Author: ڈاکٹرغلام مصطفی بڈانی

سندھ میں یکم مئی کوعام تعطیل، نوٹی فکیشن جاری کردیا
تفصیل کے مطابق دنیا بھر کے دیگر کئی ممالک کی طرح پاکستان میں بھی یکم مئی کو مزدوروں کا دن منایا جائے گا، اس حوالے سے سندھ حکومت نے عام تعطلیل کا اعلان کیا ہے، اور اس حوالے نوٹیفکیشن بھی جاری کردیا ہے۔سندھ حکومت کی جانب سے جاری اعلامیے کے مطابق عالمی یوم مزدور پر سندھ کے سرکاری اور تعلیمی اداروں میں تعطیل ہوگی، اور یوم مزدور کے موقع پرسندھ کے مختلف شہروں میں تقریبات کا انعقاد بھی کیا جائے گا۔اس دن کو منانے کا مقصد امریکا کے شہر شکاگو کے محنت کشوں کی جدوجہد کو یاد کرنا ہے، جنہوں نے آٹھ گھنٹے کے اوقات کار کے لیے نتیجہ خیز جدوجہد کی۔

سرگودھا،باغی ٹی وی (نامہ نگار،ملک شاہ نواز جالپ ) سرگودھا سکول کا خوبصورت ماحول بچوں کی ذ ہنی نشونمااورتعلیم سے لگاؤ کے لیے بہت ضروری ہے۔آرپی او شارق کمال صدیقی
تفصیل کے مطابق بچے ہمارا مستقبل اور قیمتی اثاثہ ہیں اِن کو صاف ستھرے اور خوبصورت ماحول میں تعلیم دینا ہمارا فرض ہے جس سلسلہ میں دی ایجوکیٹر پولیس پبلک سکول میں ضروری مرمت اور تزئین و آرائش کا کام جاری ہے۔ان خیالات کا اظہار آر پی او شارق کمال صدیقی نے دی ایجوکیٹر پولیس پبلک ہائی سکول کا دورہ کرتے ہوئے کیا۔انہوں نے سکول کی ضروری مرمت اور تزئین و آرائش کے سلسلے میں ہونے والے کام کا تفصیلی جائزہ لیا۔اس موقع پر اے ڈی آئی جی عامر مشتاق نے بریفنگ دیتے ہوئے بتایا کہ بچوں کو خوبصورت ماحول فراہم کرنے کے لیے پھول لگائے گئے ہیں اور سکول کی دیواروں کومختلف آرٹ کے نمونوں سے دیدہ زیب بنا یا گیا ہے۔بچوں کی صحت کو ملحوظِ خاطر رکھتے ہوئے کنٹین پرصحت بخش اشیاء فراہم کی جائیں گی۔ اعلیٰ کوالٹی کا فلٹریشن پلانٹ نصب کیا گیا ہے جس کے پانی کا معیار لیبارٹری سے چیک کروایا گیا ہے۔ کمپیوٹر لیب میں جدید ترین کمپیوٹرزنصب کیے گے ہیں۔ بچوں کی غیر نصابی سرگرمیوں کے لیے کلاس رومز کو مزید خوبصورت اورسہولیات سے آراستہ کیاجا رہا ہے۔آر پی او شارق کمال صدیقی نے کام کی جلدتکمیل اور معیار کو برقرار رکھنے کے احکامات جاری کیے۔

چنیوٹ،باغی ٹی وی (نامہ نگارمہر طاہر سیال)غازیان ایلیٹ فورس کے اعزاز میں شاندار تقریب منعقد کی گئی
تفصیل کے مطابق ایلیٹ فورس آفس پولیس لائنز میں مہر یعقوب انسپکٹر انچارج مانیٹرنگ ایلیٹ فورس فیصل آباد اور
عمران خان سب انسپکٹر انچارج ایلیٹ فورس چنیوٹ کی زیر نگرانی غازیان ایلیٹ فورس چنیوٹ کے اعزاز میں تقریب منعقد ہوئی ،جس میں ملک دشمن عناصر اور جرائم پیشہ افراد کی سرکوبی کے لئیے بہترین کارکردگی دکھانے والے جوانوں کو خراج تحسین پیش کرنے اور ان کی حوصلہ افزائی کے لئے ان کی کارکردگی کو سراہتے ہوئے ان کی تصاویر کو دفاتر میں باقاعدہ آویزاں کیا گیا،سب سے اعلی کارکردگی پر مہر اختر علی سیال،عطا محمد بھروانہ ،ممتاز حسین چوکھیا،چمن عباس لونا،آصف علی،آصف ،وقارالحسن،مزمل حسین،عابد حسین ہرل،ثاقب ندیم ،شفیع اللہ،یسین اورعرفان اشرف کو اعزازات سے نوازا گیا-

