Author: غنی محمود قصوری

قصور
نواحی گاؤں چھوٹا شیخ پورہ میں محنت کش کی جھگی کو آگ لگ گئی،دونوں کم سن بچے جھلس کر جانبحق،پورے علاقے میں سوگ

تفصیلات کے مطابق قصور کے نواحی گاؤں چھوٹا شیخ پورہ میں محنت کش محمد رفیق اور اس کی بیوی کھیتوں میں گندم کی کٹائی کیلئے گئے ہوئے تھے کہ ان کے گھر کیساتھ بنی جھگی میں اس کے دونوں بیٹے علی حمزہ اور احمد موجود تھے
بھانسوں سے بنی جھگی میں بچے کھیل رہے تھے کہ جھگی کو اچانک آگ لگ گئی اور آگ نے پوری جھگی کو اپنی لپٹ میں لے لیا جس کے نتیجے میں محنت کش محمد رفیق کے دونوں کم عمر بیٹے علی حمزہ اور احمد شدید جھلس کر جانبحق ہو گئے
بچوں کی ہلاکت پر پورے علاقے میں سوگ کی کیفیت ہے اور اہلیان علاقہ نے ضلعی انتظامیہ سے درخواست کی ہے کہ محنت کش کے ساتھ تعزیت کرنے کے ساتھ اس کی مالی مدد بھی کی جائے تاکہ وہ اپنا کھویا ہوا گھر دوبارہ بنا سکے اور غم کی اس گھڑی میں حکومتی سہارے کو اللہ کے بعد اپنی مدد جانے

قصور
واپڈا حکام کی نااہلی سے محلے کا ایک ٹرانسفارمر جلا،لوگوں نے لوڈ دوسروں پر کر لیا ،دو او جل گئے،گرمی و رمضان کیساتھ بغیر بجلی کے لوگوں کا تیسرا دن

تفصیلات کے مطابق قصور لیسکو نے نااہلی کی تمام حدیں کراس کر دی ہیں
لیسکو سب ڈویژن بہادر پورہ قصور کے علاقہ کھارا نزد قصور بائی پاس کا مین بازار چوک پکی دیورھی والا 200 kv کا ٹرانسفارمر 8 اپریل کی شام 7 بجے جل گیا جس پر اہلیان علاقہ نے لیسکو حکام کو مطلع کیا جہنوں نے کہا کہ ٹرانسفارمر جل گیا ہے تاہم مرمت نا کیا گیا جس پر مجبور ہو کر لوگوں نے اپنی تاریں قریبی کھمبوں پر لگا لیں جس کے باعث ان ٹرانسفارمروں پر لوڈ بڑھنے سے محلہ ملکانوالہ اور محلہ عیسیٰ خان والا کے دونوں ٹرانسفارمر بھی جل گئے
گرمی سے مجبور لوگوں نے اب اپنی تاریں دوسرے اور ٹرانسفارمروں پر لگا لی ہیں جس سے مذید ٹرانسفارمر جلنے کا خدشہ ہے
آج چوتھا روز گزرنے کے باوجود واپڈا حکام نے نا ہی پکی دیورھی چوک کا ٹرانسفارمر مرمت کیا ہے اور نا ہی اس کے متبادل ٹرانسفارمر لگایا گیا ہے جس کے باعث روزہ کی حالت میں لوگ گرمی سے نڈھال ہو گئے ہیں
واضع رہے کہ یہی ٹرانسفارمر گزشتہ ماہ 4 مارچ کو جلا تھا جسے 3 دن بعد مرمت کرکے لگایا گیا تھا
پہلے اس علاقے کے لوگ پیسے دے کر مرمت کروا لیا کرتے تھے مگر پچھلی مرتبہ سے لوگوں نے پیسے نہیں دیئے تو واپڈا حکام سرعام لوگوں کو کہہ رہے ہیں کہ پورا زور لگا لو پھر ہی ہم لگائیں گے ٹرانسفارمر پیسوں اور میرٹ کا مزہ چکھوں

