Author: غنی محمود قصوری

قصور
سب ڈویژن راجہ جنگ میں اندھیر نگری،سب ڈویژن کے بیشتر علاقوں میں بجلی دیکھنے کو لوگ ترس گئے،سارا سارا دن بجلی غائب،ایس ڈی او و عملہ فون سننے سے بھی عاجز

تفصیلات کے مطابق واپڈا قصور کی سب ڈویژن راجہ جنگ میں اندھیر نگری قائم ہو چکی ہے سب ڈویژن راجہ جنگ کے بیشتر علاقوں میں عرصہ دراز سے غیر اعلانیہ لوڈ شیڈنگ کا سلسلہ جاری ہے جس کے باعث سارا سارا دن بجلی نہیں آتی بجلی کی بندش بابت جب لوگ ایس ڈی او و دیگر عملہ کا فون ملاتے ہیں تو سرکار کے کار خاص اہلکاران فون اٹھاتے ہی نہیں اور اگر غلطی سے اٹھا ہی لیں تو سوائے ٹرخانے کے کچھ بھی نہیں کرتے اور اگر زیادہ اصرار کیا جائے تو نمبر بلیک لسٹ کر دیتے ہیں
کل بروز جمعرات بھی سب ڈویژن کے بیشتر دیہات میں صبح 10 بجے سے شام 5 بجے تک بجلی بند رہی جس کے باعث لوگ شدید پریشان رہے اور پانی کی بوند بوند کو ترس گئے
لوگوں نے نااہل ایس ڈی او و عملہ سب ڈویژن راجہ جنگ کے خلاف ایس ای لیسکو قصور و ڈپٹی کمشنر قصور سے کاروائی کا مطالبہ کیا ہے

قصور
میونسپل کارپوریشن شہر کی صفائی ستھرائی کوڑا کرکٹ میں ناکامی میں عوام کی توجہ ہٹانے کا نیا ہربہ، غریب فروٹ ریڑھی بانوں کا استحصال کرنے میں پوری طرح کامیاب پورئے عملے کی لوٹ مار نے غریبوں کے بچوں کی روزی روٹی چھین لی

تفصیلات کے مقامی انتظامیہ کیطرف سے ریلوئے پھاٹک کے گردونواح میں غریب فروٹ ریڑھی بانوں کو فراہم کی جگہ گئی کے باوجود میونسپل کارپوریشن شہر میں صفائی ستھرائی اور جگہ جگہ کوڑا کرکٹ اٹھانے میں بری طرح ناکامی پر عوام کی تنقید کا غصہ یومیہ مزدور فروٹ ریڑھی بانوں پر نکالنے میں کامیاب ریڑھی پر لگے فروٹ کی بندر بانٹھ کرکے لے گئے مزید گالی گلوچ گلوگیر ہوتے ہوئے سایہ دار چھتریاں ترازو کنڈے اٹھاکر لے گئے چس پر غریب متاثرین مزدوروں نے آئے دن کی اس زیادتی کے ازالہ کے لیے ڈپٹی کمشنر سمیت حکام بالا سے درخواستیں گزاری ہیں کہ ہمشہ کیلئے ہمیں اس ظلم سے نجات دلوائی جائے

قصور
تھانہ مصطفیٰ آباد کے ایس ایچ کی اپنی ہی عدالت، موٹرسائیکل چور کو پاگل قرار دے کر چھوڑ دیا جبکہ ضلع بھر میں موٹرسائیکل چور گینگ متحرک،ملنے والی موٹر سائیکل کے پارٹس غائب

