Author: ڈاکٹرغلام مصطفی بڈانی

گوجرہ،باغی ٹی وی (نامہ نگار عبدالرحمن جٹ) گوجرہ پینسرہ روڈ دارا پور کے قریب کار میں شارٹ سرکٹ سے آگ بھڑک اٹھی، جس سے تین افراد کی زہریلا دھواں سےحالت غیر ہوگئ
گوجرہ پینسرہ روڈ دارا پور کے قریب کار میں شارٹ سرکٹ سے آگ بھڑک اٹھی، جس سے چک 161 گ۔ب کے رہائشی صبغت اللہ پٹھان، شیر خان پٹھان اور تین سالہ سیماں گل اپنی کار نمبری 8097 ایل ای اے پر پینسرہ سے گوجرہ کی طرف آرہے تھے جب گاڑی چک278 کے قریب پہنچی تو شارٹ سرکٹ کی وجہ سے آگ بھڑک اٹھی ،گاڑی میں سوار تینوں افراد کی زہریلا دھواں سے دم گھٹنے کی وجہ سے حالت غیر ہوگئی بروقت اطلاع ملنے پر ریسکیو 1122 نے موقع پر پہنچ کر فیملی کو فرسٹ ایڈ دے کر سانس بحال کیا اور اطلاع ملنے پر مقامی پولیس بھی موقع پر پہنچ گئی ذرائع کے مطابق کوئی جانی نقصان نہیں ہوا لیکن گاڑی مکمل جل کرتباہ ہوگئی-

سیالکوٹ باغی ٹی وی(شاد ریاض سٹی رپورٹر ) ڈی پی او نے خواتین کے دوہرے قتل کا مرکزی ملزم وقوعہ کے فوری بعد گرفتار کروا دیا ،آلہ قتل چھری بر آمد ،
تفصیلات کے مطابق تھانہ صدر سیالکوٹ کے علاقہ رتہ آرائیاں میں میراں بی بی اور اس کی ساس حفیظاں بی بی کو قتل کر دیا گیا،مقتولہ میران بی بی کی موت گلہ دبائے جانے جبکہ حفیظاں بی بی کو چھری کے وار کر کے قتل کیا گیا،خواتین کے دوہرے قتل کی اطلاع ملنے پر ڈی پی او حسن اقبال نے پولیس افسران ،کرائم سین اور فرنزک سائنس لیبارٹری کی ٹیموں کو موقع پر بھجوایا،ڈی پی او حسن اقبال نے احکامات جاری کئے کہ اگر 6 گھنٹوں میں دوہرے قتل کی اندوہناک واردات کا ملزم گرفتار نہ ہوا تو میں خود تھانہ بیٹھ جاؤں گا ،ڈی پی او کے بار بار فالو اپ لینے کی وجہ سے ایس ایچ او اکرم شہباز نےجدید سائنسی ٹیکنالوجی کی مدد سے دوہرے قتل کے ملزم 22 سالہ زوہیب کو گرفتار کر کے اس سے آلہ قتل چھری برآمد کر لیا،ڈی پی او حسن اقبال نے ملزم گرفتار کرنے والی پولیس ٹیم۔کو شاباش دی ہے جبکہ شہری حلقوں کا کہنا ہے کہ خواتین کے دوہرے قتل کے ملزم۔کی فوری گرفتاری حسن اقبال کی پروفیشنل کمانڈ کا واضح ثبوت ہے اگر ملزم گرفتار نہ ہوتا تو معاشرتی امن عدم توازن کا شکار ہو جاتا

اوچ شریف باغی ٹی وی (نامہ نگار حبیب خان) شمس محل کے مبینہ ٹھیکیدار کی چھترول، الشمس گراؤنڈ ٹھیکے کا دعویدار ہونے پر ٹھیکیدار کے کارندوں نے مار مار کر میلہ گراؤنڈ سے باہر نکال دیا، تشدد کا نشانہ بننے والا طاہر بھٹی تھانے پہنچ گیا، تفصیل کے مطابق الشمس گراؤنڈ میں ٹھیکیداری کے دعویدار طاہر بھٹی کو میلے والوں سے وصولی کے الزام میں ٹھیکیدار ملک امتیاز ڈوڈی کے کارندوں نے پکڑ لیا اور چھترول کرتے ہوئے میلہ گراونڈ سے باہر نکال دیا، تشدد کا نشانہ بننے والا شمس محل اور الشمس گراؤنڈ کے ٹھیکے کا دعویدار طاہر بھٹی کاروائی کیلئے تھانہ اوچ شریف پہنچ گیا جہاں پولیس نے کاروائی شروع کر دی ہے-