شہریوں نے راشی محکمہ واپڈا کے ایس ڈی او سب ڈویژن بہادر پورہ کے خلاف ڈی سی قصور سے ازخود نوٹس لینے کا مطالبہ کیا ہے اور استدعا کی ہے کہ جلد سے جلد ٹرانسفارمر لگوایا جائے

قصور
شہر کے نواحی گاؤں کھارا میں نالیوں کا گندہ پانی گلیوں اور بازاروں میں، گلیاں بازار تالاب کا منظر پیش کرنے لگے، انتظامیہ خاموش تماشائی

تفصیلات کے مطابق قصور کے سب سے قریبی اور بہت بڑے گاؤں کھارا کے لوگ سخت اذیت میں مبتلا ہیں
اس گاؤں کی آبادی 32 ہزار کے قریب ہے مگر گاؤں کا سیوریج نظام بہت ہی خراب ہے جس کے باعث نالیوں کا پانی باہر راستوں اور گلیوں میں آجاتا ہے اور گلیاں بازار تالاب کا منظر پیش کرتے ہیں
ہر وقت گندہ پانی کھڑا ہونے سے گزرنے والے لوگوں اور نمازیوں کو بہت پریشانی کا سامنا کرنا پڑتا ہے
گندے پانی کی وجہ سے بہت موذی بیماریوں کے ساتھ ڈینگی جیسی موذی بیماری بھی پھیلنے کا خدشہ ہے
موضع کھارا کےلوگوں کا کہنا ہے موجودہ حکومت نے وعدے تو بہت کئے مگر وعدے ایفا نا ہوئے
گاؤں کے لوگوں نے ڈی سی قصور وزیراعلی پنجاب اور وزیرے اعظم سے مطالبہ کیا ہے کہ گاوں کھارا کی صفائی ستھرائی کروائی جائے تاکہ لوگ سکون کی زندگی گزار سکیں

قصور
شہر قصور و گردونواح میں رمضان بازاروں کے علاوہ دکانوں سے آٹا غائب،قصور کی ملیں آٹا دے نہیں رہیں ،دکانداروں کا مؤقف،10 کلو آٹے کے تھیلے کیلئے روزہ کیساتھ لائن میں لگنا مشکل ہے،شہریوں کا مؤقف

تفصیلات کے مطابق قصور اور گردونواح کے گاؤں دیہات میں آٹا نایاب ہو گیا ہے
چند ایک رمضان بازاروں میں آٹا موجود ہے جہاں سے حاصل کرنا ہر کسی کے بس کی بات نہیں
لمبی لائنیں ،سخت گرمی اور روزہ، بدلے میں 10 کلو آٹے کا تھیلا
شہریوں کا کہنا ہے کہ اتنی مشکل سے آٹا لینا روزہ کیساتھ بہت مشکل کام ہے
جبکہ قصور شہر اور گردونواح کے دیہات کی دکانوں سے آٹا غائب ہے دکانداروں سے پوچھنے پر بتایا گیا کہ قصور شہر کی ملیں آٹا نہیں دے رہیں جس کے باعث ہم مجبور ہو کر لاہور و رائیونڈ کی ملوں سے تھوڑا بہت آٹا لا کر بیچ رہے ہیں تاکہ ہمارے گاہکوں کو پریشانی نا ہو

شہریوں نے آٹے کی قلت پر ڈپٹی کمشنر قصور سے نوٹس لینے کی استدعا کی ہے

قصور
دفتر محکمہ ایکسائز اینڈ ٹیکنیشن سے لوگوں کو گاڑیوں کی نمبر پلیٹس نہیں دی جا رہیں ، دفتر میں نئی پلیٹوں کے ڈھیر لگے ہیں،شہریوں کا مؤقف،تصویر نہیں اتارنے دی جاتی

