Author: ڈاکٹرغلام مصطفی بڈانی

چترال(باغی ٹی وی) تمام سیاسی اور مذہبی پارٹیوں کے ساتھ ساتھ سول سوسائٹی کے نمائندوں کے کال پر ایک مشترکہ جلسہ منعقد ہوا جس میں ایک متفقہ قرارداد کے ذریعے صوبائی اور وفاقی حکومت سے مطالبہ کیا گیا کہ حال ہی میں گندم کی قیمت میں جو سو فی صد اضافہ کیا گیا ہے اسے واپس لے اور یہاں کے غریب عوام کو فاقہ کشی پر مجبور نہ کرے۔ تفصیل گل حماد فاروقی کی اس رپورٹ میں

چترال: تمام سیاسی و مذہبی پارٹیوں اور سول سوسائٹی کی کال پر مشترکہ احتجاج ، حکومت سے مطالبہ کیا گیا کہ گندم کی قیمت میں جو سو فی صد اضافہ کیا گیا ہے اسے واپس لے اور یہاں کے غریب عوام کو فاقہ کشی پر مجبور نہ کرے۔ گل حماد فاروقی کی رپورٹ @BaaghiTV @MumtaazAwan @GovernmentKP pic.twitter.com/iyPxOPanBS

— QNN WORLD (@QNN_World) May 20, 2023

اوکاڑہ،باغی ٹی وی (نامہ نگارملک ظفر )شارٹ سرکٹ سے درزی کی دکان کوآگ لگ گئی،لاکھوں روپے کاسامان جل گیا
تفصیلات کے مطابق تحصیل روڈ محبوب عالم چوک میں واقع ٹیلر کی دکان میں آگ لگ گئی۔ دکان محبوب عالم چوک میں واقع عمارت کی پہلی منزل پر واقع ہے۔ابتدائی معلومات کے مطابق آگ لگنے کی وجہ شارٹ سرکٹ ہے۔ اطلاع ملنے پر ریسکیو 1122 کی 2 فائر وہیکلز، ریسکیو وہیکل، ایمبولینس اور ریسکیو موٹر بائیک سروس فوری جائے حادثہ پر پہنچ گئیں۔
ریسکیو ٹیموں سیڑھی کی مدد سے عمارت میں داخل ہو کر آگ پر قابو پانے کےلئے فائر فائٹنگ شروع کر دی۔ ریسکیو ٹیموں نے پانی کی مدد سے تقریباً آدھے گھنٹے میں آگ پر مکمل قابو پا لیا۔ ریسکیو ٹیموں کی بروقت کارروائی کی وجہ سے تقریباً 2 کڑور مالیت کی مشینری اور کپڑے محفوظ ہوئے۔
آگ لگنے کی وجہ سے تقریباً 10لاکھ کا نقصان ہوا۔

لاہور (باغی ٹی وی ) تحریک انصاف کے چیئرمین اور سابق وزیر اعظم عمران خان کی رہائش گاہ زمان پارک کے باہر قائم کی گئیں تجاوزات کے خاتمے کیلئے کئے جانے والا آپریشن مکمل کر لیا گیا۔
زمان پارک کے باہر تجاوزات ہٹانے کیلئے آپریشن گزشتہ روز شروع کیا گیا تھا جبکہ لاہور ڈویلپمنٹ اتھارٹی ٹاؤن آفس کی گاڑیوں اور عملے نے آپریشن میں حصہ لیا۔
آپریشن کے دوران ضلعی انتظامیہ کی جاب سے بھاری مشینری کی مدد سے کینٹینر اور دیگر رکاوٹیں ہٹا دی گئی ہیں۔
واضح رہے کہ گزشتہ روز نگران وزیر اعلیٰ پنجاب محسن نقوی نے تجاوزات کے خاتمے کی ہدایت کی تھی اور آپریشن زمان پارک انتظامیہ کی درخواست پر کیا گیا۔دوسری جانب آپریشن تجاوزات مکمل ہونے کے بعد دھرمپورہ پل سے مال روڈ اور جیل روڈ تک ٹریفک کھول دی گئی ہے۔

اوکاڑہ باغی ٹی وی نامہ نگار ملک ظفر۔ڈیزل اور پٹرول کی قیمتوں میں کمی کے باوجود کرائے کم نہ ہوسکے ،ڈیزل اور پٹرول کی قیمتوں میں کمی کے باوجود عوام کو ریلیف نہیں مل رہا ۔ٹرانسپورٹ حضرات اپنی من مانی کرتے ہیں جو بحث و تکرار کرے گا اس کو چند روپوں کی کمی 10/20 روپے کی کردی جاتی ہے جو بحث نہیں کرتے ان کو پہلے والا کرایہ ادا کرنا پڑتا جب موٹر وے پولیس کی ہلپ لائن سے بات ہوتی تو ان کا کہنا تھاآپ پہلے کرایہ طے کرلیتے ۔عوامی حلقوں کا کہنا تھا کہ موٹر وے پولیس کو اس سلسلہ میں آگاہی مہم شروع کرنا چاہیے تاکہ لوگوں کو ریلیف مل سکے ۔سروے سے پتہ چلا ہے کہ ہر سٹاپ پر مافیا بیٹھا ہوا ہے جو زبردستی گاڑیوں سے اتارنے اور سواری بٹھانے پر پیسے لیتے ہیں ہم نے وہ پیسے پورے کرنا ہیں ۔
عوامی حلقوں کی جانب سے اس بات پر روز دیا گیا کہ عوام کو ریلیف دینے میں سرکاری مشینری اپنا کردار ادا کرے ورنہ یہ مافیا اس طرح عوام کو لوٹتا رہے گا

