Author: ڈاکٹرغلام مصطفی بڈانی

کندھ کوٹ،باغی ٹی وی (نامہ نگار مختیاراعوان ) بخشاپور تھانہ کی حدود سے ڈاکوؤں نے گشت پولیس موبائل پر راکٹ لانچر اور جدید اسلحے کے ساتھ حملہ کر دیا ،حملے میں ہیڈ محرر سمیت دو اہلکار شہید جبکہ 6 اہلکار زخمی ہوئے گئے شہید اور زخمی اہلکاروں کو ہسپتال منتقل کر دیا شہید ہونے والے پولیس اہلکاروں میں مقصود بنگلانی و ادب جکھرانی شامل ہیں اطلاع کے بعد ایس ایس پی کشمور عرفان علی سمون پولیس کی بھاری نفری طلب کر کے ڈاکوؤں کی طرف کچے میں روانہ کر دی سیاسی سماجی شخصیات سمیت ضلع کی عوام نے کہا کہ ضلع کشمور میں بدامنی عروج پر جا پہنچی، آئے روز اغوا برائے تاوان ،لوٹ مار قتل عام کیا جا رہا ہے عوام تو اپنے گھروں میں ہی عدم تحفظ کاشکار ہے ابھی پولیس خود عدم تحفظ کا شکار بنی ہوئی ہے ایک ڈیڑھ ماہ کے اندر پولیس افسران سمیت 13 اہلکار شہید ہو گئے ہیں ایس ایس پی عرفان علی سمون ضلع کشمور میں امن قائم کروانے میں مکمل ناکام ہوچکاہیں، اس کے آنے سے 40 زائد شھری ڈاکوؤں کے پاس مغوی بنے ہوئے ہیں غریب عوام اس وقت ضلع کشمور کندھ کوٹ سے نقل مکانی کرنے پر مجبور ہو گئے ہیں،ضلع کی عوام نے وزیر اعظم پاکستان، وزیر اعلی سندھ،آئی جی سندھ سمیت دیگر حکام سے ضلع کشمور میں امن و امان کرانے کا مطالبہ کیا۔
دوسری طرف گزشتہ شب ڈاکوؤں کی فائرنگ سے شہید ہونے والے پولیس اہلکار ادب حسین جکھرانی کی نماز جنازہ ادا کردی گئی ،نماز جنازہ شہید پولیس اہلکار ادب علی جکھرانی کے آبائی گاؤں نور علی جکھرانی میں ادا کی گئی،نماز جنازہ میں صرف ڈی ایس پی ہیڈکوارٹر شریک ہوئے، نماز جنازہ میں نہ انتظامیہ، ایس ایس پی اور نہ کوئی عوامی نمائندہ شریک ہوا ہے، شہید ہیڈ محرر مقصودِ کی میت کو ورثاء اپنے آبائی گاؤں ٹھل لے گئے جہاں نماز جنازہ ادا کی جائے گی، حسبِ دستور پولیس خاموش تماشائی بنی ہوئی ہے ،ابھی تک شہید پولیس اہلکاروں کے قتل کا مقدمہ بھی درج نہیں ہو سکا ہے

