Author: ڈاکٹرغلام مصطفی بڈانی

میرپورخاص ، باغی ٹی وی ( نامہ نگار سید شاہزیب شاہ ) میرپورخاص کے قومی تین روزہ مینگو فیسٹیول کے حوالے سے ضلعی انتظامیہ کی عوام دوست حکمت عملی کی وجہ سے شرپسند افراد کے دماغ ٹھکانے لگ گئے ۔۔ فرزند میرپورخاص ڈپٹی کمشنر میرپورخاص زین العابدین میمن کی شہر کے سماجی حلقوں کے ساتھ سے خصوصی اجلاس . اجلاس میں مفتی شریف سعیدی ، مولانا حفیظ الرحمٰن فیض ، مولانا ہارون معاویہ ، مینگو فیسٹیول کے چئیرمین عمر بگھیو، ایس ایس پی میرپورخاص کیپٹن (ر) اسد چودھری تاجر برادری کے رہنماء امین میمن اسسٹنٹ کمشنر فوکل پرسن مینگو فیسٹول سلیم شیخ گوھرام بلوچ، کریم میمن ،مجاھد علی شاہ قادری نے شرکت کی اجلاس میں علماء کرام نے کہا کہ ہمیں مینگو فیسٹیول پر قطعاً کوئی اعتراض نہیں مینگو فیسٹیول ہونا چاہئیے بہت اچھی چیز ہے ہم اسکی حوصلہ افزائی کرتے ہے آبادگاروں کے لئے معلومات نشست ہو انکو آبادگاری میں اضافہ کے حوالے سے معلومات فراہم کی جاۓ اسطرح کے اچھے پروگرام کئے جائیں جس سے انکو فائدہ حاصل ہو تفریحی ماحول لوگوں کو ملنا چاہیے جھولے لگائیں جائیں اسپورٹ ہو بازار لگیں لیکن ریاست اور عوام کے پیسوں سے اسطرح کے ناچ گانے وہ بھی ایسی جگہ پر جہاں خواتین بھی ہونگی بچے بھی ہونگے جھولے بھی ہو بازار بھی ساتھ ہو ایسے مواقعوں پر ہلڑ بازی ہوتی ہے لوگ نشے میں ہوتے ہے یہ بلکل برداشت نہیں کیا جاۓ گا اس پر اجلاس میں موجود تمام لوگوں نے علماء کرام کی تائید کی اور متفقہء طور پر سب نے یہ فیصلہ کیا 55 ویں تین روزہ قومی مینگو فیسٹیول میں میوزیکل نائٹ کا نام تبدیل کرکے، ایک شام سندھ کی ثقافت کے نام ( Sindh cultural Night) کا نام رکھ کر اس پروگرام کو خواتین بچوں کی آمد کی جگہ ( گلستان بلدیہ) سے تبدیل کرکے شہر سے تین کلو میٹر دور شاہ پمپ کے باالمقابل ( جے اینڈ جے بنکیوٹ شادی ہال) میں منتقل کردیا گیا اور اجلاس کے معزز شرکاء کو باور کرایا گیا کہ موسیقی کی سندھ ثقافتی شام پر ضلعی انتظامیہ کوئی پیسہ خرچ نہیں کر رہی اور نہ ہی یہ ضلعی انتظامیہ کا پروگرام ہے یہ نجی تعاون سے کیا گیا پروگرام ہے.ڈپٹی کمشنر نے کہا ہے کہ شہر کے تمام اسٹیک ہولڈرز اور شہری میرے لیئے انتہائی قابل احترام ہیں ضلعی انتظامیہ سب کو ساتھ لیکر چلنے کی پالیسی پر گامزن ہے اور شہر کی تعمیر و ترقی کی یہی بہترین سمت ہے.

