Author: ڈاکٹرغلام مصطفی بڈانی

کوٹ ہیبت باغی ٹی وی (شاہد خان )ڈی جی خان میں آٹے کی قیمت میں مسلسل کمی کے باوجود روٹی سستی نہ ہوسکی
تفصیل کے مطابق ڈیرہ غازی خان میں آٹے کی قیمتوں میں مسلسل کمی کے باوجود مختلف نواحی علاقوں اور ڈیرہ غازی خان شہر میں روٹی بدستور 15سے20 روپے پر فروخت جاری ہے،ذرائع کے مطابق گھنٹہ گھر چوک جو کےتندوریوں کا مین گڑھ ہے وہاں پر ہر تندوری کا روٹی کا اپنا ریٹ ہے 100گرام روٹی کی قیمت 20 روپے ہے اور اس سے کم وزن والی روٹی کی قیمت 15 روپے ہے غریب لوگ روٹی کھانے سے بھی محروم ہو گئے ہیں حکومتی سطح پر گندم پرائس کم ہونے کے باوجود بھی یہ نان بائی ٹس سے مس نہیں ہوئے مقامی لوگوں کے مطابق جو روٹی یہ لوگ 20 روپے کی فروخت کر رہے ہیں اس کا بھی وزن بہت کم ہوتا ہے لوگوں کے مطابق حکومتی اداروں کو اس پر ایکشن لینا چاہے مقامی لوگوں نے یہ بھی کہا ہے کے یہ خبریں صرف سوشل میڈیا تک محدود رہے گئی ہیں اس پر کوئی ایکشن نہیں لیا جا رہا باغی ٹی وی کے توسط سے مقامی لوگوں نے انتظامیہ سے اپیل کی ہے کہ تندور مافیاءکے خلاف ایکشن لیں تا کہ سستی روٹی لوگوں کوآسانی سے مل سکے-

ڈیرہ غازیخان،باغی ٹی وی( جواد اکبر سٹی رپورٹر)ڈیرہ غازیخان میں عیدالاضحی کے موقع پر قربانی کے جانوروں کی کھالیں اکٹھی کرنیوالوں سے درخواستیں طلب کرلی گئی ہیں
تفصیل کے مطابق ڈیرہ غازیخان میں عیدالاضحی کے موقع پر قربانی کے جانوروں کی کھالیں اکٹھی کرنیوالوں سے درخواستیں طلب کرلی گئی ہیں،ڈپٹی کمشنر کے اعلامیے کے مطابق کھالیں اکٹھی کرنے والے24جون تک ڈی سی آفس میں درخواستیں جمع کرواسکتے ہیں۔مقررہ تاریخ کے بعد آنے والی درخواستوں پر کوئی کارروائی عمل میں نہیں لائی جائیگی۔دوسری طرف عیدالاضحی پرضلع میں قربانی کے جانوروں کی خریدوفروخت کیلئے 5سیل پوائنٹس قائم ہونگے،سیل پوائنٹس چوک چورہٹہ،گل زمین کالونی،جنرل بس سٹینڈ،کوٹ چھٹہ اور چوٹی زیریں میں قائم کئے جائینگے۔اس حوالے سے ڈپٹی کمشنر مہر شاہد زمان لک نے کہا ہے کہ متعلقہ محکمے مذکورہ سیل پوائنٹس پر تمام ضروریات فراہمی کے پابند ہونگے۔سیل پوائنٹس کے علاہ کسی بھی جگہ پر جانور فروخت نہیں کرنے دیئے جائینگے،جانوروں کی خریدوفروخت میں کسی قسم کے چارجز/فیس وصول کرنے کی اجازت نہیں دی جائیگی۔

میہڑ،باغی ٹی وی (نامہ نگارمنظورعلی جوئیہ)میہڑ کے نواحی علاقے سیتاں میں پیپلز پارٹی سیتاں کے نامزد چئرمین قمبر لغاری کی قیادت میں 9 مئی کے واقعہ کے خلاف اور پاک آرمی کہ حق میں ریلی نکالی گئی.
ریلی میں سینکڑوں شہریوں نے شرکت کی، قومی پرچم اٹھاکر پاکستان رندہ آباد پاک آرمی زندہ آباد کے سخت گرمی میں نعرے لگاتے رہے ،ریلی پورے شہر کا چکر لگا کر سيتاں پریس کلب پر پہنچی جہاں پر ریلی کے شرکاء قمبر لغاری اور دیگر نے خطاب کرتے ہوئے کہا کہ دن ہو یارات آندھی ہویاطوفان ہم ہروقت پاک آرمی کے ساتھ ہیں اور ساتھ رہیں گے ، ہمارا مرنا جینا پاک آرمی کے ساتھ ہے ، پاکستانی عوام گھروں میں جو سکون کی نیند میں سورہے ہیں یے پاک آرمی کی بدولت ہیں انہوں نے مزید کہاکہ ایک شخص جس نے جو پاک ملک کی تباہی کی ہے ایسے تباہی کسی دور میں نہیں ہوئی ہے، انہوں نے الزام لگاتے ہوئے کہاکہ پی ٹی آئی سیاسی پارٹی نہیں بلکہ ایک دہشتگرد پارٹی ہے جنہوں نے پاک فوج کے جوانوں کی رہائش گاہوں پر حملے کئی ہیں.
انہوں نے مطالبہ کیاکہ اس شخص کی سیاست ختم کرکے اس پر دہشتگردی کے مقدمے درج کرکہ سخت سزادی جائے.