اوچ شریف باغی ٹی وی (نامہ نگار حبیب خان) ایس ایم او کا مریضوں سے ہتک آمیز رویہ،انکوائری میں ملبہ ہسپتال کے دوسرے ملازمین پر ڈال دیا
تفصیل کے مطابق 18 سکیل کی سیٹ پر سیاسی اثر رسوخ سے براجمان ایس ایم او کا مریضوں سے غیر پیشہ ورانہ رویہ، شہری کی شکایت پر اپنی نااہلی کا ملبہ ہسپتال کے دوسرے ملازمین پر ڈال دیا، سیکرٹری ہیلتھ جنوبی پنجاب کے نوٹس پر رورل ہیلتھ سینٹر اوچ شریف میں ڈپٹی ڈی ایچ او احمد پور شرقیہ کے ہمراہ طویل میٹنگ، مدعی کو منانے اور سارا الزام دوسرے ڈاکٹروں پر لگانے کیلئے دباؤ ڈالتے رہے، مدعی عبدالوہاب نے سیکرٹری ہیلتھ جنوبی پنجاب سے ڈاکٹر عجمی منیر کے خلاف کارروائی کیلئے درخواست دے دی، اوچ شریف کے محلہ شمیم آباد کے رہائشی مظلوم محمد رفیق کا کئی گھنٹوں تک پوسٹ مارٹم نہ کرنے، ورثاء کے ساتھ بدتمیزی کرنے اور ڈاکٹری اصولوں کے برعکس غیر پیشہ ورانہ رویہ اختیار کرنے کے خلاف سیکرٹری ہیلتھ پنجاب کو درخواستیں ارسال کیں جس کے نتیجے میں ڈپٹی ڈی ایچ او احمد پور شرقیہ عبدالغنی شیخ اور ڈاکٹر عجمی منیر نے رورل ہیلتھ سینٹر اوچ شریف میں طویل میٹنگ کے بعد مدعی عبدالوہاب کو بلوا کر مختلف طریقوں سے درخواست واپس لینے کیلئے دباؤ ڈالتے رہے جس میں ناکامی پر ہسپتال میں ہونے والی ساری کوتاہی اور غفلت کا ملبہ دوسرے ڈاکٹروں پر ڈال کر خود صاف بچ نکلنے کی حکمت عملی تیار کر لی ہے زرائع نے بتایا ہے ڈاکٹر عجمی منیر کا بنیادی سکیل 17 ہونے کے باوجود اسے سیاسی اثر رسوخ استعمال کر کے 18 ویں سکیل کی سیٹ پر زبردستی تعینات کرایا گیا ہے جو ہسپتال کے ماحول کو خراب کرنے میں مصروف ہے، جبکہ ڈیوٹی آفس میں بیٹھ کر اندر سگریٹ نوشی کرنے میں مصروف رہتا ہے اور آنے والے مریضوں کے ساتھ غلط رویہ اختیار کرتا ہے، متاثرہ شہری نے سیکرٹری ہیلتھ پنجاب، ،سیکرٹری ہیلتھ جنوبی پنجاب اور کمشنر بہاول پور سے فوری طور پر ڈاکٹر عجمی منیر کو تبدیل کرنے اور محکمانہ کارروائی کرنے کا مطالبہ کیا ہے

ڈیرہ غازیخان ( )بی ایم پی کے دئے گئے متبادل راستے سے جانے والا ایرانی ڈیزل سے لوڈ ڈالہ پولیس نے پکڑلیا۔
تفصیل کے مطابق بی ایم پی تمن لغاری کے ایس ایچ اوز نے سمگلروں کو محفوظ ،متبادل راستے جاری کئے تھے ذرائع کے مطابق ان میں پہلا روٹ راکھی پل،جلال ترائی براستہ چوٹی بالا،چوٹی زیریں،کوٹ چھٹہ سے براستہ کوٹ چھٹہ غازیگھاٹ۔دوسراراستہ یاروٹ مٹھاون ،سخی سرور،ٹریکٹرفیکٹری،وڈور روڈ،غازی پارک،چوک چورہٹہ براستہ انڈس ہائی وے ،تیسراروٹ سخی سرورروجھانی روڈ،تالپور روڈ براستہ جامپور انڈس ہائی وے راجن پوروغیرہ ۔ان متبادل راستوں سے سمگلنگ کا سلسلہ بلاروک ٹوک جاری ہے،میڈیا پر خبریں شائع ہونے کے بعدپنجاب پولیس کچھ ایکٹو ہوگئی ہے ،بی ایم پی کے جاری کردہ متبادل روٹ پر ایس ایچ او تھانہ چوٹی محمد فاروق نے کارروائی کرتے ہوئے سینکڑوں لیٹر ایرانی ڈیزل کی سمگلنگ کی کوشش ناکام بنا دی اور ڈیزل سے بھرے ہوئے ایک ڈالے کو قبضہ پولیس میں لیکر کسٹم حکام کے حوالے کیا جا رہا ہے۔
یہ بھی پڑھیں
ڈی جی خان:بی ایم پی کے ایس ایچ اوزکا انوکھا کھڑاک ،سمگلروں کو محفوظ ،متبادل راستے دے دئے