سرگودہا، باغی ٹی وی( نامہ نگارملک شاہ نواز جالپ)صوبائی وزیر اوقاف، پبلک ہیلتھ انجینئرنگ وہاوسنگ بیرسٹر اظفر علی سید کی زیر صدارت ضلعی امن کمیٹی کا اجلاس کمشنر دفتر کے کانفرنس ہال میں منعقد ہوا۔ اجلاس میں ڈپٹی کمشنر کیپٹن ریٹائرڈ شعیب علی، ڈی پی او فیصل کامران اور ایڈمنسٹریٹر اوقاف عبدالشکور سمیت مختلف مکاتب فکر سے تعلق رکھنے والے جید علماءکرام نے شرکت کی ۔ ضلعی امن کمیٹی کے ممبران نے 9 مئی کے واقعات کی شدید الفاظ میں مذمت کرتے ہوئے مطالبہ کیا کہ فوجی تنصیبات پر حملوں میں ملوث تمام افراد کو کیفرکردار تک پہنچایا جائے ۔ علماءکرام کا کہنا تھا کہ ہمارے بزرگوں نے پاکستان بنایا تھا ہم اسے بچائیں گے ۔ انہوں نے پاک فوج سمیت دیگر قانون نافذ کرنے والے اداروں کے ساتھ بھر پور یکجہتی کا اظہار اور شہداءکو شاندار الفاظ مین خراج تحسین پیش کیا ۔ علماءکرام کا مزید کہناتھا کہ منبر ومحراب اتحاد بین المسلمین کے پیغام کو مزید موثر انداز میں اجاگر کیا جارہاہے ۔ تمام مکاتب فکر کے علماءکرام ایک پیج پر ہیں ۔ اجلاس سے خطاب کرتے ہوئے صوبائی وزیر اوقاف بیرسٹر سید اظفر علی سید کا کہنا تھا کہ 9 مئی کے پر تشدد واقعات میں ملوث شرپسندوں کو گرفتار کر لیاگیا او راب ان کی باری ہے جنہوں نے یہ کام کروایا ۔انہوں نے کہاکہ اتحاد ویگانگت سے ملک کے خلاف سازشوں کو ناکام بنائیں گے ۔ ملک کا ہر طبقہ پہلے سے زیادہ متحد اور یکسو ہو کر ملک میں استحکام اور یگانگت کیلئے اپنا کردارپر جوش انداز میں ادا کر رہاہے ۔ اجلاس میں ڈپٹی کمشنر کیپٹن ریٹائرڈ شعیب علی او رڈی پی او فیصل کامران سمیت قاضی نگاہ مصطفی ،مولانا قاری وقار احمد عثمانی، ریاست علی فیروزی، محمد عمر فاروقی،عرفان اللہ ثنائی،مولانا طاہر محمود،مولانا عبداللہ سعید ہاشمی او رقاضی عبدالوحید سمیت دیگر نے بھی اظہار خیال کیا۔ بعدازاں میڈیا سے بات چیت کرتے ہوئے صوبائی وزیر کاکہنا تھا کہ بین المذاہب وقائمہ ہم آہنگی وقت کی اہم ضرورت ہے ۔ اولیاءکرام او ربزرگان دین کی تعلیمات پر عمل درآمد اشد ضروری ہے ۔ ایک سوال کے جواب میں انہوں نے بتایا کہ 9 مئی کے پرتشدد واقعات میں ملوث پانچ ہزار سے زائد افراد کوگرفتار کیاگیا ۔ انہوں نے کہاکہ بے گناہ افراد کو کچھ نہیں کہا جائیگاجبکہ فوجی تنصیبات پر حملوں میں ملوث ملزمان کے ملٹری ایکٹ کے تحت مقدمات فوجی عدالتوں میں چلا کر انہیں نشان عبرت بنایا جائیگا ۔ انہوں نے میڈیا کے نمائندگان کے مختلف سوالوں کے جوابات بھی دیئے۔