اسلام آباد،باغی ٹی وی (ویب نیوز) اقتصادی سروے رپورٹ 23-2022 میں ملک گدھوں کی تعداد کے حوالے سے اعداد و شمار جاری کیے گئے ہیں۔
اقتصادی سروے رپورٹ کے مطابق ملک میں گدھوں کی تعداد مزید ایک لاکھ بڑھ گئی ہے، گدھوں کی تعداد 57 لاکھ سے بڑھ کر 58 لاکھ ہو گئی ہے۔
سروے رپورٹ میں بتایا گیا ہے کہ ایک سال میں بھینسوں کی تعداد میں 13 لاکھ کا اضافہ ہوا جس کے بعد ملک میں بھینسوں کی تعداد 4 کروڑ37 لاکھ سے 4 کروڑ 50 لاکھ ہو گئی ہے۔
اقتصادی سروے میں بتایا گیا ہے کہ ایک سال میں بھیڑوں کی تعداد میں 4 لاکھ کا اضافہ ہوا، اضافے کے بعد ملک میں بھیڑوں کی تعداد 3 کروڑ 23 لاکھ ہو گئی ہے۔رپورٹ میں بتایا گیا ہے کہ ملک میں بکریوں کی تعداد میں بھی 22 لاکھ کا اضافہ ہوا، ملک میں بکریوں کی تعداد 8 کروڑ 25 لاکھ سے 8 کروڑ 47 لاکھ ہو گئی ہے۔اقتصادی سروے کے مطابق ملک میں گھوڑوں، اونٹوں اور خچروں کی تعداد میں کوئی اضافہ نہیں ہوا، گھوڑوں کی تعداد 4 لاکھ اور خچروں کی تعداد 2 لاکھ برقرار رہی جبکہ ملک میں اونٹوں کی تعداد 11 لاکھ پر برقرار رہی۔

