Author: ڈاکٹرغلام مصطفی بڈانی

میرپورخاص :باغی ٹی وی (نامہ نگار سید شاہزیب شاہ کی رپورٹ ) میونسپل کارپوریشن میرپورخاص میں پاکستان پیپلز پارٹی کے پہلی بار منتخب ہونیوالے میئر و ڈپٹی میئر نے ڈویژنل انتظامیہ دفتر کے ہال میں اپنے عہدے کا حلف اٹھالیا۔ اس تاریخ ساز موقع پر میرپورخاص میں حالیہ تشکیل پانے والی میونسپل کارپوریشن کے 90 فیصد کونسل اراکین جن میں پی پی کے منتخب چٸیرمین اور واٸس چٸیرمین، منتخب وارڈز کونسلرز اور مخصوص نشستوں کے اراکین سمیت مقامی قیادت، ذمہ داران، پارٹی کی ذیلی تنظیموں کے عہدیداران تک شریک نہ ہوسکے گذشتہ تقریبات میں بھی یہی طرزِ عمل دیکھنے میں آیا جس کا تسلسل تاحال جاری ہے۔ ماضی میں بھی میونسپل کمیٹی میرپورخاص کے چیئرمین و واٸس چیئرمین کے ساتھ ایسی ہی صورتحال نظر آٸی تھی جس پر میونسپل کونسل بدترین بدنظمی، ذاتی اختلافات، انتشار، بغاوت اور پھر عدم اعتماد پر ختم ہوٸی تھی۔ بہرکیف ان سب باتوں کا نقصان میرپورخاص کے شہریوں کو ہی بھگتنا پڑا۔ توقع کی جارہی تھی اور ہے کہ میونسپل کارپوریشن بننے اور مٸیر ڈپٹی میئر منتخب ہونے کے بعد شہر کی میونسپل حالت میں بہت بہتری آٸے گی، کونسل میں ایک ہی جماعت کی بھاری اکثریت رکھنے والے اراکین بہترین مشاورت اور صلاح سے شہر کی بہتری اور مفاد میں مل جل کر کام کریں گے۔ تاہم اسکی ابتداٸی تقاریب و تصاویر اسکے مکمل برعکس ہیں جبکہ ان تمام تقاریب میں میئر و ڈپٹی میئر تمام جماعتوں کو ساتھ لیکر چلنے کی گفتگو ہی کرتے نظر آٸے ہیں۔ امید کرتے ہیں کہ آج میئر و ڈپٹی میئر کا حلف اٹھانے والے میونسپل کارپوریشن کی اپنی کونسل سے مکمل مشاورت، بھرپور اعتماد اور اتحاد و یگانگت کے ساتھ شہر کے بہتر مستقبل کے لیے فیصلے کریں گے اور اپنی منتخب کونسل کو ہی مقدم رکھیں گے۔ میرپورخاص کی عوام کے ٹیکس کا پیسہ بہترین میونسپل سروسز فراہمی پر مکمل خرچ کرتے ہوٸے اپنے منصب کے انتخاب کو درست اور تاریخی ثابت کریں گے۔

سرگودھا،باغی ٹی وی (ملک شاہنواز جالپ نامہ نگار )سرگودھاپریس کلب کے انتخابی دنگل میں جرنلسٹ اتحادگروپ نے میدان مارلیا۔مہرآصف حنیف صدراورراناساجداقبال جنرل سیکرٹری منتخب،فاونڈرگروپ کو شکست،سینئرنائب صدرکی صرف ایک سیٹ پرکامیابی،صحافی برادری کا ڈھول کی تھاپ پررقص،گھوڑاڈانس اورجشن،صحافیوں اوراہل شہرکی گروپ لیڈرعبدالحنان چوہدری،نومنتخب صدرمہرآصف حنیف، جنرل سیکرٹری راناساجداقبال سمیت پورے پینل کومبارباد۔
تفصیلات کے مطابق سرگودھا پریس کلب کے الیکشن 2023_24 میں جرنلسٹ اتحاد گروپ کے امیدواروں صدر مہر آصف حنیف نے 113 میں سے 74، نائب صدر شیخ عثمان نے 64، جنرل سیکرٹری رانا ساجداقبال نے70، جوائنٹ سیکرٹری ملک سلمان معظم 66، فنانس سیکرٹری ملک امیر افضل اعوان 70، انفارمیشن سیکرٹری راؤ عابد مجید 72 ووٹ لے کر قرار پائے جب کہ مجلس عاملہ کیلئے عبدالحنان چوہدری 74، رانا افضل حنیف 71، سیف خان 63،گلزارعلی سید 65 تصور ملیانہ62، رانا محمد اشرف 58، عبدالصمد شاہین نے 56 ووٹ حاصل کیے اور کامیاب قرار پائےعمرفاروق گوندل نے 55 ووٹ حاصل کیے جبکہ فاونڈرگروپ کے ملک کامران نے 58ووٹ حاصل کرکے سینئرنائب کی نشست جیتی۔ پولنگ صبح 9بجے سے شام 4بجے تک جاری رہی مختلف شعبہ زندگی سے تعلق رکھنے والی شخصیات نے سرگودھا پریس کلب کا دورہ کیا اور الیکشن کےشفاف عمل کو سراہاصدرمہرآصف حنیف نے کہا جرنلسٹ اتحاد گروپ کے تمام منتخب عہدیداران کو مبارکباد پیش کرتا ہوں تمام عہدیداران ورکنگ صحافی ہیں جو صحافیوں اور پریس کلب کے مسائل سے آشنا ہیں اور حل کے لیے مل کر کام کریں گے۔

نواب شاہ ،باغی ٹی وی (نامہ نگار):تحصیل قاضی احمد کی 3 ٹاؤن کمیٹیوں کے چیئرمین و وائیس چیئرمین نے اپنے عہدوں کا حلف اٹھالیا
تفصیلات کے مطابق حلف برداری کی تقریب اسسٹنٹ کمشنر قاضی احمد کے آفس میں منعقد کی گئی تحصیل قاضی احمد کی تین ٹاؤن کمیٹیوں قاضی احمد دولت پور اور شاہ پور جہانیاں کے چیئرمینوں اور وائیس چیئرمینوں سے اسسٹنٹ کمشنر نے حلف لیا ٹاؤن کمیٹی قاضی احمد سے جام چنگیز انڑ چیئرمین عبدالغفار جتوئی وائیس چیئرمین ٹاؤن کمیٹی دولت پور سے حشمت داد خانزادہ چیئرمین شرجیل عباسی وائیس چیئرمین ٹاؤن کمیٹی شاہ پور جہانیاں سے چوہدری خالد حسین آرائیں چیئرمین اور موج دریا وائیس چیئرمین پاکستان پیپلز پارٹی کے پلیٹ فارم سے بلا مقابلہ منتخب ہوئے ہیں تقریب حلف برداری کی تقریب میں شرکت کے لیے ریلیوں کی صورتحال میں پہنچے تھے