Author: ڈاکٹرغلام مصطفی بڈانی

سرگودھا،باغی ٹی وی ( نامہ نگارملک شاہنواز جالپ )تیز رفتار کوچ نے سیال موڑ کے قریب ایک بچے کو کچل دیا
تفصیل کے مطابق تیز رفتار کوچ نے سیال موڑ کے قریب ایک بچے کو کچل دیا،اے سی ٹائم کے ڈرائیور کی غفلت ، تیز رفتاری اور اوور لوڈنگ کے باعث دلاور نامی بچہ کچلا گیا۔ظالم ڈرائیور بچہ کچلنے کے بعد موٹر وے ٹول پلازہ سے گاڑی موٹر وے پر لے کر فرار ہو گیا۔اہل علاقہ نے لاہور روڈ سیال موڑ چوک بلاک کر دیا، سرگودھا سیال موڑ روڈ بلاک ھونے سے گاڑیوں کی لمبی قطاریں لگ گئیں۔

کندھ کوٹ(مختیار احمد اعوان)کندھ کوٹ 5 روز قبل اغوا ہونے والے دو واپڈا ملازم بازیاب نہیں ہو سکے
تفصیلات کے مطابق کندھ کوٹ کرمپور گرڈ اسٹیشن سے اغوا ہونے والے دو ملازم آصف اور جمیل احمد کی بازیابی کے لیے واپڈا ملازمین سراپا احتجاج بن گئے سب ڈویژن آفس کے سامنے واپڈا ہائیڈرو الیکٹرک ورکر یونین کی جانب سے احتجاجی مظاہرہ کیا گیا واپڈا ملازمین نے احتجاجن ضلع بھر کی بجلی بند کر دی ہائیڈرو یونین کے رہنماوں نے احتجاجن طویل عرصے کے لیے شہر کے تمام فیڈرز بند کردیئے اس موقع پر ریجنل چیئرمین نثار احمد شیخ اور ڈویژنل چیئرمین اصغر علی بجارانی اور دیگر رہنماؤں کی میڈیا سے گفتگو کرتے ہوئے کہا کہ مغوی ملازمین کو جلد از جلد بازیاب کروایا جائے بصورت دیگر بجلی بحال نہیں کی جائی گی۔

کندھ کوٹ ،باغی ٹی وی (نامہ نگار) آئی جی سندھ غلام نبی میمن کی کندھ کوٹ آمد ، دو ماہ کے دوران آئی جی سندھ کاتیسرادورہ، دو ماہ میں 35 افراد اغوا ہوئے
تفصیل کے مطابق کندھ کوٹ غوثپور اور بخشاپور آئی جی سندھ غلام نبی میمن شہید اہلکار غلام نبی سومرو اور اہلکار ادب جکھرانی کے سوگواران سے تعزیت کی ، اس موقع پر صحافیوں نے آئی جی سندھ کو آڑے ہاتھوں لے لیا ، بڑھتی ہوئی بدامنی پر صرف دورے کئے جارہے جب کہ امن قائم کرنے کے لیے پولیس مکمل ناکام ہوچکی ہے ، ایسے سوالات کے جوابات میں آئی جی نے دو ٹوک کہا کہ عوام اور میڈیا کا پولیس کو تعاون چاہئے ، آئی جی سندھ کے دورے کے دوراں بڈانی اور سی سیکشن تھانے کے حدود میں فائرنگ کے واقعات میں ایک خاتوں سمیت دو افراد قتل ہوئے ، دو ماہ کے دوران 35 افراد اغوا ، 11 پولیس اہلکار شہید ، ڈکیتی کے لامحدود واقعات پیش آئے ، امن و امان کی بگڑتی صورت حال پر صرف پولیس کے آفسراں فوٹو سیشن کرانے میں مصروف رہے ، ادھر واپڈا کے دو ملازمین مغویوں کی بازیابی کے لیے آئی جی کے دورے کے دوران احتجاجاََ بجلی بند کردی ، ہائیڈرو یونین کے رہنماؤں نے واپڈا ملازمین کی بازیابی تک غیر اعلانیہ بجلی بند کردی جس سے کاروکاباری سرگرمیاں متاثر ہوگئیں ،بڑھتی ہوئی بدامنی پر آج بھی شہری سراپا احتجاج ہیں-

