Author: ڈاکٹرغلام مصطفی بڈانی

ڈیرہ اسماعیل خان،باغی ٹی وی (نامہ نگار)سکھر سیشن جج کورٹ روم سابق وفاقی وزیرسردار علی امین خان گنڈہ پور کو نا جائز جیل میں رکھنے اور رہا نہ کرنے کے متعلق کیس کی سماعت ،حکومتی پراسکیوٹر نے اسلام آباد اور لاہور کیس میں ضمانت بانڈز نا جمع کروانے کی وجہ عدالت میں پیش کی جس کی وجہ سے سردارعلی امین خان گنڈہ پورکو رہا نہیں کیا گیا جبکہ دوسرے جانب سردارعلی امین خان گنڈہ پور کے وکیل نے اسلام آباد اور لاہور کیس میں ضمانت کا فیصلہ متعلقہ جج کی عدالت میں پیش کردیا ۔ اس موقع پر سابق وفاقی وزیرسردارعلی امین خان گنڈہ پورکے وکیل کا کہنا تھاکہ پولیس کے پاس مزید ایسا کوئی جواز باقی نہیں رہاہے جس کی وجہ سے سردارعلی امین خان گنڈہ پورکو رہا نہیں کیاجارہاہے ۔اس سلسلے میں ڈیرہ کے عوامی سماجی سیاسی حلقوں نے شدید ردعمل کااظہارکرتے ہوئے کہاکہ عدالتوں سے ضمانتیں ملنے کے باوجود رفرزندڈیرہ سردارعلی امین خان گنڈہ پور کو رہانہ کرنا زیادتی ہے ۔انہوں نے کہاکہ سردارعلی امین خان گنڈہ پور کی رہائی نہ ہونا حکومت کی جعلسازی کوعیاں کرتاہے ۔ انہوںنے کہاکہ عدالتوں سے ضمانتیں ملنے کے بعد حکومت کو چاہیے کہ سردارعلی امین خان گنڈہ پور کو فوری رہاکیاجائے ۔

ڈیرہ اسماعیل خان،باغی ٹی وی(نامہ نگار)مین عیدگاہ کلاں سے ملحقہ گلیاں صفائی نہ ہونے کی وجہ سے گندگی کے ڈھیر میں تبدیل،نکاسی آب کاگنداپانی جابجاگلیوں میں پھیلنے سے جوہڑکے مناظرپیش ہونے لگے ،گندگی کے ڈھیروں پر مچھروں کی بہتات ہونے سے عوام ملیریاسمیت دیگربیماریوں میں مبتلاہونے لگی ، گندگی کے ڈھیروں سے تعفن اوربدبوپھیلنے سے عوام کومشکلات کاسامنا،اہلیان علاقہ کاصفائی نہ ہونے پرچیف ایگزیکٹوآفیسر واسا کے خلاف سخت غم وغصے کا اظہاراورڈپٹی کمشنر ڈیرہ منصورارشد سے نوٹس لیتے ہوئے انکوائری کا مطالبہ ۔تفصیلات کے مطابق چیف ایگزیکٹوواسا کی نااہلی اورعدم دلچسپی کے باعث مین عیدگاہ کلاں سے ملحقہ محلوں کی گلیو ں کی صفائی نہ ہونے کی وجہ سے گندگی کے ڈھیر میں تبدیل ہوگئی ہیں۔ہرطرف گندگی کے ڈھیر پڑے ہوئے ہیں جنہیں کوئی اٹھانے والانہیں ہے ۔واسا عملہ صفائی نہیں کرتاجس کی وجہ سے مسائل میں اضافہ ہورہاہے جبکہ نکاسی آب کاگنداپانی جابجاگلیوں میں پھیلنے سے جوہڑکے مناظرپیش کرنے لگاہے۔گندگی کے ڈھیروں پر مچھروں کی بہتات ہونے سے عوام ملیریاسمیت دیگربیماریوں میں مبتلاہونے لگی ہے۔ گندگی کے ڈھیروں سے تعفن اوربدبوپھیلنے سے عوام کوشدید مشکلات کاسامناکرناپڑرہاہے ۔،اہلیان علاقہ نے ڈپٹی کمشنرڈیرہ منصورارشد سے فرائض میں کوتاہی پر چیف ایگزیکٹوواساکے خلاف نوٹس لینے اورانکوائری کا مطالبہ کیاہے۔

