Author: ڈاکٹرغلام مصطفی بڈانی

سرگودھا، باغی ٹی وی(نامہ نگار،ملک شاہ نواز جالپ )مزدوروں سے اظہار یکجہتی کیلئے محض تقریروں کی بجائے ان کے بنیادی حقوق کیلئے عملی اقدامات کرنے چاہئےں۔ مزدور طبقہ آج مہنگائی کے دور میں خود کشیوں پر مجبور ہے حکومت کو چاہےے کہ مہنگائی کو کنٹرول کرنے کے ساتھ ساتھ مزدور کی اجرت ایک تولہ سونا کے برابر کرنے کیلئے قانون بنائے۔ ان خیالات کا اظہار یوم یکجہتی مزدور کے موقع پر امیر جماعت اسلامی ضلع سرگودھا میاں اویس قاسم تلہ، امیر سٹی اختر رسول ،شمس نوید چیمہ ایڈووکیٹ، ضلعی جنرل سیکرٹری ملک فضل الہٰی نے سرگودھا پریس کلب میں پریس کانفرنس سے خطاب کرتے ہوئے کیا۔انہوںنے کہا کہ مزدور پر ظلم ڈھانے اور مزدور کی آواز دبانے کیلئے تمام طبقات سیاستدان ، اسٹیبلشمنٹ اور عدلیہ کوئی کسر اٹھا نہیں رکھتی آج تک کسی بھی حکومت نے مزدور طبقہ کو بنیادی سہولیات کی فراہمی اور ان کے حقوق کے تحفظ کیلئے نا ہی کوئی آئین سازی کی ہے اور نہ ہی عملی اقدامات کےے ہیںجماعت اسلامی سرگودھا نے ہمیشہ مزدور طبقہ کی ناصرف مدد کی ہے بلکہ انہیں اپنے پاو¿ں پر کھڑا کرنے کیلئے الخدمت فاو¿نڈیشن کے ذریعے سلائی مشین سکیم اور آسان قرضہ جات جیسے اقدامات اٹھارہی ہے ۔امیر جماعت اسلامی میاں اویس قاسم تلہ نے کہا کہ مولانا ہدایت الرحمن بلوچ جو کہ خود بھی ایک متوسط طبقہ سے تعلق رکھتا ہے نے غریب مزدوروں کیلئے آواز بلند کی جس کی پاداش میں انہیں ایک جھوٹے مقدمہ میں گرفتار کیا گیا جس کی جتنی مذمت کی جائے کم ہے اس گرفتاری کے خلاف جماعت اسلامی ملک گیر احتجاج کررہی ہے۔انہوںنے کہا کہ عوام کو چاہےے کہ وہ عوامی نمائندوں کے انتخاب کے دوران ان لوگوں کو منتخب کریں جو کہ غریبوں اور متوسط طبقہ کے حقوق کے تحفظ کیلئے عملی اقدامات اٹھانے کی صلاحیت رکھتا ہو جب تک عوام کے حقیقی نمائندے اقتدار میں نہیں آئیں گے اس وقت تک ملک کے حالات نہیں بدل سکتے۔جماعت اسلامی کی بنیادی پالیسی وسائل کی منصفانہ تقسیم ہے ۔انہوںنے کہا کہ پی ڈی ایم جماعتیں اور پی ٹی آئی کا ایک ہی ایجنڈا ہے کہ ملکی وسائل کو لوٹا جائے پی ڈی ایم کی حکومت اور پی ٹی آئی حکومت نے پاکستان کے وسائل کو جس بے دردی سے لوٹا ہے اس کی وجہ سے آج پاکستان معاشی مشکلات کا شکار ہے ان دونوں جماعتوں کاایجنڈا صرف اور صرف لوٹ مار ہے ۔ایک سوال کے جواب میں انہوںنے کہا کہ جماعت اسلامی کسی بھی جماعت کے ساتھ الحاق نہیں کریگی بلکہ تمام حلقوں میں اپنے امیدوار کھڑے کریگی۔