میرپور خاص ، باغی ٹی وی( نامہ نگار ) پولیس نے چوری شدہ موٹرسائیکل برآمد کرکے مالک کے حوالے کردیا
تفصیل کے مطابق ایس ایس پی میرپورخاص کیپٹن (ر) اسد علی چودھری کے احکامات کی روشنی میں انچارج سی آئی اے عنایت علی زرداری ہمراہ انچارج ڈی آئی بی دانش احمد بھٹی کی کامیاب کارروائی ،چوری شدہ موٹر سائیکل برآمد کر کے مالکان کے حوالے کر دیا،انچارج سی آئی اے عنایت علی زرداری کی سربراہی میں ہمراہ انچارج ڈی آئی بی دانش احمد بھٹی کی کامیاب کارروائی، بنام بھاگچند میگھوار، وقار حسین ولد عبدالجبار قریشی کی چوری ہونے والی موٹر سائیکل برآمد کر کے مالکان کے حوالے کر دی گئی-

ننکانہ صاحب باغی ٹی وی( نامہ نگار احسان اللہ ایاز )نہر میں ڈوبتی ہوئی لڑکی کو ریسکیو کرنے والے،ریسکیور کے اعزازمیں پروقار تقریب
تفصیل کے مطابق ضلعی ہیڈ کوارٹرز پنجاب ایمرجنسی سروس ڈیپارٹمنٹ ننکانہ صاحب میں اپنے حقیقی ہیرو اور مثالی پیشہ ورانہ انداز میں نہر میں ڈوبتی ہوئی لڑکی کو ریسکیو کرنے والے ایمرجنسی میڈیکل ٹیکنیشن آصف علی چوپڑا کے اعزاز میں پروقار تقریب کا انعقاد کیا گیا جس کی قیادت ڈسٹرکٹ ایمرجنسی آفیسر محمد اکرم پنوار نے کی اس موقع پر ڈسٹرکٹ ایمرجنسی آفیسر محمد اکرم پنوار نے ریسکیورز سے خطاب کرتے ہوئے کہا کہ آصف علی چوپڑا نے بروقت ریسپانس کرتے ہوئے اپنی جان کی پرواہ نہ کرتے ہوئے رات کے وقت نہر میں ڈوبتی ہوئی لڑکی کو CPRکرتے ہوئے کنارے پر لے آیا اور اضافی پانی کو نکالتے ہوئے ڈسٹرکٹ ہیڈ کوارٹرز ہسپتال ننکانہ صاحب منتقل کیا اورجان بچائی۔” جس نے ایک انسان کی جان بچائی گویا اس نے پوری انسانیت کی جان بچائی”کے مفہوم کو عملی شکل میں اپنایا۔انہوں نے کہااس طرح کے کٹھن واٹر ریسکیو آپریشن ریسکیورز کی پیشہ ورانہ جرا ت، بہادری،مہارت اور جذبہ انسانیت کا عکاس ہے اور بلا شبہ ایسے ریسکیورز ملک و قوم کا قیمتی سرمایہ ہوتے ہیں اور ہمارے ادارے کا فخر ہیں۔اس موقع پر چاق و چوبند ریسکیو دستے نے آصف علی چوپڑا کو گارڈ آف آنر پیش کیا ڈسٹرکٹ ایمرجنسی آفیسر محمد اکرم پنوار نے آصف علی چوپڑا کی حوصلہ افزائی کرتے ہوئے نقد انعام،تعریفی سنداور شیلڈ سے نوازا اور مستقبل کے لئے نیک تمناؤں کا اظہار کیا

کوئٹہ،باغی ٹی وی (نامہ نگارزبیرخان آکاخیل) :سبزل روڈ پرسیوریج کے پانی سے کاشت سبزی تلف کردی گئی
تفصیل کے مطابق اسسٹنٹ کمشنر سٹی عطاء المنعم کی نگرانی میں ضلعی انتظامیہ کے عملے نے سبزل روڈ پر کارروائی کرتے ہوئے نالے کے پانی سے کاشت کی جانے والی سبزی گوبھی تلف کردی – اے سی سٹی کا کہنا تھا کہ کاشتکار نے زیر زمین پائپ نالے سے منسلک کئے ہوئے تھے اور اس پانی سے فصلیں کاشت کی جارہی تھیں انکا مزید کہنا تھا کہ انسانی زندگیوں سے کھیلنے کی کسی صورت اجازت نہیں دینگے ہم نے پائپ لائن بھی مسمار کردی ضلعی انتظامیہ کی جانب سے کارروائی کا سلسلہ آۂندہ بھی جاری رہے گا