ایس ایچ او کا کہنا تھا کہ ڈی پی او محمد راشد ہدایت کے حکم پر ڈیزل سمگلنگ میں ملوث ملکی معشیت کو نقصان پہنچانے والوں کے گرد گھیرا تنگ کر دیا گیا ہے داخلی و خارجی راستوں پر سختی سے چیکنگ کی جارہی ہے تاکہ ایرانی ڈیزل و تیل کی سمگلنگ میں ملوث مافیا کے خلاف کریک ڈائون کرتے ہوئے ملکی معشیت کو نقصان سے بچایا جائے۔

میرپور ماتھیلو ،باغی ٹی وی (نامہ نگار مشتاق علی لغاری)جروار پولیس کے خلاف لغاری برادری کا مین چوک پر احتجاجی مظاہرہ
تفصیل کے مطابق میرپورماتھیلو کے تھانہ جروارکی حدود میں لغاری قوم سے تعلق رکھنے والے افراد نے بوذداربرادری کے ظلم اورپولیس کے ناروا سلوک اور ملزمان کی پشت پناہی کرنے پر جروارپولیس کے خلاف احتجاج کیا،اس موقع پر حاجی احمد لغاری، غازی فقیر لغاری، حاجی شہزادو لغاری اور دیگر نے کہا کہ بوزدار برادری کے بااثر افراد امام بخش بوزدار، عرس بوزدار، منور بوزدار ہمیں گلی سے گزرنے نہیں دیتے۔ گذشتہ رو امیر بخش لغاری کے گھر پر بزدار برادری کے لوگوں نے پستول سے فائرنگ کی جبکہ اس موقع پر امام بخش بوزدار کے ہاتھ میں بھی پستول تھاجبکہ ان کے ساتھ دیگرکئی نامعلوم افراد بھی موجود تھے جن کی شناخت نہیں ہوسکی ،اس سنگین واقعہ پر پولیس نے کوئی کارروائی نہیں کی بلکہ ایک گرفتار ملز م امام بخش بوزدار کو حوالات میں بندکرنے کی بجائے اسے علیحدہ کمرہ دیکر وی وی آئی پی کا درجہ دے دیا جسے موبائل فون سمیت تمام سہولیات دی گئیں اسے پولیس کے مہمان کے علاوہ دیگر ملزمان کی گرفتاری کے لیے پولیس تیار نہیں ہے،ذرائع سے یہ بھی معلوم ہوا ہے کہ گذشتہ رات 11:00بجے ایس ایچ او تھانہ جروار نے بھاری رشوت لیکر گرفتارملزم امام بخش بزدار کو رہاکردیا، ایس ا یچ او کے رشوت لیکر ملزمان کوتحفظ دینے اور ان کے خلاف قانونی کارروائی نہ کرنے پرلغاری برادری کے سرکردہ اشخاص نے ایس ایس پی گھوٹکی سے پرزور اپیل کی ہے کہ کہ وہ اس معاملے کا نوٹس لیں اور مرکزی ملزم امام بخش بوزدار کو گرفتار کیا جائے باقی ملزمان کے خلاف ایف آئی آر درج کی جائے اور ایس ایچ او کے خلاف تحقیقات کرکے محکمانہ کارروائی کی جائے،دوسری طرف احتجاج کی کوریج کرنے کے بعد ایس ایچ او سے مئوقف لینے کیلئے جانے والے نامہ نگار باغ ٹی وی سے پولیس اہلکار نے ایس ایچ او کی موجودگی میں موبائل فون چھین لیا گیا جو کئی گھنٹوں کے بعدواپس کیا گیا اور گرفتار ملزم امام بخش کی فوٹیج اور ویڈیو ڈیلیٹ کردی گئی،تھانہ جروارپولیس کے اس نارواسلوک پر آئی جی سندھ پولیس ،ڈی آئی جی اور ایس ایس پی گھوٹکی سے نوٹس لینے کامطالبہ۔

گھوٹکی: میرپورماتھیلو کے تھانہ جروارکی حدود میں لغاری قوم سے تعلق رکھنے والے افراد نے بوذداربرادری کے ظلم اورپولیس کے ناروا سلوک اور ملزمان کی پشت پناہی کرنے پر جروارپولیس کے خلاف احتجاج –@BaaghiTV @MumtaazAwan @DMCSindhPolice pic.twitter.com/67DCnhO4uS

— QNN WORLD (@QNN_World) May 21, 2023