Author: ڈاکٹرغلام مصطفی بڈانی

ڈیرہ غازیخان،باغی ٹی وی (بیوروچیف قیصرعباس جعفری)ڈپٹی کمشنر ڈیرہ غازیخان مہر شاہد زمان لک کی زیرصدارت پرائس،صفائی،فلڈ انتظامات، کپاس،ریونیو بارے جائزہ اجلاس کمیٹی روم میں منعقد ہوا۔اجلاس میں ایڈیشنل ڈپٹی کمشنرز رضوان نذیر،محمد اسد چانڈیہ،اسسٹنٹ کمشنرز عثمان غنی،زاہد اقبال،طارق شبیر،سی ای او ویسٹ مینجمنٹ کمپنی جواد الحسن گوندل،سی او ضلع کونسل آصف قریشی،زبیر خان،اصغر صدیقی،کلیم کوریہ،سلمان شاہ ودیگر نے شرکت کی۔

ڈپٹی کمشنر مہر شاہد زمان لک نے سرکاری اراضی پر کریشنگ آکشن،بزنس پلان کی تفصیلات طلب کرتے ہوئے کہا کہ ہم سرکاری اراضی کا بہترین استعمال کرکے حکومتی آمدن میں اضافے کا باعث بن سکتے ہیں،محکمہ جنگلات و معدنیات اپنی اراضیوں کی لیز ایگریمنٹ کی رپورٹ دیں،ڈپٹی کمشنر نے کہاکہ بڑے شہروں میں صفائی ہماری اولین ترجیح ہے جس کی مانیٹرنگ کیلئے سیکٹر وائز افسران تعینات کرینگے،

صفائی مینجمنٹ کیلئے تاجر برادری سے رابطہ کیا جائے، گندگی پھیلانے والے تاجروں کو جرمانوں کیساتھ انکا سامان بھی ضبط کیا جائے، قبرستانوں میں صفائی کیلئے بھی لائحہ عمل تیار کیا جائے،ڈپٹی کمشنر نے کہا کہ کپاس کی بہترین پیداوار کیلئے ماہرین سے رابطہ کر کے نئی فصل کے ریٹ اور کھاد ایشوز پر نگاہ رکھی جائے،اسسٹنٹ کمشنر تونسہ فلڈ کے پیش نظر قائم کردہ ریلیف کیمپس کا وزٹ کریں،کارکردگی نہ دکھانے والے پرائس کنٹرول مجسٹریٹس کو نوٹسز جاری کئے جائیں۔

ڈیرہ غازیخان،باغی ٹی وی (بیوروچیف قیصرعباس جعفری)ڈیرہ غازی خان ڈویژن کے تمام سرکاری و نجی ہسپتالوں کے ویسٹ کی محفوظ تلفی کی کڑی نگرانی کا فیصلہ کیا گیا ہے کمشنر ڈاکٹر ناصر محمود بشیر نے ویڈیو لنک اجلاس کی صدارت کرتے ہوئے کمیٹی تشکیل دے دی جو ہسپتالوں اور انسینریٹرز کے اچانک معائنہ کے ساتھ متعلقہ معاملات کی جانچ پڑتال کرکے رپورٹ پیش کرے گی۔

ڈویژنل ہاسپٹلز ویسٹ سپروائزری کمیٹی کے اجلاس میں متعلقہ معاملات کا جائزہ لیا گیا۔اجلاس میں ڈپٹی کمشنرز اور متعلقہ افسران بھی شریک تھے۔کمشنر ڈاکٹر ناصر محمود بشیر نے ڈی جی خان ڈویژن کے سرکاری ٹیچنگ،ضلعی و تحصیل صدر ہسپتال اور تمام نجی ہسپتالوں کے فضلہ کی تلفی،ری سائیکلنگ کی کڑی نگرانی کے احکامات جاری کر دئیے ہیں

