Author: ڈاکٹرغلام مصطفی بڈانی

میرپور خاص،باغی ٹی وی( نامہ نگار سید شاہزیب شاہ) نیشنل پریس کلب کے وفد کی نامزد سٹی میئر عبدالرؤف غوری سے ملاقات
تفصیل کے مطابق نیشنل پریس کلب میرپورخاص کا تین رکنی وفد جس میں حیات قریشی،شاہزیب خاصخیلی اور باغی ٹی وی کے نامہ نگار سید شاہزیب شاہ شامل تھے، صدر نیشنل پریس کلب میرپورخاص قمرالدین شیخ کی اجازت سے پاکستان پیپلز پارٹی کے نامزد کردہ سٹی میئر میرپورخاص عبدالرؤف غوری کی رہاشگاہ پہنچا ،وفد نے نامزد سٹی میئر عبدالرؤف غوری کو میئر کے لئے نامزد ہونے پر مبارکباد پیش کی اور نیشنل پریس کلب کےصدر قمرالدین شیخ اور دیگر ممبران کی جانب سے نیک خواہشات کا پیغام پہنچایا،سوال جواب کا سلسلہ شروع ہونے سے پہلے نامزد کردہ میئر عبدالرؤف غوری نے نیشنل پریس کلب کے وفد کی آمد پر انکا شکریہ ادا کیا اور جواب میں نیشنل پریس کلب کے صدر قمرالدین شیخ کے لئے نیک خواہشات کا اظہار کیا حیات قریشی نے سوالات کا آغاز کرتے ہوئے پہلا سوال کیا کہ آپ نے پیپلز پارٹی کب جوائن کی، پیپلز پارٹی سے کس طرح وابستگی ہوئی تو جواب میں میئر عبدالرؤف غوری نے کہا کہ پہلے بھی کونسل کا حصہ رہا ہوں اور چیئرمین بھی رہا ہوں اور اللہ کا احسان ماں باپ کی دعا اور پارٹی کے بڑوں کی مہربانیاں ہیں جو میری سٹی میئر کے لئے نامزدگی ہوئی اور میں انشاءاللہ ان ذمہ داریوں پورا اتروں گا،میرپورخاص کے دونوں سول ہسپتالوں کے بارے میں سوال کا جواب دیتے ہوئے انھوں نے کہا کہ ابھی یہاں پر صرف ایمرجنسی وارڈ اسٹارٹ کیا ہے، انشاءاللہ سندھ گورنمنٹ سے اپیل کرونگا کے میرپورخاص سول ہسپتال کے لئے ڈاکٹرز مہیا کریں ، اسی طرح بڑے سول ہسپتال کے لئے انہوں نے کہا کہ اب ہم آئے ہیں ہم حکمرانی کرنے نہیں آئے عوام کی خدمت کا جذبہ لیکر آئے ہیں اور عوام کی خدمت ہی کرینگے ، میرپورخاص شہر میں پبلک پارک نہ ہونے کے برابر ہیں اور جو ہیں ان پر موالیوں نے قبضہ کیا ہوا ہے ، اس سوال کا جواب دیتے ہوئے نامزد میئر عبدالرؤف