Author: ڈاکٹرغلام مصطفی بڈانی

کوئٹہ،باغی ٹی وی ( نامہ نگار زبیر خان آکاخیل ) سبزل روڈ نزد کلی بنگزئی مین روڈ کے سامنے کوڑے کرکٹ کے ڈھیر لگ گئے
تفصیل کے مطابق کوئٹہ میں سبزل روڈ نزد کلی بنگزئی مین روڈ کے سامنے کوڑے کرکٹ کے ڈھیر لگ گئے ہیں جس کی وجہ سے ہرطرف گندگی پھیل چکی ہے ،جس سے مختلف خطرناک متعددی بیماریاں پھیلنے کا خدشہ ہے، جس کی وجہ سے اہلیان علاقہ شدید مشکلات کا شکار ہیں، اہلیان علاقہ نے میڈیا سے بات چیت کرتے ہوئے کہا کہ گندگی کے اس ڈھیر کی وجہ سے ماحول تعفن زدہ ہوچکاہے، گھروں میں بھی بد بو اور مچھروں کی بہتاب ہوگِئی ہے اور آنےجانے والے لوگوں خاص طورپر مسجد تک جانے والے نمازیوں کو شدیدپریشانی کا سامنا کرنا پڑتا ہے ،شہریوں نے مزید بتایا کہ مکانوں اور بنگلوں کے درمیان ایک ڈیری فارم ہے اس ڈیری فارم کی وجہ سے بھی علاقہ میکن پریشان ہیں انہوں نے ایڈمنسڑیٹر میٹروپولیٹن کوئٹہ جاوید مینگل اور دہگر حکام بالا سے پرزور مطالبہ اور اپیل کی ہے کہ مین سبزل روڈ پر گندگی کے ڈھیر کو ہٹایا جائے علاقہ میکنوں کی پریشانی اور مشکلات کم کی جائیں

اوچ شریف،باغی ٹی وی (حبیب خان نامہ نگار )جعلی پیروں اور نجومیوں کی بھر مار سادہ لوح عوام کو لوٹنے لگے تعویز گنڈوں کے نام پر شہریوں سے لاکھوں روپے ہتھیانے جانے لگے شہریوں کا احتجاج
تفصیلات کے مطابق اوچ شریف کے نواحی علاقے کے رہائشی محمد قاسم خان ولد رستم خان شکرانی نے اپنے اہل علاقہ کے لوگوں کے ساتھ جعلی پیروں کے خلاف احتجاج ریکارڈ کرایا اہل علاقہ پلے کارڈز آٹھا رکھے تھے انہوں نے کہا کہ ہمارے علاقے سمیت اوچ شریف وگردونوح میں جعلی پیروں کوثر شاہ نامی۔ محمد اصغر ہاشم ولد اکبر موضع محمود ماتم بگو رام جانی رام پیپو رام بگو رام احمد بخش ٹاوری سمیت ا وچ شریف وگردونوح کے علاقوں میں درجنوں سے زائد چمکارے وجعلی نجومیوں ‘ڈبہ پیروں ‘عاملوں اور کاہنوں کاگھناؤنا اورجان لیوا دھندہ عرصہ دراز سے جاری ہے جہاں سادہ لوح افراد کوکالے جادواوردیگر شعبدہ بازیوں سے متاثرکرکے ان سے سرعام لاکھوں روپے ہتھیائے جارہے ہیں اکثرتماشبین جعلی اورڈبہ پیروں نے اپنے اڈوں میں خفیہ کمرے بنا رکھے ہیں جہاں ’’ضرورت مندی‘‘ کیلئے آنے والی خواتین کی عصمت دری بھی کی جاتی ہے انہوں نے کہا کہ اوچ شریف شہر اور اس کے گردونواح میں گلی محلوں ‘پوش علاقوں مین بازاروں اور مارکیٹوں وغیرہ میں سینکڑوں بداعمال کاہنوں ‘جعلی نجومیوں اورعاملوں وغیرہ نے اپنے مخصوص نیٹ ورک بنا رکھے ہیں۔ اکثرجعلی‘وڈبہ پیر وں نے سینکڑوں کی تعدادمیں تحصیل بھرمیں اپنے چیلے چھوڑ رکھے ہیں جوکہ ان کی کرامات کی فرضی کہانیاں بیان کرکے شہریوں کوبے وقوف بناکرانہیں بطور چارہ پیش کرکے اپنا کمشن وصول کرتے ہیں۔ غیرقانونی دھندے میں ملوث مذکورہ ڈبہ پیروں ‘جعلسازوں اورکاہنوں کے خلاف ضلعی انتظامیہ اورپولیس نے پراسرارخاموشی اختیارکررکھی ہے اورعرصہ دراز سے ایسے بداعمالوں کے خلاف کوئی بڑا کریک ڈاؤن دیکھنے میں نہیں آیاجبکہ شہریوں کی کثیرتعداد نے ایسے گھناؤنے دھندے میں ملوث افراد کے خلاف شدید احتجاج کرتے ہوئے ان کی فوری گرفتاری اوران کے اڈے ختم کرنے کامطالبہ کیا ہے اوراس سلسلہ میں بعض سرکاری ملازمین کاموقف جاننے کی کوشش کی گئی مگر انہوں نے اس پرکچھ بھی کہنے سے گریز کیاہے دوسری جانب علماء کرام اور وکلا نے اپنے بیان میں کہا کہ جعلی پیر روحانیت کے نام پر حیوانیت کا پرچار کر رہے ہیں، انہوں نے کہا کہ جہالت و گمراہی کے خاتمے کیلئے علماء سمیت سیاسی شخصیات بھی اپنا کردار ادا کریں او رقوم کو صحیح اسلامی تصوف سے آگاہ کریں، معاشرے میں پھیلنے والی سماجی برائیوں کیخلاف جہاد کرنا وقت کی اہم ضرورت ہے، عوام جعلی پیروں، عاملوں او ر جادوٹونہ کرنیوالوں سے بچیں اور اور اسلامی تعلیمات پر عمل پیرا ہوں، انہوں نے کہا کہ اسلام میں روحانیت کی آڑ میں غیر شرعی حرکات کی کوئی گنجائش نہیں، جس روحانی درگاہ پر شریعت کی پابندی نہ کی جاتی وہ خانقاہ نہیں دکان ہے، جعلی پیر پاکیزہ خانقاہی نظام کو بدنام کر رہے ہیں، غیر شرعی امور میں ملوث جعلی پیر اور عامل معاشرے کیلئے ناسور بن چکے ہیں اس لئے حکومت تصوف کو بدنام کرنیوالے جعلی پیروں اور عاملوں کیخلاف کریک ڈاؤن کرے

