Author: ڈاکٹرغلام مصطفی بڈانی

تلہ گنگ،باغی ٹی وی (شوکت ملک سے) نئے تعینات ہونے والے ایس ایچ او تھانہ ٹمن ملک عبد الرحمٰن کی بڑی کارروائی، گندم اسمگلنگ کرنے والا بڑا گروہ گرفتار، عوامی حلقوں کا ایس ایچ او تھانہ ٹمن کو خراج تحسین،
تفصیلات کے مطابق نئے تعینات ہونے والے ایس ایچ او تھانہ ٹمن ملک عبد الرحمٰن نے اپنی ٹیم کے ہمراہ کامیاب کارروائی کرتے ہوئے گندم اسمگل کرنے والا بڑا گروہ گرفتار کرلیا، جوکہ خوشاب سے براستہ تھوہا محرم خان، ڈھرنال، ترحدہ براستہ میال سے ہوتے ہوئے براستہ سی پیک وافر مقدار میں گندم اسمگل کر کے لے جا رہے تھے، ملک عبد الرحمن نے ٹیم کے ہمراہ کارروائی کرتے ہوئے 13گاڑیوں کو پکڑ کر محکمہ فوڈ کے حوالے کر دیا۔ کامیاب کارروائی پر ڈی سی چکوال، ڈی پی او چکوال اور ڈی ایس پی تلہ گنگ سمیت عوامی حلقوں نے ملک عبد الرحمٰن کو شاباش دی اور انکی محکمانہ کارکردگی کو سراہا ہے۔

اوکاڑہ، باغی ٹی وی( نامہ نگار ملک ظفر )خورد،پولیس اور ڈاکوؤں کے درمیان کراس فائرنگ ، 2ڈاکو اپنے ساتھیوں کی فائرنگ سے ہلاک
تفصیل کے مطابق پولیس اور ڈاکوؤں کے درمیان کراس فائرنگ ، دو ڈاکو اپنے ساتھیوں کی فائرنگ سے ہلاک، تین فرار،فائرنگ کا واقعہ تھانہ سٹی رینالہ خورد کی حدود ڈوگر چوک 16/1L کے قریب پیش آیا،نامعلوم ڈاکو واردات کر کے فرار ہو رہے تھے، کہ سٹی رینالہ پولیس پہنچ گئی،پولیس کو دیکھ کر ڈاکوؤں نے اندھا دھند فائرنگ شروع کر دی، پولیس پارٹی نے بھی جوابی فائرنگ کی،دو نامعلوم ڈاکو اپنے ساتھیوں کی فائرنگ سے ہلاک ہو گئے جبکہ تین فرار ہونے میں کامیاب ہو گئے ،جائے وقوعہ سے ایک عدد کلٹس کار ، موٹر سائیکل 125، ناجائز اسلحہ اور ڈکیتی شدہ مال برآمد ،پولیس کی بھاری نفری نے علاقے کو گھیرے میں لے لیا ، فرار ڈاکوؤں کی تلاش جاری ہے

میرپورخاص ،باغی ٹی وی(نامہ نگار شاہزیب شاہ) آئی جی سندھ غلام نبی میمن کے حکم اور ڈی آئی جی میرپورخاص ذوالفقار علی مہر اور ایس ایس پی میرپورخاص کیپٹن (ر) اسد علی چودھری کی ہدائت کی روشنی میں ایس ایچ او تھانہ سیٹلائیٹ ٹاؤن غازی خان راجڑ کا گٹکا فروش عناصر کے خلاف کریک ڈاؤن، سولجر پھاٹک سے ملزم اسرار حسین کو گرفتار کرکے ملزم کے قبضے سے مضر صحت عاداب گٹکا پڑیاں برآمد. ملزم کے خلاف مقدمہ نمبر 76/2023 زیرِ دفعہ 4/8 گٹکا ایکٹ سیٹلائیٹ ٹاؤن تھانے میں درج ملزم سے مزید تفتیش جاری ہے،

اوچ شریف باغی ٹی وی (نامہ نگار۔ حبیب خان ) اوچ شریف شہر سبزی منڈی سے عمر فاروق نامی شخص کی لاش برآمد، پولیس جائے وقوعہ پر پہنچ گئی
تفصیل کے مطابق اوچ شریف کے نواحی علاقے حلیم پور کے رہائشی عمر فاروق کی ڈیڈ باڈی گزشتہ روز اوچ شریف سبزی منڈی میں پائی گئی جسکی اطلاع پا کر مقامی پولیس موقع پر پہنچ کر لاش کو اپنی تحویل میں لا کر مقامی ہسپتال منتقل کردیا جہاں پر خبر پا کر لاش کے لواحقین ہسپتال پہنچ گئے اور اسکی والدہ نے پوسٹ مارٹم کرانے سے انکار کر دیا انہوں نے کہا کہ میں اپنے بیٹے کا پوسٹ مارٹم نہیں کرانا چاہتی تاہم پولیس کاروائی کرنے میں مصروف عمل

