Author: غنی محمود قصوری

قصور
قصور کوٹ رادھا کشن روڈ پر تھ شیخم کے مقام پر عین سڑک کے وسط میں عرصہ دراز سے ٹوٹی ہوئی پلی حادثات کا سبب

تفصیلات کے مطابق قصور ضلع بھر کی تمام سڑکیں اپنی خستہ حالی کی تصویر بنی ہوئی ہے
خاص طور پر قصور رائیونڈ روڈ و قصور سے کوٹ رادھا کشن روڈ مکمل برباد ہو چکا ہے جس کے باعث لوگ شدید پریشان ہیں
کوٹ رادھا کشن قصور روڈ بمقام تھ شیخم سڑک پر واقع پلی عرصہ دراز سے سڑک کے عین وسط سے ٹوٹی ہوئی ہے
جس کے باعث کئی حادثات رونما ہو چکے ہیں مگر آج دن تک اس پلی کو مرمت نہیں کیا گیا اس بابت لوگوں نے کئی بار حکام کی توجہ بھی دلائی ہے مگر بے سود
لوگوں نے ڈی سی قصور سے نوٹس لے کر پلی کی مرمت کا مطالبہ کیا ہے تاکہ لوگ آئے روز کے حادثات سے بچ سکیں

قصور
چونیاں بار کے ممبر شبیر احمد گوندل کی چوری شدہ موٹر سائیکل جلد برآمد کرنے کا مطالبہ،پورے چونیاں و گردونواح میں موٹر سائیکل چوری کا سلسلہ عروج پر ،لوگ شدید پریشان

تفصیلات کے مطابق شبیر احمد گوندل ممبر چونیاں بار کی ایک ہفتہ قبل چوری ھونے والی موٹرساہیکل نمبری 3442 ماڈل 18 CD70 رنگ سرخ کی FIR نمبری 702/21 تھانہ سٹی چونیاں میں درج ہوئی ہے
جس پر اہلیان ،سیاسی و سماجی ،سیاسی و صحافی شحضیات نے مقامی پولیس سے مطالبہ کیا ہے کہ چوری شدہ موٹر سائیکل فوری برآمد کی جائے اور ملزمان کو گرفتار کیا جائے کیونکہ چونیاں شہر و گردونواح میں موٹر سائیکل چوری کا سلسلہ خطرناک حد تک بڑھ چکا ہے جس سے لوگ آئے روز اپنی قیمتی موٹر سائیکلوں سے ہاتھ دھو رہے ہیں اور پورے علاقے کے لوگوں میں پریشانی کی کیفیت ہے

ڈسٹرکٹ پریس کلب قصور کے نو منتخب عہدیداروں کی تقریب حلف برداری

صحافیوں کے حقوق کے لیے سرگرم کارکنان کو سلام پیش کرتا ہوں اینکر پرسن مبشر لقمان

تفصیلات کے مطابق ڈسٹرکٹ پریس کلب قصور کی تقریب حلف برداری عمارت پریس کلب میں منعقد ہوئی تقریب کے مہمان خصوصی اینکر پرسن مبشر لقمان تھے تقریب میں بختیار محمود قصوری،راو مشتاق حیدر صدر یونین آف جرنلسٹس اوکاڑہ، ڈی پی او قصور عمران کشور ، ڈسٹرکٹ انفارمیشن آفیسر محمد بلال ،رانا نوید مرکزی صدر پاکستان تحریک اتحاد راجہ نبیل کیانی، ڈاکٹر فضل رحیم، ڈی ایس پی یعقوب اعوان، سمیت ضلع بھر سے ممبران ڈسٹرکٹ پریس کلب قصور نے شرکت کی انہوں نے ظفر اقبال صدر، سنئیر نائب صدر رانا منصور احمد،جنرل سیکرٹری سید تنویر اقبال، نائب صدر سید عامر حسین تقوی، انفارمیشن سیکرٹری عمران نجفی، سیکرٹری فنانس سید عابد بخاری، سید افضل حیدر، ملک شرافت علی گوہر چئیرمین ایگزیکٹو کونسل، سیکرٹری کامران اشرف الیکٹرانک میڈیا صابر چوہدری چئیرمین، سیکرٹری حافظ وحید اشرف، یونین آف جرنلسٹ کے چیرمین طالب حسین بھٹہ، محمد عرفان سندھو سمیت عہدیداران سے ان کے عہدوں کا حلف لیا
حلف برداری تقریب سے خطاب کرتے ہوے سینئر صحافی اینکر پرسن مبشر لقمان نے کہا کہ ڈسٹرکٹ پریس کلب قصور میں دوسری دفعہ آنے کا اتفاق ہوا جمہوری روایات کے مطابق عہدداران کا چناو خوش آئند ہے صحافیوں کی تنخواہ اور بچوں کی تعلیم کے لیے وسائل کی کمی ہے بیروزگاری کے مسائل بڑھ رہے ہیں گورنمنٹ کو صحافیوں کی مالی مدد کرنی چاہیے ڈی پی او قصور عمران کشور نے کہا کہ صحافی معاشرے کی آنکھ ہیں مسائل اور جرائم میں کمی لانے میں صحافیوں کا کلیدی کردار ہے راجا نبیل کیانی نے اپنے خطاب نو منتخب عہدیداروں کو مبارک باد پیش کرتے ہوئے ہر ممکن تعاون کی یقین دہانی کروائی. قصور کے نامور صحافی سید عامر حسین تقوی اور کامران اشرف کو محکمہ جنگلات کی جانب سے ایوارڈ ملنے پر مبارکباد پیش کی ، صدر ڈسٹرکٹ پریس کلب قصور ظفر اقبال نے اپنے خطاب میں آنے والے مہمانوں کو خوش آمدید کہا اور صحافیوں کے مسائل کے حل کے لیے ہر سطح پر کام کرنے کی یقین دہانی کروائی بانی چیئرمین ڈسٹرکٹ پریس کلب قصور سردار شریف سوہڈل نے اپنے خطاب میں کہا کہ صحافی معاشرے کے مسائل کو اجاگر کرنے کے ساتھ شعور اور اگہی پیدا کرنے کے لیے اپنا کردار ادا کر رہے ہیں ڈسٹرکٹ پریس کلب قصور کی نئے عہدیداران اپنے حلف کا پاس رکھتے ہوئے اپنی ذمہ داری پوری کریں گے تقریب کے اختتام پر سابق صدر حافظ شریف اشرف کی صحتیابی کے لیے خصوصی دعا کی گئی