چترال،باغی ٹی وی (گل حماد فاروقی کی رپورٹ) وادی کیلاش میں داخلے پر سیاحوں سے 500 روپے وصولی کا انکشاف
تفصیل کے مطابق وادی کیلاش جانے والے سیاحوں کے لیے بری خبر سامنے آئی ہے کہ چترال انتظامیہ نے سیاحوں پر کیلاش جانے کے لئے ٹیکس شرح 500 روپے کر دی۔اس سے قبل کیلاش جانے والے سیاحوں سے ٹول ٹیکس 50 روپے وصول کیا جاتا تھا، ٹیکس کی شرح میں اضافہ سے وادی کیلاش کی ہوٹل مینجمنٹ، دکانداروں اور ڈرائيورز یونین کو بھی بہت بڑے نقصان کا خدشہ ہے۔
ہوٹل مینجمنٹ کا کہنا ہے کہ ٹول ٹیکس بڑھانے سے سیاح دوسرے سیاحتی مقامات کا رخ کریں گے جس سے کیلاش کلچر ترقی کے بجائے پستی اور زوال کا شکار ہو گا۔

دوسری طرف ضلعی انتظامیہ کی جانب سے جاری کردہ ٹوکن رسید بھی منظرعام پر آئی ہے جس میں 4 سیاحوں سے 2 ہزار روپے وصول کیے گئے۔ٹوکن میں کہا گیا ہے کہ یہ رقوم کیلاش کے لوگوں کی ویلفیئر پر لگائے جائیں گے۔اس حوالے سے ڈپٹی کمشنر اپر چترال محمد علی نے بتایا کہ وادی کیلاش آنے والے سیاحوں سے 500 روپے نہیں لیے جائیں گے۔ ان کا کہنا تھاکہ سیاحوں سے 500 روپے لینے والے اہلکار کو معطل کرکے انکوائری شروع کردی ہے

اوچ شریف باغی ٹی وی (نامہ نگار حبیب خان) شہر میں تجاوزات کی بھر مار ،شہریوں کوآمد و رفت میں شدید دشواری کا سامناانتظامیہ کی کاکردگی پر سوالیہ نشان شہریوں کا اعلیٰ حکام سے متعلقہ اداروں کو بیدار کرنے کا مطالبہ
تفصیل کے مطابق جنوبی پنجاب کے مشہور ترین شہر اوچ شریف الشمس چوک سے للو والی پل تک احمد پور شرقیہ روڈ خیر پور ڈاھا روڈ تک سڑک کے اطراف سریا بجری٫ ریڑھی چھاپے والوں نے شہریوں کی ناک میں دم کیا ہوا ہے ۔فٹ پاتھ پر دکانداروں نے قبضہ کیا ہوا اور سڑک پر لوہے بجری ڈالی ہوئی ہے جو کہ حادثات کا سبب بن رہی ہیں ریڑھی والوں نے بھی ٹھیلے سجائے ہوئے ہیں
سارا سارا دن ٹریفک بلاک رہنا روز کا معمول بن چکا ہے۔ سریا بجری سیمنٹ کی دکانداروں کی تجاوزات کی وجہ سے لوگوں کا پیدل چلنا محال ہے
الشمس چوک سے غوث الاعظم چوک تک تجاویزات سے پیدل چلنا بھی دشواری کا سامنا ہے اس پورے ایریا میں سریا بجری دوکانداروں اور ریڑھی چھاپے والوں نے پوری روڑ اور فٹ پاتھ کو اتنی بے دردی سے یرغمال بنایا ہوا ہے
سڑک کے کنارے اور فٹ پاتھوں اور دکانوں کے باہر تجاوزات کی بھر مار کی بنیادی وجہ بلدیہ کے راشی اہلکار ہیں جو ان لوگوں سے بھتہ وصول کرتا ہے ۔ یہ راشی لوگ چند ٹکوں کے عوض عام شہری زندگی کا سکون برباد کر رہے ہیں۔ جب ان پر کسی طرف سے پریشر بڑتا ہے تو وہ ہائی کمان کی آنکھوں میں دھول جھونکنے کے لیے ایک فرضی آپریشن کرتے ہیں جن دوکانداروں اور ریڑھی چھاپے والوں سے وہ بھتہ لیتے ہیں ۔ان کو پہلے ہی باخبر کردیتے ہیں جس کی وجہ سے یہ لوگ اس دن روڑ سے غائب ہو جاتے ہیں شہریوں نے میڈیا سے گفتگو کرتے ہوئے کہا کہ بڑھتی تجاوزات کو روکنے کا ایک ہی واحد حل ہے یہاں مہینوں ہفتوں کے بعد نہیں بلکہ دو چار دنوں کے بعد ریگولر آپریشن ہونا چاہیے اور بالخصوص ٹی ایم اے کے محکمے میں ایسی کالی بھیڑوں کی بھی نشاندہی ہونی چاہئے جو چند ٹکوں کے عوض تجاوزات کی بھرمار کا سبب بنتے ہیں۔اسی طرح برا حال ہے اوچ شریف شہر میں ہر جگہ ہر طرف قبضہ گرپ مافیا اور تجاوزات کی بھرمار ہے ۔مجال ہے ذمہ دار محکمہ ان لوگوں کے خلاف کوئی ایکشن لے ۔ہم ڈپٹی کمشنر بہاولپور سے پر زور اپیل کرتے ہیں اوچ شریف میں تجاوزات کے خلاف گرینڈ آپریشن کے احکامات جاری کریں

