Author: ڈاکٹرغلام مصطفی بڈانی

اوچ شریف باغی ٹی وی ( نامہ نگار حبیب خان)موسم گرم ہوتے ہی مچھروں کی بہتات، اسپرے نہ ہونے سے بچے، خواتین اور بزرگ شہری ملیریا میں مبتلا ہونے لگےاوچ شریف میونسپل کمیٹی اور محکمہ صحت کی جانب سے بروقت مچھر مار اسپرے نہ کرانے کی وجہ سے ملیریا سمیت بخار اور دیگر بیماریاں پھیلنے کے خدثات پیدا ہو رہے ہیں
تفصیل کے مطابق اوچ شریف میں مچھروں اور مکھیوں کی افزائش میں اضافے نے شہریوں کا جینا دوبھر کردیا۔ہر مکان و دکان میں مچھروں و مکھیوں کی بہتات، شہری پریشان محکمہ صحت محکمہ بلدیات کا اسپرے مہم کا کہیں نام و نشان نظر نہیں آرہاڈائریا، ملیریا سمیت دیگر وبائی امراض میں اضافہ ہو رہا ہے، شہری اوچ شریف شہر میں صفائی ستھرائی کی صورتحال انتہائی ابتر ہوگئی، مکھیوں اور مچھروں کی بہتات نے شہریوں کا جینا دوبھر کر رکھا ہے، گلی، محلوں دکانوں اور گھروں میں سکون سے بیٹھنا تک محال ہے، موٹر سائیکل سواروں کا سڑکوں پر موٹر سائیکل چلانا، ہوٹلوں پر بیٹھ کر کھانا پینا تک دشوار ہوگیا ہے۔دوسری جانب اسپتالوں میں آنے والے ملیریا اور ڈائریا کے کیسز میں بھی اضافہ ہورہا ہے، دن میں مکھیوں اور رات میں مچھروں سے پریشان شہریوں کا کہنا تھا کہ مچھروں اور مکھیوں کی بڑھتی ہوئی تعداد پر قابو پانے کے لئے محکمہ صحت محکمہ بلدیات والوں نے کوئی اقدام نہیں اٹھایا جا رہا انہوں نے کہا کہ شہر کی دکانوں پر ملنے والی کھانے پینے کی اشیا پر مکھیاں بیٹھتی ہیں اور جراثیم چھوڑ دیتی ہیں اور وہ اشیا جب ہم کھاتے ہیں تو وہ ہمارے معدے پر اثر کرتی ہیں جس سے پیٹ کے امراض جیسے ہیضہ، ڈائیریا ہوجاتا ہے اور ہاضمے کا نظام بھی متاثر ہوتا ہے، جبکہ مچھروں کی تعداد بڑھ جانے سے ڈنگی اور ملیریا ہونے کا خدشہ بڑھ جاتا ہے

