Author: ڈاکٹرغلام مصطفی بڈانی

چنیوٹ،باغی ٹی وی (نامہ نگار طاہر سیال کی رپورٹ)ایڈز بےقابو ہونے لگا، 2 ماہ میں 40 نئے کیسزرپورٹ
تفصیل کے مطابق چنیوٹ میں ایڈز نے خطرے کی گھنٹی بجا دی ، 2 ماہ میں 40 نئےکیسز سامنے آگئے، تین سال میں رپورٹ کیسز 715 ہوگئے ۔موجودہ حکومت اور محکمہ صحت ہنگامی بنیادوں پر تدارک کے لیئے لائحہ عمل طے کریں،
چنیوٹ میں ایچ آئی وی کیسز میں تشویشناک حد تک اضافہ ہوگیا پنجاب ایڈز کنٹرول پروگرام چنیوٹ کے ڈیٹا کے مطابق مئی میں 62 افراد کی سکریننگ کی گئی۔ جن میں سے 22 افراد میں ایڈز پازیٹیو پایا گیا۔ جبکہ اپریل میں بھی 18 افراد میں ایڈز کی تشخیص ہوئی کوآرڈینیٹر ایڈز کنٹرول پروگرام چنیوٹ اظہر عباس کا کہنا ہے کہ ایڈز پھیلنے کی وجوہات اتائیت ، غیر محفوظ جنسی عمل،اور غیر محفوظ انتقال خون ہے، مسلسل بخار، وزن کا کم ہونا، پیٹ خراب رہنا ایڈز کی علامات ہیں ، انکا مزید کہنا تھا کہ ڈی ایچ کیومیں موجود ایڈز کنٹرول کلینک میں تمام سکریننگ اور علاج کے ساتھ ساتھ مفت ادویات فراہم کی جاتی ہیں .
دوسری طرف چنیوٹ کی سیاسی ،سماجی اور مذہبی حلقوں نے ایڈز کے بڑھتے ہوئے کیسز پر کہاکہ یہ ہمارے لئے لمحہ فکریہ ہے کہ چنیوٹ میں صرف 2 ماہ کے دوران ایڈز کے 40 کیس رپورٹ ہوئے ہیں ،ممکنہ طور یہ تعداد زیادہ بھی ہوسکتی ہے ،محکمہ صحت کے اعلیٰ حکام سے نوٹس لینے کامطالبہ کیا ہے.

ڈیرہ اسماعیل خان،باغی ٹی وی (نامہ نگاراحمدنوازمغل)تھانہ کینٹ کی حدود میں ڈکیتی کی واردات‘ مزاحمت پر ایک شخص قتل‘ ڈاکو 30ہزار نقد لوٹ کر لے گئے
تفصیلات کے مطابق تھانہ کینٹ کی حدود میں واقع مشن موڑ کے قریب اور تبلیغی مرکز سے ملحقہ الحافظ بیکری پر رات گئے نامعلوم موٹرسائیکل سواروں نے ڈکیتی کے دوران مزاحمت کرنے پر لکی مروت کے گاﺅں شاہ حسن خیل کے ناظم عبدالمالک کے کزن دل جان مروت کو فائرنگ کرکے قتل کر دیا۔ پولیس نے موقع پر پہنچ کر تفتیش شروع کر دی ،ایس ڈی پی او سٹی سرکل حافظ محمد عدنان کے مطابق سی سی ٹی وی فوٹیج سے عن قریب ڈاکوﺅں کو گرفتار کر لیا جائے گا اسی طرح تھانہ یونیورسٹی کی حدود میں بھی ڈکیتی کی واردات جاتے ہوئے ڈاکو رکشہ چھین کر فرار ہو گئے۔ واضح رہے کہ مقتول دل جان مروت کا چار ماہ پہلے سمیع اللہ نامی جوان بیٹا روڈ ایکسیڈنٹ میں جاں بحق ہو گیا تھا۔

رحیم یار خان موٹر وے ایم 5 پر ترنڈہ محمد پناہ انٹر چینج کے قریب تیز رفتار کار ٹریلر سے ٹکرا گئی، حادثے میں 2 خواتین اور بچے سمیت 3 افراد جاں بحق اور 2 زخمی ہوگئے۔
موٹر وے پولیس کے مطابق حادثہ تیز رفتاری اور غفلت کے باعث پیش آیا، تیز رفتار کار ٹریلر سے جا ٹکرائی، حادثے میں 3 افراد جاں بحق اور 2 زخمی ہوئے۔ لاشوں اور زخمیوں کو ریسکیو کی مدد سے قریبی اسپتال منتقل کر دیا گیا ہے۔حادثے میں زخمی ہونے والے 2 افراد کی حالت تشویشناک ہے۔
رپورٹس کے مطابق فیملی سکھر سے موٹر وے ایم 5 کے راستے ملتان جا رہی تھی جو ترنڈہ محمد پناہ انٹر چینج کے قریب حادثے کا شکار ہو گئی۔