اوچ شریف،باغی ٹی وی (نامہ نگار حبیب خان)بہاولپور کی صوبائی حیثیت بحالی تک چین سے نہیں بیٹھیں گے کیپٹن ر سید سلمان مہتاب شاہ کا تمام سیاسی جماعتوں،عوامی نمائندوں اور بیوروکریسی کو واضح پیغام، نئی سیاسی پارٹی متعارف کرانے کا اعلان،
صوبہ بحالی بہاولپور تحریک زور پکڑ گئی بانی تحریک کیپٹن (ر) سید سلمان مہتاب شاہ نے پاکستان میں نئی سیاسی پارٹی متعارف کرانے کا اعلان کر دیا
صوبہ بحالی بہاولپور تحریک کے بانی کیپٹن ر سید سلمان مہتاب شاہ نے بہت بڑے اجتماع سے خطاب کرتے ہوئے کہا ہے کہ بہاولپور کی دھرتی پاکستان کو سب سے زیادہ ریوینیو دینے والا ایک قیمتی زمین کا ٹکڑا ہے جو 43 بلین ڈالر سے زیادہ ریونیو کی مد میں دیتا جبکہ اس کے جواب میں ترقیاتی فنڈز کی مد میں صرف چھ ساڑھے چھ بلین ڈالر بمشکل خرچ کیا جاتا ہے جبکہ ملازمتوں کے کوٹہ میں شدید حق تلفیوں کو ہمارا مقدر بنا دیا گیا ہے اور اس پر سب سے بڑا ظلم یہ ہے کہ ملنے والے ملازمتوں کے کوٹے کی بھی چند مقامی سیاستدان بھاری قیمت وصول کر لیتے ہیں انہوں نے کہا ہے کہ قیام پاکستان کے وقت ریاست بہاولپور کی دی گئی قربانی کو آج تمام سیاسی جماعتوں اور عوامی نمائندوں نے پس پشت ڈال کر یہاں کی عوام کو محرومیوں کی طرف دھکیل دیا ہے ۔
نواحی علاقے کوٹلہ رحمت علی شاہ کے مقام پر کیپٹن ر سید سلمان مہتاب شاہ کی قیادت میں صوبہ بحالی بہاولپور تحریک کی جانب سے ایک سینمار کا انعقاد کیا گیا جس میں تحصیل احمد پور شرقیہ بھر سے عوام اور میڈیا گروپوں نے شرکت کی ۔
اس موقع پر صوبہ بحالی بہاولپور تحریک کے بانی کیپٹن ر سید سلمان مہتاب شاہ نے بہاولپور کی صوبائی حیثیت بحالی تحریک کو پراپر چلانے کے لیے اپنی کینیڈین نیشنیلٹی چھوڑنے کا اعلان کرتے ہوئے کہا ہے بہاولپور کی صوبائی حیثیت بحالی تک وہ چین سے نہیں بیٹھیں گے۔
صوبہ بحالی بہاولپور تحریک نے بہاولپور کی صوبائی حیثیت بحالی کی قرار داد اسمبلی میں کے جانے کے لیے پاکستان میں ایک الگ سیاسی جماعت رجسٹرڈ کرنے کا بھی اعلان کیا، جس کے نام کا اعلان مشاورت کے بعد کیا جائے گا اس موقع پر میڈیا کلب احمد پور شرقیہ ،متحدہ پریس کلب اوچ شریف، آزاد میڈیا گروپ چنی گوٹھ، نوائے اوچ میڈیا گروپ کے نمائندوں نے بہاولپور صوبہ بحالی کیلئے سید سلمان مہتاب کے ساتھ مل کر متفقہ قرارداد منظور کرتے ہوئے مل کر جدوجہد کرنے کا اعلان کیا اور اور علامتی اتحاد کی انسانی ہاتھوں کی زنجیر بنائی، تقریب میں کینیڈا سے تعلق رکھنے والے انجینئر معین، سجادہ نشین سید مجتبی شاہ، شیخ عزیز الرحمن، احمد خان بابر، سید مجتہد رضوی ،محمد اعجاز مغل، اظہرعلی دانش، جہانگیر خان لنگاہ، سلیم خان لنگاہ، شکیل خان، خادم حسین مہر، مہر خلیل احمد، انیسہ کنول، محمد؛ اسلم ہمشیرا ،سید تحسین عباس،علامہ محمد احمد سعیدی، صفدر علی حیدری، و دیگر نے شرکت کی