غوری نے کہا کہ ہم پرانے پارکوں کو درست بھی کروائیں گے اور پارکوں اور نوجوانوں کے لئےکھیلنے کے گراؤنڈ کے لئے عملے کی تعیناتی بھی کرینگے اور ساتھ ہی ساتھ انہوں نے کہا کہ سندھ گورنمنٹ کے تعاون سے ایک بڑا چڑیا گھر بھی بنائیں گے جس میں فیملیاں انجوائے کر سکیں گی ،میرپورخاص میں جرائم کی بڑھتی ہوئی تعداد کا سبب جس میں سڑکوں پر اسٹریٹ لائٹ کا نہ ہونا بھی ہے، اس بارے میں میئر عبدالرؤف غوری کا کہنا تھا جو الیکٹرک پول پہلے سے نصب ہیں اور سولر لائٹیں بیٹریاں خراب ہونے کی وجہ سے ناکارہ ہوگئی ہیں، ان میں نئی بیٹریاں لگا کر انھیں کارآمد بنائیں گے اور جن سڑکوں اور گلیوں میں الیکٹرک پول نہیں ہیں وہاں پر نئے الیکٹرک پول اور لائٹیں لگائیں گے ، جب ان سے مہنگائی کے بارے میں سوال کیا تو میئر عبدالرؤف غوری نے جواب دیا کہ میں خود انجمن تاجران کی کمیٹی کا حصہ ہوں،عوام کے تعاون سے مسائل پر قابو پالیں گے ، ایک سوال جو بجلی کی غیر اعلانیہ اور طویل لوڈشیڈنگ اور میرپورخاص کے خراب ٹرانسفارمروں کے بارے میں کیا گیا تو جواب میں میئر عبدالرؤف غوری نے کہا کہ سندھ حکومت سے خصوصی گذارش کرینگے کہ میرپورخاص میں ٹرانسفارمر کا مسئلہ حل کرکے دیں، واپڈ کے اعلی افسران سے میرپورخاص میں کم سے کم لوڈشیڈنگ کا کہا جائے گا،سوئی گیس کی لوڈ شیڈنگ کی بابت سوال کے جواب میں میئر میرپورخاص کا کہنا تھا کہ سندھ %60 گیس دیتا ہے، گیس کی لوڈشیڈنگ ختم کرائیں گے ،انکروچمنٹ اور گلی گلی جانوروں کو ذبح کئے جانے کے سوال کے جواب میں انہوں نے کہا کہ باقاعدہ گوشت مارکیٹیں ہیں سلاٹر ہاؤس موجود ہے سب کو وہیں منتقل کرینگے نیز انکروچمنٹ کے لئے میئر میرپورخاص عبدالرؤف غوری کا کہنا تھا کہ عوام کے تعاون سے ہی انکروچمنٹ جیسے گھمبیر مسائل پر قابو پایا جاسکتا ہے خدمت کا جذبہ لیکر آئے ہیں ۔۔ اور عوام کی بھرپور خدمت کرینگے اور آپ دیکھیں گے کہ تھوڑے ہی عرصے میں میرپورخاص کو جرائم اور ہر طرح کی گندگی سے پاک روشنیوں کا شہر بنا دینگے-

