Author: ڈاکٹرغلام مصطفی بڈانی

میرپورخاص ،باغی ٹی وی (نامہ نگار سید شاہزیب شاہ)تعلیم وہ خزانہ ہےجسے کوئی چرا نہیں سکتا ۔۔ ان خیالات کا اظہار پیپلز پارٹی میرپورخاص یونین کونسل 8 کے چیئرمین محمد علی نے مہمان خصوصی کی حیثیت سےشہید محترمہ بے نظیر بھٹو گرلز ہائر سیکنڈری اسکول میرپور خاص میں ایک سادہ پروقار تقریب میں کیا
تفصیلات کے مطابق شہید محترمہ بے نظیر بھٹو گرلز ہائر سیکنڈری اسکول میرپور خاص میں مڈل کلاسز کا سال 2023 کے رزلٹ کا اعلان کیا گیا جس کے مہمان خاص چیئرمین حاجی محمد علی تھے پروگرام کا باقاعدہ آغاز تلاوت کلام پاک اور نعت رسول مقبول سے ہوا
اسکول کی پرنسپل میڈم نسرین نے مہمان خاص چیئرمین حاجی محمد علی اور محمد نواز خان کو سندھ کا روایتی تحفہ اجرک پیش کیا ۔ پوزیشن ہولڈرز طالبات کو چیئرمین حاجی محمد علی نے اسکول میں پہلی پوزیشن حاصل کرنے والی طالبہ کو 5000 دوسری پوزیشن حاصل کرنے والی طالبہ کو 3000 تیسری پوزیشن حاصل کرنے والی طالبہ کو 2000 کیش انعام دیا
اسکول کی پرنسپل میڈم نسرین نے مہمان خاص چیئرمین حاجی محمد علی اور محمد نواز کے ساتھ طالبات میں ٹرافیاں اور رزلٹ کارڈ دئیے مہمان خصوصی چیئرمین حاجی محمد علی نے اسکول کی پرنسپل میڈم نسرین کی ایڈمنسٹریشن کو سراہا اور تعریفی کلمات کہے پرنسپل میڈم نسرین نے آنے والے تمام مہمانان گرامی کا شکریہ ادا کیا

میرپورماتھیلو،باغی ٹی وی( مشتاق علی لغاری) ڈیجیٹل مردم شماری سندھیوں کو اقلیت بنانے کی سازش ہے،جسے ہم یکسر مسترد کرتے ہیں۔ ڈاکٹر نیاز کالانی
تفصیل کے مطابق جسقم کے سابق قائم مقام چیئرمین ڈاکٹر نیاز کالانی ایک روزہ دورے پر گھوٹکی پہنچے جہاں کارکنوں نے ان کا پرتپاک استقبال کیا،اوباڑو،ڈھڑکی، میرپورماتھیلو بارڈر گھوٹکی میں کارنر میٹنگز سے خطاب کرتے ہوئے ڈاکٹر نیاز کالانی نے کہا کہ سندھ میں رہنے والے افغان پٹھان، برمی، بنگالیوں اور دیگر کو ڈیجیٹل مردم شماری میں سندھ کے شہری کے طور پر شامل کیا گیا ہے جو کہ بہت بڑی ناانصافی اور سازش ہے،ہم ڈیجیٹل مردم شماری کے خلاف 28 مئی کوہڑتال کااعلان کرتے ہیں اور اس ڈیجیٹل مردم شماری کو مسترد کرتے ہیں،ان کا کہنا تھا کہ سندھ میں بوگس مردم شماری ایک لسانی تنظیم کی ایما پر کی گئی ہے، سندھ کے ساتھ جان بوجھ کر امتیازی سلوک کیا جا رہا ہے جو کہ سندھ کے ساتھ ناانصافی ہے تاہم ہم سندھ کے ساتھ ظلم کسی صورت برداشت نہیں کریں گے اور ایسی جعلی مردم شماری کو کسی صورت قبول نہیں کریں گے جسقم نے بوگس انسانی آبادی کے خلاف شٹر ڈاؤن ہڑتال کی مکمل حمایت کا اعلان کیا ہے۔ ااس موقع پر تحریک رواداری سندھ کے صدر پنہل ساریو، صدر نصراللہ کلادی، باڈی کے رہنما میرحسن لاشاری، ایس یو پی رہنما کمال مہر، نذیر احمد شیخ، اکرم میتلو، راشد سندھی اور دیگر قومی کارکنان بھی موجود تھے۔

تلہ گنگ ،باغی ٹی وی (نامہ نگار شوکت ملک )نائب صدر کسان ونگ راولپنڈی ڈویژن ملک عبدالرؤف اعوان نے یومِ تکریمِ شہداء کے موقع پر اپنے ایک پیغام میں کہا کہ ہمیں اپنے شہداء کرام پر فخر ہے جنہوں نے اس ملک پاکستان کی حفاظت کرتے ہوئے جانوں کے نظرانے پیش کیے،پاک فوج کیخلاف پروپیگنڈہ کرنے والے کبھی ملک و قوم کے محسن نہیں ہوسکتے، ایسے عناصر کا قلعہ قمع ضروری ہے،
پاک فوج، پولیس اور رینجرز سمیت تمام لاء اینڈ فورسز ایجنسیز ملک کے داخلی اور نظریاتی سرحدوں کے محافظ ہیں جن کیخلاف کسی قسم کا غلیظ اور بےبنیاد پروپیگنڈا ہرگز برداشت نہیں کریں گے، اور اپنے شہداء کرام کی تذلیل کسی صورت بھی برداشت نہیں کریں گے۔ ان کا مزید کہنا تھا کہ پاک فوج کیخلاف پروپیگنڈہ کرنے والے کبھی ملک و قوم کے محسن نہیں ہوسکتے، ایسے عناصر کا قلعہ قمع انتہائی ضروری ہے۔