ڈیرہ اسماعیل خان،باغی ٹی وی (نامہ نگاراحمدنوازمغل )ضلعی صدر پی پی پی وامیدوارصوبائی اسمبلی ملک فرحان افضل دھپ کی رہائشگاہ پر پریس کانفرنس کاانعقاد، وفاقی وزیرمملکت فیصل کریم کنڈی کی خصوصی کاوشوں کی بدولت اوروفاقی وزیر سید خورشید شاہ کی خصوصی دلچسپی سے سیلاب میں متاثرہونے والی CRBCنہر کا افتتاح کیاجائے گا، وزیر اعظم پاکستان کے خصوصی فنڈز سے تعمیر ہونے والی سی آربی سی نہرکا وفاقی وزیرخورشید شاہ اپنے دست مبارک سے افتتاح کریں گے ، وفاقی وزیر مملکت فیصل کریم خان کنڈی کی خصوصی دلچسپی کے باعث پاکستان پیپلزپارٹی کے صوبائی صدر اوروفاقی وزیر مملکت محمد علی باچا بھی اس افتتاحی تقریب میں شرکت کریں گے ۔ان خیالات کا اظہارضلعی صدرپی پی پی اورامیدوارصوبائی اسمبلی ملک فرحان افضل دھپ نے اپنی رہائش گاہ پر منعقدہ پریس کانفرنس کے دوران کیا۔ انہوں نے کہاکہ وفاقی وزیرمملکت فیصل کریم خان کنڈی کی کاوشوں کی بدولت وزیراعظم پاکستان کے خصوصی فنڈز سے سیلاب سے متاثرہ سی آربی سی نہرکی تعمیر ومرمت کردی گئی ہے جس کا باقاعدہ افتتاح وفاقی وزیر سید خورشید شاہ اپنے دست مبارک سے کریں گے ۔انہوں نے کہاکہ شہید ذوالفقار علی بھٹو نے سی آر بی سی نہر ڈیرہ اسماعیل خان کے لیے منظوری دے کر عظیم حسان کیاتھاجبکہ وفاقی وزیر مملکت فیصل کریم خان کنڈی کی کاوشوں کی بدولت ضلع ڈیرہ اسماعیل خان کے لیے پی آئی اے آفس کھولنے کی منظوری، پی آئی ڈی آفس کاقیام، پی ٹی وی آفس، اے پی پی آفس دوبارہ دکھول دیے گئے ہیں ۔ضلع صدرپی پی پی وامیدوارصوبائی اسمبلی ملک فرحان افضل دھپ نے کہاکہ پی پی پی غریب کسانوں کی جماعت ہے جس کا ملکی معیشت میں اہم کردارہے ۔ انہوںنے کہاکہ وفاقی وزیرمملکت کے کسانوں زمینداربھائیوں کی مشکلات دورکرنے کیلئے انتہائی اہم قدم اٹھایاہے جس کی جتنی بھی تعریف کی جائے کم ہے۔

