Author: غنی محمود قصوری

قصور
مہلک مرض ڈینگی سے لڑنے میں ڈی ایچ کیو قصور کا عملہ پیش پیش ، ڈاکٹر وسیم اعجاز کی سربراہی میں دو ماہ میں 500 سے زائد مریضوں کا علاج کیا گیا ،مریضوں کا ٹیسٹ فیسوں کے علاوہ عملہ ہسپتال پر اظہار اطمینان،مریضوں کی ڈاکٹروں کو دعائیں

تفصیلات کے مطابق ملک بھر کی طرح ضلع قصور میں بھی مہلک مرض ڈینگی کا وار تیز رہا ہے جس میں اب قدرے کمی واقع ہوئی ہے
ڈی ایچ کیو قصور میں ڈاکٹر وسیم اعجاز کی سربراہی میں میڈیکل وارڈ کے عملہ و ڈاکٹر حسیب،ڈاکٹر صغیر،ڈاکٹر عمران اور ڈاکٹر شرجیل نے دو ماہ کے اندر تقریباً 500 مریضوں کا علاج کیا اور مریضوں کا بھرپور خیال کیا جبکہ ڈاکٹر وسیم اعجاز نے مریضوں کو مفت مشورے کیلئے اپنا پرسنل نمبر بھی دیا اور علاج کروا کر جانے والے مریضوں سے کہا کہ کسی بھی پریشانی کی صورت میں مجھ سے فوری اور مفت مشورہ کریں تاکہ اس مہلک مرض کو پھیلنے سے روکا جائے
ڈینگی کے مریضوں نے ٹیسٹوں کی فیسوں کے علاوہ ڈی ایچ کیو ہسپتال قصور کے عملہ و ڈاکٹروں کے طریقہ علاج کو داد تحسین پیش کیا اور نیک تمناؤں کا اظہار کیا
دو ماہ بعد ڈینگی کے وار میں کچھ کمی ہو رہی ہے
ڈاکٹر وسیم اعجاز کا کہنا ہے کہ شہری مچھروں کی افزائش کو روکیں اور تازہ پھلوں و جوسز کا استعمال کریں اور ڈینگی کی کوئی بھی علامت ظاہر ہوتے ہی ڈی ایچ کیو ہسپتال قصور کا رخ کریں جہاں ان کا فری علاج کیا جائے گا

قصور
سابقہ رنجش پر آتشیں اسلحہ سے فائرنگ کرکے ایک شحض کو شدید زخمی کر دیا،زخمی ہسپتال منتقل،حالت تشویشناک

تفصیلات کے مطابق قصور کے قصبہ کھڈیاں کے نواحی گاؤں کھائی ہتھاڑ میں آصف عرف اچھی، مراتب عرف مراتبی،سرفراز اور ذوالفقار نے کھائی ہٹھار اڈا میں بیٹھے ارشد علی پر آتشیں اسلحہ سے شدید فائرنگ کر دی جس کے نتیجہ میں ارشد علی شدید زخمی ہو گیا
گولیاں ارشد علی کی ٹانگ میں لگیں
واقعہ سابقہ رنجش کی بنا پر پیش آیا اس سے قبل بھی ملزمان کئی افراد کو
ملزمان 2004 سے مفرور ہیں کئی افراد کو قتل کی دھمکیاں لگا رہے ہیں
اہلیان علاقہ نے ڈی پی او قصور سے ملزمان کو جلد سے جلد گرفتار کرنے کا مطالبہ کیا ہے

قصور
شہر قصور کے مریض در بدر، ڈی ایچ کیو کا یورولوجسٹ ڈاکٹر سلیم شہزاد 4 دن سے ڈیوٹی سے غیر حاضر مریض رل گئے متاثرین کا حکام بالا سے کاروائی کا مطالبہ