چترال (گل حماد فاروقی) چترال میں یتیم بچوں کی تعلیم و تربیت کرنے والا ادارہ آغوش میں زیر کفالت یتیم بچوں کے ساتھ تعاون کرنے کیلئے ایک ڈونر کانفرنس کا اہتمام کیا گیا۔ اس کانفرنس میں تمام مکتبہ فکر سے تعلق رکھنے والے افراد نے شرکت کی۔ ڈونر کانفرنس کا بنیادی مقصد ان یتیم بچوں کی کفالت کیلئے مخیر حضرات کی توجہ مرکوز کرانا تھا۔کانفرنس سے خطاب کرتے ہوئے الخدمت فاوئنڈیشن کے ضلعی صدر عبد الحق نے کہا کہ ہمارے رضاکار مصیبت کے ہر گھڑی میں حکومتی اداروں کے شانہ بشانہ متاثرہ لوگوں کی مدد کرتے ہیں۔ انہوں نے کہا کہ الخدمت فاؤنڈیشن سات مختلف سیکٹرز میں کام کرتی ہے۔ انہوں نے کہا کہ الخدمت کے آغوش مرکز میں 47 یتیم بچے زیر کفالت ہیں جن کی تعلیم و تربیت سے لیکر کھانے پینے،لباس، جوتے،علاج معالجے اور رہائش کا بندوبست بھی بالکل مفت کی جاتا ہے۔ اسی طرح فیملی سپورٹ پروگرام کے تحت53 بچوں اور بچیوں کا گھروں میں کفالت اور تعلیم و تربیت کا اہتمام کیا جارہا ہے۔

چترال، یتیم بچوں کی تعلیم و تربیت کرنے والا ادارہ آغوش میں زیر کفالت یتیم بچوں کے ساتھ تعاون کرنے کیلئے ایک ڈونر کانفرنس منعقد ہوئی،اس کانفرنس میں تمام مکتبہ فکر سے تعلق رکھنے والے افراد نے شرکت کی
چترال سےگل حماد فاروقی کی رپورٹ@BaaghiTV @MumtaazAwan @GulHamaadFarooq pic.twitter.com/XGwKrdshtB

— QNN WORLD (@QNN_World) May 26, 2023

تقریب سے الخدمت فاؤنڈیشن کے سیکرٹری جنرل پاکستان سید وقاص انجم جعفری،صدر الخدمت خیبر پختون خواہ خالد وقاص، مرکزی ایجوکیشن ڈائریکٹر جبران بلوچ اور مغفرت شاہ وغیرہ نے اظہار خیال کرتے ہوئے کہا کہ ہمیں ڈونر بلکہ اونر چاہئے تاکہ اس یتیم خانے کو اپنے گھر کی طرح اور یہاں زیر کفالت یتیم بچوں اور بچیوں کو اپنے بچوں کی طرح کفالت کرے۔
صدر الخدمت فاؤنڈیشن عبد الحق نے تمام مخیر حضرات کا شکریہ ادا کیا جنہوں نے ایک سے لیکر چار یتیم بچوں کی کفالت کی ذمہ داری قبول کی۔اس تنظیم کے رضاکار ولی الرحمان نے بھی صاحب حیثیت لوگوں سے امداد کی اپیل کی۔ ڈونر کانفرنس مولانا جمشید کے دعائیہ کلمات کے ساتھ اختتام پذیر ہوئی جس میں کثیر تعداد میں لوگوں نے شرکت کی۔

کوٹ ہیبت باغی ٹی وی (نامہ نگارشاہد خان ) پینے کے پانی کی قلت ،شہری پانی کی تلاش میں سرگرداں
تفصیل کے مطابق ڈیرہ غازیخان میں گذشتہ کئی مہینوں سے پانی کی شدید قلت ہے مرد اور خواتین بالٹی اٹھائے پانی کے لئے سرگرداں ذرائع کے مطابق موسم گرما کا آغاز ہوتے ہی ڈیرہ شہر میں پانی کی شدید قلت پید ہوگئ ہے اور شہر کی عوام پانی کی بوند بوند کو ترس گئے ہیں، مرد اور خواتین سڑکوں پر پانی کی تلاش میں روزانہ کی بنیاد پر سرگرداں ہیں متعدد بار میونسپل کارپوریشن حکام کو آگاہ کیا گیا، مگر کوئی شنوائی نہ ہو سکی شہریوں نے کمشنر ڈیرہ غازی خان ڈاکٹر ناصر محمود سے مطالبہ کیا ہے کہ وہ فوری طور پر اس اہم مسئلے کو حل کرنے کے لئے ترجیحی بنیاد پر ٹھوس اور موثر اقدامات عمل میں لائیں تاکہ شدید گرمی میں عوام کو پینے کے لئے پانی کی فراہمی وافر مقدار میں میسر ہو سکے-