Author: ڈاکٹرغلام مصطفی بڈانی

ڈیرہ غازیخان ،باغی ٹی وی (بیوروچیف قیصرعباس جعفری ) سویڈن کا دل خراش واقعہ نہ صرف امت مسلمہ بلکہ پوری دنیا کے مسیحوں کے لیے دکھ اور غم و غصے کا باعث بنا، ملعون کو سخت سزا دی جائے حکومت سویڈن کےسفیر کو فوری طور پر ملک بدر کرے ان خیالات کا اظہار منتظم اعلی سینٹ اینتھونی یونائٹڈ چرچ سلیم الیاس مسیح نے سینٹ انتھونی یونائٹڈ چرچ ڈیرہ غازی خان میں سویڈن کے حوالے سے ریلی سے خطاب کرتے ہوئے کہا اس موقع پر خادم چرچ پیٹر جوزف گول نے کہا کہ امت مسلمہ کے اس دکھ اور افسوس کی گھڑی میں مسیحی برادری ان کے ساتھ ہے، یونس پرویز مسیح سابق ممبرضلع کونسل نے ریلی سے خطاب کرتے ہوئے عالمی برادری سے مطالبہ کیا کہ ملعون شخص کو سرعام پھانسی اور سویڈن پر عالمی پابندیاں عائد کی جائیں، ریلی سے عامر پرویز مسیح بابا شاہد مسیح آصف جان ساور یونس کامران و دیگر نے سویڈن میں واقعہ قران شریف کے حوالے سے سخت غم و غصے کا اظہار کیا اور آخر میں دنیا بھر میں امن و امان محبت بھائی چارے کی فضا قائم کرنے کے لیے خصوصی دعا کروائی گئی-

سیالکوٹ، باغی ٹی وی(سٹی رپورٹر شاہد ریاض)سیالکوٹ پولیس کی منشیات کے بڑے ڈیلروں کے خلاف تابڑتوڑ کارروائیوں کا سلسلہ جاری، ایک خاتوں سمیت 4 ملزمان کے قبضہ سے 17 کلو گرام کے قریب چرس، آئس اور ہیروئن اور وٹک رقم برآمد کر کے گرفتار کر لیے۔
تفصیلات کے مطابق ڈی پی او سیالکوٹ محمد حسن اقبال کی ہدایت پر سیالکوٹ پولیس نے موت کے سوداگر منشیات فروشوں کے خلاف بڑے پیمانے پر کارروائیوں کا سلسلہ جاری کر رکھا ہے۔
اس سلسلہ میں ایس پی انویسٹی گیشن ضیا ءاللہ کی سربراہی میں ڈی ایس پی سٹی سرکل طارق محمود اور ایس ایچ او تھانہ کینٹ سب انسپکٹر الطاف اسحق نے اپنی ٹیم کے ہمراہ ہیومن انٹیلی جنس بیسڈ آپریشن کے دوران ضلع میں منشیات فروشی میں ملوث ملزمہ نادیہ دختر روح دل خان کو لیڈیز پولیس کی مدد سے اور ملزمان 2.گل رفیق ولد اعظم خان 3.واحد ولد گل بہادر 4. رانا ذیشان ولد عبدالستار کو گرفتار کر کے ان کے قبضہ سے مجموعی طور پر 17 کلو گرام کے قریب منشیات جس میں (چرس 14کلو 550 گرام، آئس 1170گرام، ہیروئن 1100گرام) اور رقم وٹک 7500 روپے برآمد کرلی ہے۔

ملزم کے پی کے سے منشیات لاکر سیالکوٹ کے مختلف علاقوں میں سپلائی کرتے تھے۔ جن کو گرفتار کر کے ضلع میں منشیات کی سپلائی کی ایک اور چین کو بریک کر دیا گیا ہے۔ڈی پی او سیالکوٹ محمد حسن اقبال نے کہا ہے کہ ضلع سے منشیات کی لعنت کا جڑ سے خاتمہ کرنے کیلیے چھوٹے موٹے نشئیوں کی بجائے اس مکروہ دھندے میں ملوث بڑی مچھلیوں کو پکڑا جا رہا ہے شہر سے منشیات کے مکمل خاتمے تک کریک ڈاؤن جاری رہے گا.
ڈی پی او سیالکوٹ محمد حسن اقبال نے کاروائی میں شامل پولیس ٹیم کے لیے تعریفی سرٹیفکیٹس اور نقد انعام کا اعلان کیا ہے

