قصور
1 ماہ قبل پراسرار طور پر لاپتہ ہونے والا 35 سالہ نوجوان ایف آئی آر درج ہونے کے باوجود تاحال نا مل سکا،ورثا سخت پریشان،ڈی پی او قصور سے از خود نوٹس لینے کی اپیل
تفصیلات کے مطابق قصور کے نواحی علاقہ کوٹ اسلام پورہ کے رہائشی فیاض احمد ولد محمد یاسین قوم انصاری کے والد نے تھانہ بی ڈویژن قصور کو درخواست دی کہ اس کا بیٹا 23/11/21 سے اپنے کام دین گڑھ الخیر ٹینری سے واپسی آتے ہوئے شام 6 بجے کے قریب لاپتہ ہوا جسے ہر جگہ ڈھوندا گیا مگر کوئی سراغ نا ملا
اس کے والد غلام یاسین کا کہنا ہے کہ ہم نے اسے ہر جگہ تلاش کیا لیکن کہیں سے کوئی سراغ نا ملا ہے جس پر میں نے اس کے لاپتہ ہونے کی ایف آئی آر نامعلوم افراد کے خلاف تھانہ بی ڈویژن قصور میں درج کروا دی ہے اور آج اسے لاپتہ ہوئے 1 ماہ ہو چکا ہے تاہم اس کا کوئی سراغ نہیں لگ سکا لہذہ میری ڈی پی او قصور سے استدعا ہے کہ جلد سے جلد میری بیٹے کو تلاش کیا جائے
جبکہ دوسری جانب قصور پولیس تھانہ بی ڈویژن نے ایف آئی آر درج کرکے تفتیش کا آغاز کر دیا ہے اور پولیس نے بذریعہ سوشل میڈیا بھی لاپتہ نوجوان کے پوسٹر لگا دیئے ہیں اور لوگوں سے اپیل کی ہے کہ اس بابت کسی کو کچھ معلوم ہو تو فوری پولیس کو دیئے گئے نمبران پر مطلع کیا جائے نیز پولیس کا کہنا ہے کہ جدید ٹیکنیکل طریقوں سے بھی لاپتہ نوجوان کا سراغ لگایا جا رہا ہے
