Author: ڈاکٹرغلام مصطفی بڈانی

اوکاڑہ باغی ٹی وی( نامہ نگار ملک ظفر )پولیس کی کارروائی، دو انتہائی خطرناک مطلوب ملزمان گرفتار
تفصیل کے مطابق تھانہ شاہبھور پولیس کی ایک اور کامیابی، دو انتہائی خطرناک مطلوب ملزمان گرفتار ،‏تھانہ شاہبھور کی پولیس ٹیم نے شہریوں سے اسلحہ کی نوک پرنقدی، موبائل فون و دیگر قیمتی اشیاءچھیننے کی وارداتوں میں مطلوب منظم ارشد عرف ارشدی گینگ کے دو ارکان کو گرفتار کر لیا قانون کی گرفت میں آنے والے ملزمان سے 10 لاکھ 45 ہزار روپے کا مال مسروقہ اور وارداتوں میں استعمال ہونے والا ناجائز اسلحہ برآمد۔
ڈی پی او نے کہاہے کہ انسدادِ جرائم کےلیے سماج دشمن جرائم پیشہ عناصر کے خلاف کریک ڈاؤن جاری رہیگا.

اوچ شریف،باغی ٹی وی ( نامہ نگار ، حبیب خان) شادیوں کا سیزن شروع ہونے سے غریب طبقہ کی گھریلو اخراجات میں کئی گنا اضافہ ہو گیا جس سے وہ شدید ذہنی اذیت میں مبتلا جبکہ ”سیزن کمانے“ کے لئے شہر بھر کے دکانداروں، شادی ہالوں، ہوٹلوں کے مالکان باورچیوں، جیولرز ، فیشن ڈیزائنروں اور بیوٹیشنز نے لوٹ مار کا بازار گرم کر رکھا ہے۔ سونا، لہنگے، کامدار ملبوسات و دیگر لوازمات کی قیمتوں میں چار گنا اضافہ ہونے غریب طبقہ پریشان ہیں کہ بارات کے لئے کھانے کا بندوبست کریں، جیولری خریدیں، جہیاز کا بندوبست کریں یا دولہا کے عزیز و اقارب کو تحائف دے کر رخصت کریں۔ دلہن کا عروسی جوڑا جو پہلے 10 سے 15 ہزار روپے میں ملتا تھا اب 40,50 ہزار میں مل رہا ہے جبکہ فرنیچر، الیکٹرونکس کا سامان اور کراکری سمیت ہر چیز کے نرخ آسمان سے باتیں کر رہے ہیں۔ مہنگائی کے مقابلے کے لئے ایک طرف جہاں متوسط طبقے کی خواتین میں کرائے پر ملبوسات اور جیولری کے حصول کا رجحان مقبول ہو رہا ہے تو دوسری طرف اس خیال سے کہ ”شادیاں کون سا روز روز ہوتی ہیں؟“ زندگی بھر کے ارمان نکالنے، دوسری خواتین پر سبقت لے جانے، خاندان کی خواتین یا سہیلیوں میں اپنی سماجی و معاشی حیثیت کی دھاک بٹھانے کی خاطر شادی کی تاریخ مقرر کرنے کی تقریب سے لے کر مکلاوے تک ”بھاری قرضوں یا عمر بھر کی جمع پونجی کے عوض“ خوشیاں خریدنے کی تیاریاں کی جا رہی ہیں تاکہ مہندی کے دو فنکشنز، مایوں، نکاح، بارات، ولیمہ و دیگر تقریبات اور رسومات کو یادگار بنایا جا سکے۔ شدید مہنگائی کے باوجود آج کل جنوبی پنجاب کے شہر اوچ شریف میں روزانہ شادیوں کی شاپنگ کے سلسلے میں خواتین کی بڑی تعداد لاکھوں روپے خریداریوں میں مصروف ہیں جبکہ مہندی پر پرتکلف کھانے چکن روسٹ، بریانی، مٹن قورمہ، بٹیرے، بار بی کیو، چکن کڑاہی، حلوہ جات، لب شیریں و دیگر پیش کر کے ون ڈش کی کمی پوری کرنے کی پلاننگ کر رہی ہیں۔ پاکستان کی 65 فیصد سے زائد آبادی خط غربت سے نیچے زندگی بسر کرنے پر مجبور ہے اور رشتے طے ہو جانے کے باوجود غریب لڑکیاں ہی نہیں غریب لڑکے بھی تاخیر سے شادی پر مجبور ہیں مگر دوسری جانب اپر مڈل کلاس میں دلہن کے صرف ایک روز کے لہنگے برائیڈل میک اپ، گولڈ کی جیولری، میچنگ پاو¿چ، شوز و دیگر لوازمات سمیت دولہا دلہن کے فوٹو سیشن کے لئے 70 ہزار سے 150 لاکھ روپے تک خرچ کئے جا رہے ہیں گویا اس طبقے کی دلہن کے صرف ایک دن کے میک اپ اور عروسی پہناووں پر اٹھنے والے اخراجات کے برابر رقم میں غریب کی بیٹی کی مکمل شادی ہو سکتی ہے۔ گزشتہ روز نمائندہ باغی ٹی وی سے گفتگو میں عزیز،عامر نے کہا کہ اکثر لوگ شادیوں کی پرتکلف تقریبات کے کئی کئی روز تک جاری رہنے کی روایت کو ناپسندیدہ اور معیشت پر بوجھ قرار دیتے ہیں مگر نمودونمائش کی خاطر بھاری قرضوں کے جال میں پھنس جاتے ہیں۔ اویس اور محمد عمران نے کہا کہ لوئر مڈل کلاس کی قوت خرید کے شدید متاثر ہونے کے باوجود ان کے لئے عزیز واقارب کی شادیوں میں شرکت بھی خواب بن کر رہ گئی ۔ قیصر اورشمس خان نے کہا کہ بے شک مسجد میں جا کر شادی نہ کریں مگر قرض لے کر خود کو پریشان کرنے کی بجائے اپنی بساط کے مطابق خرچ کریں

