Author: ڈاکٹرغلام مصطفی بڈانی

میرپورخاص ،باغی ٹی وی (نامہ نگار،شاہ زیب شاہ)ساون کا انتظار ہواختم،اب ملیں گے سردیوں میں بھی پکے آم
تفصیل کے مطابق اب گرمیوں میں ہی نہیں، سردیوں میں بھی آم پک کر تیار ہوں گے،تپتی گرمیوں میں ہی نہیں،کڑاکے کی سردیوں میں بھی آم پک کر تیار ہوں گے۔
میرپورخاص میں سندھ ہارٹی کلچر ریسرچ انسٹیٹیوٹ کے ماہرین نے دعویٰ کیا ہے کہ اب گرمیوں میں ہی نہیں بلکہ سردیوں میں بھی آم پک کر تیار ہوں گے۔سندھ ہارٹی کلچر ریسرچ انسٹیٹیوٹ نے سال میں دو مرتبہ آم کی پیداوار کا کامیاب تجربہ کرلیا ہے ۔
اس کے علاوہ سندھ ہارٹی کلچر ریسرچ انسٹیٹیوٹ کے مطابق ایک ہی درخت پر دو مختلف اقسام کے آم کا بھی تجربہ کامیاب ہوا، پہلی فصل تیار ہوچکی ہے جبکہ اگلی آم کی فصل نومبر میں آئے گی۔

خضدار،باغی ٹی وی(حبیب غلامانی)نرسنگ کالج کی طالبات کااپنے مطالبات کیلئے کلاسز سے بائیکاٹ جاری
تفصیل کے مطابق نرسنگ کالج خضدار کی طالبات نے مطالبہ کیا ہے کہ تمام مسائل حل کئے جائیں، عمارت کی تعمیر فی الفور کی جائے، اساتذہ کی موجودگی یقینی بنائی جائے، ہاسٹل میں طالبات کو بنیادی سہولیات اور ٹرانسپورٹ مہیا کی جائے، اسکالر شپ کا مسئلہ حل کیا جائے۔سیاسی پارٹیاں، عوامی نمائندے ، طلباء تنظیمیں اور سوشل ایکٹوسٹ نرسنگ کالج خضدار کے مسائل کو حل کرانے کے لئے سنجیدگی کا مظاہرہ کرتے ہوئے ان بچیوں کی مستقبل کو تاریک ہونے سے بچائیں۔

میرپور خاص باغی ٹی وی (نامہ نگار سید شاہزہب شاہ)پاک فوج کے حق اور ان سے اظہارِیکجہتی کیلئے ریلی نکالی گئی
تفصیل کے مطابق ضلعی پگدار آل سندھی پٹھان یوتھ ایڈووکیٹ پیر آغا زبیر جان سرھندی نے کہا کہ آج جو ہم نے ریلی نکالی ہے وہ ہم نے پگدار اعلی آغا سراج خان درانی کی ہدایت پر عمل کرتے ہوئے اور آل سندھی پٹھان یوتھ کے پلیٹ فارم سے نکالی ہے اس موقع پر یوسی چیئرمین محمد علی، انجمن تاجران کے صدر انیس الرحمن شیخ، جنرل سیکریٹری امین میمن، امن ویلفییر فاؤنڈیشن میرپورخاص کے چیئرمین بشیر الٰہی محمدی، آل پرائیویٹ سکول ایسو سی ایشن کے صدر فیصل خان یوسف زئی ، نائب پگدار آغا روز امان مرغزانی، انفارمیشن پگدار غوث محمد پٹھان و دیگر نے خطاب کیا اس موقع پر ضلعی پگدار پیر زبیر جان سرھندی نے کہا کہ پورے سندھ کی طرح میر میرپورخاص میں بھی پاک فوج کے حق اور ان سے اظہار یکجہتی کے لیئے ریلی نکالی گئی ہے انہوں نے مزید کہا کہ ہم پاکستان اور پاک فوج سے محبت کرتے ہیں آج ان کی قربانیوں کی وجہ سے ہم پر سکون ماحول میں سانس لے رہے ہیں ، ہم انکی قربانیوں کو کبھی فراموش نہیں کرسکتے آج تک باڈر پر ہمارے جوان ہمارے لئے شہادتیں نوش کر رہے ہیں ، ماؤں کے لال ان سے جدا ہو رہے ہیں، بچے یتیم ہورہے ہیں، ہماری بہنیں بیوہ ہورہی ہیں ، وہ قربانیاں کیوں دے رہے ہیں وہ سب ہمارے لیئے ہمارے وطن کے لیئے قربانیاں دے رہے ہیں پاک فوج کے ساتھ جو ہوا وہ بلکل غلط ہوا انکی تنصیبات کے ساتھ جو ہوا شہداء کی قبروں کے ساتھ جو ہوا وہ بالکل غلط اور انتہائی نامناسب تھا. ہم اس کی شدید مذمت کرتے ہیں ہمیں کسی کے بہکاوے میں نہیں آنا چاہیئے ہمیں ہر دکھ سکھ اور ہر موڑ پر اپنی پاک افواج کے ساتھ کھڑا ہونا چاہیئے اور اپنے ملک کی بہتری کے لیئے سوچنا چاہیئے پاک فوج ہے تو پاکستان ہے پاکستان ہے تو ہم ہیں اس موقع پر پاکستان اور پاک افواج کے حق میں فلک شگاف نعرے لگائے گئے اور پاک فوج اور ملک کی سلامتی کیلئے خصوصی دعا بھی کی گئی