تفصیلات کے مطابق قصور دفتر ایکسائز اینڈ ٹیکنیشن میں گاڑیوں کی رجسٹریشن کروانے والوں کو کئی ماہ سے نمبر پلیٹس نہیں دی گئیں
سرکاری فیس کی ادائیگی پر دی جانے والی سلپ پر لکھا گیا ہے کہ کسی فنی خرابی کے باعث نمبر پلیٹس نہیں دی جا رہیں
تاہم شہریوں نے تصدیق کی ہے کہ ایکسائز اینڈ ٹیکنیشن آفس کے دفتر داخل ہوتے ہی بائیں سائیڈ کے پہلے کمرے میں ہزاروں نمبروں پلیٹس پڑی ہیں جو کہ صرف جان پہچان والے افراد کو دی جاتی ہیں باقی بغیر سفارش والے افراد کو ذلیل کیا جاتا ہے اور جان بوجھ کر دفتر کے چکر لگوائے جاتے ہیں اور عملہ کی طرف سے دفتر میں کسی بھی قسم کی ویڈیو و تصویر نہیں بنائی جانے دی جاتی
شہریوں نے ڈپٹی کمشنر قصور سے ازخود نوٹس لینے کی اپیل کی ہے

قصور
رمضان میں دودھ دہی کی مانگ میں اضافہ،دکانداروں نے کیمیکل ملا دودھ و دہی فروخت کرنا شروع کر دیا،قیمتوں میں بھی اضافہ

تفصیلات کے مطابق ماہ مقدس ماہ رمضان کے باعث دودھ دہی کی مانگ میں اضافہ ہو گیا ہے جس کے باعث بے حس دکانداروں نے موقع غنیمت جانتے ہوئے کیمکل ملا دودھ اور دہی فروخت کرنا شروع کر دیا ہے اور ساتھ قیمتیں بھی بڑھا دی ہیں
شہر قصور وہ بیشتر علاقوں میں دہی 140 روپیہ فی کلو اور دودھ 150 روپیہ فی کلو تک فروخت کیا جا رہا ہے
مجبور لوگ دکانداروں کے ہاتھوں مہنگی اور مضر صحت دودھ دہی خریدنے پر مجبور ہیں
شہریوں نے ڈپٹی کمشنر قصور سے ازخود نوٹس لے کر کاروائی کا مطالبہ کیا ہے

قصور
پہلے دو روزوں کے بعد لوڈشیڈنگ پھر شروع،دیہات کی نسبت شہروں میں سکون،گرمی کی شدت میں اضافہ،روزے داروں کی لوڈشیڈنگ نا کرنے کی استدعا

تفصیلات کے مطابق ملک میں حالیہ بدتریں لوڈشیڈنگ کے بعد ماہ رمضان میں لوڈشیڈنگ سے کچھ نجات ملی ہے خاص کر پہلے دو روزے لوڈشیڈنگ نا ہونے کے برابر تھی جس کے باعث روزے داروں کو گرمی کے باعث پریشانی کا سامنا نہیں کرنا پڑا تھا
تاہم آج سے پھر ایک بار پھر لوڈشیڈنگ کا سلسلہ شروع ہو گیا ہے اور گرمی کی شدت میں بھی اضافہ ہوا ہے جس کے باعث روزے دار پریشان ہیں
دیہاتوں کی نسبت شہروں میں لوڈشیڈنگ کم ہے
روزے داروں نے استدعا کی ہے کہ سخت گرمی اور ماہ رمضان کے باعث لوڈشیڈنگ نا کی جائے تاکہ روزہ رکھ کر روزے داروں کو گرمی کا سامنا نا کرنا پڑے

قصور
تحریک اللہ اکبر قصور کے ضلعی چئیرمین حافظ ابولقاسم کی زیرنگرانی کنگن پور میں ایریا چئیرمین امجد شہزاد کے زیرسایہ لوگوں کیلئے سحر و افطار کا انتظام،دائرہ کار جلد شہروں کی طرح دیہات میں شروع کیا جائے گا ،حافظ ابو القاسم

