Author: ڈاکٹرغلام مصطفی بڈانی

تنگوانی، باغی ٹی وی (نامہ نگارمنصور بلوچ)تنگوانی کے قریب روڈ حادثہ ایک نوجوان ہلاک تین افراد زخمی۔ تینوں کی حالت تشویشناک۔
تفصیلات کے مطابق تنگواني پوليس تھانے کی حدود سے غوثپور لنکس روڈ پر زين شادی حال کے قریب کار اور بائیک میں حادثہ ہوا ہے، حادثات کے نتیجہ میں نوجوان برکت علی بھيو موقع پر فوت ہو گیا جبکہ ماجد علی بھيو،عابد علي بھيو اور مسرور نوناری شدید زخمی ہوئے ہیں،جاں بحق نوجوان کی لاش اور زخمیوں کو ہسپتال منتقل کردیا گیا ہے،حادثہ کی خبر ملتے ہی جاں بحق نوجوان کی ہلاکت پر گاؤں میں ماتم بچھ گئی ،جبکہ آخری اطلاعات آنے تک اس حادثہ کی تھانہ میں ابھی تک رپورٹ درج نہیں ہوئی ہے-

میرپورماتھیلو،باغی ٹی وی (نامہ نگارمشتاق علی لغاری)چورمزارکی چھت کی چادر،مسجد سے سریااورایمپلی فائرچراکرلے گئے
تفصیل کے مطابق جروارکے نواحی گاؤں خدابخش لغاری کے قریب گل محمد شاہ کے مزار سے چور چھت کی پنکہا اتار کر لے گئے اور مزار کے قریب واقع مسجد سے سریا اورایمپلی فائربھی چراکرالیا، تین دن گزرنے کے باوجود بھی پولیس نہ تو چوروں کا پتالگاسکی اور نہ چوری ہونے والاسامان کہیں سے واپس نہ کرا سکی،شہریوں کاکہناہے کہ اب تو چوروں سے مساجداور درگاہیں بھی محفوظ نہیں رہی ،جروار شہر میں بدامنی عروج پر ہے اور اس پر قابو نہیں پایا جا سکا،شہریوں نے پولیس کے اعلیٰ حکام سے نوٹس لینے کامطالبہ کیا ہے

کوئٹہ باغی ٹی وی (نامہ نگارزبیرآکاخیل)سبزل روڈ کی تعمیر کا کام سست روی کا شکار،عوام کو اذیت کاسامنا
تفصیلات کے مطابق کوئٹہ کے سبزل روڈکی تعمیرکاکام پچھلے تین سالوں سے جاری ہے مگراب تک یہ مکمل نہیں ہوسکاجس کی وجہ سے بروری روڈ، اربا ب کرم خان روڈ، سریاب روڈاورملحقہ علاقوں میں ٹریفک جام معمول بن گیا ہے ،دوران سفرشہری گاڑیوں کوکچے راستے سے لے جاتے ہیں دن رات دھول اورمٹی اڑتی رہتی ہے جس کی وجہ سے اہل علاقہ پریشان ہیں ،عوام کو آمدورفت میں مصائب کا سامنا ہے تو دوسری جانب دکانداروں خصوصاََ اہل علاقہ کی زندگی دن بھر مٹی اڑنے سے عذاب بن چکی ہے جس سے سانس گلے آنکھوں سمیت مختلف بیماریاں پھیل رہی ہیں ، سبزل روڈ پودگلی چوک پر پانی کا چھڑکاو نہ ہونے کا باعث آۓ روز ٹریفک حادثات ہورہے کیونکہ دھول کے باعث حد نگاہ صفر ہے اور لوگ دن میں بھی گاڑیوں رکشوں اور موٹر سائیکلوں کی لائٹس جلانے پر مجبور ہیں مگر افسوس متعلقہ ادارے اور حکومت اس جانب کوئی توجہ نہیں دے رہی ،
سماجی سوشل ورکر زبیر خان آکاخیل،ناصر خان،امجدخان ،عبدالجبار،مام احسن،راجہ صابر اور دیگرشہریوں نے صوبائی حکومت اورضلعی انتظامیہ سے مطالبہ کیا کہ سبزل روڈکی تعمیرکاکام جلدازجلدمکمل کیاجائے تاکہ شہری سکھ کاسانس لے سکیں۔