کوٹ مبارک ،باغی ٹی وی (امداداللہ تھہیم )ڈی جی سیمنٹ فیکٹری ، سرداروں کی تمام ضروریات کاخیال ، مقامی آبادی بنیادی سہولیات سے محروم
تفصیل کے مطابق ڈیرہ غازی خان سے ڈی جی سیمنٹ فیکٹری کروڑوں ، اربوں روپے کما رہی ہے لیکن سیمنٹ فیکٹری کے دھواں سے ارد گرد کے ہزاروں مظلوم عوام متاثر ہو رہی ہے اور مختلف بیماروں کا شکار ہو رہے ہیں،سیمنٹ فیکٹری 25 کلومیٹر تک اردگرد علاقوں کو بنیادی سہولیات دینے کی پابند ہے ، مثلاََ روڈ ،میٹھا پانی بجلی،میڈیکل وغیرہ ،ڈی جی سیمنٹ فیکٹری مقامی آبادی کو بنیادی سہولیات دینے کی بجائے مقامی آبادی میں خطرناک بیماریاں پھیلانے کاباعث بن چکی ہے ،ڈی جی سیمنٹ فیکٹری سے نکلنے والے دھوئیں،گرداور کیمیکل ملے پانی کے اثرات کو غریب ہی جھیل رہے ہیں ۔جہاں لوگ جسمانی کمزوری،کالا یرقان اور کینسر جیسی موذی امراض میں مبتلاہورہے ہیں ۔ دوسری طرف ڈی جی سیمنٹ فیکٹری روزانہ کی بنیاد پر کروڑوں روپے کمانے کے باوجود بھی پس ماندہ علاقہ میں کوئی بڑی گرانٹ دینے سے قاصر ہے،ڈی جی سیمنٹ یہاں پر کھوسہ سرداروں کی تمام ضروریات سے لے کر خواہشات تک پوری کی جاتی ہیں ، مگرمقامی آبادی کیلئے ڈی جی سیمنٹ نے نہ کوئی ہسپتال،سکول کالج اور نہ ہی کوئی دوسری ضروریات پوری کرنے کا منصوبہ دیا گیا ،

سیمنٹ فیکٹری روڈ کی حالت بد تر ہو چکی ہے جہاں سے عوام کا گذرنا محال ہوچکا ہے ، جگہ جگہ گڑھے پڑچکے ہیں ،مقامی آبادیوں ،سماجی وسیاسی اور مذہبی حلقوں اعلیٰ حکام سے نوٹس لینے کا مطالبہ کیا ہے اور ڈی جی سیمنٹ فیکٹری کو 25 کلومیٹر تک اردگرد علاقوں کو بنیادی سہولیات دینے کی پابند کیاجائے ۔

سیالکوٹ،باغی ٹی وی ( شاہد ریاض) اشیائے خورد و نوش کی نئی قیمتیں مقرر
تفصیل کے مطابق ڈپٹی کمشنر عدنان محمود اعوان نے ڈسٹرکٹ پرائس کنٹرول کمیٹی کی سفارشات کو مد نظر رکھتے ہوئے ضلع بھر کے لئے اشیائے خورد و نوش کی قیمتوں کا از سر نو تعین کر دیا ہے۔ اس حوالے سے جاری نوٹیفکیشن کے مطابق چاول باسمتی سپر نیا کی فی کلو گرام قیمت 310روپے مقرر کی گئی ہے، چاول اری 70روپے کلو، دال چنا موٹی222، دال چنا باریک 210روپے فی کلو گرام، دال مسور موٹی 250روپے فی کلو، دال ماش دھلی ہوئی 453روپے کلو، دال ماش بغیر دھلی ہوئی 410روپے کلو، دال مونگ دھلی ہوئی 250روپے کلو، کالے چنے (موٹے) 220روپے کلو، سفید چنے (موٹے) 330روپے کلو، بیسن 225روپے کلو، دودھ 130روپے لٹر، دہی 140روپے کلو، چھوٹا گوشت1400روپے کلو، بڑا گوشت700روپے کلو، تندوری روٹی 100گرام 15روپے، جبکہ 120گرام وزنی نان کی قیمت 20روپے مقرر کی گئی ہے،آٹا، گھی کی قیمت حکومت پنجاب کے پالیسی کے مطابق ہوگی، سبزیوں، پھلوں، انڈوں، چکن کی قیمت کا تعین روزانہ کی بنیاد پر مارکیٹ کمیٹی کریگی۔
دریں اثناء ڈپٹی کمشنر عدنان محمود اعوان نے پرائس کنٹرول مجسٹریٹس کو ہدایت کی ہے کہ وہ مقررہ قیمتوں پر عملدرآمد یقینی بنائیں-

سرگودھا،باغی ٹی وی (نامہ نگارملک شاہ نواز جالپ ) ضابطہ اخلاق کی خلاف ورزی یا کسی اور غیر قانونی سرگرمی میں ملوث ججز کے خلاف سپریم جوڈیشل کونسل میں ریفرنس بھیجے کے لیے کمیٹی کے اجلاس میں بطور رکن سابق وزیر مملکت و رکن قومی ہےاسمبلی بیرسٹر محسن شاہنواز رانجھا کی شرکت۔کمیٹی اراکین نے متفقہ طور پر فخر سرگودھا بیرسٹر محسن شاہنواز رانجھا کو کمیٹی کاچیئرمین منتخب کر لیا۔