اوچ شریف باغی ٹی وی ( نامہ نگار حبیب خان) تاریخی میلہ اوچشریف کی آڑ میں منشیات، جسم فروشی، مضر صحت اشیاء کی دھڑلے سے فروخت،
تھیٹرز کی آڑ میں نیم عریاں فحش رقص، لغو جگت بازی اور سرعام جواء، ننگے تھرکتے اجسام اور اسلحہ سے لیس بگڑے رئیس زادوں کے منشیات سے دھوں دار خیموں میں کارنامے مقامی انتظامیہ کی کارکردگی پر سوالیہ نشان، اربابِ اختیار سے مکروہ دھندہ بند کرانے کا مطالبہ،
تفصیلات کے مطابق اوچشریف میلہ جو کبھی اولیاء کرام کے مل بیٹھنے اور علم کی روشنی و دیگر معاشرتی اقدار کی خوبصورت محافل کے انعقاد کا مظہر ہوا کرتا تھا آج بدقسمتی سے اسی میلے کی آڑ میں چرس،کوکین ،گانجا،شراب،افیون،ہیروئن، بھنگ اور آئس نشئہ سمیت منشیات کی سرعام مبینہ خرید و فروخت جاری ہے،جبکہ شام ہوتے ہی تھیٹرز، موت کے کنوئیں اور ڈرامہ پارٹی کے نام پر امیر زادوں اور بگڑے رئیسوں نے خیموں میں ننگی ناچتی لڑکیوں پر نوٹوں کی برسات، چھلکتے جام اور شباب کی محفلیں شروع کررکھی ہیں، مقامی و ضلعی انتظامیہ کی مبینہ آشیرباد سے تاحال مکروہ دھندہ جاری ہے جو کہ مقامی آبادی، شرفاء اور نوجوان نسل کے لیے زہر قاتل ثابت ہورہا ہے، زرائع نے انکشاف کیا ہے کہ پورے ملک سے ٹولیوں کی صورت میں مختلف روپ اختیار کرکے جرائم پیشہ افراد دندناتے پھرتے پاۓ جارہے ہیں جن میں بالخصوص کچہ اور اندرون سندھ کے ڈاکواور پولیس دشمن عناصر بھی شامل ہیں، اور گزشتہ کچھ دنوں سے شہر بھر میں ہونے والی قتل ،ڈکیتی اور راہزنی کی پے در پے واردات بھی ثبوت کے طور پر موجود ہیں، جن کے خوف کے اثرات ابھی بھی شہریوں میں پاۓ جاتے ہیں، مگر تفریح کے نام پر لوٹ مار پروگرام اور مقامی پولیس کو باقاعدگی سے حصہ ملنے کی وجہ سے مبینہ چپ کا روزہ دیکھنے میں آیا ہے، گزشتہ روز بڑے آفسران کو خوش کرنے کے لیے نصف درجن کے قریب مقامی و قریبی دیہات کے آوارہ لڑکوں کو پکڑ کر کارکردگی کا ڈھول پیٹا گیا اور بعد ازاں چٹی دلالوں،رسہ گیروں اور پتھاریداروں کی دوکانداری کو چلانے کی خاطر انکو بھی آزاد کردیا گیا، اہل علاقہ کی جانب سے یہ بھی انکشاف ہوا ہے کہ گزشتہ روز ضلعی انتظامیہ کی جانب سے اس میلہ کے انعقاد کے لئے دی گئی اجازت کے مبینہ نوٹیفکیشن میں واضح طور پر مزکورہ ایریا کو ممنوع لکھا ہونے کے باوجود سوئی گیس کی مین سپلائی لائن پر ہی میلہ کی سرگرمیوں کو شروع کردیا گیا ہے، حالانکہ مذکورہ نوٹیفکیشن میں سوئی گیس مرکزی پائپ لائن کے تقریباً پانچ سو فٹ اطراف میں کسی بھی سرگرمی کو منع کیا گیا ہے جس کو خبریں کے قارئین زیل میں موجود نوٹیفکیشن میں ملاحظہ کرسکتے ہیں لیکن مقامی انتظامیہ نے ناں صرف ضلعی انتظامیہ کے احکامات کو ہوا میں اڑا دیا ہے بلکہ مبینہ طور پر مقامی پولیس اور بیوروکریسی ڈیپارٹمنٹ میں موجود کالی بھیڑوں کے چند ٹکوں کی کمائی کے عوض پورے شہر کی امن و سلامتی کو داؤ پر لگا دیا گیا ہے جسکا تاحال کوئی پرسان حال سامنے نہ آ سکا ہے اور نہ ہی آخری اطلاعات آنے تک تاریخی میلہ کے نام پر جاری طوفان بدتمیزی اور بد تہذیبی کے خلاف کوئی کارروائی عمل میں لائی جاسکی، اہلیانِ شہر نے خبریں کے توسط سے وزیر اعلیٰ پنجاب اور آئی جی پنجاب سے اس مکروہ دھندہ کو فوری بند کرانے کی اپیل کی ہے ،