انہوں نے کہا کہ سرکاری و نجی ہسپتال ویسٹ کی تلفی اور دیگر معاملات کے حوالے سے روزانہ کی بنیاد پر رپورٹ پیش کی جائے۔کمشنر ڈاکٹر ناصر محمود بشیر نے کہا کہ ہسپتال کا انفیکشن ویسٹ سب سے زیادہ خطرناک ہے۔ہاسپٹلز ویسٹ کی محفوظ ترسیل و انسینریٹر کو یقینی بنایا جائے۔ہاسپٹلز ویسٹ کی غیر قانونی ہینڈلنگ پر قانون کے تحت سخت کارروائی کی جائے۔

ماحولیاتی آلودگی کم کرنے کیلئے سب کو کردار ادا کرنا ہوگا۔انہوں نے کہا کہ ڈپٹی کمشنرز،سی ای او ہیلتھ ہاسپٹلز ویسٹ کے معاملات کی خود نگرانی کریں۔ہسپتال کے فضلہ کی محفوظ تلفی کے حوالے سے تربیت اور آگاہی سیمینار منعقد کئے جائیں۔ڈی جی خان ڈویژن کے تمام سرکاری و نجی ہسپتالوں میں صفائی کو یقینی بنایا جائے۔

تنگوانی باغی ٹی وی (نامہ نگار منصور بلوچ) قریبی گاؤں معصوم شاہ میں 5 سالہ بچا خسرہ کے باعث جاں بحق گھر میں ماتم ۔
تفصیلات کے مطابق تنگوانی کے قریبی گاؤں معصوم شاہ میں 5 سالہ لڑکا گل بہار ولد محمود بھلکانی خسرہ کے باعث فوت ہو گیا ہے جس کے گھر میں ماتم چھایا گیا ہے جبکہ وہاں سے معلوم ہوا کہ اس گاؤں میں خسرہ کے بیماری میں ایک درجن سے زیادہ بچے اس موذی بیماری میں مبتلا ہیں ،وبائی صورت اختیارکرتی اس بیماری کی طرف ڈسٹرکٹ ہیلتھ آفیسر اور ضلعی انتظامیہ نے ابھی تک کوئی توجہ نہیں دی ہے ۔

بتایا گیا ہے کہ اس بستی کے لوگ غربت کی وجہ سے بچوں کا علاج معالجہ کرانے سے قاصر ہیں اور غریب بچوں کے علاج پرسرکاری ہسپتالوں میں کوئی توجہ نہیں دی جارہی ہے اس بستی کے لوگوں نے ڈی سی کشمور سے استدعا کی ہے کہ جلد خسرہ کے علاج کے لئے ہمارے علاقہ میں ٹیمیں روانہ کریں اور ہمارے بچوں کوموت کے منہ میں جانے سے بچایا جائے۔

قصور،باغی ٹی وی(نامہ نگار طارق نوید سندھو) بھارت نے دریائے ستلج میں ساٹھ 60 ہزار کیوسک کا ریلہ چھوڑ دیا ، آنے والے 24 گھنٹوں میں سیلابی صورتحال پیدا ہونے کا خدشہ ہے ،پانی کا بڑا ریلہ پاکستان میں داخل ہوچکا ہے سیلابی ریلہ آنے سے دریائے ستلج میں درمیانے درجے کا سیلاب آچکا ہے

ریسکیو ٹیمیں موقع پر پہنچ چکی ہیں اور تین خاندانوں کو محفوظ مقام پر منتقل کر چکی ہیں جن کے ساتھ ان کے گھر کا ضروری سازو سامان بھی تھا، ایک کار اور دو موٹر سائیکل بھی شامل تھی آئندہ بارہ گھنٹوں میں ستلج سے ملحقہ دس گاؤں اور ہزاروں ایکڑ زرعی رقبے میں پانی داخل ہوجائے گا