اوچشریف باغی ٹی وی (نامہ نگار حبیب خان) مبینہ تشدد زدہ نعش کے پوسٹ مارٹم میں کوتاہی برتنے اور لواحقین کوذلیل وخوار کرنے بارے محکمہ صحت کا بڑا ایکشن، ڈی ڈی ایچ او ڈاکٹر عبدالغنی شیخ سمیت 4 ڈاکٹرز کی طلبی، آج ڈائریکٹر ہیلتھ بہاولپور ڈویژن کے رو برو پیش ہونے کے احکامات جاری،
تفصیلات کے مطابق اکبر ٹاؤن اوچشریف کے رہائشی عبدالجبار نے محکمہ صحت کے اعلیٰ حکام کو درخوست گزاری، جس میں مبینہ طور پر الزام عائد کیا گیا کہ رورل ہیلتھ سنٹر اوچشریف کے ڈاکٹر عجمی منیر سمیت دیگر ڈیوٹی پر مامور ڈاکٹرز نے ان کے عزیز کی نعش کے پوسٹ مارٹم کے لیے گھنٹوں انتظار کی سولی پر لٹکاۓ رکھا اور انہیں شدید ذلیل وخوار کیا گیا، جب لواحقین نے ڈپٹی ڈسٹرکٹ آفیسر ہیلتھ ڈاکٹر عبدالغنی شیخ کو شکایات درج کرائی تو موصوف نے بھی جلتی پر تیل کا کام کرتے ہوئے لواحقین کی داد رسی کے لیے فوری طور پر موقع پر اپنی آمد کا کہہ کر ٹرخا دیا، اور ساری رات کے کٹھن انتظار کے باوجود موصوف نہ تشریف لائے ، جبکہ دوسری طرف مذکورہ لاش کے لواحقین غمگین حالت میں ڈبل خواری کا سامنا کرتے رہے، جس پر مزکورہ درخواست گزار کی جانب سے اعلیٰ حکام کو بذریعہ درخواست شکایت کرنے پر محکمہ صحت کی جانب سے ایکشن لے لیا گیاہے، جاری ہونے والے نوٹس کے مطابق ڈپٹی ڈسٹرکٹ آفیسر ہیلتھ ڈاکٹر عبدالغنی شیخ، ڈاکٹر عجمی منیر ،ڈاکٹر عثمان ظفر اور ڈاکٹر عامر بخاری کو انکوائری کے لیے بتاریخ آج 3 جون کو ڈائریکٹر ہیلتھ بہاولپور کے رو برو پیش ہونے کے احکامات جاری کر دئیے گئے ہیں، تاکہ معاملہ کی شفاف تحقیقات کرکے اس دلخراش واقعہ کے مرتکب ذمہ داران اور مذکورہ ڈاکٹرز کے شعبہء مسیحائی کے فرائض عین بارے مبینہ مجرمانہ غفلت برتنے والوں کے محاسبہ کو یقینی بنایا جا سکے

اوچ شریف باغی ٹی وی (نامہ نگار حبیب خان) تھانہ اوچ شریف کی حدود میں چوری و ڈکیتی کی وارداتوں میں اضافہ، شہریوں میں تشویش
تھانہ اوچ شریف پولیس کیلئے نامعلوم چور چیلنج بن گئے،چوری و ڈکیتی کی وارداتوں میں اضافہ، شہری خود کو غیر محفوظ سمجھنے لگے،سماجی حلقوں میں تشویش کی لہر،بالا حکام سے نوٹس لینے کا مطالبہ تفصیلات کے کیمطابق اوچ شریف کے نواحی علاقوں میں نامعلوم چوروں کی بڑھتی ہوئی سرگرمیاں اوچ شریف پولیس کیلئے چیلنچ بنتی جارہی ہے اوچ شریف شہر میں آئے روز موٹر سائیکل،سمیت گھروں اور دکانوں میں نقب زنی لوٹ مار، دیگر وارداتیں عام ہوگئی ہے گذشتہ روز تھانہ اوچ شریف کے نواحی علاقے موضع گمانی میں نماز جمعہ کے وقت نمازیوں کے دو نیو موٹر سائیکل چور لے اڑے اس سے قبل گزشتہ رات سکنہ صادق آباد کے رہائشی محمد سجاد ولد ریاض حسین گھر جا رہا تھا تین نا معلوم ڈیکیت گن پوائنٹ پر موٹر سائیکل اور نقدی چھین کر فرار ہو گئے واضع رہے کہ کچھ عرصہ سے تھانہ اوچ شریف و گردونواح میں چوری و ڈکیتیوں قتل وغارت کی وارداتوں میں خطرناک حد تک اضافہ ہو گیا ہے جس سے شہری سخت پریشان ہیں شہریوں نے احتجاج کرتے ہوئے کہا کہ تھانہ اوچ شریف کی حدود میں چوریوں، ڈکیتوں میں اضافہ مقامی پولیس تھانے میں محدود ہو کر رہ گئی، اہل علاقہ کی ڈاکوﺅں، چوروں کے خوف سے رات کی نیند اڑ گئی، انہوں نے کہا کہ علاقوں میں ڈاکوﺅں اور چوروں نے وارداتوں کی انتہا کر دی، تھانہ اوچ شریف کی پولیس کسی بھی ڈاکو، چور کو موقع واردات سے پکڑنے میں برُی طر ح نا کام رہی، چور، ڈاکو سارا دن علاقوں میں سرعام دن درندتے پھر رہے ہیں اور دیکھتے رہتے ہیں کہ کس گھر یا دوکان کا دروازہ باہر سے لوک ہے، رات کے وقت موقع پا کر کنڈے توڑ کر گھر کا صفایا کر جاتے ہیں
اوچ شریف شہر میں چوری،لوٹ مار کی بڑھتی ہوئی وارداتوں پر شہری خود کو غیر محفوظ سمجھ رہے ہیں دوسری جانب سماجی حلقوں میں تشویش کی لہر دوڑ رہی ہے اور انہوں نے بالا حکام سے نوٹس لیکر اوچ شریف کے شہریوں کو تحفظ فراہمی سمیت چوروں کے خلاف مؤثر کارروائی عمل میں لانے کا مطالبہ کیا ہے