تفصیلات کے مطابق تحریک اللہ اکبر پاکستان ضلع قصور کے چئیرمن حافظ ابو القاسم کی ہدایت پر تحصیل چونیاں کے شہر کنگن پور کے ایریا چئیرمین امجد شہزاد کی زیر نگرانی غرباء و مساکین کیلئے سحر و افطار کا خصوصی بندوبست کیا گیا ہے
اللہ اکبر تحریک کنگن پور کے کارکنان لوگوں کے گھروں میں خود جا کر سحر و افطار کیلئے تیار کھانا مستحقین کے گھروں میں پہنچا رہے ہیں اور کنگن پور انتظامیہ کا کہنا ہے کہ یہ سلسلہ سارا رمضان جاری رہے گا
امجد شہزاد،احسن جمال،ابتسام الہی،حماد اسماعیل یزدانی و دیگر اعلی عہدیداران خود لوگوں کے گھروں میں جا کر کھانا تقسیم کر رہے ہیں

تحریک اللہ اکبر ضلع قصور کے چئیرمین حافظ ابوالقاسم کی ہدایت پر ضلع بھر میں مستحقین کیلئے سحر و افطار کا خصوصی انتظام کیا گیا ہے اور کہا گیا ہے کہ اس کا دائرہ کار بہت جلد شہروں کے علاوہ گاؤں دیہات تک بڑھایا جائے گا

قصور
لاکھوں روپیہ روزانہ ٹول ٹیکس اکھٹا کرنے والے لاہور قصور فیور پور روڈ پر بنے گڑھے بجری تارکول کی بجائے مٹی سے پر کئے جانے لگے،دھول مٹی سے شہری سخت پریشان

تفصیلات کے مطابق لاکھوں روپیہ روزانہ ٹول ٹیکس اکھٹا کرنے والی لاہور قصور فیروز پور روڈ منی موٹروے پر بنے بڑے بڑے گڑھے بجری و تارکول کی بجائے مٹی سے پر کئے جانے لگے ہیں جس کے باعث دھول مٹی اڑنے سے لوگ پریشان ہو گئے ہیں
شہریوں کا کہنا ہے کہ اس سڑک سے روزانہ لاکھوں روپیہ اکھٹا کیا جاتا ہے مگر پھر بھی اس سڑک پر عرصہ دراز سے کوئی پیسہ نہیں لگایا گیا اگر سرکار نے اس سڑک کو مرمت نہیں کرنا تو کم از کم ٹول پلازہ فیس ہی نا لے
اس روڈ کی حالت عام لوکل روڈز سے بھی بدتر ہے مگر ٹول پلازہ فیس سے لاکھوں روپیہ روزانہ اکھٹا کیا جاتا ہے پھر بھی سڑک کی حالت انتہائی خراب ہے جو کہ محکمہ شاہرات،ضلعی و صوبائی انتظامیہ کی کارکردگی پر ایک سوالیہ نشان ہے

قصور
ضلع بھر کی سڑکوں پر مٹی و ریٹ سے لدی بغیر ترپال ٹریکٹر ٹرالیوں کا راج،شہریوں کا گزرنا محال،ضلعی انتظامیہ خاموش تماشائی

تفصیلات کے مطابق قصور ضلع بھر میں اور خاص کر تحصیل قصور میں مٹی و ریٹ سے لدی بغیر ترپال ٹرالیوں کا راج ہے جس کے باعث سڑکوں پر لوگوں کا گزرنا محال ہو چکا ہے
ایک تو سڑکیں انتہائی کم چوڑی ہیں دوسرا ٹرالی والے دوسرے لوگوں کو راستہ دینے کی زحمت ہی نہیں کرتے
ترپال نا ڈالنے کی وجہ سے مٹی و ریت سڑکوں پر گرنے سے گزرنے والوں کی آنکھوں میں پڑتی ہے جس کے باعث موٹر سائیکل سواروں کے ابتک کئی حادثات ہو چکے ہیں
اس بابت ضلعی انتظامیہ کو شہریوں کی طرف سے آگاہ بھی کیا گیا ہے مگر کوئی کاروائی عمل میں نہیں لائی جاتی
شہریوں نے ڈپٹی کمشنر قصور و کمشنر لاہور ڈویژن سے ازخود نوٹس لے کر کاروائی کا مطالبہ کیا ہے