قصور
ڈسٹرکٹ پریس کلب قصور کی تقریب حلف برداری آج دن گیاراں بجے ڈی پی سی قصور بائی پاس پر منعقد ہو گی،ملک بھر کی نامور شخصیات شرکت کرینگی

تفصیلات کے مطابق ڈسٹرکٹ پریس کلب قصور کی تقریب حلف برداری آج دن گیاراں بجے ڈی پی سی قصور بائی پاس پر منعقد ہو گی جس میں سپریم کونسل ،کونسل ممبران و عہدیدران سے حلف لیا جائے گا
تقریب حلف برداری کی قیادت بانی پریس کلب سردار شریف سوہڈل،ڈسٹرکٹ پریذیڈنٹ ظفر اقبال چوہدری،سیکٹریٹری جنرل سید تنویر حسین شاہ ،فنانس سیکریٹری سید عابد حسین شاہ و چاروں تحصیلوں کے نائب صدور کرینگے
تقریب میں ملک بھی کی نامور شخصیات شرکت کرینگے جبکہ خصوصی شرکت سئینر اینکر پرسن و سی او باغی ٹی وی مبشر لقمان،معروف سیاستدان بختاور محمود قصوری،صوبائی وزیر کرنل ہاشم ڈوگر،ڈسٹرکٹ پولیس آفیسر قصور عمران کشور ،چئیرمین سٹینڈنگ کمیٹی برائے مذہبی امور ضیاء اللہ شاہ بخاری کی ہو گی
تقریب میں مہمانوں کا اظہار خیال بھی ہو گا تاکہ سینئرز کا پیغام نو منتخب عہدیداران تک پہنچ پائے

قصور
ڈی ایچ کیو ہسپتال قصور میں عہدوں کا ناجائز استعمال کرکے کرپش کا راج

تفصیلات کے مطابق ڈسٹرکٹ ہیڈ کوارٹرز ہسپتال قصور میں کرپشن کا راج قائم ہو چکا ہے
سرکاری عہدے کا ناجائز استعمال کرکے من پسند بندے لاکر کرپشن کروائی جا رہی ہے
ہسپتال میں جمیل کلرک اور رفیق اکاؤنٹنٹ کہ جس کی سیٹ ڈی ایچ کیو میں موجود ہی نہیں ہے ان کے ذریعہ سے ڈاکٹر لئیق ایم ایس منتھلییاں لے کر کرپشن کروا رہا ہے نیز دیگر ہسپتال میں تعینات عملہ نے کرپشن کی انتہا کر دی ہے اور لڑائی جھگڑے کا کا میڈیکل لینے آنے والے سائلین کو خود ساختہ میڈیکل دلوانے کے لیے ہزاروں بٹورے جا رہے ہیں
ہسپتال کے عملہ میں اقبال نامی اہلکار خود ساختہ طور پر پانچ سے دس ہزار کے عیوض ہسپتال کے سرکاری کواٹروں میں لیجا کر جعلی رزلٹ کے لیے پین کلر و جسم لوکل کرنے والے انجکشن لگاکر ہڈی فیکچر کرتا ہے
اور جھوٹا بناوٹی میڈیکل کروا دیتا ھے اس کے علاوہ اوریجنل رزلٹ لینے والے سائلین کو بھی مختلف حیلوں بہانوں سے بلیک میل کرتے ہیں اور پیسے بٹورے جاتے ہیں
جمیل کلرک اور رفیق اکاؤنٹنٹ نے پورے ہسپتال میں اپنا ایک گروپ تشکیل دے رکھا ھے جس میں ہسپتال کا عملہ اور پرائیویٹ لوگ بھی شامل ھیں جو لوگوں کو اس کے پاس لے کر آتے ھیں
سائلین کی بار بار شکایات پر بھی اس کے خلاف کارروائی عمل میں نہیں لائی جاسکی
جبکہ اس شخص کے جعلی رزلٹ دلوانے کی وجہ سے ہزاروں گھرانے مقدمہ بازی میں برباد ھوچکے ھیں
شہریوں کی وزیر صحت سی او ہیلتھ ضلعی انتظامیہ سے گزارش ھے کے اس کرپت سماج دشمن شخص کے خلاف کارروائی کی جائے