میئر میرپورخاص عبدالرؤف غوری سے سوالات کرنے میں سینئرصحافی حیات قریشی کا سینئر رپورٹر شاہزیب خاصخیلی بھرپور ساتھ دے رہے تھے جبکہ باغی ٹی وی کے نامہ نگار سید شاہزیب شاہ انتہائی احسن طریقے سے کیمرہ مین کے فرائض انجام دے رہے تھے ، آخر میں میئر میرپورخاص عبدالرؤف غوری نے نیشنل پریس کلب کے وفد کی آمد کا شکریہ ادا کیا،جواب میں نیشنل پریس کلب کے وفد نے میئر عبدالرؤف غوری کو نیشنل پریس کلب آنے کی دعوت دی، جسے میئر میرپورخاص عبدالرؤف غوری نے بخوشی قبول کرلیا ، اس طرح ایک خوشگوار انٹرویو اور رسمی دعا سلام کے بعد نیشنل پریس کلب میرپورخاص کا وفد میئر عبدالرؤف غوری کی رہائشگاہ سے واپس روانہ ہوا-

جامعہ چترال میں کتب میلہ کا انعقاد۔ محکمہ امور نوجوانان کے زیر اہتمام مقامی لٹریچر پر مبنی کتب کو میلے میں رکھا گیا
چترال،باغی ٹی وی(نامہ نگارگل حماد فاروقی) ڈسٹرکٹ یوتھ آفس (ڈسٹرکٹ آفیسر امور نوجوانان) ضلع لوئیر چترال اور مقامی انتظامیہ کی اشتراک سے جامعہ چترال میں کتب میلے کا اہتمام ہوا۔ افتتاحی تقریب کے موقع پر ایڈیشنل ڈپٹی کمشنر فنانس اینڈ پلاننگ مہمان حصوصی تھے جبکہ یونیورسٹی آف چترال کے وایس چانسلر پروفیسر ڈاکٹر محمد ظاہر شاہ، اسسٹنٹ کمشنر ہیڈ کوارٹرز لوئیر چترال ڈاکٹر محمد عاطف جالب نے اس کتب میلے کو منعقد کرنے پر منتظمین کا شکریہ ادا کیا جنہوں نے جامعہ چترال کے طلباء و طالبات کو ایک بہترین موقع فراہم کیا کہ وہ مقامی لٹریچر پر مبنی کتب بینی میں حصہ لے۔اس قسم کے کتب میلے منعقد کرانے سے مقامی ادباء، شعراء۔ پبلشرز اور لکھاریوں کی بھی حوصلہ افزائی ہوگی۔اس کتب میلے میں محتلف موضوعات پر متعدد کتابیں موجود تھے جو زیادہ تر مقامی لٹریچر اور ثقافت سے متعلق مواد پر مبنی تھے۔ اس کتب میلے کی انعقاد سے طلباء و طالبات اور نوجوان نسل کو اپنے مقامی ادیبوں، شعراء، محقیقن، لکھاریوں اور پبلشرز کے بارے میں معلومات فراہم کرنے کا بہترین ذریعہ ہے۔ اس میں طلباء نے اپنی پسند کی کتب خریدے اور ان کو ایسے لکھاریوں کے بارے میں بھی معلومات حاصل ہوئی جن سے پہلے وہ واقف نہیں تھے۔

ہمارے نمائندے سے باتیں کرتے ہوئے کرتے ہوئے ڈسٹرکٹ یوتھ آفیسر جبار غنی نے کہا کہ امور نوجوانان کے ڈائریکٹریٹ خیبر پحتون خواہ کے ہدایات پر محکمہ امور نوجوانان اس قسم کے مفید تقریبات منعقد کرتے ہیں۔ انہوں نے کہا کہ اس کتب میلے کا بنیادی مقصد مقامی لٹریچر کو متعارف کرانا اور اسے ترویج دینا تھا جبکہ دوسری طرف نوجوان نسل کو کتب بینی کی طرف راغب کرانا تھا۔چترال یونیورسٹی کے وائس چانسلر پروفسیر ڈاکٹر ظاہر شاہ نے اس کتب میلے کو منعقد کرنے پر انتظامیہ کا شکریہ اداکیا اور ان کی کوششوں کو نہایت سراہا۔ انہوں نے کہا کہ کتاب ہمارا بہترین دوست ہے اور ہم کتابوں کے ساتھ دوستی رکھتے ہوئے ان سے بہت کچھ سیکھ سکتے ہیں۔ انہوں نے ماضی کے معروف ادیبوں، محققین اور نامور شحصیت میں سے ایک کا ذکر کرتے ہوئے کہا کہ انہوں نے پوری زندگی میں صرف دو راتیں کتاب نہیں پڑھی ایک اس کی شادی والی رات اور دوسرا اس کی موت والی۔ انہوں نے کہا کہ بد قسمتی سے ہمارا نوجوان نسل کتابوں سے دور ہوکر اکثر سوشل میڈیا میں بغیر کسی مقصد کے فضول وقت ضائع کرتے ہیں اور ان میں سے اکثر بے راہ روی کا شکار ہوجاتے ہیں۔ انہوں نے کہا کہ اگر ہم کتابوں کے ساتھ دوستی رکھے ان کی باقاعدگی سے پڑھے تو ہمارا مطالعے کا عادت بھی بن جاے گی اور ان کتابوں سے ہم بہت کچھ سیکھ سکتے ہیں۔

انہوں نے اس کتب میلے کو اسلئے سراہا کہ اس سے مقامی ادیبوں کا بھی حوصلہ افزائی ہوگی اور ہمارے نوجوان نسل کو مقامی لٹریچر کے بارے میں سیر حاصل معلومات فراہم ہوگی۔ اس موقع پر انہو ں نے ڈسٹرکٹ یوتھ آفس لوئیر چترال اور محکمہ امور نوجوانان کی خدمات کو بھی سراہا جو چترال کے عوام اور حاص کر نوجوان نسل کو اس قسم کے مواقع فراہم کرتے ہیں جن سے وہ ایک طرف اگر فائدہ حاصل کرتے ہیں تو دوسری طرف وہ اس کی وجہ سے منفی سرگرمیوں سے بھی بچ سکتے ہیں۔