گوجرخان باغی ٹی وی( نامہ نگار شیخ ساجد قیوم)ٹریکٹر ٹرالی کی زد میں آکر جاں بحق، 2حقیقی بھائی سپردخاک
تفصیل کے مطابق گذشتہ شب چک بیلی خان روڈ پر تیز رفتار ٹریکٹر ٹرالی کی زد میں آکر موٹر سائیکل سوار سگے بھائی جاں بحق ہو گئے محمد علی اور محمد حسین ولد قاضی حفیظ الرحمن ساکن کڑولی گوجرخان کو نماز جنازہ کی ادائیگی کے بعد مقامی قبرستان میں سپردخاک کردیا گیا دونوں حقیقی بھائی ٹریکٹر کی زد میں آکر موقع پر جاں بحق ہو گئے تھے نماز جنازہ میں ہرطبقہ فکر کے افراد کی بڑی تعداد میں شرکت کی-

ننکانہ صاحب باغی ٹی وی( نامہ نگار احسان اللہ ایاز) تمام پیرامیڈکس وہ گمنام ہیرو ہیں جو معاشرے پر مثبت اثر ڈالتے ہیں – ڈاکٹر رضوان نصیر
تفصیلات کے مطابقسیکرٹری ایمرجنسی سروسز ڈیپارٹمنٹ ڈاکٹر رضوان نصیر نے پیرا میڈکس کی خدمات کے اعتراف میں 2022 میں شروع ہونے والے پیرامیڈکس کے عالمی دن کے موقع پر پیرامیڈیکس کی خدمات کا اعتراف کیا جو کسی بھی ہنگامی صورتحال اور خاص طور پر کرونا جیسی وبائی امراض کے دوران ہنگامی متاثرین کی زندگیاں بچانے کے لیے اپنی جانیں خطرے میں ڈالتے ہیں۔آج ہم دنیا بھر میں پیرامیڈیکس کے غیر متزلزل عزم، ہمت، اور ہمدردی کوسلام پیش کرتے ہیں اور انکی خدمات کو خراج تحسین پیش کرتے ہیں
ان خیالات کا اظہارسیکرٹری ایمرجنسی سروسزڈاکٹر رضوان نصیر نے پیرامیڈیکس کے عالمی دن کے موقع پر پیرامیڈکس کے لیے اپنے خصوصی پیغام میں کیا۔مزید براں سیکرٹری ایمرجنسی سروسزنے بتایاکہ ایمرجنسی سروسز ڈیپارٹمنٹ نے اپنے آغاز سے اب تک پنجاب بھر میں مختلف حادثات میں 12.8 ملین سے زائد ایمرجنسی متاثرین کوایمرجنسی سروسز فراہم کیں اور بہت سی قیمتی انسانی جانوں کو بچایا۔انہوں نے کہا کہ خاص طور پرکرونا وباء کے دوران جب کوئی بھی کرونا کے مریض کے قریب آنے کو تیار نہیں ہوتا تھا ریسکیو 1122 کے ایمرجنسی پیرامیڈیکس نے 23ہزار سے زائدکرونا مریضوں کوایمرجنسی سروسز فراہم کیں اور 4ہزار سے زائدکرونا سے فوت ہونے والے افراد کی باعزت تدفین کا فریضہ بھی سر انجام دیا۔ انہوں نے ریسکیو پیرا میڈیکس کی بے لوث خدمات اور بہادری پر کو خراج تحسین پیش کیاسیکرٹر ی ایمرجنسی سروسز نے کہا کہ پیرامیڈکس کا شعبہ خاص طور پر پاکستان میں نسبتاً نوجوانوں کا پیشہ ہے مگر مختلف شعبہ جات میں پیرامیڈکس کے انتہائی اہم کردار کی وجہ سے بڑے وسیع پیمانے پرتیزی سے ترقی بھی کر رہا ہے اور ہم اس کو 2023 میں جداگانہ انداز میں پیش کرنا چاہتے ہیں۔ انہوں نے مسٹر ڈومینک جین لیری کی خدمات کا بھی اعتراف کیا جنہیں اکثر جدید ایمبولینس سروس کا باپ ماناجاتا ہے۔ ایمبولینس پیرامیڈیکس آئے روزایمرجنسی متاثرین کوطبی امداد فراہم کرتے ہوئے انہیں مشکل اور اکثر جان لیوا حالات کا سامنا کرنا پڑتاہے۔ ان کی مہارتوں اور بروقت فیصلہ سازی بے شمار انسانی زندگیوں کو بچانے میں واضح فرق ڈالتی ہیں اور ان کا یہ کردار کسی سے ڈھکا چھپا نہیں ہےسیکرٹری ایمرجنسی سروسز نے مزید کہا کہ ہنگامی طبی امداد فراہم کرنے اور مریضوں کو مستحکم کرنے کی انتھک کوششیں واقعی قابل ستائش ہیں۔اگرچہ وہ ٹریفک حادثات،میڈیکل ایمرجنسیزیا پھر قدرتی آفات جیسی ایمرجنسیز کورسپانڈ کر رہے ہوں پیرامیڈکس ہر ہنگامی صورتحال میں سب سے آگے ہوتے ہیں اور چندہی سیکنڈمیں فیصلہ سازی کرتے ہوئے اپنی پیشہ ورانہ تربیت اورصلاحیتوں کو بروئے کار لاتے ہوئے قیمتی انسانی جانیں بچاتے ہیں۔ہم ان کی قربانیوں، انکے طویل گھنٹوں پر مشتمل کام اوران کے جذباتی نقصان کو تسلیم کرتے ہیں۔پیرمیڈکس کی مسلسل دباؤ میں رہنے اور پریشانی میں مبتلا لوگوں کی مدد کرنے کی صلاحیت انکے غیر معمولی کردار اور لگن کا منہ بولتا ثبوت ہے۔اس اہم دن کے موقع پرسیکرٹری ایمرجنسی سروسز نے ہر ایک پیرامیڈیک کا تہہ دل سے شکریہ ادا کیا جو اپنے معاشرے کے افرادکی مشکل حالات میں خدمت کرتا ہے۔پیرامیڈکس کی کسی بھی ایمرجنسی میں پری ہاسپٹل کیئرکا عزم اور ہیلتھ کیئر سسٹم میں قلیدی کردار قابل ستائش ہے۔سکریٹری ایمرجنسی سروسزنے پیرامیڈیکس کے اہل خانہ اور انکے پیاروں کی بھی تعریف کی جو اس عظیم پیشے کی ضرورت کے پیش نظر درپیش چیلنجز کے دوران کے شانہ بشانہ کھڑے ہوتے ہیں پیرامیڈیکس کی فہم و فراست، حوصلہ افزائی اور پیشہ ورانہ صلاحیت بیش قیمت ہیں
ڈاکٹر رضوان نصیر نے اختتامی کلمات میں کہا تمام پیرامیڈکس وہ گمنام ہیرو ہیں جو معاشرے پرمثبت اثر ڈالتے ہیں۔ ان کی بہادری اور ہمدردی ہم سب کو متاثر کرتی ہے۔ آج ہم ان کا احترام کرتے ہیں اورانسانی جانوں کوبچانے کے غیر متزلزل عزم کے مشکور ہیں