اوچ شریف باغی ٹی وی ( نامہ نگار، حبیب خان) اوچشریف میں غوث الاعظم فلور ملز کے قریب احمد پور شرقیہ روڈ پر توڑی سے لوڈ ٹریکٹر ٹرالی اور منی ٹرک کے درمیان حادثہ پیش آگیا جس کے نتیجہ میں ٹرالی پہ بیٹھا اوچشریف کے نواحی علاقے حسن دریا کا رہائشی 40 سالہ اکرم نامی شخص ٹرالی کے نیچے آ گیا جبکہ اطلاع پر ریسکیو ادارے 1122 کے اہلکار موقع پر پہنچ گئے تاہم ٹرالی کے نیچے آنے والا شخص زخموں کی تاب نہ لاتے ہوئے موقع پر ہی دم توڑ گیا جس کی نعش ورثاء کے حوالے کر دی گئی

لوئر چترال،باغی ٹی وی (گل حماد فاروقی کی رپورٹ ) آج لوئر چترال میں تجار یونین چترال, ٹرانسپورٹ یونین چترال اور علماء کی جانب سے پاک فوج کے حق میں اور پاک آرمی کے بارے میں جاری منفی پروپیگنڈا کے خلاف، اور لوگوں اور مسلح افواج کے درمیان ہم آہنگی پیدا کرنے کے لیے ایک ریلی کا انعقاد کیا گیا جس میں شرکاء نے پاک فوج کی خدمات اور قربانیوں کے بارے میں لوگوں کو آگاہ کیا۔اور کہا کہ ملک میں حالیہ واقعات میں جس طرح شر پسندوں نے ملک اور خاص طور پر پاکستان آرمی کو نقصان پہنچایا ہے اس کی پر زور الفاظ میں مزمت کرتے ہیں۔اور جس طرح آرمی کے افسران اور جوانوں نے اس سارے واقعے کو برداشت کیا اور صبرو تحمل کا مظاہرہ کیا اس پر پاکستان آرمی کو خراجِ تحسین پیش کرتے ہیں ۔
حاظرین نے پاک فوج کے حق میں نعرے لگائے اور پاک فوج کے ساتھ اظہار یکجہتی کے لیے پلے کارڈ اور بینرز اٹھا کر اپنے ہیروز کو خراجِ تحسین پیش کیا ۔

گوجرہ ،باغی ٹی وی (نامہ نگارچوہدری عبدالرحمن جٹ )غیرت کے نام پر بنت حوا بھائی کے ہاتھوں قتل
تفصیل کے مطابق نواحی گاؤں میں بھائی نے غیرت کے نام پر بہن قتل کر دی چک نمبر 414 ج ب کے غلام محمد کی 22سالہ بیٹی صفیہ بی بی نے گاؤں کے نواز کو گھر بلایا ہوا تھا کہ اسکا 17 سالہ بھائی بابر علی موقع پر آگیا جس پر نواز فرار ہونے میں کامیاب ہو گیا تو بابر علی نے کلہاڑی کے وار کرکے بہن کو قتل کر دیا اور فرار ہوگیا، اطلاع ملنے پر تھانہ نواں لاہور پولیس نے نعش تحویل میں لے کر رورل ہیلتھ سنٹر نواں لاہور منتقل کردی ہے اور قانونی کارروائی کا آغازکردیاہے

شیخوپورہ،باغی ٹی وی (محمد طلال سے)ایس ایچ او تھانہ سٹی اے ڈویژن ثمر عباس ڈوگر کی اپنی ٹیم کے ہمراہ بڑی کاروائی
2 منشیات فروش گرفتار, 3 کلو اعلیٰ کوالٹی کی چرس برآمد, مقدمات درج ایس ایچ او تھانہ سٹی اے ڈویژن ثمر عباس ڈوگر نے اپنی ٹیم کے ہمراہ علاقہ بھر میں منشیات فروشوں کے خلاف کارواٸی کرتے ہوٸے 2 نامور منشیات فروش گرفتار کر لٸیے, جن کے قبضہ سے 3 کلو اعلی’ کوالٹی کی چرس برآمد کر کے مقدمات درج کر لٸیے, گرفتار ملزمان میں ریاض عرف تھوڑا قوم ورک سکنہ محلہ بمبانوالہ اور خرم ولد رزاق سکنہ محلہ خالد روڑ شامل ہیں۔