تفصیلات کے مطابق ڈسٹرکٹ ہیڈکوارٹر ہسپتال قصور کی بلڈنگ تو آپنی مثال آپ ہے مگر ہر شعبہ میں کرپشن اور ڈاکٹرز ڈیوٹی دینے سے گریزاں ہیں مختلف شعبوں میں ڈاکٹرز کا غائب رہنا معمول بن چکا ہے گزشتہ 4 دن سے سرکاری ڈیوٹی سے غافل یورولوجسٹ ڈاکٹر سلیم شہزاد ایک دن بھی ڈیوٹی پر حاضر نہیں ہوا مریضوں کے دریافت کرنے پر معلوم ہوا کہ ڈاکٹر صاحب ہفتے میں صرف ایک دو دن محض گھنٹہ دو گھنٹہ کیلیے ڈیوٹی پر ہی حاضر ہوتے ہیں جبکہ مریض تکلیف میں مبتلا در بدر کی ٹھوکریں کھانے پر مجبور ہوتے ہیں متاثرین میں سے مقامی ایڈووکیٹ نے متعلقہ ڈاکٹر کے خلاف وزیر اعلیٰ پنجاب،گورنر پنجاب،صوبائی وزیر صحت،چیف سیکرٹری پنجاب،کمشنر لاہور ڈویژن، ڈپٹی کمشنر قصور سے متعلقہ ڈاکٹر کے خلاف دی گئی درخواستوں میں کاروائی اور انکوائری کا مطالبہ کیا ہے

قصور
آئی جی پنجاب راؤ سردار علی خان کے حکم پر پتنگ بازوں،پتنگ سازوں کے خلاف کاروائیاں تیز کرنے کا حکم،ڈی پی او قصور کی طرف سے تمام ایس ایچ اوز کو کاروائیوں کے احکامات

تفصیلات کے مطابق آئی جی پنجاب راؤ سردار علی خان نے پورے پنجاب میں پتنگ بازوں و پتنگ سازوں کے خلاف کارروائیاں تیز کرنے کا حکم نامہ جاری کیا ہے جس کے تحت ڈی پی او قصور محمد صہیب اشرف نے ضلع بھر کے ایس ایچ اوز کو احکامات جاری کئے ہیں کہ بلا امتیاز پتنگ بازوں و پتنگ سازوں کے خلاف کاروائیاں کی جائیں اور خلاف ورزی کرنے والوں کو پکڑ کر مقدمات بنا کر قانون کے کٹہرے میں لایا جائے
نیز ہوائی فائرنگ کرنے والوں کے خلاف بھی قانون کے مطابق کاروائی کی جائے
نیز شہروں کے داخلی و خارجی راستوں پر سنیپ چیکنگ کے عمل کو تیز کرکے کرائم میں کمی لائی جائے

قصور کی تحصیل چونیاں میں تھیلیسیمیا سے متاثرہ بچوں کی پکار پر لبیک کہتے ہوئے مقامی نیک دل افراد کی طرف سے دو کنال زمین کا عطیہ،بہت جلد ہسپتال کی تعمیر کا آغاز کیا جائے گا ،انتظامیہ،مریض بچوں کی عطیہ کرنے والوں کیلئے دعائیں

تفصیلات کے مطابق قصور اور اوکاڑہ کے سو سے زائد تھیلیسیمیا کے مریض بچوں کے انتقالِ خون و دیگر طبی امداد کا فی سبیل اللہ ذمہ تھیلیسیمیا کئیر فاؤنڈیشن کنگن پور کے زیر سایہ عرصہ دراز سے جاری ہے جو کہ مقامی افراد کے تعاون سے چلتا ہے
انتقال خون کیلئے قصور میں سہولت نا ہونے کے باعث مریض بچوں کو لاہور لیجانا پڑتا ہے جس پر خرچ بھی زیادہ آتا ہے اور بچوں کا ٹائم بھی زیادہ ضائع ہوتا ہے اس پر مریض بچوں نے اہل علاقہ سے کنگن پور میں ہی ہسپتال بنانے کی فریاد کی تھی جس پر لبیک کہتے ہوئے مقامی صاحب ثروت احباب جناب
اقبال خاں صاحب، محترم ملک نعیم حیدر ایڈوکیٹ، چوہدری طارق ایڈوکیٹ، طاہر خاں و دیگر نے ہسپتال کے لئے دو کنال جگہ عطیہ کی جس کی نشاندھی کر دی گئی ہے اور انتظامیہ کی طرف سے اعلان کیا گیا ہے کہ بہت جلد ہسپتال کی تعمیر کا آغاز کر دیا جائے گا
نیز تھیلیسیمیا کئیر فاؤنڈیشن کنگن پور نے اہلیان قصور سے استدعا کی ہے کہ اپنی استطاعت کے مطابق (احمد تھیلیسیمیا ہسپتال) بننے میں فنڈ جمع کروائیں
تاہم اگر کوئی بھائی اینٹیں ،سیمنٹ،بجری وغیرہ دے کر مدد کرنا چاہتا ہے تو کر سکتا ہے یہ صدقہ جاریعہ ہے اللہ کی راہ میں کیا جانے والا کام ہے سارے صاحب ثروت حضرات ضرور تعاون کریں
آن لائن فنڈ بھیجنے کے نمبر و اکاؤنٹ درج ذیل ہیں