اوچ شریف باغی ٹی وی (نامہ نگار حبیب خان) اوچ شریف شہر بھر میں جعلی عاملوں کی بھرمار، سادہ لوح لوگوں سے لوٹ مار تفصیلات کے مطابق اوچ شریف کے وکلاء تاجران سردار طاہر خان بلوچ ایڈوکیٹ ، ملک مجیب الرحمٰن مڑل ایڈوکیٹ ملک یاسر مڑل ایڈوکیٹ ملک محمد شہزاد کھاکھی سردار عامر غنی لنگاہ عمر خورشید سہمن صدر سول سوسائٹی اوچشریف نے اظہار خیال کرتے ہوئے کہا کہ اوچ شریف شہر اور اسکے گر دونواح میں واقعہ مضافات میں درجنوں سے زائد مقامات پر با اثر چمتکاروں ،کالا علم اور تعویذ گنڈہ کرنے والوں نے ’’بعض سرکاری مہربانوں‘‘ اور با اثر شخصیات کی بدولت اپنی خودمختیار ریاستیں قائم کر کے عرصہ دراز سے سادہ لوح شہریوں سے لاکھوں روپے ہتھیانے میں دن رات مصروف ہیں جبکہ ان شر پسندوں اور شیطانی عوامل جانی رام اوچموغلہ ۔ اصغر والد اکبر موضع محمود ماتم ۔ ہاشم والد اکبر موضع محمود ماتم، پپو رام بستی شیخ روشن ۔ بگو رام والد چائنہ رام موضع محراب والا احمد پور شرقیہ ۔ احمد بخش ٹاوری موضع اتےراہ نے عوام کو بیوقوف بنا کردرجنوں گھرانوں میں سنگین نوعیت کے لڑائی جھگڑے اور میاں بیوی کے درمیان طلاقیں اور کاروبار کی بندش کے تعویز گنڈے کا کاروبار کر کے عوام کو دونوں ہاتھوں سے لوٹ رہے ہیں ۔اندرون شہر پوش علاقوں میں عالیشان کوٹھیوں بنگلوں اور دفاتر میں بیٹھے یہ جعلساز نوجوان لڑکوں لڑکیوں کو پسند کی شادی امتحان میں کامیابی ،پرائز بانڈ نکلنے ،کاروبار چمکانے ،دشمن کو زیر کرنے اور دیگر خواہشیں پوری کرنے کا جھانسہ دے کر دونوں ہاتھوں سے لوٹنے میں مصروف ہیں جبکہ ان کی پشت پناہی میں بعض با اثر اور طاقتور شخصیات کا نام لیا جاتا ہے جنھیں یہ مافیا مبینہ طور پر مالی بھتہ دینے کے علاوہ خواتین کے نذرانے بھی پیش کرتے ہیں ایسے گھناؤنے فعل کے متعلق کیے جانے والے ایک خصوصی سروے کے مطابق بعض عاملوں نے نئے ماڈل کی گاڑیاں اور شہر کے پوش اور مہنگے ترین علاقوں میں بنگلے بنا رکھےہیں اور اپنا کاروبار چمکانے اور شہر ت پھیلانے کیلئے متعدد مر د وخواتین خصوصاً نوجوان لڑکیاں ہائیر کر رکھی ہیں جو کہ مختلف گلی محلوں اور علاقوں میں جا کر ان تعویذ گنڈہ اور جادو کرنے والوں کے ’’خصوصی کارنامے‘‘اور معجزے مرچ مصالحوں کے ساتھ بیان کرتی ہیں اور سادہ لوح افراد خاص کر خواتین کو پھانس کر ان جعلی پیروں کے حضور لاتی ہیں جبکہ مردوں کو کنٹرول کرنے کیلئے پسند کی شادی ،یورپین ممالک کا ویزہ لگنے ،محبوب آپکے قدموں میں ،سوکن کا گھراجاڑنے ،پرائز بانڈ نکلوانے ،ساس بہو کے چکر کے تعویز گنڈے کے سپیشل ریٹس مقرر ہیں اور چھوٹے تعویز کے 4ہزار سے لیکر 10ہزار اور بڑے کے 15ہزار سے لیکر 20ہزار بٹورے جاتے ہیں۔ اوچ شریف بھر میں ان فراڈیوں کی بڑھتی ہوئی وارداتوں اور مظالم کے خلاف شہر بھر کی متعدد مذہبی ،سماجی ،رفاعی تنظیموں ،وکلاء ،طلبا اور سوشل ورکرز کی کثیر تعداد سمیت ملک یاسر مڑل ایڈووکیٹ ،سردارعامر غنی خان لنگاہ ایڈووکیٹ. شہزاد خان کھاکھی ایڈووکیٹ . عمر سہمن نے اظہارخیال کرتے ہوئے ایسے نام نہاد اور جعلسازوں کی فوری گرفتاری کے بعد ان کے ٹھکانے اور خود ساختہ ڈیرے ختم کرنے کا پر زور مطالبہ کیا ہے جبکہ اس سلسلہ میں پولیس افسران کا کہنا ہے کہ ایسے جعلسازوں اور فراڈیوں کے خلاف پولیس ایکشن لیتی رہتی ہے اور یہ لوگ دوران کاروائی روپوش ہوجاتے ہیں ا ور چند ماہ بعد دوبارہ کسی نئی جگہ اڈہ بنا لیتے ہیں تاہم کسی شہری کی جانب سے شکایت ملنے پر فوری کاروائی کی جاتی ہے

گوجرہ، باغی ٹی وی(نامہ نگارعبدالرحمن جٹ )نامعلوم افراد نے 50 سالہ شخص کوزبح کرڈالا
تفصیل کے مطابق علاقہ تھانہ سٹی گوجرہ میں ساجد عرف پھولا ولد صوفی میلاد احمد قوم انصاری سکنہ گلی نمبر 2 تاج کالونی گوجرہ بعمر 45/50 سال کو اس کے گھر میں کسی نامعلوم نے بذریعہ چھری گردن پر وار کرکے قتل کر دیا ھے معلوم ہوا ہے کہ مقتول نشے کا عادی تھا گھر میں صرف ماں بیٹا رہتے تھے مقتول کی والدہ سرداراں بی بی بعمر 70 سال گھروں میں جا کر مانگتی تھی، صبح گھر سے گئی شام کو جب واپس آئی تو ساجد کی لاش ملی مقامی پولیس مصروف کارروائی ہے.