ڈیرہ اسماعیل خان،باغی ٹی وی (نامہ نگار)ضلعی انتظامیہ ڈیرہ اسماعیل خان مہنگے داموں پٹرول فروخت کرنے والے پمپس مالکان کے خلاف سر گرم ،عوامی سماجی حلقوں کی شکایت پرکم پیمانہ اور مقرر نرخوں سے زائد قیمت پر پٹرول فروخت کرنے والے پٹرول پمپوں کے خلاف ضلعی انتظامیہ ڈیرہ کی کارروائی، گزشتہ دنوں النور فلنگ اسٹیشن نزد سگو، مین بنوں روڈ کے خلاف اسسٹنٹ کمشنر ڈیرہ فرحان احمدکو شکایت موصول ہوئی جس کے تحت انتظامیہ النور فلنگ اسٹیشن اوگرا نرخوں سے زائد قیمت پر پٹرول کو فروخت کر رہے تھے۔ شکایت موصول ہوتے ہی اسسٹنٹ کمشنر ڈیرہ فرحان احمد نے تحصیلدار ڈیرہ ساجد سلیم کے ہمراہ موقع پر پہنچ کر زائد نرخ وصول کرنے پر پمپ کو پر سیل کر دیا بعد ازاں لازمی کاروائی مکمل ہونے پر مجوزہ پمپ جرمانہ بھی عائد کر دیا گیا۔ اس موقع پر اسسٹنٹ کمشنر ڈیرہ فرحان احمد کا کہنا تھا کہ ضلعی انتظامیہ ڈیرہ کے افسران اپنی کاروائیاں جاری رکھیں گے اور معیار پر پورا نہ اترنے اور زائد قیمت پر پٹرول فروخت کرنے والے پیٹرول پمپس کے خلاف سخت کاروائیاں عمل میں لائی جائیں گی۔انہوں نے کہاکہ تمام پمپس مالکان اپنا قبلہ درست کر لیں۔ کسی کو بھی غیر قانوںی طور پر ریٹ بڑھانے کی گنجائش نہیں ہے اور زائد قیمت وصول کرنے والے پمس کو نہ صرف سیل کر کے بھاری جرمانہ عائد کیا جائے گا بلکہ ان کے خلاف قانونی کاروائی عمل میں لا کر ان کے لائسنس بھی کینسل کر دیے جائیں گے۔ اسسٹنٹ کمشنرڈیرہ فرحان احمد نے شہریوں سے بھی اپیل کی کہ وہ زائد نرخوں اور کم پیمانہ پٹرول فروخت کرنے والے پٹرول پمپس کی نشاندہی کریں تاکہ ان کے خلاف کاروائی کی جائے۔

ڈیرہ اسماعیل خان،باغی ٹی وی (نامہ نگار)وفاقی وزیر فیصل کریم کنڈی اورٹکاخان ثانی کی اسلام آباد پمز ہسپتال میں صبغت اللہ مغل کی عیادت
تفصیل کے مطابق وفاقی وزیربرائے مملکت برائے غربت و سماجی تحفظ اور پاکستان پیپلز پارٹی کے مرکزی سیکرٹری اطلاعات فیصل کریم کنڈی کی سینئرصحافی صبغت اللہ مغل کی عیادت کیلئے پمزہسپتال اسلام آباد آمد، صبغت اللہ مغل ایک بے باک اورنڈرصحافی ہیں ،وفاقی وزیرمملکت فیصل کریم کنڈی کا صبغت اللہ مغل کی جلد صحت یابی اور نیک خواہشات کا اظہارکیا-
اسی طرح نجی ٹی وی کے اسلام آباد سے چیف رپورٹرٹکاخان ثانی کی اسلام آبادپمز ہسپتال آمد، روڈایکسیڈنٹ میں زخمی ہونے والے ڈیرہ اسماعیل خان کے سینئرصحافی صبغت اللہ مغل کی عیادت اوران کے زخمی ہونے پر افسوس کا اظہار کیا، اس موقع پرباغی ٹی وی کے احمدنوازمغل اورفرازاحمدمغل بھی موجودتھے۔ جنہوں نےوفاقی وزیر فیصل کریم کنڈی اورٹکاخان ثانی کی ہسپتال آمداوراپنے والد کی عیادت پر ان کا تہہ دل سے شکریہ اداکیا۔

کندھ کوٹ ،باغی ٹی وی (مختیار احمد اعوان)پاکستان فیڈرل یونین آف جرنلسٹس کی کال پر یونین آف جرنلسٹس کشمور کندھ کوٹ کی جانب سے صحافیوں پرتشدد،قاتلانہ حملوں اور ارشد شریف کے قاتلوں کی گرفتاری کیلئے مظاہرہ
تفصیلات کے مطابق
کندھ کوٹ پاکستان فیڈرل یونین آف جرنلسٹس کی کال پر یونین آف جرنلسٹس کشمور کندھ کوٹ کی جانب صحافیوں پرتشدد،قاتلانہ حملوں اورارشد شریف کے قاتلوں کی گرفتاری کیلئے کندھ کوٹ پریس کلب میں احتجاجی مظاہرہ کیا گیا مظاہرے کے شرکاء کی زوردار نعرے بازی مظاہرے کی قیادت یونین آف جرنلسٹس کے صدر علی حسن ملک ،پریس کلب کے صدر مسعود عالم سومروں ،یونین آف جرنلسٹس کے جنرل سکریٹری غلام رسول میرانی ،سینئر صحافی دلیپ کمار ٹھاکر ،راجہ گوپی چند ،بقا محمد بھنگوار ،حفیظ ملک ،حضور بخش منگی ،غلام یاسین لاشاری اور دیگر صحافیوں نے کی مظاہرے میں غلام یاسین اوگاہی ،نصیر احمد منگی ،علی اکبر بھنگوار ،سلیم میرانی،قدرت اللہ میرانی،علی شیر ملک ،وقار احمد اعوان اور دیگر صحافی شریک تھے اس موقع پر صحافی رہنماؤں کا کہنا تھا کہ آزادی صحافت کے لیے ہماری جدوجھد جاری رہے گی یوم صحافت کے موقع پر آزاد صحافت اور شہید ارشد شریف کے قاتلوں کی گرفتاری کیلئے احتجاجی مظاہرے کیے جا رہے ہیں شہید ارشد شریف کے قاتلوں کو کیفرِ کردار تک پہنچا کر صحافیوں کے ساتھ انصاف کیا جائے یونین آف جرنلسٹس کے رہنماؤں کا مطالبہ