اوچ شریف باغی ٹی وی (نامہ نگار حبیب خان) عرصہ دراز سے تعینات فوڈ انسپکٹر کی مجرمانہ غفلت، فوڈ سنٹر ہتھیجی: کھلے آسمان تلے پڑی اربوں روپے مالیت کی گندم خراب ہونے کا اندیشہ، ہزاروں من گندم کو بارشوں سے محفوظ رکھنے کیلئے اونچے تھڑے بنانے کی بجائے سڑک کی ڈھلان میں کم اونچائی کی تھڑیاں بنا دیں، فوڈ سنٹر کا ریکارڈ اپنے درجن بھر رکھے ہوئے پرائیویٹ منشیوں کے سپرد کر دیا، فرضی ووچروں کے زریعے گندم کی خریداری کا ریکارڈ مکمل ظاہر کرنے کی تیاریاں، حکومت کی طرف سے پابندی کے باوجود کسانوں سے دو کلو گرام فی بوری اضافی گندم کے علاوہ مٹی خاکہ، گھنڈی اور نمی کے نام مزید کٹوتی کر کے کروڑوں روپے کھرے کر لئے، شہری نے سیکرٹری فوڈ پنجاب اور ڈائریکٹر جنرل اینٹی کرپشن پنجاب سے انکوائری کا مطالبہ کر دیا تفصیلات کے مطابق عرصہ دراز سے تعینات فوڈ انسپکٹر کی مجرمانہ غفلت کی وجہ سے فوڈ سنٹر ہتھیجی میں کھلے آسمان تلے پڑی اربوں روپے مالیت کی گندم خراب ہونے کا اندیشہ لاحق ہو گیا ہے فوڈ سنٹر پر ہزاروں من گندم کو بارشوں سے محفوظ رکھنے کیلئے اونچے تھڑے بنانے کی بجائے سڑک کی ڈھلان میں کم اونچائی کی تھڑیاں بنا دیں، جبکہ اضافی گندم سٹور کرنے کیلئے بھی ایک سٹور بھاری کرائے پر حاصل کر لیا ہے جبکہ فوڈ سنٹر کا ریکارڈ اپنے درجن بھر رکھے ہوئے پرائیویٹ منشیوں کے سپرد کر دیا ہے جو فرضی ووچروں کے زریعے گندم کی خریداری کا ریکارڈ مکمل ظاہر کرنے کی تیاریوں میں مصروف ہیں حکومت کی طرف سے پابندی کے باوجود کسانوں سے دو کلو گرام فی بوری اضافی گندم کے علاوہ مٹی خاکہ، گھنڈی اور نمی کے نام مزید کٹوتی کر کے کروڑوں روپے کھرے کر لئے ہیں اور شکایت کرنے والوں کو مختلف ہتھکنڈوں سے خاموش کرا دیا جاتا ہے ذرائع نے بتایا ہے کہ ملک ایوب فوڈ انسپکٹر کئی سالوں سے اس فوڈ سنٹر پر تعینات ہے اور فوڈ سنٹر ہتھیجی کیلئے کرایہ پر لی جانے والی جگہ بھی مبینہ طور پر بھاری کرائے پر محکمہ کو دلوا کر سالانہ اپنا کمیشن کھرا کر رہا ہے جبکہ حکومتی مہم کے برعکس مقامی بیوپاریوں کے ساتھ اے ایف سی ابصار کی ملی بھگت سے چوکیدار عابد بڈا کے زریعے گندم کی ترسیل دوسرے اضلاع میں کرانے میں بھی ملوث ہے جس کی عوامی شکایات کے باوجود افسران کو سب اچھا کی رپورٹ دے کر اپنا حصہ کھرا کر لیتا ہے زرائع نے انکشاف کیا ہے کہ فوڈ انسپکٹر ایوب نے اپنے اور قریبی رشتہ داروں کے نام سے اربوں روپے کی جائیداد بنا لی ہے جس کی تحقیقات ضروری ہے شہری نے سیکرٹری فوڈ پنجاب اور ڈائریکٹر جنرل اینٹی کرپشن پنجاب سے تحقیقات کرانے اور کرپٹ فوڈ انسپکٹر اور اس کے ساتھیوں کے خلاف سخت کاروائی کا مطالبہ کیا ہے دوسری جانب اس سلسلے میں فوڈ انسپکٹر ایوب اور ابصار کا مؤقف ہے کہ سرکاری طور ایک دو ملازمین سے فوڈ سنٹر کا نظام نہیں چل سکتا، جبکہ دیگر الزامات کا حقیقت سے کوئی تعلق نہیں ہے