تفصیلات کے مطابق گزشتہ دنوں رہائشی نیو لاڑی ادہ محمد عرفان کی موٹر سائیکل قصور نیو بس ٹرمینل لاڑی اڈا کے قریب سے چور چرا کر بھاگ گیا تاہم مالک موٹرسائیکل نے اس چور کا پیچھا کیا تو چور کو تھانہ مصطفیٰ آباد کی حدود میں یکڑ لیا وقوعہ کی اطلاع ہونے پر چور کو تھانہ مصطفیٰ آباد پولیس نے حراست میں لے لیا اور موٹرسائیکل بھی قبضہ میں لے لی اور موٹرسائیکل مالک کو کہا کہ اگر آپ اسکے خلاف درخواست دیں گے تو آپکو موٹرسائیکل کی سپرد داری بذریعہ عدالت کروانی پڑے گی اگر درخواست نہ دیں گے تو آپکو موٹرسائیکل فوری مل جائے گی
ہم آپ کو تھانہ سے ہی موٹرسائیکل سپرد داری پر دے دیں گے اور آپ کا اس میں کوئی خرچہ نہیں آئے گا

موٹرسائیکل مالک نے چور جسکی شناخت محمد صغیر ولد معراجدین سکنہ نندکا تکیہ سے ہوئی تھی ،کے خلاف تھانے مصطفیٰ آباد میں درخواست دے دی
کئی روز گزرنے کے باوجود تھانہ مصطفیٰ آباد پولیس نے نا ہی تو موٹرسائیکل چور کے خلاف مقدمہ درج کیا اور نا ہی موٹرسائیکل مالک کو موٹرسائیکل دی جس پر مجبوراً موٹر سائیکل مالک اپنی مزدوری چھوڑ کر روزانہ تھانے کے چکر لگاتا رہا اور آخر کار تھانہ مصطفیٰ آباد یولیس کی منت سماجت کر کے موٹر سائیکل حاصل کر لی
تاہم ملنے والی موٹر سائیکل کے پارٹس وغیرہ غائب کر لئے گئے ہیں اور جب چور کے بارے پوچھا کہ اسکے خلاف مقدمہ درج کر دیا ؟ تو تھانہ مصطفیٰ آباد کے ایس ایچ او نے عجیب منطق پیش کر دی کہ موٹرسائیکل چور تو پاگل تھا اس کو ہم نے چھوڑ دیا ہے جس پر درخواست گزار نے حیرانگی کا اظہار کیا کہ مجھے اتنے دن ذلیل کیوں کیا اگر چور کو چھوڑ ہی دینا تھا

دوسری جانب ضلع بھر میں موٹرسائیکل چور گینگ سرگرم ہے جس کے باعث شہر میں موٹرسائیکل چوری کی وارداتیں معمول بن چکا ہے لوگ اپنی قیمتی موٹرسائیکلوں سے محروم ہو رہے ہیں مگر افسوس تھانہ مصطفیٰ آباد کے ایس ایچ او نے ایک پکڑے گئے چور کو اپنی طرف سے پاگل قرار دے کر چھوڑ دیا جس کی وجہ بھاری معاوضہ رشوت ہی ہو سکتا ہے
متاثرہ شہری نے تھانہ مصطفیٰ آباد کے ایس ایچ او کی نااہلی اور غیرذمہ داری کے خلاف ڈی پی او قصور اور آر پی او شیخوپورہ سے کاروائی کا مطالبہ کیا ہے

قصور
پورے شہر قصور کی ڈپٹی کمشنر قصور آسیہ گل کے حکم پر سی او میونسپل کمیٹی رضوان علی کی زیرنگرانی صفائی مہمم جاری،310 سینٹری ورکرز علی الصبح صفائی میں مصروف

تفصیلات کے مطابق قصور شہر میں ڈپٹی کمشنر قصور آسیہ گل کے خصوصی احکامات پر سی او میونسپل رضوان علی کی زیرنگرانی صفائی مہم جاری ہے جس میں پورے شہر قصور میں خصوصی صفائی کی جائے گی
اس مہم میں 310 سینڑی ورکرز کام کر رہے ہیں
ہر یونین کونسل میں یو سی انچارچ صفائی مہم کی خود نگرانی کر رہا ہے
سینٹری ورکرز آج علی الصبح سے ہی صفائی مہم میں مصروف ہیں

قصور
ڈاکوؤں نے ایک گھنٹہ تک ناکا لگائے رکھا اور درجن کے قریب بندوں کو لوٹا ہوائی فائرنگ کی اور موٹر سائیکل لے کر فرار ہو گئے