کوئٹہ ،باغی ٹی وی(نامہ نگارزبیرآکاخیل)وزیر اعلیٰ بلوچستان اور صدر بلوچستان عوامی پارٹی (بی اے پی) سردار عبدالقدوس بزنجو نے وفاقی بجٹ سیشن کے بائیکاٹ کا اعلان کر دیا۔وفاقی بجٹ کل پارلیمنٹ ہاؤس میں پیش کیا جائے گا جس کے لیے قومی اسمبلی کا اجلاس کل سہہ پہر 4 بجے طلب کر لیا گیا ہے۔وزیر اعلیٰ بلوچستان اور صدر بی اے پی عبدالقدوس بزنجو نے وفاقی بجٹ سیشن کے بائیکاٹ کا اعلان کرتے ہوئے کہا کہ بلوچستان عوامی پارٹی وفاقی بجٹ سیشن کاحصہ نہیں بنے گی۔
۔بلوچستان عوامی پارٹی وفاقی بجٹ سیشن کا حصہ نہیں بنے گی ،بلوچستان عوامی پارٹی کے اراکین قومی اسمبلی اور سینیٹرز وفاقی بجٹ سیشن میں شرکت نہیں کرینگے ۔بی اے پی کے اراکین قومی اسمبلی و سینٹ کو اجلاس میں شرکت نہ کرنے کی واضع ہدایات جاری کردی گئی ہیں ، وزیراعلیٰ بلوچستان نے کہا کہ پارٹی پالیسی کی خلاف ورزی کرنے والے رکن قومی اسمبلی و سینٹ کے خلاف انضباطی کارروائی کر کے ڈی سیٹ کر دیا جائے گا،این ای سی کے اجلاس کا بائیکاٹ بھی مرکزی حکومت کے رویہ کی وجہ سے کیا،انہوں نے بجٹ سیشن کے بائیکاٹ کی وجہ بھی وفاقی حکومت کی بلوچستان کے لیئے سرد مہری ہے،ہمار ی وفاقی حکومت سے کوئی پر خاش نہیں اختلاف کی وجہ اصولی ہے،بلوچستان شدید مالی مسائل کا شکار ہے ،ان مسائل کی بنیادی وجہ وفاقی حکومت کا عدم تعاون ہے ،بار ہا رابطوں اور یاد دہانیوں کے باوجود ہمیں ہمارا آئینی حق نہیں دیا جارہا ،وفاقی حکومت وعدے اور یقین دہانیاں تو کراتی ہے لیکن ان پر عملدرآمد نہیں ہوتا،ہمارے مطالبے آئینی بنیاد پر ہیں کوئی ناجائز مطالبہ نہیں کر رہے،ان کاکہنا تھاکہ پی پی ایل کئی سالوں سے ہمارے واجبات ادا نہیں کررہی جو 45 ارب روپے سے زائد تک پہنچ چکے ہیں ،ستم ظریفی یہ ہے کہ بلوچستان سے کسی معاہدے کے بغیر سوئی گیس فیلڈ میں پی پی ایل کا آپریشن جاری ہے ،پی پی ایل کمپنی کا انتظامی اختیار وفاقی حکومت کے پاس ہے،وفاقی حکومت پی پی ایل کے واجبات کے ادائیگی میں نہ تو کوئی دلچسپی لے رہی ہے اور نہ ہی اپنا کردار ادا کرنے کو تیار ہے۔،وفاقی پی ایس ڈی پی میں شامل بلوچستان کے منصوبے فنڈز نہ ہونے کی وجہ سے عدم تکمیل کا شکار ہیں ،ان منصوبوں کے لیئے مختص فنڈز کا نصف بھی جاری نہیں کیا جاتا،بلوچستان کے وفاقی منصوبوں کے ٹینڈر تو ہوتے ہیں لیکن فنڈز کہیں اور منتقل کر دیئے جاتے ہیں ۔وزیراعلیٰ نے کہا کہ گزشتہ سال سیلاب میں بلوچستان کی قومی شاہراہوں کو شدید نقصان پہنچا این ایچ اے نے ان شاہراہوں کی بحالی کے لیئے کوئی کام نہیں کیا،ان شاہراہوں پر سفر کر کے محسوس ہوتا ہے کہ ہم پھر سے پتھر کے زمانے میں پہنچ گئے ہیں کراچی کو کوئٹہ اور سنٹرل ایشیا سے منسلک کرنے والی شاہراہ کے آٹھ پل سیلاب میں بہہ گئے تھے ایک سال بعد بھی متبادل کچے راستوں سے گاڑیاں گزرتی ہیں ،وزیراعظم نے ایک سال قبل وزیراعلیٰ سیکریٹریٹ میں منعقدہ تقریب میں چمن کراچی شاہراہ کا سنگ بنیاد رکھا تھا ،وزیراعظم نے اعلان کیا تھا کہ 18 ماہ میں یہ منصوبہ مکمل ہوگا ،بدقسمتی سے ابھی تک اس منصوبہ کا 20 فیصد کام بھی نہیں ہوا ، ،جس رفتا ر سے کام جاری ہے اور فنڈز دیئے جا رہے ہیں یہ منصوبہ 18 ماہ تو کیا 18 سال میں بھی مکمل نہیں ہو گا۔۔این ایف سی کا ہمارا شئیر بروقت نہیں ملتا اور اس نیں کٹوتی بھی کی جاتی ہے ۔وزیراعظم کی جانب سے سیلاب کے دوران اعلان کردہ دس ارب نہیں دیئے گیئے ۔ ۔1998 کی مردم شماری کی بنیاد پر ساتواں این ایف سی ایوارڈ اپنی مدت پوری کر چکا،ساتویں این ایف سی ایوارڈ میں وسائل کی تقسیم کی بنیادآبادی تھی ،حالات کی خرابی کے باعث بلوچستان میں 1998 کی مردم شماری نامکمل رہی جسکا نقصان ہمیں وسائل کی تقسیم میں ہوا ،ہمارا مطالبہ ہے کہ نیا این ایف سی ایوارڈ فوری طور پر کیا جائے جو آئینی تقاضہ بھی ہے،نئی مردم شماری کے مطابق نیا این ایف سی ایوارڈ نہ ہونے سے بلوچستان کو سالانہ دس ارب سے زائد کا نقصان ہو رہا ہے،وفاقی حکومت ہمارے مطالبات اور موقف کو سنجیدگی سے لے،اگر ایسا نہیں کیا جاتا تو وفاق اور صوبے میں پیدا خلیج مزید بڑھے گی جو وفاق کے لیئے نقصان دہ ہو سکتا ہے ،بلوچستان کا استحصال کسی صورت قبول نہیں اپنے جائز آئینی موقف پر ڈٹ کر کھڑے ہیں ۔وزیراعلیٰ بلوچستان نے کیا کہ بلوچستان کے عوام ہماری جانب دیکھ رہے ہیں ہم انکے حقوق کے حصول سے ایک انچ پیچھے نہیں ہٹیں گے،بلوچستان کی ترقی اور پسماندگی دور کرنے کے لیئے اسلام آباد میں بیٹھ کر صرف باتیں کی جاتی ہیں۔بلوچستان کے زمینی حقائق بالکل مختلف ہیں یہاں عملی اقدامات کی ضرورت ہے ۔وزیراعلیٰ نےآصف علی زردای مولانا فضل الرحمن سردار اختر جان مینگل اور صوبے کے دیگر قومی لیڈروں سے درخواست ہے کہ وہ ہمارے موقف کو تقویت دیں ۔