Author: ڈاکٹرغلام مصطفی بڈانی

اوچ شریف باغی ٹی وی (نامہ نگار حبیب خان )بہاولپور کا اکاؤنٹ آفس فرعون اور کر پشن کا گڑھ بن گیا۔کسی بھی آ رڈر کو نہیں مانتا-
محکمہ ہیلتھ ماں بچہ صحت پروگرام کے ملازمین کے ساتھ ظلم پچھلے 24 ماہ سے ذلیل و خوار پروگرام ڈائریکٹر کے آرڈر ماننے سے انکار سی او ہیلتھ کے آ ڈر ماننے سے انکار ڈسٹرکٹ کواڈینٹر کے آرڈر ماننے سے انکار اور تو اور بہاول پور ہائیکورٹ کے فیصلے کو بھی نہیں مانا ۔بہاولپور کا اکاؤنٹ آفیسر مختار بلوچ انسانیت کے نام پر ایک دھبہ ہے ، ماں بچہ صحت کے ملازمین ذہنی اذیت کا شکار، ملازمین کی حالت خود کشیوں تک پہنچ گئی ہے۔اکاؤنٹ آفیسر آے روز نئے نئے بہانے بناتا ہے جبکہ پنجاب کے 35 ضلعے سکیل کے حساب سے تنخواہیں دے رہے ہیں بہاولپور کا اکاؤنٹ آفس ملازمین سے ظلم اور زیادتیاں کر رہا ہے ،ہیلتھ آفیسر اور ملازمین اکاؤنٹ آفس کے چکر لگا لگا کے تھک چکے ہیں اکاؤنٹ آ فیسر مختیار کی اپنی بدمعاشیاں ہیں۔فی میل ایل ایچ وی کے ساتھ بدتمیز یاں یہ ان کامعمول ہے انہوں نے ایک ڈیکٹیڑر جمال کو اکاؤنٹ آفس بٹھایا ہوا ہے جو ہر ٹھیک بات پر کیڑے نکالتا ہےملازمین کو تنخواہیں دینے سے انکار، آے روز نیا اعتراض لگا دیتے ہیں جبکہ ملازمین کی تنخواہوں میں 15000 کی کٹوتیاں کی جا رہی ہیں .اکاؤنٹ آفیسر مختار بلوچ ملازمین کی تنخواہوں کا کروڑوں کا بجٹ کھا رہا ہے۔اکاؤنٹ آفس بہاولپور میں کوئی بھی کام رشوت کے بغیر نہیں ہوتا ان ملازمین کا قصور یہ ہے انہوں نے ان کو رشوت نہیں دی ۔18000 تنخواہ لینے والے ملازمین سے 20 لاکھ رشوت مانگتے ہیں ۔غریب ملازمین کہاں سے لائیں اتنے پیسے ۔پنجاب کے بڑے اکاؤنٹنٹ جنرل نے سب ملازمین کی تنخواہیں سکیل کے حساب سے جاری کی ہیں اس کے ثبوت بھی دکھائے ہیں ان کو بھی ماننے سے مختار بلوچ اکاؤنٹ آفیسر نے انکار کر دیا جبکہ ملازمین کے کنٹریکٹ میں تو سیع پنجاب کی کیبنٹ نے دی ہیں، مختار اکاؤنٹ آفیسر کسی کی بھی آرڈر کو نہیں مانتا اب ملازمین نے ظلم کے خلاف جنگ کرنے کا فیصلہ کر لیا ۔اگر ہمارہ یہ مسئلہ حل نہ کیا گیا تو سب ملازمین اکاؤنٹ آ فس کے اندر اتجاج کریں گے ہماری وزیر اعلیٰ پنجاب۔وزیر صحت سے اپیل ہیں ۔اس طرح کے آفیسر کا تبادلہ کیا جائے ۔ملازمین کی اس اکاؤنٹ آفیسر سے جان چھڑای جاے

کوٹ ہیبت باغی ٹی وی (نامہ نگارشاہد خان )گدائی چونگی کے قریب گھر میں موجود ایرانی ڈیزل کو آگ لگ گئی
تفصیل کے مطابق ڈیرہ غازی خان گدائی چونگی کے قریب گھر میں موجود ایرانی ڈیزل کوآگ لگ گئی جس کی وجہ سے گھر میں موجود سامان جل گیا ذرائع کے مطابق ڈیرہ غازی خان میں ایرانی ڈیزل اور پیٹرول کی بھر مار ہے لوگ کاروبار کرنے کے لیے ایرانی ڈیزل اور پیٹرول گھروں میں اسٹور کر رہے ہیں موجودہ حکومت کو اس کے خلاف سخت ایکشن لینا چاہیے ،موقع پر موجود لوگوں کے مطابق یہ آگ گھر والوں کی لاپرواہی کی وجہ سے لگی ذرائع کے مطابق گھر میں آگ لگنے کی وجہ سے کوئی جانی نقصان نہیں ہوا موقع پر موجود لوگوں نے ریسکیو 1122 کو کال کی ذرائع کے مطابق ریسکیو ٹیم نے آگ پر قابو پانے کے لیے آپریشن شروع کر دیا ہے