کوئٹہ باغی ٹی وی(زبیرخان آکاخیل) کوئٹہ میں جاری 34 ویں نیشنل گیمز میں رسہ کشی کے مقابلے کے بعد اسٹیڈیم میدان جنگ بن گیا۔ تفصیلات کے مطابق جوڈو میں آرمی نے 11 گولڈ میڈلز جیتے جبکہ روئنگ میں 16 سونے کے تمغوں کے ساتھ پہلی پوزیشن حاصل کرلی۔ تقسیم انعامات میں ہلڑ بازی کے بعد لڑائی شروع ہو گئی جبکہ کھلاڑیوں، آفیشلز اور تماشائی گتھم گتھا ہو گئے، لاتوں اور مکوں کا آزادانہ استعمال کیا گیا، کرسیاں چل گئیں، انتظامیہ نے معاملہ رفع دفع کرانے کے بعد تحقیقات شروع کر دی۔ انتظامیہ کا کہنا ہے کہ گیمز میں لڑائی کے واقعات انتہائی ناخوشگوار، ضابطے کی خلاف ورزی کرنے والوں کو سزائیں دیں گے۔ انہوں نے کہا کہ” ویڈیوز اور تصاویر کی مدد سے ضابطے کی خلاف ورزی کرنے والوں کی نشاندہی کر کے ایکشن لیں گے۔ انتظامیہ کا مزید کہنا ہے کہ "گیمز کا پرامن اختتام چاہتے ہیں، اس کے بعد ضابطے کی خلاف ورزی کرنے والوں کو کٹہرے میں لائیں گے۔

گوجرخان باغی ٹی وی( نامہ نگار شیخ ساجد قیوم ) گوجرخان کے علاقہ چکڑالی میں بیل دوڑ کے دوران فائرنگ واقعہ پر سی پی او سید خالد ہمدانی کا نوٹس،ایس پی صدر کو موقع پر پہنچنے اور ملوث ملزم کو فوری گرفتار کرنے کا حکم ،فائرنگ سے ابتدائی طور پر ایک شخص کے جاں بحق اور 04 افراد کے زخمی ہونے کی اطلاع ہے،مقتول کی شناخت عاصم صدیق کے نام سے ہوئی ہے،واقعہ کی اطلاع پر ایس ڈی پی او گوجرخان اور مقامی پولیس موقع پر موجود ہے،زخمیوں کو ہسپتال منتقل کیا گیا ہے، جائے وقوعہ سے شواہد اکٹھے کئے جا رہے ہیں،ابتدائی اطلاعات کے مطابق ایک ملزم نے تنازعہ کی وجہ سے فائرنگ کی تاہم تحقیقات کی جا رہی ہیں،ایس پی صدر محمد نبیل کھوکھر نے کہا ہے کہ واقعہ میں ملوث ملزم/ملزمان کو گرفتار کر کے قانون کے کٹہرے میں کھڑا کیا جائے گا

اوکاڑہ باغی ٹی وی (نامہ نگار ملک ظفر )دیپالپور تھانہ حویلی لکھا،مسجد میں بم کی جھوٹی اطلاع دینے والا گرفتار
تفصیل کے مطابق دیپالپور تھانہ حویلی لکھا کی کرمانوالہ مسجد میں بم دھماکی اطلاع شہری نے 15( پکار) پر کال کر دی. بم دھماکے کی اطلاع پر پولیس اور ایجنسیاں حرکت میں آگئیں اور جائے وقوعہ پہنچنے پر پتہ چلا کہ شہری نے مسجد کرمانوالہ ریلوے روڈ پر بم دھماکے کی جھوٹی اطلاع دی.ایس ایچ او چوہدری محمد سرور کی ہدایت پر پولیس سٹی انچارج محمد فاروق نے ملزم کو گرفتار کرلیا جس کی شناخت علی شان کے نام سے ہوئی ہے علی شان نے پولیس کو بتایا کہ مسجد میں شرلی گری تھی کالر نے مخالفین کو پھنسانے کیلئے بم دھماکے کی پولیس کو جھوٹی اطلاع کر دی پولیس نے مقدمہ درج کرکے ملزم کو پابند سلاسل کر دیا ہے؛