سیالکوٹ ،باغی ٹی وی (سٹی رپورٹرشاہدریاض)دریائے چناب میں ہیڈ مَرالہ کے مقام پر پانی کی سطح ایک لاکھ 99 ہزار کیوسک ہو گئی، جس کے تحت دریائے چناب کے اطراف میں ہائی الرٹ جاری کردیا گیا۔
صوبائی ڈیزاسٹر مینجمنٹ اتھارٹی (پی ڈی ایم اے) کے مطابق دریائے چناب اور راوی سے منسلک نالہ جات میں آئندہ 48 گھنٹوں کے دوران اونچے درجے کے سیلاب کا امکان ہے۔ممکنہ سیلاب کے پیش نظر مختلف اضلاع میں ریلیف کیمپس قائم کر دیئے گئے ہیں۔
واضح رہے کہ بھارت ہر سال پاکستانی دریاؤں میں بغیر اطلاع کے پانی چھوڑ دیتا ہے جس سے مقامی سطح پر سیلابی صورتحال پیدا ہوجاتی ہے۔
گزشتہ سال بھارت نے ایک لاکھ 73 ہزار کیوسک پانی چھوڑا تھا۔

میہڑ،باغی ٹی وی (نامہ نگارمنظورعلی جوئیہ)انڈس ہائی وے پر تیزرفتار کار کی ٹکرسے موٹرسائیکل سوارہلاک
تفصیل کے مطابق انڈس ہائی وے پر تیزرفتار کار اور موٹرسائیکل میں تصادم ہوا ہے ،اس حادثے کے باعث ایک شخص موٹرسائیکل سوار محرم علی کھوسو موقع پر جاں بحق ہوگیا،اطلاع ملتے ہے میہڑ پولیس نے جائے وقوعہ پر پہنچ کر کار ڈرائیورکو تحویل میں لے لیا ہے اور لاش کو ضروری کارروائی کے لئے تحصیل ہسپتال منتقل کردیا گیاہے.

قصور( نامہ نگار طارق نوید سندھو )گورنمنٹ وومن کالج دریا میں تبدیل ،اساتذہ اور طالبات کو ریسکیو ٹیموں نے کشتی کے ذریعہ باہر نکالا
قصور میں ندی نالوں کی صفائی نہ ہونے کی وجہ سے مون سون کی بارش قصور گورنمنٹ وومن کالج دریا کا منظر پیش کرنے لگا بارش کا پانی کلاس روم، لائبریری تک مختلف کمروں میں بھر گیا جس کی وجہ سے لاکھوں کے نقصان کا خدشہ ہے اس کے علاوہ کالج میں پریکٹیکل کے لئے آۓ ہوۓ پھنسے اسٹاف اور طالبات کو ریسکیو ٹیموں نے کشتی میں بٹھا کر باہر نکالا۔ قصور کی عوام نے مختلف مقامات پر حکومتی نمائندوں کے خلاف اجتجاج کیا