گوجرخان باغی ٹی وی( نامہ نگار شیخ ساجد قیوم ) ہفتہ کے روز تھانہ مندرہ کے علاقہ چٹھ ماہندر میں معمولی تلخ کلامی پر طیش میں آکر بھائی نے بھائی کو پےدر پے فائرنگ کرکے موت کے گھاٹ اتار دیا، ملزم موقع سے فرار ہونے میں کامیاب ہوگیا، ملزم گلفراز نے نشے کے لیے پیسے نہ دینے پر اپنے حقیقی چھوٹے بھائی یاسر کو گولیاں مار کر قتل کر دیا ،مندرہ پولیس اطلاع ملنے پر جائے وقوعہ پر پہنچ گئی اندراج مقدمہ کے بعد پولیس نے ملزم کی تلاش شروع کر دی

لاہور(باغی ٹی وی )سابق وزیراعلیٰ پنجاب عثمان بزدار کی مشکلات میں مزید اضافہ ہوگیا، قومی احتساب بیورو (نیب) لاہور نے ان کے دور میں ہونے والی تقرریوں اور تبادلوں پر بھی تحقیقات کا آغاز کردیا۔
نیب لاہور نے سابق وزیر اعلی عثمان بزدار کے خلاف آمدن سے زائد اثاثہ جات کے بعد ان کے دور میں کی گئی تقرریوں اور تبادلوں کی تحقیقات بھی شروع کردی ہیں۔ذرائع کے مطابق نیب لاہور نے سیکرٹری سروسز پنجاب سے تعیناتیوں کا مکمل ریکارڈ طلب کر لیا ہے۔
نیب نے اس سے پہلے سیکرٹری مواصلات کو بھی ریکارڈ پیش کرنے کی ہدایت کی تھی مگر ان کی طرف سے ابھی تک ریکارڈ فراہم نہیں کیا گیا۔
نیب ذرائع کا کہنا ہے کہ تقرر و تبادلوں میں فرح گوگی اور سابق پرنسپل سیکرٹری طاہر خورشید بھی شامل ہیں۔عثمان بزدار پر اپنی وزارت اعلیٰ کے دور میں تقرر و تبادلوں میں کروڑوں روپے کی رشوت لینے کا الزام ہے۔

سیالکوٹ، باغی ٹی وی(سٹی رپورٹرشاہد ریاض ) ڈپٹی کمشنر سیالکوٹ عدنان محمود اعوان نے کہا ہے کہ ضلع سیالکوٹ میں بہنے والے دریاؤں اور برساتی نالوں میں ممکنہ طغیانی سے بچاؤ کیلئے پر فلڈ پلان 2023ء کے مطابق تمام متعلقہ محکمے اپنی تیاریاں مکمل رکھیں۔ یہ ہدایات انہوں نے پری فلڈ ارینجنمنٹ کے سلسلہ میں ڈی سی آفس کمیٹی میں منعقدہ اجلاس سے خطاب کرتے ہوئے جاری کیں۔ ایڈیشنل ڈپٹی کمشنر ریونیو محمد اقبال، اسسٹنٹ کمشنر ڈسکہ فیصل احمد اور اسسٹنٹ کمشنر پسرور قمر محمود منج کے علاوہ تمام محکموں کے متعلقہ مقامی حکام موجود ہیں۔ڈپٹی کمشنر عدنان محمود اعوان نے کہا کہ میونسپل کارپوریشن سیالکوٹ شہر سے گذرنے والے نالہ بھیڈ کی ڈی سلٹنگ کا فوری آغاز کرے اور نالہ بھیڈ پر پلوں کے نیچے سے لازمی صفائی کی جائے، ڈپٹی کمشنر نے میونسپل کارپوریشن, ضلع کونسل اور میونسپل کمٹیز کے مقامی حکام کو ہدایت کی کہ وہ فلڈ فائٹنگ آلات ، ڈی واٹرنگ سیٹس اور ڈسپوزل اسٹیشن کو اسٹینڈ بائی رکھیں اور اربن فلڈ پلان بنائیں اور شہروں میں ایسی نشیبی علاقے جہاں پر بارشی پانی کو نکالنے کیلئے ڈی واٹرنگ سیٹس لگانے پڑ سکتے ہیں ان جگہوں نشاہدہی کی جائے۔ ڈپٹی کمشنر محکمہ ایریگیشن کے مقامی حکام کو ہدایت کی کہ وہ ضلع سیالکوٹ سے گذرنے والے دریا ، نہروں اور برساتی نالوں کے حفاظتی بندوں اور پشتوں کی تفصیلی انسپکشنز رپورٹ جمع کروائیں۔ قبل ازیں ڈپٹی کمشنر عدنان محمود اعوان نے نیو سبزی و فروٹ منڈی ایمن آباد روڈ سیالکوٹ کا دورہ کیا۔ سبزیوں اور پھلوں کی طلب و رسد کا جائزہ لیا گیا اور ہونے والے نیلامیوں کے عمل چیک کیا۔ ڈپٹی کمشنر نے تالاب شیخ مولا اسٹیڈیم کی بحالی اور دیوار سیالکوٹ کی تزئین و طالبات آرائش کے منصوبے پر جاری تعمیراتی کام کا معائنہ کیا۔