Author: ڈاکٹرغلام مصطفی بڈانی

ڈیرہ غازیخان،باغی ٹی وی(نامہ نگارشہزادخان)کمشنر ڈاکٹر ناصر محمود بشیر کی ہدایت پر ڈیرہ غازی خان ڈویژن میں ناجائز منافع خوروں کے خلاف بھرپور کارروائی کا سلسلہ شروع کردیا گیا ہے 19 روز کے دوران 294 ناجائز منافع خور گرفتار اور 49 کاروباری مراکز سربمہر کردئیے گئے۔اس حوالے سے کمشنر ڈاکٹر ناصر محمود بشیرکی زیر صدارت ویڈیو لنک اجلاس منعقد ہوا جس میں چاروں اضلاع کے ڈپٹی کمشنرز اور متعلقہ افسران شریک تھے۔کمشنر کو بتایا گیا کہ یکم سے 19 مئی تک ڈی جی خان ڈویژن میں پرائس کنٹرول ایکٹ کی خلاف ورزی پر 64 مقدمات درج اور 39 لاکھ روپے جرمانہ عائد کیا گیا ہے۔کمشنر ڈاکٹر ناصر محمود بشیر نے تمام مجسٹریٹس کی کارروائی رپورٹ طلب کرتے ہوئے کہا کہ پرائس کنٹرول ایکٹ پر سختی سے عملدرآمد کرایا جائے اشیاء خوردونوش کی سرکاری نرخ پر دستیابی یقینی بنانا ہوگی،سرکاری نرخ نامے دکانوں کی نمایاں جگہوں پر آویزاں ہونے چاہئیں،تمام مجسٹریٹس روزانہ مارکیٹ میں نکلیں،زائد قمیت کی وصولی پر بلاامتیاز کارروائی کی جائے۔کمشنر ڈاکٹر ناصر محمود بشیر نے کہا کہ مجسٹریٹس کی طرف سے کسی دکاندار کو ناجائز تنگ کرنے کی اجازت نہیں دی جائے گی۔ناقص کارکردگی پر مجسٹریٹ کے اختیارات واپس لیے جاسکتے ہیں۔

ڈیرہ غازیخان،باغی ٹی وی(سٹی رپورٹر جواد اکبر ) سابقہ ریکارڈ یافتہ ملزم ،سابقہ دشمنی پر ایوان عدل گیٹ کے سامنے مخالفین کی فائرنگ سے قتل
تفصیل کے مطابق سابقہ دشمنی پر کچہری روڈ علاقہ تھانہ سول لائن ملزم کی فائرنگ سے اسحاق عرف شاکا کھکھ نامی شخص قتل کردیا گیا،اسحاق شاکا
قتل کے وقوعہ کا ڈی پی او محمد راشد ہدایت کا نوٹس۔پولیس تھانہ سول لائن نے موقع پر پہنچ کر کاروائی شروع کر دی ہے۔مقتول اسحاق عرف شاکا کھکھ کی سجاد عرف سجی برگا اور عرفان مریڑی سے سابقہ دشمنی بھی چل رہی تھیاسحاق عرف شاکا کھکھ کے قتل میں ملوث ملزم کی گرفتاری کے لئے ٹیم تشکیل دے دی گئی ہے۔

بھکر،باغی ٹی وی( نامہ نگار اتباع رسول ملنگی )جس کے پاس PSV گاڑی کے لئے ڈرائیونگ لائسنس نہیں ہوگا،اس پر FIR کا اندراج ہوگا-امجد شاہ
تفصیل کے مطابق ڈی آئی جی ٹریفک پنجاب مرزا فاران بیگ ،ڈی پی او بھکر محمد نوید کے خصوصی احکامات پر ڈی ٹی او بھکر شہزاد فیض کی ہدایات پر انچارج ٹریفک امجد حسین شاہ معہ ایجوکیشن ٹیم نے حالیہ برھتےہوئےٹریفک حادثات کی روک تھام کے لیےلاری اڈہ بھکر میں آگاہی مہم کا انعقاد کیا جس میں ڈرائیوروں و منیجروں کو سختی سے ہدایات کی گئی جس کے پاس PSV گاڑی کے لیے ڈرائیونگ لائسنس نہیں ہوگا۔اس پر FIR کا اندراج ہوگاوہ جن کے پاس ڈرائیونگ لائسنس نہیں ہےوہ اپنا ڈرائیونگ لائسنس بنوائیں،ون وےکی خلاف ورزی ہرگز نہ کریں۔CNG سلنڈر کے استعمال سے گریز کریں۔دوران ڈرائیونگ موبائل فون کے استعمال سے آپ کی قیمتی جان جا سکتی ہے اس کے استعمال سے گریز کریں۔روڈ پر وہ مقامات جہاں روڈ تنگ ہے حد رفتار آہستہ کر لیں۔اوورسپیڈنگ سے اجتناب کریں تیزرفتار ی غفلت لاپرواہی کا مظاہرہ ہر گز نہ کریں۔آپ کی حفاظت ہماری ذمہ داری ہے لہذا ٹریفک قوانین پر عمل کریں۔

