Author: غنی محمود قصوری

قصور
عملہ صفائی کی نااہلی سے بیرون کوٹ عثمان خان، رڑا گجراں ،ریلوے اسٹیشن کے علاقے گندگی سے بھر گئے،ہر طرف تعفن اور بدبو

تفصیلات کے مطابق سٹی قصور کے علاقے رڑا گجراں،بیرون کوٹ عثمان خان اور ریلوے اسٹیشن قصور کے گلی محلے محمکہ صفائی کی نااہلی کے باعث گندگی سے بھر گئے ہیں
اہلیان علاقہ نے بتایا ہے کہ متعلقہ علاقے کا داروغہ اور عملہ صفائی ہفتہ میں ایک دن محض پیسے مانگنے آتے ہیں اگر ان کو صفائی کرنے کا کہا جائے تو صفائی کا وعدہ کرکے چلے جاتے ہیں تاہم صفائی ہفتہ ہفتہ نہیں کی جاتی جس کے باعث پورے علاقے میں تعفن پھیلی ہوئی ہے اور شہریوں کا جینا دشوار ہو چکا ہے
شہریوں نے ڈپٹی کمشنر قصور سے ازخود نوٹس لے کر کاروائی کا مطالبہ کیا ہے

قصور
منی موٹر وے فیروز پور روڈ بمقام کاہنہ نو لاہور لاہوریوں اور قصوریوں کیلئے وبال جان،سڑک ہر روز دریا میں تبدیل رہتی ہے

تفصیلات کے مطابق منی موٹر وے فیروز پور روڈ کاہنہ کے مقام پر لاہوریوں اور قصوریوں کیلئے وبال جان بن چکا ہے
برسات ہو نا ہو مگر اس سٹاپ پہ سڑک پر ایک سے دو فٹ تک پانی کھڑے رہنا روز کا معمول ہے جس کی وجہ سیوریج سسٹم کا خراب ہونا ہے
بجائے سیوریج سسٹم کو درست کرنے کے پانی سڑک سے نکال دیا جاتا ہے جس کے باعث سڑک چند گھنٹے پانی سے خالی رہتی ہے مگر چند گھنٹوں بعد وہی صورتحال بن جاتی ہے جس کے باعث گاڑیوں کی قطاریں لگ جاتی ہیں اور ٹریفک جام ہو جاتی یے
یہ سلسلہ گزشتہ کئی ماہ سے چل رہا ہے مگر انتظامیہ نے اب تک کوئی کام نہیں کیا
واضع رہے کہ روزانہ ہزاروں لوگ قصور سے لاہور اسی سڑک سے آتے جاتے ہیں جن کو اس سٹاپ کے باعث کئی کئی گھنٹے ٹریفک میں پریشان ہونا پڑتا ہے

قصور
انٹرنیشنل بارڈر گنڈہ سنگھ کے علاقے گاؤں ساندہ چستانہ میں نالیوں کا گندہ پانی گلیوں اور بازاروں میں، گلیاں بازار تالاب کا منظر پیش کرنے لگے، انتظامیہ خاموش تماشائی

تفصیلات کے مطابق قصور کے نواحی گاؤں اور انٹرنیشنل بارڈر گنڈہ سنگھ کے قریبی علاقہ ساندہ چستانہ کے لوگ سخت اذیت میں مبتلا ہیں
اس گاؤں کی آبادی 17 ہزار کے قریب ہے مگر گاؤں کا سیوریج نظام بہت ہی خراب ہے جس کے باعث نالیوں کا پانی باہر راستوں اور گلیوں میں آجاتا ہے اور گلیاں بازار تالاب کا منظر پیش کرتے ہیں
ہر وقت گندہ پانی کھڑا ہونے سے گزرنے والے لوگوں اور نمازیوں کو بہت پریشانی کا سامنا کرنا پڑتا ہے
گندے پانی کی وجہ سے بہت موذی بیماریوں کے ساتھ ڈینگی جیسی موذی بیماری بھی پھیلنے کا خدشہ ہے
موضع ساندہ کےلوگوں کا کہنا ہے موجودہ حکومت نے وعدے تو بہت کئے مگر وعدے یفا نا ہوئے
گاؤں کے لوگوں نے ڈی سی قصور وزیراعلی پنجاب اور وزیرے اعظم سے مطالبہ کیا ہے کہ گاوں ساندہ چستانہ کی صفائی ستھرائی کروائی جائے تاکہ لوگ سکون کی زندگی گزار سکیں

قصور
سرپرائز ڈے پر شہریوں نے جگہ جگہ ٹی سٹال لگائے،لوگوں کو مفت چائے پلائی گئی،بچوں نے ابھی نندن اور فوجی بن کر انڈیا کو 27 فروری 2019 کی یاد دہانی کروائی،شہریوں نے سوشل میڈیا پر چائے کے مگ و کپ پکڑ کر تصویریں شئیر کیں