ڈیرہ اسماعیل خان،باغی ٹی وی (نامہ نگاراحمدنوازمغل)سابق وفاقی وزیرسردار علی امین خان گنڈہ پور کو عدالت کے احکامات کے باوجود رہا نہ کرنے پر قائد حزب اختلاف سندھ حلیم عادل شیخ کی جانب سے شدید مذمت ،سردارعلی امین خان گنڈہ پور کو جھوٹے کیسز میں سندھ لاکر شکارپور کے جھوٹے کیس میں ریلیزآڈرپر سکھرپہنچایا گیا تھا ۔عدالت سے مٹھی کے جھوٹے کیس میں بھی ٹرانزسٹ بیل مل گئی ہے اور ہمارے وکلاء دونوں آڈرز لے کر سکھرسنٹرل جیل پہنچے لیکن سردارعلی امین خان گنڈہ پورکورہا نہیں کیا گیا۔قائد حزب اختلاف سندھ حلیم عادل شیخ نے کہاکہ سکھر جیل حکام نے اپنے آقاؤں کے کہنے پر پرسردارعلی امین گنڈہ پور کو رہا نہیں کیاہے ۔انہوں نے کہاکہ کسی کو غیر قانونی طور پر قید رکھا نہیں جاسکتا ہے جبکہ سابق وفاقی وزیرسردارعلی امین گنڈہ پور کوغیر قانونی طور پر حبس بے جا میں رکھا گیا ہے۔ حلیم عادل شیخ نے کہاکہ سندھ حکومت کسی کے جان سے نہ کھیلے۔انہوں نے گفتگومیں کہاکہ سردار علی امین خان گنڈہ پور کی زندگی کو خطرہ ہے اور پکے کے ڈاکو اغوا کر کے کچے کے ڈاکوئوں کے حوالے کر سکتے ہیں۔قائد حزب اختلاف حلیم عادل شیخ نے کہاکہ جیل حکام نے سردارعلی امین خان گنڈہ پور کو رہانہ کرکے توہین عدالت کی ہے ۔انہوں نے کہاکہ زرداری مافیا کی سندھ حکومت اتنا ظلم کرے جتنا بعد میں برداشت کر سکے۔انہوں نے کہاہمیں خدشہ ہے کہ کہیں علی امین گنڈاپور کو مسنگ پرسن نہ بنادیا جائے۔انہوں نے کہاکہ عدالت سے سابق وفاقی وزیرسردارعلی امین خان گنڈہ پورکی رہائی کے آڈر مل چکے ہیں لہٰذافوری طور پرسردار علی امین گنڈہ پور کو رہا کیا کیا جائے۔

ڈی جی خان،باغی ٹی وی (نامہ نگارشہزادخان) پی ایچ اے نے عیدالفطر پر عوام کو بہترین تفریح اور صاف ستھرا صحت افزا ماحول فراہم کیا
تفصیل کے مطابق پی ایچ اے ڈی جی خان کےتمام انتظامی اور فیلڈ سٹاف نے دوران تعطیلات عیدالفطرکے دوران عوام الناس کو بہترین تفریح اور صاف ستھرا صحت افزا ماحول فراہم کرنے کیلئیے ڈی جی پی ایچ اے ڈیرہ غازی خان طاہر جاوید انصاری کے حکم پر شبانہ روز مستعدی اور دلجمعی سے کام کیا۔ تمام پارکس عید کی چھٹیوں میں اہلیان شہر کیلئے کھلے رہے اور عملہ بھی موجود رہا۔
عیدالفطر کی تعطیلات کے بعد تمام پارکس کی تزئین و آرائش کے کام کا آغاز فوری کر دیا گیا ہے جس میں پارک میں لگے جھولوں گراسی پلاٹس واکنگ ٹریکس اور پودوں کی دیکھ بھال اور مرمت کا کام شامل ہے۔ ان کاموں کا آغاز ڈی جی PHA نے اپنی نگرانی میں کشمیر پارک سے صبح سے شروع کرایا اور دن کے اختتام تک بذات خود موجود رہ کر اس بات کو یقینی بنایا کہ پارک کی صفائی تزئین و آرائش کی بحالی کا کام بااحسن مکمل ہو۔ اسی طرح پی ایچ اے تمام پارکس کو صاف و شاداب رکھنے میں کوشاں ہے۔