۔Jazcash 0300.4275203

Doneshn / Bank of punjab
A/C: 6110,1688,7530,0020

قصور
مرکز ابن الخطاب الاسلامی الہ آباد قصور کے نئے رئیس احسان اکبر ظہیری کا تقریب حفظ القرآن سے خطاب،لوگوں کو اپنے بچے دین کی طرف راغب کرنے کی تلقین

تفصیلات کے مطابق قصور کی تحصیل چونیاں کے قصبہ الہ آباد کے مرکز ابن الخطاب الاسلامی کے نئے رئیس احسان اکبر ظہیری نے مدرسہ میں حفظ قرآن کی تقریب سے خطاب کرتے ہوئے کہا کہ لوگ دنیاوی تعلیم کے ساتھ اپنے بچوں کو دینی تعلیم کے زیور سے ضرور آراستہ کریں کیونکہ قیامت کے دن کوئی سفارش اللہ کی بارگاہ میں قرآن حکیم سے بڑھ کر نا ہو گی
تقریب میں سینکڑوں شہریوں نے شرکت کی
مرکز کے رئیس کنگ سعود یونیورسٹی سعودی عربیہ سے فارغ ہیں اور اہل علاقہ سے اپیل کرتے ہیں کہ اپنے بچوں کو دینی تعلیم کیلئے مرکز میں داخل کروایا جائے جہاں بچوں کا قیام و طعام ادارہ کی اولین ذمہ داری ہے اور اس ادارے کی معاونت علاقائی صاحب ثروت افراد کر رہے ہیں
اس سے قبل ان کے والد اس ادارے کے سربراہ تھے جو کہ خالق حقیقی سے جا ملے ان کے بعد مرکز تقریباً بند تھا جسے اب احسان اکبر ظہیری نے دوبارہ آباد کیا ہے

قصور
دو موٹر سائیکل سواروں کی ٹکر،معمولی چوٹیں آئی،حادثہ تیز رفتاری اور سڑک جگہ جگہ سے ٹوٹی ہونے کے باعث پیش آیا

تفصیلات کے مطابق قصور لاہور روڈ جسے منی موٹر وے بھی کہا جاتا ہے شدید ٹوٹ پھوٹ کا شکار ہے جس کے باعث حادثات روز کا معمول بن گئے ہیں

نادرہ آفس مصطفی آباد کے سامنے دو موٹر سائیکل سوار آپس میں ٹکرا گئے جس کے باعث دونوں موٹر سائیکل سواروں کو معولی چوٹیںں آئیں جنہیں ریکسیو 1122 نے فرسٹ ایڈ دے کر ہسپتال روانہ کر دیا
حادثہ سی جی 125 والے کی غفلت اور تیز رفتاری کے باعث پیش آیا
واضع رہے کہ پوڑا روڈ جگہ جگہ سے ٹوٹ پھوٹ کا شکار ہے جس کے باعث حادثات معمول بن چکے ہیں مگر انتظامیہ سڑک کو مرمت نہیں کر رہی حالانکہ اسی روڈ سے ٹول ٹیکس کی مد میں لاکھوں روپیہ روزانہ اکھٹا کیا جاتا ہے مگر اس کے باوجود سڑک پر پیسہ نہیں لگایا جاتا جو کہ ایک بہت بڑا سوالیہ نشان ہے