ڈی جی خان (باغی ٹی وی ) ایس ایچ او بی ایم پی تھانہ سخی سرورنے بے سہاراخاتون پر ظلم کے پہاڑڈھادئے ،جھوٹا مقدمہ درج
تفصیل کے مطابق سخی سرور کی رہائشی بے سہارا خاتون زبیدہ مائی نےباغی ٹی وی سے بات کرتے ہوئے بتایا کہ وہ ایک متعلقہ عورت ہے اس کے خاوند نے اسے 12سال قبل طلاق دے دی تھی اور گھر سے نکال دیا تھا میں بچوں سمیت اپنے والد اور بھائیوں کے گھر آگئی تو میرے والد نے مجھے اپنے پلاٹ میں سے مکان بنانے کیلئے رقبہ دیا، جہاں میں نے سرچھپانے کیلئے مکان بنوایااور اپنے بچوں کے ساتھ وہاں رہائش پذیر ہوگئی،میرے گھر کے ساتھ ایک چمبا بناہوا ہے جو اکرم ،عابد،آصف اور اشرف وغیرہ نے کرایہ پر لیا ہوا ہے ،جنہوں نے مجھے تنگ کرنامعمول بنالیااور زورزبرستی میرے گھرمیں گھس آتے ہیں،میرے بچوں کے ساتھ زیادتی کرتے ہیں اور تشدد کرتے ہیں ان کی سا تھ مجید خلیفہ کی بھی سازباز ہے،زبیدہ مائی نے بتایاکہ 30مارچ2023ء کو یہ لوگ شراب میں دھت ہوکرزبردستی میرے گھر گھس آئے،مجھ پر اورمیرے بچوں پرتشدد کیااورمیری بیٹی فرحت بی بی کے چہرے کو جلتی ہوئی سگریٹ سے کئی جگہوں پر داغ دیا،ہمارے شورواویلہ پرہمسائیوں کے آجانے پر سنگین نتائج اور قتل کی دھمکیاں دیتے ہوئے فرار ہوگئے، زبیدہ مائی نے بتایا کہ قانونی کارروائی کیلئے کئی بار تھانےگئی اور درخواستیں دیں لیکن پولیس نے میری ایک ہی نہ سنی،جس پر میں نے انصاف کی فراہمی اور ملزمان کیخلاف کارروائی کیلئے ڈی پی او ڈیرہ غازیخان کودرخواست گذاری ،جس پر کوئی کارروائی نہ کی گئی کئی بار چکرلگانے کے بعد مجھے بتایا گیا کہ آپ کاکیس پنجاب پولیس تھانہ سخی سرور کی حدود میں نہیں آتا ،آپ بی ایم پی تھانہ سخی سرور جائیں ،اس دوران بااثرملزمان نے ایس ایچ او بی ایم پی تھانہ سخی سرور لیاقت عباس لغاری اور تھانہ محررغلام حسن سمعلانی سے سازبازہوکر میرے خلاف جھوٹ مبنی مقدمہ نمبر10/2023 زیردفعہ 379/337Hii, 427/504Bاور148/149ت پ میرے خلاف اکرم کی مدعیت میں درج کردیا۔

ڈی جی خان :ایس ایچ او بی ایم پی تھانہ سخی سرورنے بے سہاراخاتون پر ظلم کے پہاڑڈھادئے ،جھوٹا مقدمہ درج
ایس ایچ او لیاقت عباس اور تھانہ محررغلام حسن سے سازباز ہوکر مجھے ناجائزپھنسادیا،زبیدہ مائیhttps://t.co/D6mhF05OVH@BaaghiTV @MumtaazAwan @OfficialDPRPP @OfficialSPPO pic.twitter.com/4sqosKJqJ9

— QNN WORLD (@QNN_World) May 28, 2023

اس مقدمہ کے بعد ایس ایچ او تھانہ سخی سرور ،محررتھانہ غلام حسن عرف حسو نے مجھے باثرملزمان کے ایماپر ہراساں کررہے ہیں ،میرے معصوم نابالغ بیٹے کو سرکاری گاڑی پر اٹھاکرتھانے لے گئے اور اس پرشدید تشدد کیا۔
زبیدہ مائی نے بتایا کہ جب میں اپنے نابالغ بیٹے کیلئے بی ایم پی تھانہ سخی سرور گئی توایس ایچ اولیاقت عباس نے مجھ سے بدتمیزی کی اور مجھے دھکے دیکر تھانے سے نکال دیا ،اور مجھے دھمکیاں دیتے ہوئے کہا کہ جلد یہ مکان خالی کردے ،ورنہ تیرے بیٹے کو منشیات کے مقدمہ میں جیل بھجوادوں گا۔ زبیدہ مائی نے روتے ہوئے اعلیٰ حکام سے نوٹس لے کرانصاف کی فراہمی کی اپیل کی ہے۔