Author: ڈاکٹرغلام مصطفی بڈانی

میرپورخاص،باغی ٹی وی( نامہ نگار سید شاہزیب شاہ کی رپورٹ) عمرکوٹ روڈ پر ٹرک نے موٹر سائکل سواروں کوروند ڈالا،ایک موقع پر جانبحق
میرپورخاص عمرکوٹ روڈ نزد 78 موری پر ٹرک موٹر سائکل سواروں ہر چھڑ گئی پتھورو کا رہائشی 28 سالا علی حسن ولد حبیب اللہ آریسر موقع پر جانبحق ہوگیا جبکہ ایک نامعلوم شخص اور شدید زخمی ہوا ہے جسے سول ہسپتال منتقل کیا گیا ہے

میرپورماتھیلو،باغی ٹی وی (نامہ نگار مشتاق علی لغاری)نہر میں ڈوبنے والے بچے کی لاش کی تلاش کیلئے پاک نیوی ٹیم سکھر سے مدد طلب
تفصیل کے مطابق آج حیات پتافی کے قریب مسو نہر میں ڈوب کر جان بحق ہونے والے بچے کی لاش ڈھونڈنے کے لئے ڈپٹی کمشنر گھوٹکی کی ہدایت پر پاک نیوی ٹیم سکھر سے مدد طلب کرلی گئی،میرپور ماتھیلو کے نواحی گاؤں حیات پتافی کے قریب مسو نہر میں ڈوب کر جاں بحق ہوجانے والے 14 سالہ لڑکے شفیق تھہیم کی لاش ڈھونڈنے کے لئے ڈپٹی کمشنر گھوٹکی کی ہدایت پر اسسٹنٹ کمشنر میرپور ماتھیلو محمد احمر نے پاک نیوی ریکروٹمنٹ سینٹر سکھر کے انچارج کو خط لکھ کر مدد طلب کرلی ہے. اس سلسلے میں ڈپٹی کمشنر نے افسوسناک واقع پر ورثاء سے افسوس کا اظہار کیا ہے

اوکاڑہ (باغی ٹی وی نامہ نگار ملک ظفر)سابق خاتون اول کی انٹی کرپشن میں طلبی،لاہور ہائیکورٹ سے عبوری ضمانت کروا لی
تفصیل کے مطابق آج انٹی کرپشن اوکاڑہ نےسابق خاتون اول بشری بی بی کو طلب کیا تھا ،بشریٰ بی بی نے اینٹی کرپشن اوکاڑہ میں پیش ہونے کی بجائے
لاہور ہائیکورٹ میں جسٹس امجد رفیق کی عدالت سے عبوری ضمانت منظور کرا لی
جسٹس امجد رفیق نے اینٹی کرپشن ڈائریکٹر کنور خالد ،ڈپٹی ڈائریکٹر ملک تصور سرکل آفیسر مصطفی کو کل طلب کر لیا ہے،اینٹی کرپشن میں درج مقدمہ میں متعلقہ افسران کو نامزد نہیں کیا گیا .میونسپل کمیٹی دیپالپور کے چیف آفیسر عمران سندھو اسسٹنٹ کمشنر رانا اورنگزیب سمیت دیگر متعلقہ افسران کو مقدمہ میں نامزد نہیں کیا گیا اینٹی کرپشن اوکاڑہ نے بشری بی بی ان کے بھائی مجتبی کو مقدمہ میں نامزد کر رکھا ہے
سابق خاتون اول بشری بی بی کے بھائی نے عبوری ضمانت نہیں کروائی .ڈپٹی ڈائریکٹر انٹی کرپشن اوکاڑہ ملک تصور کاکہنا ہے کہ بشری بی بی کو عبوری ضمانت کے باوجود تفتیش کے لیے پیش ہونا ہو گا ،عدالت کے حکم پر مکمل عمل کریں گے ،اگر بشری بی بی کی کل عبوری ضمانت خارج ہوئی تو انٹی کرپشن ٹیم گرفتار کرے گی ۔عبوری ضمانت میں اگر توسیع ہوئی تو بھی بشری بی بی کو شامل تفتیش ہونا ہو گا-

قصور،باغی ٹی وی(نامہ نگار طارق نوید سندھو سے) عالمی برادری اس مذہبی دہشت گردی کا نوٹس لے اور ملوث افراد کو کیفرکردار تک پہنچائے, سماجی رہنماء عابد علی بھٹی نے صحافیوں سےبات کرتے ہوئے کہا کہ قرآن پاک پوری دنیا کے لیئے راہ نجات ہے اور اسکی حفاظت کا ذمہ خود اللہ تعالیٰ نے لیا ہوا ہے ہم تمام الہامی کتابوں پر ایمان رکھتے ہیں ایسے واقعات مذاہب میں دوری اور دنیا میں بسنے والے مسلمانوں کی دل آزاری کا سبب بنتے ہیں، اقوام متحدہ فوری نوٹس لے کر اس واقعہ میں ملوث ملزم کو قرار واقعی سزا دلوائے۔ عابد علی بھٹی نے کہا کہ قرآن پاک ہماری مقدس کتاب ہے اور انسانیت کا سبق دیتی ہے ہم مسلمان اسکی حفاظت کرنا خوب جانتے ہیں حکومت پاکستان فوری طور پر اس مسئلہ کو اقوام متحدہ میں اٹھائے اسلام دشمن قوتوں کے ایما پر آئے روز مسلمانوں کے جذبات کو مجروع کرنا کسی صورت برداشت نہیں اس واقعہ کی جتنی مذمت کی جائے کم ہے

کوٹ ادو،باغی ٹی وی (ویب نیوز) قتل یا خود کشی، شادی والا گھر ماتم میں بدل گیا، بارات کے روز پر اسرار طور پر دولہا غائب ہوگیا، تلاش کرنے پر اس کی لاش کھیت سے ملی ۔
تفصیل کے مطابق کوٹ ادو کے نواحی تھانہ سناواں کے علاقہ کھرغربی میں 23 سالہ محمد عثمان کی شادی تھی، اور بارات کے روز صبح 9 بجے دولہا عثمان گھر سے ناشتہ کرنے کے بعد غائب ہو گیا۔اہل خانہ شادی کی تیاری میں مصروف تھے، اور عین بارات کے وقت دولہا کے غائب ہونے پر تمام باراتی پریشان ہوگئے تاہم جب دولہے کو تلاش کیا گیا تو قریبی کھیتوں سے عثمان کی لاش پڑی ہوئی ملی۔
پولیس کے مطابق واقعہ کی اطلاع ملتے ہی تھانہ سنانواں کی پولیس اور ریسکیو کی ٹیمیں جائے وقوعہ پر پہنچیں اور لاش کو تحویل میں لے کر پوسٹمارٹم کیلئے رورل ہیلتھ سینٹر سنانواں منتقل کر دیا۔
پولیس کے مطابق عثمان کے سینے میں فائر لگا ہوا تھا، جب کہ ایک پسٹل بھی لاش کے ساتھ پڑا ہوا تھا۔ سب انسپکٹر مہر زاہد کا کہنا ہے کہ جائے وقوعہ سے شواہد جمع کرکے تحقیقات شروع کردی گئی ہے۔