اوچ شریف باغی ٹی وی (نامہ نگار حبیب خان) قدیمی تاریخی میلہ اوچ شریف کا سنتے ہی تحصیل احمد پور شرقیہ ہیرا منڈی سج گئی ریلوے اسٹیشن پر جسم فروشی کے اڈوں پر خوبصورت تتلیاں سر عام عریانی لباس پہن کر دعوت گناہ دینے لگی پولیس سمیت ریلوے اسٹیشن ملازمین بھی نائکیوں سے مل کر بحیائی پھیلانے لگے تحصیل احمد پور شرقیہ کے شہریوں کی وابستہ امیدوں پر DSP فرخ جاوید نے بھی پانی پھیر دیا سکول و کالجز کو جانے والے طلباء فاحشہ عورتوں کے چنگل میں پھنسنے لگے جبکہ پولیس پر اسرار طور پر خاموش تماشائی کا کردار ادا کرنے لگی جس کے باعث شرفا کا جینا محال ہو گیا تشویش میں مبتلا عوامی سماجی حلقوں کا جسم فروشی کے اڈوں کے خلاف کر یک ڈاؤن کر نے کا مطالبہ ۔
تفصیلات کے مطابق قدیمی تاریخی میلہ اوچشریف کا سنتے ہی تحصیل احمد پور شرقیہ میں بدکاری کا دھندہ عروج پر پہنچ چکا ہے جبکہ پولیس خاموش تماشائی بنی ہوئی ہے جس کے باعث بدکاری کے گھناؤنے پیشہ سے وابستہ افراد اور عورتوں کی تعداد میں روز بروز خوفناک حد تک اضافہ ہوتا جا رہا ہے۔ تحصیل احمد پور شرقیہ میں ریلوے اسٹیشن کے عقب میں اس وقت ان قحبہ خانوں اور فحاشی کے اڈوں میں خطرناک حد تک اضافہ ہو چکا ہے احمد پور شرقیہ میں جسم فروشی کے ساتھ شراب کادھندہ بھی کھلے عام پولیس کی ملی بھگت کے ساتھ ہو رہا ہے قانون ساز اداروں نے بھی اپنی آنکھوں پر پٹی باندھ رکھی ہے اس وقت یہ کام احمد پور شرقیہ میں اپنے پورے عروج کو چھو رہا ہے احمدپورشرقیہ شہر اس وقت ہیرا منڈی کے نام سے پورے پنجاب بھر میں مشہور ہو گیا اس ہیرا منڈی میں دور دراز کے شہروں سے کھاتے پیتے گھرانوں کے تماشبین لڑکے آتے ہیں جہاں شراب آئس کا بے دریغ استعمال کیا جاتا ہے شریف گھرانوں کی مجبور اور سکول و کالج کی لڑکیوں کو ورغلا کر ان فحاشی کے اڈوں پر انکی عزت تار تار کی جانے لگی ہے ان فحاشی کے اڈوں کی نائیکہ اتنی با اثر ہیں کہ پولیس انکے خلاف کارروائی کرنے سے گریزاں ہے اس بارے شہریوں میں سخت تشویش پائی جا رہی ہے ان کا کہنا ہے کہ افسوس کا مقام ہے کہ احمد پور شرقیہ اولیائے کرام کے شہر اوچ شریف سے بیس کلو میٹر پر واقعہ ہے جہاں پر دنیا بھر سے سیاح اور ملک بھر سے زائرین ریلوے کا سفر کر کے احمد پور شرقیہ اسٹیشن پر پہنچتے ہیں وہ بھی ریلوے اسٹیشن پر بے حیائی دیکھ کر کیا تاثرات لیتے ہوں گے جہاں احمد پور شرقیہ نوابوں کا گھر ہے جو سیاح ڈیرہ نواب صاحب میں قیام کرتے ہیں لہذا حکومت پنجاب اورانتظامیہ بہاولپور کو چاہیے کہ فوراً اس بےحیائی کے خلاف قانونی کارروائی کی جاے.،صوبہ پنجاب میں تحصیل احمد پور شرقیہ جرائم اور بد کاری کے لحاظ سے بہت بد نام ہےشہر بھر کے چاروں اطراف قحبہ خانوں کے کھل جانے کے خلاف ضلعی انتظامیہ بے بس و لاچار نظر آتی ہے مذہبی سیاسی سماجی رفاہی تنظیموں نے شدیداجتجاج کر تے ہو ئے آئی جی پنچاب سے فوری نوٹس لنیے کا مطالبہ کیا ہے-

