Author: ڈاکٹرغلام مصطفی بڈانی

گوجرہ ،باغی ٹی وی (نامہ نگار عبدالرحمن جٹ )گوجرہ کے نواحی گائوں چک نمبر 429 ج ب علاقہ تھانہ صدر گوجرہ مسما نجمہ بی بی زوجہ نور زمان بعمر 30/32 سال سکنہ چک نمبر 429 ج ب گوجرہ جو شادی شدہ اور تین بچوں کی ماں تھی اپنے گھر میں سو رہی تھی کہ ملزم محمد باقر ولد محمد سلطان سکنہ تاندلیانوالہ فیصل آباد جو کہ نجمہ بی بی کا رشتہ دار ہے اور ملنے کیلئے ان کے پاس آیا ہوا تھا کہ رات کو نجمہ بی بی کے کمرہ میں گیا اور اسکے ساتھ مبینہ طور پر ناجائز تعلقات قائم کرنے کی کوشش کی نجمہ بی بی کے انکار کرنے پر اسکے سر پر پسٹل 30 بور سے فائر مار کر موقع سے فرار ہوگیا اور نجمہ بی بی موقع پر ہی جاں بحق ہو گئی مقامی پولیس اطلاع پا کر لاش کو قبضہ میں لے کرقانونی کارروائی میں مصروف ہے

سیالکوٹ ،باغی ٹی وی (شاہد ریاض سٹی رپورٹر)سیالکوٹ کسٹم حکام کا چھاپہ، سیالکوٹ رامتلائی میں غیرملکی نان کسٹم کپڑے کی بھاری کھیپ پکڑی گئی، چھ کروڑ مالیت کا نان کسٹم کپڑا کسٹم حکام نے اپنی تحویل میں لے لیا
تفصیل کے مطابق سیالکوٹ کے علاقہ رامتلائی میں کسٹم حکام اے سی حسیب احمد باجوہ کی ٹیم مدثر باجوہ، علی، سردار عامر، انسپکٹرز اور دیگر عملہ نے چھاپا مار کر کروڑوں مالیت کا غیر ملکی نان کسٹم خام کپڑا اپنی تحویل میں لے لیا..
علی زیب اور قاری امیر محمد عرصہ دراز سے کروڑوں مالیت کا نان کسٹم کپڑا سمگل کرکے مارکیٹ میں مہنگے داموں فروخت کر رہے تھے جن کے خفیہ گوداموں پرکسٹم حکام نے چھاپہ مار کر کروڑوں مالیت کاغیر ملکی کپڑا تحویل میں لے لیا مزید تفتیش جاری ہے

میرپور خاص باغی ٹی وی( نامہ نگار سید شاہزیب شاہ)ریلوے ملازمین اور پینشنرز نے تنخواہ اور پینشن نہ ملنے پر سخت احتجاج کیا ہے
تفصیل کے مطابق پاکستان ریلوے کے لاکھوں ملازمین ورکرز اور پینشنرز کی تنخواہوں کے تعطل اور عدم ادائیگی پر نمائندہ تنظیم پریم یونین پاکستان کے صدر شیخ محمد انور کی ملک گیر احتجاج کی اپیل پر پریم یونین میرپورخاص کے تحت آج ریلوے پلیٹ فارم پر احتجاجی مظاہرہ منعقد ہوا مظاہرے سے خطاب کرتے ہوئے صدر پریم یونین میرپورخاص ڈویژن قاضی محمد اختر جنرل سیکریٹری پریم یونین میرپورخاص ڈویژن چوہدری محمد نذیر ، پبلک ایڈ کمیٹی جماعت اسلامی کے صدر حاجی نور الہی مغل، سیکریٹری عرفان قریشی نے خطاب کرتے ہوئے کہا کہ ریلوے ملازمین کی تنخواہیں بروقت نہ ملنے سے ہزاروں ملازمین میں شدید بے چینی پائی جاتی ہے اور ملازمین کے گھروں میں فاقوں کی نوبت ہے حکومت کی بدترین ناکام پالیسیوں کا نتیجہ ہے کہ ریلوے جیسا قومی ادارہ بدحالی کا شکار اور نوبت یہاں تک ہے کہ ادارہ ملازمین کی تنخواہیں تک وقت پر نہیں دے پا رہا ۔ مظاہرین نے مذید کہا کہ ایک جانب خوفناک مہنگائی کا اژدھا ہے تو دوسری طرف تنخواہوں کی عدم

کوئٹہ،باغی ٹی وی (نامہ نگار زبیرآکاخیل) ڈپٹی کمشنر شہک بلوچ کی ہدایت پر ضلعی انتظامیہ اور پولیس نے شہر میں پیشہ ور بھکاریوں کیخلاف کریک ڈائون کرتے ہوئے مختلف علاقوں سے 20سے زائد بھکاری حراست میں لیکر سوشل ویلفیئر حکام کے حوالے کردئیے گزشتہ روز ضلعی انتظامیہ اور پولیس کے مشترکہ اجلاس میں فیصلہ کیا گیا ہے کہ بھکاریوں کیخلاف خصوصی مہم شروع کی جائیگی اور شہر سے بھکاری مافیا کے خاتمے تک یہ آپریشن جاری رہے گا۔کوئٹہ کو بیگرز فری شہر بنانے میں ہم سب کو مل کر کردار ادا کرنا ہوگا