ڈسٹرکٹ یوتھ آفیسر جبار غنی کا کہنا ہے کہ خیبر پحتون خواہ کے محکمہ امور نوجوانان صوبے بھر کے نوجوانوں کو اس قسم کے مفید مواقع فراہم کرتے ہیں اور ان کا بنیادی مقصد بھی یہ ہے کہ نوجوان نسل کو کتب بینی کا شوق پیدا کرنے کے ساتھ ساتھ ان کو منفی سرگرمیوں سے محفوظ رکھے اور نوجوانوں کو مثبت سرگرمیوں میں اپنی کارکردگی دکھانے کا موقع میسر ہو۔ انہوں نے کہا کہ لوئیر چترال میں بھی ان کا محکمہ اس قسم کی سرگرمیوں میں بڑھ چڑھ کر حصہ لے رہے ہیں چاہے نوجوانوں اور طلبا ؤ طالبات کو مقابلے کی امتحانان کی تیاری کرنا ہو یا معیاری تحقیق کا طریقہ کار پر سیشن ہو اور کتب بینی کے ذریعے مقامی لٹریچر کو طلباء میں متعارف کروانا اور ان کا حوصلہ افزائی کرنے کے ساتھ ساتھ چترال کی اپنی ثقافت کو بھی زندہ رکھنا ہے۔ انہوں نے کہا کہ جو قومیں اپنی ثقافت کو بھول جاتی ہیں وہ مٹ جاتی ہیں۔ اس کتب میلے میں کثیر تعداد میں طلباء نے حصہ لیتے ہوئے دلچسپی کا مظاہرہ کیا اور مقامی لٹریچر سے بھی مستفید ہوئے۔

ننکانہ صاحب ،باغی ٹی وی(نامہ نگار احسان اللہ ایاز)مشیر وزیر اعلیٰ پنجاب یوتھ افیئر اینڈ سپورٹس وہاب ریاض کا دورہ
تفصیل کے مطابق مشیر وزیر اعلی پنجاب یوتھ افیٸر اینڈ سپورٹس وہاب ریاض کا ننکانہ صاحب کا دورہ ڈی سی کمپلیکس آمد پر ڈپٹی کمشنر میاں احسن رفیق اور ڈسٹرکٹ پولیس آفیسر صاد عزیر نے استقبال کیا اور کمیٹی روم میں ڈی سی اور ڈی پی او نے ضلع کے انتظامی امور ,سپورٹس ,عید قرباں پر لگاٸی جانے والی مویشی منڈیوں اور سیکورٹی کے حوالے سے مشیر وزیر اعلی پنجاب کوبریفنگ دی وزیر اعلی پنجاب وہاب ریاض نے جمنازیم ہال اور ڈسٹرکٹ ہیڈ کوارٹر ہسپتال کا دورہ کیا جمنازیم ہال میں ڈی او سپورٹس نے انڈور اور اوٹ ڈور کھیلوں کے حوالے سے بریفنگ دی اس موقع پر سپورٹس سے تعلق رکھنے والے نوجوانوں کی بڑی تعداد بھی موجود تھی جنہوں مزید کرکٹ گراٶنڈ کا مطالبہ کیا جس پر وہاب ریاض نے نوجوانوں کو یقین دہانی کرواٸی مشیر وزیر اعلی پنجاب اور ڈی سی ننکانہ آرچری کے کھیل سے بہت متاثر ہوئے ,ڈسٹرکٹ ہیڈ کوارٹر ہسپتال کے دورہ کے موقع پر مشیر وزیر اعلی پنجاب نے ادویات کے مین سٹور سمیت ہسپتال کے مختلف شعبوں کا دورہ کیا اور مریضوں کو دی جانے والی میڈیکل کے حوالے سےسہولیات کا جاٸزہ لیا سی ای او ہیلتھ ڈاکٹر اظہر امین ,سنیٸر ڈاکٹر راحیل احمد اور ایم ایس ڈی ایچ کیو نے بریفنگ دی مشیر وزیر اعلی پنجاب نے مریضوں اور ان کے لواحقین سے بھی سہولیات کے حوالے سے معلومات لیں-