قصور
ڈی پی او قصور محمد صہیب اشرف نے ضلع بھر کے پولیس افسران کے تبادلے کر دیئے

تفصیلات کے مطابق حالیہ تعینات ہونے والے ڈی پی او قصور محمد صہیب اشرف نے ضلع بھر کے کئی پولیس افسران کے تبادلے کر دیئے ہیں
جس میں کئی ایس ایچ اوز،کانسٹیبلان ،ہیڈ کانسٹیبلان کو تبدیل کیا گیا ہے

انسپیکٹر مشتاق حیدر کو ایس ایچ او تھانہ سٹی اے ڈویژن، انسپیکٹر نصراللہ بھٹی کو ایس ایچ او تھانہ مصطفی آباد، انسپیکٹر اللہ توکل کو ایس ایچ او تھانہ گنڈہ سنگھ والا، انسپیکٹر مطلوب احمد کو ایس ایچ او کنگن پور، انسپیکٹر مجید احمد کو ایس ایچ او سٹی پھولنگر ،انسپیکٹر سلیم اللہ کو ایس ایچ او تھانہ کھڈیاں تعینات کیا ہے
ڈی پی او کا کہنا ہے کہ میری اولین ترجیح کرائم ریٹ کو کم کرنا ہے اور کسی بھی صورت فرائض میں غفلت برداشت نا کی جائے گی

قصوع
قصور کے تھانہ صدر میں پرائیویٹ عورت کی طرف سے ملزمان عورتوں پر تشدد
قصور کے تھانہ صدر میں پرائیوٹ خاتون سے 302 اور395 کے مقدمات میں شامل تفتیش خواتین پر چھترول کی ویڈیو وائرل ہوئی جس میں سب انسپکٹر حیدر علی کے کمرہ میں زیر تفتیش مقدمات میں شریک عورتوں کو الٹا لٹا کر تشدد کا نشانہ بنایا گیا اور اس کی ویڈیو بھی بنائی گئی
اس ویڈیو میں دیکھا جا سکتا ہے کہ ساجدہ نامی خاتون دو عورتوں پرجوتوں سے تشدد کر رہی ہے جبکہ عائشہ نامی کانسٹیبل انکی ویڈیو بنا رہی ہے
ویڈیو وائرل ہومے پر ڈی پی او قصور صہیب اشرف نے فوری ایکشن لیا اور پرچہ کے احکامات جاری کئے
خاتون ساجدہ، لیڈی کانسٹیبل عائشہ اور سب انسپکٹر حیدر علی کیخلاف مقدمہ نمبر1384/21 درج کر دیا گیا ہے
ڈی پی او قصور صہیب اشرف کے احکامات پر لیڈی کانسٹیبل عائشہ اور سب انسپکٹر حیدر علی معطل

قصور
خسرہ و روبیلا سے بچاؤ کی مہم جاری ،ٹیمیں گھر گھر جا کر 15 سال سے کم عمر بچوں کو حفاظتی ٹیکے لگانے میں مصروف،سکولوں میں بھی بچوں کو ٹیکے لگائے جا رہے ہیں

تفصیلات کے مطابق ملک بھر کی طرح ضلع قصور میں بھی 12 روزہ اینٹی خسرہ و روبیلا مہم جاری ہے جس میں حفاظتی ٹیکے لگانے والی ٹیمیں گھر گھر جا کر بچوں کو حفاظتی ٹیکے لگا رہی ہیں
ٹیمیں سکولوں میں بھی جاکر بچوں کو حفاظتی ٹیکے لگا رہی ہیں ہیں
15 نومبر سے شروع ہونے والی مہم 27 نومبر تک جاری رہے گی جس میں 9 ماہ سے 15 سال تک کے بچوں کو حفاظتی ٹیکے لگائے جائینگے
محکمہ صحت و ضلعی انتظامیہ قصور نے والدین سے استدعا کی ہے کہ اپنے بچوں کو حفاظتی ٹیکے لازمی لگوائیں تاکہ بچے خسرہ جیسی مہلک بیماری سے محفوظ رہ سکیں