سیالکوٹ باغی ٹی وی(سٹی رپورٹر شاہد ریاض) ضلع بھر میں پولیس کی 7 چوکیاں ختم کر دی گئیں۔
تفصیلات کے مطابق ڈی پی او سیالکوٹ محمدحسن اقبال نے ضلع سیالکوٹ کے محتلف تھانوں کی 7 چوکیاں فی الفور بند کردی ہیں جن میں تھانہ کینٹ کی 3 چوکیاں سچیت گڑھ ، چوکی رجمنٹ بازار اور چوکی لاری اڈا، تھانہ سول لائنز کی چوکی ماڈل ٹاؤن ، تھانہ صدر کی چوکی اورا، تھانہ صدر پسرور کی چوکی کوٹلی باوا فقیر چند، تھانہ صدر سیالکوٹ کی چوکی اورا اور تھانہ سمبڑیال کی چوکی بھکڑیوالی شامل ہیں ۔
انسپکٹر جنرل آپ پولیس پنجاب ڈاکٹر عثمان انور نے صوبہ بھر میں پولیس کی غیر منظور شدہ چوکیوں کو فی الفور بند کرنے کے احکامات جاری کئے تھے جس کی تعمیل میں ڈی پی او سیالکوٹ نے 7 چوکیوں کو کلوز کر کے رپورٹ آئی جی آفس بھجوا دی ہے۔

کوئٹہ،باغی ٹی وی (نامہ نگار زبیر آکاخیل)صوبائی دارالحکومت کوئٹہ میں تجاوزات کے خلاف ضلعی انتظامیہ اور میٹروپولٹین کارپوریشن کی مشترکہ کارروائی‘11افراد گرفتار کرکے سامان ضبط کرلیاگیا‘ایڈمنسٹریٹر میٹروپولٹین کارپوریشن کوئٹہ طارق جاوید مینگل کے ہدایات پر اسسٹنٹ کمشنر کوئٹہ سٹی عطاء المنیم بلوچ اور اسپیشل مجسٹریٹ میٹروپولٹین کارپوریشن جواد زہری نے عملے کے ہمراہ کاسی روڈ سبزی مارکیٹ اور گردونواح میں مشترکہ کارروائی کے دوران 11افراد کو گرفتار کرکے سامان ضبط کرلیا، اس موقع پر اسسٹنٹ کمشنر سٹی عطاء المنیم بلوچ اور اسپیشل مجسٹریٹ جواد زہری نے بات چیت کرتے ہوئے کہاکہ تجاوزات اور گرانفروشوں کے خلاف کارروائی کا سلسلہ جاری ہے‘ دکاندار تجاوزات قائم کرنے سے گریز کریں کسی کو بھی تجاوزات قائم کرنے کی اجازت نہیں دی جائے گی، تجاوزات قائم کرنے والوں خلاف بھرپور قانونی کارروائی کی جائے گی اور کوتاہی و غفلت برتنے والوں کو کسی صورت معاف نہیں کیا جائے گا انہوں نے اس سلسلے میں تاجروں اور عوام سے اپیل کی ہے کہ وہ تجاوزات قائم کرنے سے گریز کریں کیونکہ تجاوزت قائم کرنے سے ٹریفک کا نظام میں خلل اورعوام کو شدید مشکلات کا سامنا کرنا پڑتا ہے انہوں نے کہاکہ اعلیٰ حکام کی خصوصی ہدایات پر روزانہ کی بنیاد پر کوئٹہ شہر کے مختلف علاقوں میں تجاوزات قائم کرنے والوں کے خلاف کارروائی جاری رہے گی.