تفصیلات کے مطابق کل سرپرائز ڈے پر اہلیان قصور نے بزدل دشمن بھارت کی ناپاک و ناکام جسارت 26 فروری 2019 اور اس کے جواب میں افواج پاکستان کی طرف سے سرپرائز دینے پر 27 فروری کو انڈین علاقے میں جا کر انڈیا کے طیارے مار گرانے اور بھارتی پائلٹ ابھی نندن کے پکڑے جانے پر اسے یاد دہانی کروانے کیلئے جگہ جگہ چوکوں چوراہوں پر ٹی سٹال لگائے اور لوگوں کو مفت چائے پلائی
بچوں نے پکڑے جانے والے بھارتی پائلٹ ابھی نندن اور پاک فوج کے جوان بن کر بھارت کو اس دن کی اہمیت کی یاد دہانی کروائی اور پیغام دیا کہ اس ملک کے شہری اپنی افواج کیساتھ ہیں
شہریوں نے کل سارا دن چائے پیتے ہوئے چائے کے مگ و کپوں کیساتھ سوشل میڈیا پر تصویریں شئیر کیں اور افواج پاکستان سے اظہار یکجتی کیا
سوشل میڈیا پر
#teawasfantastic #27feburary
#Surpriseday
ٹاپ ٹرینڈ بنا رہا

قصور
تحریک اللہ اکبر پاکستان سٹی قصور کا ورکرز کنونشن دیوان خاص میرج ہال میں ہوا،کثیر تعداد میں صحافیوں،وکلا،سول سوسائٹی اور اللہ اکبر تحریک کے کارکنوں نے شرکت کی

تفصیلات کے مطابق تحریک اللہ اکبر پاکستان کا ورکز کنونشن دیوان خاص میرج ہال بھٹہ گوریانوالہ قصور میں ہوا
جس میں سینئر جرنلسٹ قصور سعید احمد بھٹی،ہاشم بھٹی،غنی محمود قصوری،
تحریک اللہ اکبر کے کارکنوں اور عہدیداروں عمر مغل،سرار فیصل اورنگزیب ،نعیم چوہدری،بشیر ورائچ،محمد
مصطفی،سید بابر شاہ،وقار ڈوگر اور کثیر تعداد میں شہریوں نے شرکت کی
کنونشن سے خطاب کرتے ہوئے اللہ اکبر تحریک ضلع قصور کے یوتھ ونگ کے سربراہ وقار ڈوگر نے کہا کہ ہمارا مقصد نوجوان نسل کو سیدھی راہ پر لانا ہے اور انہیں بھٹکنے نہیں دینا ہم نوجوانوں کی ہر طرح کی راہنمائی کرینگے
امیدوار برائے ڈپٹی میئر تحصیل قصور سردار فیصل اورنگزیب نے کہا کہ ہم جیتیں یاں ہاریں ہم خدمت خلق کے کام پہلے بھی کرتے تھے اور اب بھی کر رہے ہیں اور یہ سلسلہ جاری رہے گا
نیز انہوں نے کہا کہ ہر پیر کا دن میں نے کچہری کیلئے مختص کیا ہوا ہے کسی بھی ہمارے جماعتی یاں غیر جماعتی کو کوئی بھی کام ہو وہ بھلا جھجھک مجھ سے رابطہ کر سکتا ہے ان شاءاللہ ہر جائز کام کروایا جائے گا
تحریک اللہ اکبر ضلع قصور کے سربراہ نعیم چوہدری نے خطاب کرتے ہوئے کہا کہ ان شاءاللہ ہم خدمت انسانیت کی سیاست کرینگے جیسا کہ ہم ماضی میں خدمت خلق کے کام کرتے رہے ہیں ان شاءاللہ ان خدمت خلق کے کاموں کو مذید بڑھاینگے ہم نے مستحق لوگوں کے لئے فری دستر خوان شروع کئے ہیں جن کا دائرہ کار مذید وسیع کیا جا رہا ہے
تحریک اللہ اکبر پاکستان کے سربراہ اور امیدوار برائے میئر ضلع قصور کے امیدوار سیف اللہ خالد قصوری نے خطاب کرتے ہوئے کہا کہ ہمارا مقصد گالم گلوچ اور تنقید کی سیاست سے ہٹ کر اسلامی سیاست کرنا ہے جیسا کہ خلفاء راشدین نے کی ہے اور ہم اپنے کارکنوں کو کسی بھی صورت تنہاہ نہیں چھوڑے گے اور مظلوم کی مدد کرینگے اور ظالم کو ظلم سے روکے گے
ان کا کہنا ہے کہ قصور کے تھانوں میں کسی کو کوئی جائز کام ہو تو ہمارے کارکنان ان کی مدد کرینگے اور ہسپتالوں میں ہمارے کارکنان ہر کسی کو بغیر امتیاز کے خون مہیا کر رہے ہیں اور کرتے بھی رہینگے نیز انہوں نے کہا کہ ان شاءاللہ ہم اقتدار میں آکر بیوہ ،یتیموں ،غریبوں کی خاص کفالت کرینگے اور نوجوانوں کیلئے نوکریوں کا بندوبست کرینگے تاکہ نوجوان نسل برسر روزگار ہوکر اپنے خاندان کا سہارا بنیں
نیز پروگرام میں اللہ تحریک ضلع قصور کے بلدیاتی امیدواروں نے بھی خطاب کیا
پروگرام میں شرکاء کو کھانا بھی کھلایا گیا