سیالکوٹ،باغی ٹی وی( سٹی رپورٹر )ایف آئی اے کی سمبڑیال ائرپورٹ پر کارروائی، جعلی ریزیڈنٹ کارڈ پر جرمنی جانے والا گرفتار
تفصیل کے مطابق سیالکوٹ ایف آئی اے کی سمبڑیال ائرپورٹ پر کارروائی، امیگریشن ڈیپارٹمنٹ کےشفٹ انچارج سب انسپکٹر اسد ضمیر نے جعلی ریزیڈنٹ کارڈ پر جرمنی سفر کرنے والے مسافر کو آف لوڈ کرکے گرفتار کرلیا، مسافر مزمل رضوان پرواز نمبر QR-631 سے جرمنی جارہا تھا اور گجرات سے تعلق رکھنے والے مسافر کی جانب سے پیش کیا جانے والا پولینڈ کا ریزیڈنٹ کارڈ جعلی نکلا، ایف آئی اے نے حراست میں لیا جس نے دوران تفتیش انکشاف کیا کہ وہ سال 2005 میں غیر قانونی راستے سے یورپ گیا تھا، ملزم گزشتہ اٹھارہ سال سے یورپ کے مختلف ممالک میں غیر قانونی رہائش پذیر رہا، ملزم نے پانچ ہزار یورو کے عوض پولینڈ کے ایجنٹ سے ریزیڈنٹ کارڈ حاصل کیا تھا بعد ازاں ایف آئی اے نے ملزم کو قانونی کارروائی کیلئے اینٹی ہیومن ٹریفیکنگ سرکل گجرات منتقل کردیا جہاں تفتیش جاری رہی-