گوجرہ، باغی ٹی وی(نامہ نگار عبدالرحمن جٹ)وفاقی پارلیمانی سیکرٹری پلاننگ اینڈ ڈویلپمنٹ ایم این اے چوہدری خالد جاوید وڑائچ نے مخالفین کا جھوٹا پروپیگنڈہ بے نقاب کر دیا ،مخالفین کو منہ کی کھانی پڑی۔ آج کروڑوں روپے کی واٹر سپلائی کا افتتاح مین حسنیہ کالونی روڈ پر اپنے دست مبارک سے کردیا، جھوٹ اور منافقت کی سیاست کرنا میرا شیوا نہیں ہے مخالفین نے ہمیشہ جھوٹ اور منافقت کا سہارا لیا ،یہ آپ کا حق تھا اور میرا فرض تھا آج مجھے خوشی محسوس ہو رہی ہے کہ جب عوام کی خدمت کرکے ان کا حق دینےان کی دہلیز پر پہنچ جاتا ہوں یہ میرا فرض اولین ہے سینکڑوں کارکنوں کی موجودگی میں عوام کے دلوں کی دھڑکن فخرگوجرہ چوہدری خالد جاوید وڑائچ عوامی خدمت میں دن رات کوشاں ہیں عوام کی طرف سے شاندار استقبال کیا گیا ،خالد جاوید وڑائچ زندہ باد ،مسلم لیگ نون زندہ باد ،محترمہ فوزیہ خالد وڑائچ زندہ باد ،چودھری عقبہ علی وڑائچ زندہ باد کے نعروں سے فضا گونج اٹھی-

اوکاڑہ،باغی ٹی وی (نامہ نگار ملک ظفر)تفصیلات کے مطابق چیف ایگزیکٹو آفیسر ڈسٹرکٹ ہیلتھ اتھارٹی اوکاڑہ کے دفتر میں ورلڈ ملیریا ڈے کے سلسلہ میں ایک سیمنیار ہوا جس میں سی ای او ڈاکٹر سیف اللہ نے شرکاءکو ملیریا بخار کی علامات کے متعلق بتایا اور کہا کہ ملیریا کے مریضوں کے لیے تمام ہسپتالوں میں مفت ٹیسٹ اور علاج کی سہولت موجود ہیں۔ سیمینا ر میں ڈسٹرکٹ ہیلتھ آفیسر ڈاکٹر سیداعجاز احمد شاہ ملیریا کی علامات اور بچاؤ کے طریقے بتاتے ہوئےکہا کہ ملیریا خطرناک بیماری ہے مگر قابل علاج ہے اس موقع پر چوہدری اصغرعلی سی ڈی سی آفیسر نے بتایا کہ ملیر یا کی بیماری کو ختم کرنے کے لیے مچھر کی افزائش کی جگہ اور تالاب وغیرہ جہاں مچھر کی افزائش ہوتی ہے ان جگہوں پرلاروی سائیڈ نگ مکینیکل ریموور سے کم کیا جاسکتا ہے۔
سیمینار کے اختتام پر سی ای او ڈاکٹر سیف اللہ اور ڈی ایچ او ڈاکٹر سید اعجاز شاہ کی قیادت میں ورلڈ ملیریا ڈے کے حوالہ سے آگاہی واک کا آغاز کیا گیا جس میں محکمہ صحت کا عملہ اور معزز شہریوں نے شمولیت کی۔ واک سی ای او دفتر سے شروع ہوئی اور ٹینک چوک میں اختتام پذیر ہوئی۔