اوکاڑہ ،باغی ٹی وی (نامہ نگار ملک ظفر)ڈسٹرکٹ جمنیزیم میں 30ویں 2 روزہ پنجاب کراٹے چیمپئن شپ کا انعقاد
تفصیل کے مطابق اوکاڑہ کی ضلعی انتظامیہ، پاکستان تن شن کان کراٹے فیڈریشن اور سنٹر آف ایکسی لینس کے اشتراک سے ڈسٹرکٹ جمنیزیم میں 30ویں دو روزہ پنجاب کراٹے چیمپئن شپ کا انعقاد۔ پروگرام کے مہمان خصوصی ڈپٹی کمشنر اوکاڑہ ڈاکٹر محمد ذیشان حنیف اور ڈسٹرکٹ پولیس آفیسر کیپٹن ریٹائرڈ منصور امان ہوں گے ۔ دو روزہ پنجاب کراٹے چیمپئن شپ میں پنجاب بھر کی ٹی میں شرکت کریں گی یہ چیمپئن شپ مورخہ 20مئی بروز ہفتہ سے 21مئی بروز اتوار تک جاری رہے گی جس میں ریفری کورسز،دراز اور کاتا کے مقابلہ جات ، بریکنگ ،اور مختلف ویٹ میں گرلز اور بوائزفاءٹ کے مقابلہ جات ہوں گے ۔ کراٹے چیمپئن شپ میں محمد بشیر بٹ چیئرمین پاکستان کراٹے فیڈریشن ،محمد شوکت جھنڈیر صدر پاکستان کراٹے فیڈریشن ،ڈاکٹر محمد عارف صدیقی بلیک بیلٹ IIIڈان ،نعیم اختر بلیک بیلٹ IIڈان اور محمد وسیم طارق بلیک بیلٹ Iڈان خصوصی شرکت کریں گے ۔ یاد رہے اوکاڑہ کی تاریخ میں پہلی دفعہ دو روزہ پنجاب کراٹے چیمپئن شپ منعقد ہو نے جا رہی ہے ۔

سیالکوٹ، باغی ٹی وی( سٹی رپورٹر شاہد ریاض) عیسائی خاتون نے اسلام کی حقانیت کو تسلیم کرتے ہوئے اسلام قبول کرلیا
تفصیل کے مطابق مسمات عروج دختر وارث مسیح سکنہ نانو کی تحصیل ڈسکہ ضلع سیالکوٹ نے دارالعلوم مدینہ ڈسکہ کلاں میں حاضر ہو کر رو برو صاحبزادہ مولانا محمد ایوب خان ثاقب مہتمم دارالعلوم مدنیہ کے اسلام کی حقانیت کو تسلیم کرتے ہوئے کلمہ شہادت پڑھ کر صاحبزادہ مولانا ایوب خان ثاقب مہتمم دارالعلوم مدنیہ کے ہاتھ پر اسلام قبول کیا اور اپنا سابقہ مذہب کرسچن چھوڑ دیا اس نو مسلمہ کا اسلامی نام بھی عروج ہی کو برقرار رکھا گیا ۔تمام سرکاری و نیم سرکاری اداروں معاشرہ سے التماس کی گئی ہے۔ کہ اس نو مسلمہ خاتون کے ساتھ اسلامی روایات والا سلوک اور مسلم قانون کے تحت تمام حقوق دیئے جائیں ۔ اس موقعہ پر حاجی جمیل احمد مغل مولانا اقبال خان صاحب ارشد محمود قاری اشفاق صاحب بشیر احمد ناز زاہد حسین مغل ا اور وکلا برادری نے نو مسلمہ کو قبولیت اسلام پر مبارکباد پیش کی