Author: ڈاکٹرغلام مصطفی بڈانی

میرپور ساکرو،باغی ٹی وی (نامہ نگار قادرنواز کلوئی): زہریلی چائے پینے سے مرچیں چننے والی 6 خواتین سمیت 8 مزدور بے ہوش
تفصیل کے مطابق کیٹی بندر کے ساحلی علاقے میں مرچیں چننے والی6خواتین سمیت 8 مزدور زہریلی چائے پینے سے بے ہوش ہوگئے جنہیں باغان رورل ہیلتھ سنٹر لے جایاگیا،زہریلی چائے سے بے ہوش ہونے والوں نعیمہ ملاح،نذیراں جت، امام خاتون جت، عائشہ جت، رازدان ملاح، روبینہ جت، ساجد علی ملاح اور دوست علی جت شامل ہیں۔ہسپتال انتظامیہ نے بتایا ہے کہ بیہوش ہونے والوں کے ساتھی کارکنوں کا کہنا تھا کہ مرچیں چنتے ہوئے چائے پی، جس کے بعد وہ بے ہوش ہوگئے،باغان ہسپتال انتظامیہ نے خدشہ ظاہرکیا ہے کہ چائے زہریلی ہو سکتی ہے، ابتدائی طور پر بیہوش ہونے والوں کو طبی امداد دی گئی اور تین خواتین سمیت چار افراد کی حالت تشویشناک ہونے کے باعث انہیں سول ہسپتال ٹھٹھہ ریفر کیاگیا-

ڈیرہ غازیخان،باغی ٹی وی( شہزادخان نامہ نگار)پولیس کی کارروائی لاکھوں روپے مالیتی غیر ملکی موبائل فونز برآمد، غیر ملکی موبائل فونز سمگل کرنے کی کوشش ناکام۔
تفصیلات کے مطابق انچارج چیک پوسٹ سخی سرور جاوید احمد SI اور ایس ایچ او تھانہ سخی سرور شاہد اقبال SI کی کاروائی لاکھوں روپے مالیتی غیر ملکی موبائل فونز کی سمگلنگ کو ناکام بنا دیا اس حوالے سے ایس ایچ او تھانہ سخی سرور محمد شاہد نے بتایا کہ ایک بس جو کہ صوبہ بلوچستان سے پنجاب آ رہی تھی کو چیک کیا تو بس میں سے 138عدد غیر ملکی موبائل فونز غیر قانونی طریقہ سے سمگل ہو رہے تھے کو قبضہ پولیس میں لیکر مزید قانونی کاروائی کا آغاز کر دیا گیا ہے۔
ایس ایچ او تھانہ سخی سرور شاہد اقبال کا کہنا تھا کہ انسپکٹر جنرل آف پولیس پنجاب اور ڈی پی او محمد راشد ہدایت کے احکامات کی روشنی میں چیک پوسٹ پر چیکنگ کا نظام انتہائی سخت کیا ہوا ہے سخت چیکنگ کی بدولت آج لاکھوں روپے مالیتی غیر ملکی موبائل فونز کی سمگلنگ کو ناکام بنایا گیا۔

کندھ کوٹ ،باغی ٹی وی (نامہ نگار مختیار احمد اعوان)کندھ کوٹ میں ڈاکوؤں راج بڑھتی ہوئی بدامنی کے خلاف قومی عوامی تحریک کے جانب سے احتجاجی ریلی نکالی گئی
تفصیل کے مطابق ضلع کشمور کندھ کوٹ میں بھڑتی ہوئی بدامنی اور پولیس کی نااہلی کے خلاف قومی عوامی تحریک کی جانب سے گھنٹہ گھر چوک سے لیکر پریس کلب تک احتجاجی ریلی نکالی گئی، ریلی میں قومی عوامی تحریک کے رہنماؤں۔ مختلف سیاسی جماعتوں کے رہنماؤں اور کارکنان نے بڑی تعداد میں شرکت کی۔ ریلی کے شرکاء نے کشمور پولیس کی نااہلی اور امن کرواؤامن کرواؤ کی زوردار نعرے بازی کی۔ اس موقع پر مظاہرین کا کہنا تھا کہ ضلع کشمور میں پولیس امن و امان قائم کرانے میں ناکام ہو چکی ہے ہرروز درجنوں کی تعداد میں لوگو اغوا ہو رہے ہیں پولیس خاموش تماشائی بنی ہوئی ہے ضلع کشمور میں امن و امان آخر کون قائم کروائے گا ،؟ 36 سے زائد افراد ابھی تک ڈاکوؤں چنگل میں پھنسے ہوئے ہیں پوراضلع اس وقت بدامنی کی لپیٹ میں ہے۔ عوام خوف و ہراس میں مبتلا ہے، مظاہرین نے سندھ حکومت سے ضلع کشمور کی بدامنی کا نوٹس لیکر مغویوں کی بازیابی اور امن و امان کرانے کا مطالبہ کیا ہے ۔

کندھ کوٹ میں ڈاکوؤں کا راج بڑھتی ہوئی بدامنی کے خلاف قومی عوامی تحریک کے جانب سے احتجاجی ریلی نکالی گئی،
کندھ کوٹ سے مختیار احمد اعوان کی رپورٹ@BaaghiTV @MumtaazAwan @DMCSindhPolice pic.twitter.com/sj5A1K6gzR

— QNN WORLD (@QNN_World) April 28, 2023

کوئٹہ،باغی ٹی وی (نامہ نگار زبیرخان آکاخیل)کوئٹہ بروری تھانہ کی حدود عیسیٰ نگری میں سرعام شراب آئس شیشہ اور دیگر نشہ آور چیزوخت جاری ہے ،جس کی وجہ سے سبزل روڈ، بروری روڈ اور دیگر علاقوں کے نوجوان بچے نشہ میں عادی ہو رہے ہیں اس علاقے کے لوگوں کا کہنا تھا کہ ہم اپیل کرتے ہیں آئی جی بلوچستان ڈی آئی جی کوئٹہ اور تمام بالا افسروں سے کہ نشہ بیچنے والوں کے خلاف کارروائی کی جائے اور ایس ایچ او بروری کو معطل کر کے ایماندار ایس ایچ او مقرر کیا جائے تاکہ یہاں کی عوام کے بچوں کو ان نشہ آور چیزوں سے بچایا جا سکے.

اوچ شریف ،باغی ٹی وی (نامہ نگار حبیب خان )ٹرہلر نے موٹرسائیکل سواروں کوکچل ڈالا،3 جاں بحق
ٹرالر اور موٹر سائیکل میں خوفناک تصادم حادثہ کے نتیجے میں تین افراد جاں بحق افسوسناک حادثہ قومی شاہراہ پر اوچشریف کے قریب عباسیہ کنال کے مقام پر پیش آیا۔ تیز رفتار ٹریلر نے موٹر سائیکل سواروں کو کچل دیا حادثہ کے نتیجے میں تین موٹر سائیکل سوار جان کی بازی ہار گئے ۔
ریسکیو حکام کے مطابق افسوس ناک حادثہ قومی شاہراہ پر اوچشریف کے قریب عباسیہ کنال کے مقام پر پیش آیا،جاں بحق افراد کی شناخت 20 سالہ معاز ،22 سالہ عاصم اور 26 سالہ عتیق کے نام ہوئی جن میں سے دو چنی گوٹھ اور ایک رحیم یار خان کا رہائشی تھا ۔
تینوں ہلاک ہونے والے افراد کو رورل ہیلتھ سنٹر اوچشریف منتقل کر دیا گیا ہے