفر)ڈپٹی کمشنر ڈاکٹر محمد زیشان حنیف نے کہا کہ ضلع میں متوقع سیلابی صورتحال سے نمٹنے کے لیے تمام ادارے مربوط انداز میں انتظامات کو مکمل کریں تاکہ کسی بھی غیر متوقع صورت حال سے احسن انداز میں نمٹا جا سکے۔ دریائے ستلج اور دریائے راوی کے بیڈ میں عارضی قیا م گاہوں رہائش پذیر لوگوں کے انخلا کو مکمل کر نے کے لیے متعلقہ افسران فوری اقدامات کریں۔

ان خیالات کا اظہار انہوں نے ضلع میں متوقع سیلابی صورتحال سے نمٹنے کے لیے کیے گئے اقدامات کے جائزہ اجلاس کی صدارت کرتے ہوئے کیا۔ اجلاس کو بتایا گیا کہ دریائے ستلج اور دریائے راوی کے منتخب مقامات پر فلڈ ریلیف کیمپ اور میڈیکل کیمپ قائم کر دیے گئے ہیں۔ محکمہ صحت، محکمہ ریونیو پولیس، سول ڈیفینس، ریسکیو1122کی ٹیمیں فیلڈ میں موجود ہیں۔ جبکہ رینجرز اور حساس اداروں کی جانب سے سول انتظامیہ کی معاونت کے لیے پلان تیار کر لیا گیا۔

اجلاس کو بتایا گیا کہ اس وقت دریائے راوی معمول کے مطابق بہہ رہا ہے۔ جبکہ دریائے ستلج میں نچلے درجے کا سیلاب ہے۔ اور گنڈا سنگھ والا کے مقام پر دریا میں 67ہزار 740کیوسک پانی بہہ رہا ہے۔ جبکہ سلیمان کی ہیڈ ورکس پر پانی 31ہزار 69کیوسک ہے۔ ڈپٹی کمشنر ڈاکٹر محمد زیشان حنیف نے متعلقہ افسران کو ہدایت کی ہے کہ وہ دریائے ستلج اور دریائے راوی میں نگرانی کا عمل جاری رکھیں اور تمام متعلقہ ادارے اس سلسلہ میں اقدامات کریں۔

کوٹ مبارک،باغی ٹی وی (نامہ نگار امداداللہ تھہیم)ٹرانسفامر جلنے سے ،گذشتہ 4 روز سے جامع مسجد و مدرسہ سمیت کئی محلوں کی بجلی بند
تفصیل کے مطابق 9جولائی سے جامع مسجد و مدرسہ انوار القرآن و محلہ شمالی کمہار،موچی ،گاذر و لوہار میں بجلی بند ہے 4 روز سے 50 کے وی کا ٹرانسفامر جلنے کی وجہ سے بجلی بند ہے ۔ واپڈا ٹیم بجلی بحال کرنے کیلئے نہ پہنچی ۔

مدرسہ انوار القرآن میں تقریبا 350/سے زائد بچے و بچیاں قرآن پاک کا درس حاصل کررہے ہیں ۔سخت گرمی ہے ۔ مسجد میں اس سخت گرمی میں تعلیم حاصل کرنا مشکل ترین ہے ۔مدرسہ میں بچوں کو مدرسین کے لیے پینے کا صاف پانی نہیں ہے ۔بچے پیاس سے نڈھال ہیں ۔نماز و وضو کرنے کے لیے پانی تک نہیں ہے ۔ظلم کی انتہا ہے ، خاص کر نمازی اور زیر تعلیم بچے محلے دار شدید پریشان حال ہیں ۔منتخب عوامی نمائندے اور واپڈا کے حکام سے اصلاح و احوال کی اپیل ہے ۔