سیالکوٹ ،باغی ٹی وی (سٹی رپورٹر شاہد ریاض )ڈی پی او کی زیرصدارت کرائم میٹنگ،ایس ڈی پی اوز اور ایس ایچ اوزکی شرکت
تفصیل کے مطابق ڈی پی او سیالکوٹ محمد حسن اقبال کی کانفرنس روم پولیس لائنز میں کرائم میٹنگ. ایس پی انویسٹی گیشن، ایس ڈی پی اوز، ایس ایچ اوز نے شرکت کی.
ڈی پی اوسیالکوٹ نے تھانہ جات کی انفرادی کارکردگی سے متعلق ،اندراج مقدمات، 15 کالز، مقدمات کے اندراج میں دی گئی ٹائم لائنز پر عملدرآمد، اشتہاری و مطلوب ملزمان کی گرفتاری اور سنگین مقدمات کی پراگریس کا جائزہ لیا. ڈی پی او سیالکوٹ نے تمام ایس ڈی پی اوز کو اپنے سرکل میں جرائم پر قابو پانے اشتہاریوں کو گرفتار کرنے اور زیر تفتیش مقدمات کو میرٹ کی بنیاد پر یکسو کرنے کے احکامات جاری کئے

کوئٹہ،باغی ٹی وی (نامہ نگار زبیرخان آکاخیل)بوگس ایف آئی آرز اور گرفتاریاں جنگل کے قانون کی عکاسی کر رہی ہیں – سالار خان کاکڑ
تفصیل کے مطابق پاکستان تحریک انصاف بلوچستان کی سینئیر قیادت پی ٹی آئی کے ایف آئی آر میں نامزد لیڈرشپ کے ہمراہ سیشن کورٹ کوئٹہ میں پیشی کے موقع پر موجود رہے،اس موقع پر سالار خان کاکڑ اور دیگرنے میڈیا سے بات کرتے ہوئے کہا کہ ہم آئین و قانون کو اپنا نصب العین بناکر سیاست کر رہے ہیں ،بوگس ایف آئی آرز اور گرفتاریاں جنگل کے قانون کی عکاسی کر رہی ہیں، منفی پروپیگنڈوں اور اوچھے ہتھکنڈوں سے ہمارے عزم پست نہیں بلکہ مزید بلند ہونگے

کوٹ ہیبت باغی ٹی وی (نامہ نگارشاہد خان )غازی پارک فلٹریشن پلانٹ کو شام 6 بجے تالے لگ گئے،شہری پانی کیلئے پریشان
تفصیل کے مطابق غازی پارک فلٹریشن پلانٹ جس سے شاہ فیصل( بہاری) کالونی، شمس آباد کالونی اور نزدیکی علاقے کے لوگ پانی بھرتے ہیں جو کہ سابق ایم پی اے حنیف خان پتافی نے موسٰی خان فاؤنڈیشن کے تعاون سے لگواکر دیا،اب یہ فلٹریشن پلانٹ من مانے لوگوں کی بھینٹ چڑھا ہوا ہے پلانٹ کو شام 6 بجے ہی بند کردیا جاتا ہے حالانکہ کے شہر میں فلٹریشن پلانٹ کی کلوز ٹائمنگ رات 10 بجے تک ہوتی ہے جس سے نزدیکی لوگوں کو پانی بھرنے کے لئے بہت مشکلات کا سامنا کرنا پڑ رہا ہے، شہر کےاس علاقہ میں زیرزمین پانی پہلے ہی صحت کے لئے مضر ہے، حنیف پتافی کی طرف سے نزدیکی آبادیوں کی پینے کے پانی کی ضروریات پوری کرنے کے لیے فلٹریشن پلانٹ دیا گیا ہے لیکن اب یہ پلانٹ مافیاء کے زیرکنٹرول آچکا ہے ،یہ فلٹریشن پلانٹ شیڈول کے اوقات کارکی بجائے اپنی مرضی سے کھلتا اور بند ہوتا ہے ،یہاں کے نزدیکی آبادیوں کے مکین مزدور طبقہ جب مزدوری کرکے گھر واپس لوٹتے ہیں تو جب غازی پارک فلٹریشن پلانٹ پر بھرنے جاتے ہیں تو بیشتراوقات میں فلٹریشن پلانٹ پر تالالگاہوتاہے تو انہیں پانی بھرنے کے لیےشہر کے فلٹریشن پلانٹ پر جانا پڑتا ہے نزدیکی فلٹریشن پلانٹ کا مقامی لوگوں کو کوئی خاص فائدہ نہیں ہو رہا، شہریوں نے انتظامیہ سے مطالبہ کیا ہے کہ فلٹریشن پلانٹ ڈیوٹی پر مامور فرد کو فلٹریشن پلانٹ مقررکردہ اوقات کارکے مطابق کھولنے اور بند کرنے کیلئے پابند کیاجائے تاکہ مقامی لوگوں کو پانی بھرنے کے لیے دشواری کا سامنا نہ کرنا پڑے –