ڈیرہ غازیخان (باغی ٹی وی )سابق وزیر اعلیٰ پنجاب چودھری پرویز الہٰی کے مشیر چودھری طارق زمان گجر کو گرفتار کر لیا گیا۔
ذرائع کے مطابق سابق مشیر وزیراعلیٰ پنجاب چودھری طارق زمان گجر کو اینٹی کرپشن نے گرفتار کیا ہے۔ چودھری طارق زمان گجر کو سرکاری زمین پر مبینہ قبضہ کیس میں گرفتار کیا گیا ہے۔سابق چیف آفیسر ضلع کونسل چوہدری ارشد کو بھی اینٹی کرپشن نے گرفتار کر لیا۔
یاد رہے کہ جنوری 4, 2023 کوباغی ٹی وی نے تفصیل کے ساتھ ایک خبر لگائی تھی اس خبر کےمطابق سابق وزیراعلیٰ عثمان بزدار کے دور حکومت میں ڈیرہ غازیخان میں اربن ٹرانسپورٹ فیصل موور کی مبینہ طوربہاولپور سے پرانی پھٹیچرقسم کی بسیں منگواکر تونسہ اور ڈیرہ غازیخان میں کچھ عرصہ کیلئے چلائی گئیں ،جب کووڈ آیا تو طارق زمان گجرنے کووڈ کے بہانے اربن ٹرانسپورٹ سروس بندکرکے اسی اڈے سے بین الصوبائی بس سروس شروع کردی اورمبینہ طور پرکوئٹہ اورکراچی سے سمگلنگ اورنان کسٹم پیڈ سامان ،منشیات ،چھالیہ ،گٹکہ اور دیگر غیرقانونی اشیاء کی سپلائی کی محفوظ چین بنالی ۔اس غیرقانونی اڈے پرایک پینافلیکس لگا ہواہے جس پر طارق زمان گجر مشیر وزیر اعلی پنجاب لکھا ہواہے،اس غیرقانونی اڈے کی عقب میں پختہ سڑک موجود ہے جسے بندکرکے غیرقانونی اڈہ قائم کیاگیا،اس بندکئے گئے روڈ کوکھلوانے کیلئے شہریوں نے ہائی کورٹ میں رٹ پٹیشنز دائر کیں ،ہائیکورٹ میںسابق کمشنر طاہر خورشید جو عثمان بزدار کا فرنٹ مین کہلاتا تھا نے جھوٹا تحریری بیان دیا کہ راستہ کھولا جاچکا ہے،جبکہ اسسٹنٹ کمشنر نے ایک رپورٹ دی جس میں راستہ بند کرکے قبضہ کرنے کی تصدیق کی گئی ہے ۔اس رپورٹ میں سپیشل برانچ کا تائیدی تذکرہ بھی موجود ہے،
یہ بھی پڑھیں‌
ڈی جی خان:مونس الٰہی کے مبینہ فرنٹ مین کا اربن ٹرانسپورٹ کی آڑمیں سرکاری زمین پر قبضہ ،اسی اڈے سے بین الصوبائی بس سروس شروع کردی
اسسٹنٹ کمشنر کی بابت ایک اور رپور ٹ سیکرٹری آر ٹی اے کی ہے میں انہوں نے لکھا کہ طارق زمان گجر کو زبانی حکم پر اربن ٹرانسپورٹ چلانے کیلئے قبضہ دلایا گیا ،اور اب اس نے اربن ٹرانسپورٹ بند کرکے بین الصوبائی سروس شروع کررکھی ہے،طارق زمان گجرکو بغیرٹینڈرز اربن ٹرانسپورٹ کا ٹھیکہ دیاگیا،مونس الٰہی کا مبینہ فرنٹ مین یا اے ٹی ایم مشین جسے سی ایم پنجاب کے مشیر کاٹیگ لگایاہوا ہے۔
اسی کیس میں گذشتہ شب سابق وزیر اعلیٰ پنجاب چودھری پرویز الہٰی کے مشیر چودھری طارق زمان گجر کو گرفتار کیا گیا ہے.