ڈیرہ اسماعیل خان ،باغی ٹی وی (نامہ نگاراحمدنواز) ڈی آئی خان چشمہ رائٹ بینک کینال کی عدم بحالی پر عوام کا احتجاجی دھرنا ماہڑہ کے مقام پر عوام نے انڈس ہائی وے ٹریفک کیلئے بند کر دی ہے احتجاجی دھرنہ میں تحصیل مئیر فخر میاں خیل سابق ایم پی اے فتح اللہ میاں خیل سمیت بڑی تعداد میں عوام شریک ہے مظاہرین کا مطالبہ ہے کہ جب تک سی آر بی سی کینال بحال اور پانی نہیں چھوڑا جاتااس وقت تک احتجاج جاری رہے گا چشمہ رائٹ بینک کینال گذشتہ سال سیلابی ریلوں سے ٹوٹ پھوٹ گئی تھی تب سے علاقہ مکینوں کی زمینوں کو زرعی پانی میسر نہیں ہے گنے اور گندم کی فصلوں سمیت باغات کو کروڑوں روپے کے نقصانات کا سامنا ہے
گزشتہ سال آنے والے سیلاب سے سی آر بی سی کینال مکمل طور پر تباہ ہو گئی تھی۔متاثر ہونے والے زمین داروں سے مسلسل رابطوں کے بعد ڈپٹی کمشنر ڈیرہ منصور ارشد نے صوبائی حکومت سے فنڈز منظور کراکے ابتدائی کام شروع کر دیا تھا تاہم کام کی سست روی کی وجہ سے مقامی زمینداروں اور عام لوگوں نے تحصیل ناظم پروآ فخر اللہ خان میانخیل کی قیادت میں احتجاج کیا اور پروا کے مقام پر احتجاجی دھرنا دیا۔ دھرنے میں احتجاجی مظاہرین نے سی ار بی سی کینال کی مرمت میں تاخیر پر حکومت کو سخت تنقید کا نشانہ بنایا۔ احتجاج کے باعث دونوں طرف ٹریفک کی لمبی لمبی قطاریں لگ گئیں اور گرمی میں مسافروں کا براحال ہو گیا۔ عوامی مشکلات کے پیش نظر ڈپٹی کمشنر ڈیرہ منصور ارشد فورا موقع پر پہنچ گئے اور انھوں نے احتجاج کرنے والے مظاہرین سے مذاکرات کیے اور ڈپٹی کمشنر ڈیرہ کی مکمل یقین دہانی پر احتجاج کرنے والے مظاہرین نے احتجاج ختم کر دیا۔ اس موقع پر ڈپٹی کمشنر نے مظاہرین کو سیلاب کے باعث ہونے والے نقصانات کے لیے حکومتی امدادی چیک کے بارے میں بھی بتایا کہ انتہائی کم مدت میں یہ چیک سیلاب متاثرین کے حوالے کر دیے جائیں گے۔ انہوں نے کہا کہ مقامی لوگوں کے ساتھ ساتھ ہمیں زمینداروں کی مشکلات کا بھی اندازہ ہے اور ہماری کوشش ہے کہ جلد از جلد سی آر بی سی نہر کی مرمت کو یقینی بنایا جائے۔

تنگوانی،میرپورماتھیلو- باغی ٹی وی (نمائندگان) کشمور میں قبائلی تصادم کے نتیجے میں 4 افراد قتل اور 15 سے زیادہ افراد شدید زخمی ہوگئے ہیں پہلی واردات کندھ کوٹ کی سبزی منڈی میں سبزوئی قبیلے کے کے مسلح افرادنے مہر قبیلے کے ایک فرد دلمرادمہر کو قتل کر دیا ،دوسرا واقعہ تنگوانی کے ماہی گائوں اور پولیس تھانہ ڈیرہ سرکی کی حدود میں دو قبیلوں نندوانی اور بنگلانی میں تصادم کی وجہ سے ایک شخص محمد حسن نندوانی قتل ہوا اور 11 گیار افراد شدید زخمی ہوگئے تیسرا واقعہ تنگوانی کے قریب گائوں 27 میل میں جکھرانی قبیلے کہ دو گروپوں میں میں تصادم کے نتائج میں بیلو جکھرانی قتل ہو گیا چوتھا واقع تنگوانی کے قریب پولیس تھانہ شبیر آباد کے حدود میں ہسپتال کے چوکیدار غلام مصطفی نوناری کو قتل کر دیا گیا ایک اور واقعہ میں گائوں کینچی سندرانی میں تین بچوں کی ماں 27 سالہ عورت پانی کے تلاب میں ڈوب کر جاں بحق ہو گئی
میرپورماتھیلوجروار گائوں میر خان گبول کا رہائشی منصور علی ولد محمد یامین عرف رئیس فقیر مائنر بدھی میںڈوب کرجاں بحق ہوگیا