سیالکوٹ، باغی ٹی وی( سٹی رپورٹر شاہد ریاض )عدالت نے معروف نعت خواں سہیل قادری کے قتل کافیصلہ سنادیا
تفصیل کے مطابق سیالکوٹ شہاب پورہ روڈ پر 18جنوری 2022کو معروف نعت خواں سہیل قادری کو قتل کرنے والے دونوں ملزمان کو عمر قید اور دس دس لاکھ روپے جرمانے کی سزا سنا دی گئی ۔
قتل کے مقدمہ کی تفتیش سابق ڈی ایس پی رانا ندیم طارق ۔سابق انچارج ہومی سائیڈ عرفان اشرف ۔سابق ایس ایچ او حاجی پورہ نعمان بٹر اور سابق ایس ایچ او نیکا پورہ فہد بن فدا نے کی تھی اور 2دن میں ملزمان کو گرفتار کر لیا تھا ۔قتل کے اس مقدمہ کاعدالت نے آج فیصلہ سنایا جس میں ملزمان قید اور جرمانے کی سزاسنائی گئی-

رحیم یار خان: پریمی کزن نے ٹرین کے نیچے آکر خودکشی کرلی
باغی ٹی وی (ویب نیوز) رحیم یار خان کے تھانہ صدرکے علاقہ پیر شہیداں کے قریب افسوس ناک واقعہ رونماہوا ہے ،جس میں لڑکے اور لڑکی نے ٹرین کے نیچے آکر خود کشی کرلی ہے،پولیس ترجمان کے مطابق لڑکا اور لڑکی اقلیتی برادری سے تعلق رکھتے تھے،لڑکے اور لڑکی عمربالترتیب 18سے 20 سال کے درمیان تھی اور دونوں کزن اور ایک دوسرے کو پسند کرتے تھے،پولیس کی ابتدائی تفتیش میں سامنے آنے والی معلومات کے مطابق دونوں شادی کرنا چاہتے تھے،ابھی تک یہ معلوم نہیں ہوسکا کہ ان کی شادی میں رکاوٹ کون تھا؟ یا ایسی کیاوجہ تھی لڑکی اور لڑکے نے اپنی زندگی کاخاتمہ کرلیا ؟پولیس نے اس واقعہ پر مبینہ خود کشی سمیت پر ہرپہلو سے تحقیقات کاآغازکر دیا ہے

ریلوے ٹریک ڈیتھ ٹریک بن چکا، سیکرٹری ، سی ای او اور تمام ڈی ایس فارغ کرنا پڑیں گے، چیف جسٹس

70 آدمیوں کے جلنے کا حساب آپ سے کیوں نہ لیا جائے، چیف جسٹس کا شیخ رشید سے مکالمہ کہا آپ کو تو استعفیٰ دینا چاہئے تھا

شیخ رشید نے عدالت سے مانگی مہلت،چیف جسٹس نے کہا لوگ آپکی باتیں سنتے ہیں لیکن ادارہ نااہل

کوٹ ہیبت باغی ٹی وی (شاہد خان )ڈیرہ غازی خان جام پور روڈ عالی والا نزد عطاء اللہ فلور ملز کے سامنے ایک تیز رفتار ویگو ڈالے نے موٹر سائیکل پر سوار 3 لڑکوں کو کچل دیا، مقامی لوگوں کے مطابق حادثہ ویگو ڈالے کے ڈرائیور کی اوور سپیڈنگ اور لاپرواہی کی وجہ سے پیش آیا 3 نوجوان جو کیسی کام کے سلسلے میں جا رہے تھے ویگو ڈالے کی زد میں آ کر اپنی جان سے ہاتھ دھو بیٹھے ،جاں بحق افراد میں 18 سالہ سعد چنگوانی، 14 سالہ اسد ولد محمد اقبال اور 18 سالہ شیر علی ولد علی محمد شامل ۔ریسکیو ٹیم نے موقع پر پہنچ پر جاں بحق افراد کی لاشوں کو تحویل میں لے کر ان کے مقامی گھروں میں شفٹ کر دیا