میہڑ،باغی ٹی وی (منظورعلی جوئیہ) 3 بچوں کی ماں خاوند کے ہاتھوں قتل
تفصیل کے مطابق میہڑکے نواحی علاقہ شاہ پنجوتھانے کی حدود میں گاؤں حسن کلھوڑو میں گھریلو تنازعہ پر شوہر شفیع محمد عرف رانو کلھوڑو نے تین بچوں کی ماں مسمات ممتاز کلھوڑو کو قتل کر کے جائے وقوعہ سے فرار ہوگیا، اطلاع ملتے ہے شاہ پنجو تھانے کی پولیس جائے وقوعہ پر پہنچ کر نعش کو تحویل میں لیکر تحصیل ہسپتال پوسٹ مارٹم کہ لئے منتقل کردیا اور قانونی کارروائی شروع کردی ہے.

گجرات،باغی ٹی وی (ویب نیوز): تحریک انصاف کی رہنما شیریں مزاری کو رہائی کے بعد پانچویں مرتبہ حراست میں لے لیاگیا۔
نجی ٹی وی کے مطابق پی ٹی آئی رہنما شیریں مزاری کو جوڈیشل مجسٹریٹ کھاریاں کی عدالت میں پیش کیاگیا، شیریں مزاری کو اڈیالہ جیل سے رہائی کے بعد گجرات پولیس نے حراست میں لیاتھا،پی ٹی آئی رہنما کی11 مئی کو درج ہونے والے مقدمے میں گرفتاری ڈالی گئی تھی۔
ایف آئی آر کے متن میں ہے کہ شیریں مزاری نے10 مئی کو پاکستان مخالف ہونے والے مظاہرے میں شرکت کی اور ہجوم کو اشتعال دلایاتھا۔
وکیل شیریں مزاری نے کہاکہ پولیس کی جانب سے عائد الزامات بے بنیاد ہیں، شیریں مزاری نے کسی مظاہرے میں شرکت نہیں کی، پولیس کے مظاہرے میں شرکت کے کوئی شواہد بھی موجود نہیں۔
جوڈیشل مجسٹریٹ نے دلائل سننے کے بعد شیریں مزاری کو مقدمے سے خارج کردیا،رہائی کے بعد شیریں مزاری کو پھرحراست میں لے لیاگیا۔

سوات،باغی ٹی وی(ویب نیوز) وادی بحرین میں برف پگھلتے ہی دریائے سوات کے بہاؤمیں اضافہ ہوگیا،دریا کا پانی بازار میں داخل ہونے کے بعد کالام روڈ چھوٹی گاڑیوں کے لئے بند ہوگیا۔
سوات میں گرمی کی شدت میں اضافہ ہوتے ہی دریائے سوات کا بہاؤبڑھ گیا۔ سیلاب کے 9 ماہ گزرنے کے بعد بھی بحرین بازارکو محفوظ نہ بنانے پر پانی بازارمیں داخل ہوگیا۔
کالام روڈ کی بندش کے باعث دونوں طرف لوگ پھنس گئے، سیاح بھی پھنس گئے جنہیں منی ٹرک کے ذریعے گاڑیاں نکالنے لگے۔ مقامی افراد کو آمدورفت میں شدید مشکلات کاسامنا ہے۔
خیال رہے کہ گزشتہ سال اگست میں آنے والے سیلاب کے نو ماہ ہونے کے باوجود بحرین بازار سے لامبٹ تک کی سڑک کو بحال نہیں کیا جاسکا ہے جس کے باعث دریائے سوات کا پانی ایک بار پھر بحرین بازار میں داخل ہونا شروع ہوگیا ہے جس کی وجہ سے تمام دکانیں بند ہوگئی ہیں۔

کوئٹہ،باغی ٹی وی(نامہ نگارزبیرخان آکاخیل)کوئٹہ ایئرپورٹ پر قومی ایئرلائن پی آئی اے کا طیارہ حادثے سے بال بال بچ گیا، ٹیک آف کے دوران اچانک رن وے پر ٹرک آگیا تھا۔ ایئرپورٹ ذرائع کے مطابق طیارہ کوئٹہ سے اسلام آباد جا رہا تھا، پائلٹ نے ایمرجنسی سسٹم کے تحت طیارے کو روکا۔ طیارے میں 200 کے قریب مسافر سوار تھے، جو محفوظ رہے۔ ِذرائع کے مطابق اسٹیپس یعنی ٹیک آف کے دوران اچانک رن وے پر طیارے کے سامنےٹرک آگیا تھا،تاہم کوئی نقصان نہیں ہوا۔ ذرائع نے مزید کہا کہ ایئر ٹریفک کنٹرول کی غفلت کے باعث یہ واقعہ پیش آیا۔