دریائے ستلج سے ملحقہ دس گاؤں حساس قرار دے دئے گئے ہیں جن میں چندہ سنگھ، ماہی والا، فتی والا ، فتوحی والا، چھانٹ، مستے کی ، دھوپ سڑی سمیت دیگر گاؤں متاثر ہونے کا خدشہ ہے جس وجہ سے ضلعی انتظامیہ نے مقامی افراد کی نقل مکانی شروع کرادی ہے دریا کے قریب تلوار پوسٹ کے مقام پر عارضی ریلیف کیمپ قائم کردئے گئے ہیں

مقامی افراد نے اپنے جانور اور زرعی اجناس بھی محفوظ مقامات پر منتقل کرنا شروع کردئے ہیں اس کے علاوہ مکئی، چاول، سمیت دیگر زرعی اجناس زیر آب آنے کا خدشہ ہے دریائے ستلج کے مقام گنڈا سنگھ والا میں اس وقت 40 ہزار کیوسک کا اخراج ہے جبکہ بارہ گھنٹوں تک یہ اخراج ساٹھ ہزار کیوسک ہوجائے گا-

سیالکوٹ، باغی ٹی وی(سٹی رپورٹر شاھد ریاض)ممکنہ سیلابی صورتحال کے پیش نظر تمام سیکٹرز کو ہائ الرٹ کر دیا گیا ہے۔ انجینئر نوید اقبال
کے مطابق حالیہ مون سون سیزن اور ممکنہ سیلابی صورتحال اور فلڈ الرٹ کے پیش نظر ریسکیو 1122 ہائی الرٹ ہے۔
اس سلسلسے میں تمام سیکٹرز جن میں چپراڑ، ہیڈمرالہ، سیدپور بجوات، تحصیل سمبڑیال میں شہبازپور پل, رندھیر باگھڑیاں، تحصیل پسرور میں نالہ ڈیک اور چھور سمیت تمام سیکٹرز میں سیلابی صورتحال سے نمبرد آزما ہونے والے آلات و کشتیاں بھیج دیں گئیں ہیں۔ ریسکیو ریلیف کیمپ لگا دیے گئے ہیں جن میں سٹاف کسی بھی ہنگامی صورتحال سے بروقت نمٹنے کے لیے ہمہ وقت موجود ہو گا۔
ریجنل ایمرجنسی آفیسر گوجرانوالہ سید کمال عابد نے ڈسٹرکٹ سیالکوٹ کا دورہ کیا اور ممکنہ سیلابی صورتحال کے حوالے سے تیاریوں کا جائزہ لیا۔
ڈسٹرکٹ ایمرجنسی آفیسر انجینئر نوید اقبال نے ریجنل ایمرجنسی آفیسر کو مختلف ریسکیو ریلیف کیمپس کا دورہ کروایا۔ ریجنل ایمرجنسی آفیسر گوجرانوالہ نے تیاریوں کے حوالے سے اطمینان کا اظہار کرتے ہوئے کہا کہ تمام افیسزر و آفیشلز الرٹ رہیں تا کہ کسی بھی ہنگامی صورتحال میں بروقت کاروائیوں کا آغاز کیا جا سکے۔

میرپور ساکرو،باغی ٹی وی (نامہ نگارقادرنوازکلوئی )پیپلز پارٹی کے رہنما امیر حسین ہدیو بلوچ نے ٹاؤن کمیٹی کے عملے کے ہمراہ شہر کے مختلف وارڈز کا دورہ کیا اور شہر کو صاف ستھرا رکھنے سمیت برساتی پانی کی نکاسی کے احکامات جاری کیے، شہر کے ہر محلے سے بارش کے پانی کی نکاسی کی جائے، اس موقع پر انچارج ٹاؤن کمیٹی انور خان کلمتی، شہر کے معززین غلام نبی کنبھار، حاجی عثمان شورو، بشیر کنبھار، سکندر مانگھڑ، جاویدملاح، راجہ شاہ بخاری، سراج شورو، ذوالفقار کنبھار قادر کلوئی اور دیگر بھی موجود تھے۔