تفصیلات کے مطابق کیلیم اللہ ولد مقبول الہی سکنہ گگہ چک نمبر 29 تحصیل پتوکی نے تھانہ صدر پتوکی کو تحریری درخواست دی کہ وہ 24/9/21 کو بوقت 8 سے 9 کے درمیان اپنی موٹر سائیکل پر سوار ہو کر سہجووال سے اپنے گھر کی طرف آرہا تھا کہ ریلوے پھاٹک کے قریب عین سڑک کے درمیان دو کس نامعلوم مسلح افراد کھڑے تھے جنہوں نے مجھے تیز موٹرسائیکل چلاتے دیکھ کر ایک فائر میری طرف کیا جس کے ایک دو چھرے میرے جسم پر لگے اور میں موٹر سائیکل روکنے پر مجبور ہو گیا ڈاکوؤں نے قریب آکر مجھے دبوچ لیا اور م قریبی کھیتوں میں لے گئے جہاں پہلے سے درجن بھر شہریوں کو لوٹنے کے بعد بٹھایا ہوا تھا ڈاکوؤں نے ایک گھنٹہ ناکا لگا کر لوٹنے کے بعد ہوائی فائرنگ کی اور میری موٹر سائیکل لے گئے
پولیس کو اطلاع کرنے پر نفری موقع پر پہنچی اور کاروائی کا آغاز کیا
متاثرہ شہری نے ڈی پی او قصور سے استدعا کی ہے کہ جلد سے جلد ڈاکوؤں کو گرفتار کیا جائے اور میری موٹر سائیکل واپس دلائی جائے

قصور
جاز کمپنی نے جاز کیش اکاؤنٹ ہولڈرز کو چونا لگانا شرع کر دیا،بیلنس چیک کرنے پر 25 پیسے کاٹنا شروع کر دیئے،شروع میں جاز کیش اکاؤنٹ سے 10 بل پے کئے جا سکتے تھے جو کہ اب کم کرکے 3 کر دیئے گئے ہیں،صارفین کا گورنمنٹ سے کمپنیوں کے خلاف نت نئے طریقوں سے لوٹنے پر کارروائی کا مطالبہ

تفصیلات کے مطابق پاکستان کی سب سے بڑی موبائل نیٹ ورک کمپنی نے من مانی کرتے ہوئے نت نئے طریقوں سے صارفین کو لوٹنا شروع کر دیا ہے جسے کوئی پوچھنے والا نہیں ہے اسی لئے کمپنی صارفین کو چونا لگا رہی ہے اور اپنی من مانیاں کر ر ہی ہے
صارفین کے موبائل اکاؤنٹ جاز کیش میں صارفین کے اربوں روپیہ سے کمائی کرنے والی جاز کمپنی نے ظلم کرتے ہوئے جاز کیش بیلنس چیک کرنے پر 25 پیسے کٹوتی شروع کر دی ہے حالانکہ صارفین کے پیسوں سے ہی کمپنی اربوں روپیہ کی کمائی کر رہی ہے اور الٹا صارفین کو ہی چونا لگا رہی ہے
ماضی میں جاز کیش اکاؤنٹ سے 10 بل پے کئے جا سکتے تھے جسے کمپنی نے گھٹا کر اب 3 بل کر دیئے ہیں اور اس سے اوپر بل پے کرنے پر 10 روپیہ فی بل چارج کئے جاتے ہیں
موبائل نیٹ ورک کمپنیوں کے نخرے دن بدن بڑھتے ہی جا رہے ہیں جس کے باعث صارفین سخت پریشان ہیں اور حکومت وقت سے مطالبہ کرتے ہیں کہ ان کمپنیوں کو صارفین کو ناجائز لوٹنے سے روکا جائے