کوٹ ہیبت باغی ٹی وی (شاہد خان)ڈیرہ غازی خان :ویسٹ منیجمنٹ و عملہ صفائی کیلئے شمس آباد، صدیق آباد اور شاہ فیصل کالونی علاقہ غیر بن گئیں
تفصیل کے مطابق ڈیرہ غازی خان کی کالونیوں شمس آباد، صدیق آباد ،شاہ فیصل (بہاری )کالونی کے لوگوں کا کہناہے کہ ویسٹ منیجمنٹ سسٹم جب سے ڈیرہ غازی خان میں لانچ ہوا ہے تب سے صرف سٹی ایریا میں ہی صفائی دیکھنے کو ملی ہے ان کے نزدیک ارد گرد کے علاقے اور کالونیاں ڈی جی خان شہر کاحصہ نہیں ہیں بلکہ یہ کالونیاں علاقہ غیرکاحصہ ہیں یا کسی اور ملک میں شامل وہاں پر صفائی کا کوئی مستقل نظام نہیں ہے ان علاقوں کے لوگوں نے کہا ہے کے ویسٹ مینجمنٹ کمپنی کے ایریا انچارج ان علاقوں کو زیادہ اہمیت نہیں دیتے 20 دن میں ایک مرتبہ ان علاقوں میں غلطی سے ویسٹ مینجمنٹ کمپنی کا کوئی سویپر اگر آ بھی جائے تو علاقے کی کچھ گلیوں کی صفائی کرتے ہیں اس کے بعد ان علاقوں والوں کو پھر ایک مہینہ سویپر کا انتظار کرنا پڑتا ہے ان کے بارے میں مقامی انتظامیہ کو کافی مرتبہ آگاہ کیا گیا لیکن ان کی طرف سے کوئی مثبت ردعمل نہیں آیا ذرائع کے مطابق اب تو ویسٹ منیجمنٹ کمپنی والوں نے سٹی ایریا کا سارا کوڑا کرکٹ بھی گنجان آباد علاقوں میں ڈالنا شروع کر دیا ہے ان علاقوں کے لوگوں نے شکایت کی ہے کےویسٹ منیجمنٹ کمپنی کے ڈرائیور ٹرالیوں پر بغیر کورنگ کے کوڑا کرکٹ آبادیوں سے ایسے لے کر جاتے آتے ہیں جیسے یہاں پر انسان نہیں جانور رہائش پذیر ہوں خدارا مقامی انتظامیہ ان علاقوں پر کچھ رحم کرو مقامی لوگوں نے ویسٹ مینجمنٹ کمپنی کے چیف آفیسر جواد حسن گوندل سے درخواست کی ہے کہ برائے مہربانی ان علاقوں پر نظرثانی کریں اور جو ٹریکٹر ٹرالی کوڑا کرکٹ بغیر کورنگ کے لے کر جائے اس پر بھی سخت ایکشن لیں تاکہ یہاں نزدیکی آبادیوں کے لوگ کسی وبائی امراض کے شکار ہونے سے بچ سکیں