کامونکے،باغی ٹی وی (نامہ نگار ڈاکٹر محمد اویس مغل کی رپورٹ ) تحصیل بار ایسوسی ایشن کامونکے کے سابق نائب صدر رانا نعیم رضا خاں اور ان کے چچا رانا آصف علی خاں کو گزشتہ روز بھلوال میں دیرینہ رنجش پر مخالفین نے فائرنگ کرکے قتل کردیا تھا۔مرحومین کی نماز جنازہ سادھوکے میں ادا کی گئی جس میں صدر تحصیل بار ایسوسی ایشن کامونکے رانا عثمان مجید خاں،جنرل سیکرٹری ذوالقرنین حیدر ورک،سابق وائس چیئرمین یونین کونسل حافظ غلام رسول،سابق جنرل سیکرٹری بار کاشف شہزاد سندھو،چودھری نصر اللہ چیمہ،رانا تنصیر ارشد،سابق صدر افضال حسین رانا، عارف محمود گورائیہ،سردار نصیب ڈوگر،امیدوار برائے صدر ملک آفتاب اسلم،امیدوار برائے جنرل سیکریٹری محمد مبشر مغل،توصیف ڈار،محمد سفیان مغل ،عبدالقادر گل،یاسر عرفات رامے سمیت وکلاء برادری،سماجی سیاسی شخصیات نے کثیر تعداد میں شرکت کی،بعدازاں مرحومین کو سینکڑوں سوگواروں کی موجودگی میں آبائی قبرستان سادھوکے میں سپرد خاک کردیا گیا۔ اثناء قتل کی اس واردات کیخلاف ڈویثرن گوجرانوالہ کی طرح کامونکے بار میں مکمل ہڑتال کی گئی اور وکلاء برادری کی جانب سے قاتلوں کی جلد گرفتاری کا مطالبہ کیا گیا۔

نواب شاہ،باغی ٹی وی (نامہ نگارعنایت بلادی) زمین کے تنازعہ پر جگھڑا، ایک شخص قتل ، ورثاءکا لاش قومی شاہراہ پر رکھ کر دھرنا
تفصیل کے مطابق نواب شاہ کی تحصیل قاضی احمد میں تھانہ کی حدود میں زمین کے تنازعہ پر گذشتہ روز قتل ہونے والے نوجوان کے ورثا ء نے لاش قومی شاہراہ پر رکھ کر روڈ بلاک کر دیا ،مظاہرین کی جانب سے پولیس کے خلاف شدید نعرے بازی کی گئی، روڈ بلاک ہونے کے باعث گاڑیوں کی لمبی قطاریں لگ گئیں، دھرنے کے باعث کراچی سے لاہور اور لاہور سے کراچی جانے والی ٹریفک معطل ہوگئی ، مسافروں کو شدید مشکلات کا سامنا کرنا پڑ رہا ہے، اس موقع پر ورثا ء کا کہنا تھا کہ پولیس انتظامیہ قتل میں ملوث ملزمان کو گرفتارکرنے کے بجائے تحفظ فراہم کررہی ہے اورہمیں دھمکا رہی ہے

نواب شاہ : زمین کے تنازعہ پر ایک شخص قتل ، ورثاءکا لاش قومی شاہراہ پر رکھ کر دھرنا،ٹریفک معطل ، مسافروں کو مشکلات کا سامنا ،ورثا ء کا کہنا تھا کہ پولیس قتل میں ملوث ملزمان کو گرفتارکرنے کے بجائے تحفظ دے رہی ہے@BaaghiTV @MumtaazAwan pic.twitter.com/Sp6DVli0xO

— QNN WORLD (@QNN_World) June 2, 2023

مظاہرین نے ایس ایس پی سمیت اعلی حکام سے فوری نوٹس لے ملزمان کو گرفتار کرنے کا مطالبہ کیا ،دوسری جانب ڈی ایس پی کا کہنا تھا کہ ملزمان کی گرفتاری کے لئے ٹیمیں تشکیل دی گئی ہیں ، جو ملزمان کی تلاش کررہی ہیں ، ملزمان کو جلد گرفتار کر کے ورثاء کو انصاف فراہم کیا جائے گا۔