قصور
سٹی قصور کے محلے بیرون کوٹ غلام محمد کالونی بابا ترک شاہ میں واپڈا کی نااہلی سے گلی محلوں و گھروں کے اوپر سے گزرتی ہائی وولٹیج تاروں کو سماجی کارکنوں،صحافیوں کی بار بار یاد دہانی پر ہٹایا گیا،لوگ سخت پریشان تھے

تفصیلات کے مطابق قصور کے نااہل ترین محکمہ نے ہائی وولٹیج بجلی کی تاریں لوگوں کے گھروں سے گزاری ہوئی تھیں جس کے باعث لوگ ہر وقت خوف کا شکار رہتے تھے کیونکہ یہ تاریں انتہائی بوسیدہ ہو چکی تھیں اور کئی بار ٹوٹ کر گر بھی چکی تھیں
قصور سٹی کے محلہ بیرون کوٹ اعظم خان کالونی بابا ترک شاہ علاقہ لیسکو بلہے شاہ سب ڈویژن قصور میں ہائی وولٹیج بجلی کی تاری لوگوں کے گھروں سے گزرتی تھیں جس پر اہلیان علاقہ نے کئی بار واپڈا اہلکاروں کو مطلع کیا تاہم بے سود رہا
لوگوں کی پریشانی کو بھانپتے ہوئے سماجی کارکن و صحافی میاں خلیل صدیق آرائیں نے انتھک محنت سے واپڈا حکام کے نوٹس میں لا کر ان تاروں کو اتروایا اور گھروں سے باہر لگوایا جو کہ لوگوں کیلئے وبال جان تھیں
لوگوں نے اس کاوش پر میاں خلیل صدیق آرائیں کا شکریہ ادا کیا

قصور
کرپٹ اور نااہل ترین محکمہ لیسکو واپڈا قصور نے رات ہلکی ہوا چلنے سے سارے علاقے کو تاریکی میں ڈبو دیا،تاحال کئی علاقوں میں بجلی غائب،لوگ پانی کی بوند بوند کو ترس گئے

تفصیلات کے مطابق قصور کے کرپٹ اور نااہل ترین محکمے واپڈا لیسکو قصور نے لوگوں کا جینا دو بھر کیا ہوا ہے
ہر فیڈر میں ہفتہ کے ایک دن 8 سے 10 گھنٹہ مسلسل بجلی بند رکھی جاتی ہے نیز دیہی علاقوں میں بجلی کی شدید لوڈشیڈنگ جاری ہے جن میں سرفہرات راؤ خانوالہ فیڈر ہے جہاں ہفتہ کے سات دن لوگوں کو 24 گھنٹوں میں بمشکل 12 گھنٹے بجلی دی جاتی ہے
کل رات چلنے والی ہلکی ہوا سے بہانے کے متلاشی راشی اور کرپٹ ترین محمکہ واپڈا کے کارندوں نے کئی فیڈروں کی بجلی بند کی ہوئی ہے اور بیشتر علاقوں میں بجلی تاحال غائب ہے جس کے باعث لوگ پانی کی بوند بوند کو ترس گئے ہیں جبکہ مساجد سے اعلانات ہو رہے ہیں کہ مساجد میں پانی نہیں نمازی اپنے اپنے گھروں سے وضو کرکے آئیں حالانکہ بیشتر گھروں میں بھی بجلی بند ہونے کی بدولت پانی نہیں
شہریوں نے قصور کے کرپٹ ترین محکمہ واپڈا کے خلاف وزیراعلی پنجاب سے کاروائی کا مطالبہ کیا ہے

قصور
امیدوار برائے میئر ضلع قصور، سربراہ تحریک اللہ اکبر پاکستان پروفیسر سیف اللہ خالد قصوری 25 فروری کو قصور میں ورکرز کنونشن سے خطاب کرینگے

تفصیلات کے مطابق تحریک اللہ اکبر پاکستان کے سربراہ اور امیدوار برائے مئیر ضلع قصور مفسر قرآن پروفیسر سیف اللہ خالد قصوری 25 فروری بروز جمعہ سٹی قصور میں دیوان خاص میرج ہال میں ورکرز کنونشن میں خطاب فرمائیں گے
پروگرام نماز مغرب سے شروع ہو گا
ورکرز کنونشن میں سیف اللہ خالد کے علاوہ قصور کی صحافی،وکلاء برادری اور سول سوسائٹی کے عہدیداران بھی خطاب فرمائیں گے