قصور
قصور تھانہ بی ڈویژن کے حدود میں مقدمہ قتل نمبر 615 /21 میں نامعلوم ملزمان پولیس کی کمائی کا ذریعہ بن گئے گزشتہ روز تھانہ بی ڈویژن پولیس کے سب انسپکٹر محمد اقبال نے محلہ جماعت پورا میں مقدمے میں نامعلوم ملزم حفیظ کے رشتے داروں کے گھر دروازے توڑتے ہوئے چار دیواری کا تقدس پامال کرتے ہوئے احفیظ کے رشتے داروں زبیر اور نعیم نامی نوجوان کو حراست میں لے لیا اور ان کے گھر کی تلاشی کے دوران قیمتی سامان موٹر سائیکل اور ایک عدد موبائل فون بھی ساتھ لے گئے غیر قانونی حراست میں لئے گئے دونوں افراد کو اہل خانہ کے سامنے شدید تشدد کیا
بعد ازاں اہل محلہ کی مداخلت کے بعد اپنے ساتھ پولیس سٹیشن لے گئے جہاں پر تاحال غیر قانونی حراست میں ہیں رابطہ کرنے پر سب انسپکٹر اقبال احمد نے بتایا کہ جب تک نامعلوم ملزم حفیظ کو پیش نہیں کیا جاتا اس وقت تک ان کو بھی نہیں چھوڑا جائے گا زبیر اور نعیم کے اہل خانہ وزیر اعلی پنجاب اور آئی جی پولیس ڈی اور پی او قصور سے مطالبہ کیا ہے کہ افراد کو فوری طور پر چھوڑا جائے اور ذمہ داران کے خلاف قانون کے مطابق مقدمہ درج کیا جائے

قصور
میونسپل کارپوریشن قصور کی لاپرواہی نالوں کی صفائی نہ ہونے کیوجہ سے حالیہ بارشوں سے بیرون کوٹ رکندین خاں چھپڑ کنڈا، نفیس کالونی ملحقہ علاقے ڈبن پورہ کا منظر پیش کرنے لگے متاثرین کا ڈپٹی کمشنر سے کاروائی کا مطالبہ
تفصیلات کے مطابق بیرون کوٹ رکندین خاں چھپڑ کنڈا، نفیس کالونی اور ملحقہ علاقے میونسپل کارپوریشن لاپرواہی نالوں کی صفائی نہ ہونے کے وجہ سے برساتی پانی کی نکاسی بند ہونے پر پورا علاقے کے ہر گھر میں پانی بھر جاتا ہے گھر کا ہر فرد پوری پوری رات گھر پانی نکالنے کی مشقت میں رہتا ہے جس سے عوام کا جینا دو بھر ہو جاتا ہے جگہ جگہ پر غلاظت اور گندگی کے ڈھیر لگے ہوئے ہیں ڈپٹی کمشنر کو دی گئی درخواست پر ڈی سی کے حکم کے باوجود ٹی ایم اے کا کوئی عملہ صفائی کرنے نہیں آتا جسکی وجہ سے جابجا کھڑے پانی میں نہ صرف ڈنگی مچھر کی افزائش میں اضافہ ہو رہا ہے بلکہ متاثرین عوام مختلف موزی بیماریوں میں مبتلا ہو رہے ہیں اہل علاقہ کی متاثرین عوام نے متعلقہ افسران بالا سے بھر پور مطالبہ کیا ہے کہ ہمیں بھی صحت مند زندگی جینے کا حق دیا جائے اور عملہ صفائی کے خلاف کارروائی عمل میں لائی جائے۔

قصور
بابا بلھے شاہ کے شہر قصور میں نان سٹاپ ڈکیتیوں کا سلسلہ نہ تھم سکا شہر بھر میں نصب شدہ سیف سٹی مانیٹرنگ کیمرے بھی ناکارہ عوام خوف و ہراس کے عالم میں عدم تحفظ کا شکار پولیس خاموش تماشائی اور خواب خرگوش کے مزے لینے میں مصروف

تفصیلات کے مطابق شہر قصور و گردونواح میں نان سٹاپ ڈکیتیوں کا سلسلہ تسلسل سے جاری ہے شہری
حافظ حامد محمود نے مقامی پولیس کو درخواست گزاری ہے کہ وہ گزشتہ روز حسب معمول موٹر سائیکل پر سوار کچہری سے واپسی پر اپنے گھر کرشنانگر کے دروازے پر کھڑا ہی ہوا تھا کہ اسی اثنا میں دو کس نامعلوم افراد مسلح دستی اسلحہ موٹر سائیکل بلیک کلر 125 ہنڈا پر سوار آئے جنہوں نے سر پر ہیلمٹ اور منہ پر ماسک لگا رکھے تھے آتے ہی مجھے جان سے مار دینے کی دھمکی دیتے ہوئے اسلحہ تان لیا اور شلوار کی جیب سے مبلغ /Rs,98000 اور قمیض کی جیب سے اوپو موبائل F19.pro مالیتی/Rs,50000 سم نمبر 03227617513 زبردستی چھین کر فرار ہونے میں کامیاب ہوگئے
میں حواس باختہ ہوگیا بعد ازاں میں نے آپنے عزیز کے موبائل نمبر 030065993312 سے 15 پر کال کی کچھ ٹائم بعد پولیس موقع پر پہنچ گئی
آئے روز کی وارداتوں پر اظہار افسوس کرتے ہوئے شہریوں کا کہنا ہے کہ کروڑوں روپیوں کی لاگت سے نصب شدہ سیف سٹی مانیٹرنگ روم میں ڈیوٹی پر معمور اہلکار سرکار سے بھاری تنخواہیں وصول کر رہے ہیں تاہم پھر بھی آئے روز مختلف وارداتوں ہو رہی ہیں اور عملہ جرائم پیشہ افراد اور ڈاکوؤں کی شناخت کرنے میں مکمل ناکام ہے جس پرانجمن تاجران سول سوسائٹی، سماجی فلاحی تنظیموں کے سربراہان اور ڈسٹرکٹ بار کے وکلاء نے حکام بالا سے مطالبہ کیا ہے کہ جرائم کی روک تھام اور شہریوں کو جانی،مالی تحفظ فراہم کرنے میں اپنا کردار ادا کرے اور شہریوں کو تحفظ فراہم کیا جائے

قصور
پھولنگر کے نواح میں رہائشی کوارٹرز کا استعمال شدہ پانی قبریں مسمار کرنے لگا،اہل علاقہ کے بار بار منع کرنے کے باوجود نکاسی أب کا انتظام نا کیا گیا،درجنوں قبریں زیر آب آنے سے بیٹھ گئیں،لوگوں کی کوارٹرز مالک کے خلاف سخت کاروائی کا مطالبہ

تفصیلات کے مطابق قصور کے شہر پھول نگر کے نواح میں زندوں نے مردوں کو اذیت دینا شروع کر دی
پھول نگر شہر کے قریبی گاؤں اڈہ سرائے چھینبہ ڈھلواں روڈ حاجی پارک میں ولی خان نے رہائشی کوارٹرز بنا رکھے ہیں جو کہ فیکٹری ملازمین کو کرایہ پر بطور رہائش دیتا ہے
کوارٹرز کے سیوریج کا پانی ملحقہ قبرستان میں جاتا ہے اور کوارٹرز میں بارش کا کھڑا ہونے والا پانی بھی قبرسان میں نکالا جاتا ہے جس کے باعث کئی قبریں مسمار ہو گئی ہیں
اہل علاقہ نے اس بابت خوف الہی دلاتے ہوئے ولی خان کو متعدد بار اپنے سیوریج کے پانی کی درست نکاسی کا کہا ہے تاہم ولی خان نے ہر بار ٹال مٹول سے کام لیا ہے اور کہا ہے کہ جو ہوتا ہے کر لو پانی نہیں بند ہو گا
لوگ اپنے پیاروں کی قبروں کی حالت دیکھ کر سخت پریشان ہیں اور ڈپٹی کمشنر قصور آسیہ گل اور وزیر اعلی پنجاب سردار عثمان بزدار سے فریاد کناں ہیں کہ اس ظالم شحض کو قبروں کی بے حرمتی سے روکا جائے