قصور
سید عامر حسین تقوی اور کامران اشرف کو محکمہ جنگلات کی جانب سے صحافتی ایوارڈ سے نواز گیا

تفصیلات کے مطابق ضلع قصور کے نامور صحافی سید عامر حسین تقوی اور کامران اشرف کو جنگلات اور جنگلی حیات کے حوالہ سے میڈیا رپورٹنگ پر ایوارڈ سے نوازا گیا ہے

وزیر جنگلات سبطین خان نے میڈیا نمائندگان سے ملاقات کی جس میں انہوں نے شجرکاری مہمات کی میڈیا کوریج میں تعاون پر ذرائع ابلاغ کے نمائندوں کا شکریہ ادا کیا اور کہا کہ محکمہ جنگلات کا مثبت امیج اجاگر کرنے میں صحافیوں کا کلیدی کردار ہے
کانفرنس میں ضلع قصور کے صحافی سید عامر حسین تقوی اور کامران اشرف سمیت ماحولیاتی تحفظ کے لئے کام کرنے والے صحافیوں نے شرکت کی انہوں نے کہا کہ صحافی دوستوں کی موجودگی اور تعاون ہمارے لئے باعث حوصلہ ہے
سبطین خان نے مزید کہا کہ محکمہ جنگلات وزیر اعظم اور وزیر اعلیٰ پنجاب کے گرین پاکستان و پنجاب ویثرن کو پروموٹ اور مکمل کرنے کیلئے اپنا بھرپور کردار ادا کر رہا ہے تاہم میڈیا نمائندوں کی راہنمائی اور تعاون اس ویثرن کو تقویت دینے کا باعث بن رہی ہے اس موقع پر انہوں نے محکمہ جنگلات کی تین سالہ کارکردگی پر بریفنگ بھی دی اور صحافیوں کے مختلف سوالوں کے جوابات دئیے جبکہ کامران اشرف اور سید عامر حسین تقوی کو بہترین صحافتی خدمات جنگل اور جنگلی حیات کے تحفظ پر ایوارڈ دیا گیا سبطین خان نے اس امید کا بھی اظہار کیا کہ شجرکاری کی سرگرمیوں اور محکمہ جنگلات کی کارکردگی کو ذرائع ابلاغ میں مثبت انداز میں ہائی لائٹ کرنے کیلئے میڈیا اپنا تعاون جاری رکھے گا

قصور
32 لاکھ آبادی والے ضلع کے ڈسٹرکٹ ہیڈ کوارٹر ہسپتال کی ایمرجنسی میں ایک بی پی آپریٹر مشین جو کہ سارا دن مختلف وارڈوں میں گھومتی ہے،بلڈ پریشر چیک کروانے والے شدید پریشان

تفصیلات کے مطابق قصور ڈسٹرکٹ ہیڈ کوارٹرز ہسپتال کی ایمرجنسی میں ایک ہی بی پی آپریٹر موجود ہے جو کہ سارا سار دن ایمرجنسی کی مختلف وارڈوں میں گھومتا ہے اور بلڈ پریشر چیک کروانے والے مریض نرسوں و پیرا میڈیکل سٹاف کے کہنے پر اسے مختلف وارڈوں میں ڈھونڈتے پھرتے ہیں
گزشتہ دن شہری ظہیر احمد علاج کیلئے ڈی ایچ کیو ہسپتال گیا تو ڈاکٹر نے اسے بلڈ پریشر چیک کروانے کا کہا جس پر ظہیر بلڈ پریشر چیک کروانے کیلئے ڈاکٹر کے کمرے کے باہر بیٹھی بلڈ پریشر چیک کرنے والی نرس کے پاس گیا تو اس نے بتایا کہ بی پی آپریٹر ایک ہی ہے جو کہ اوپر وارڈ میں گیا ہوا ہے
ظہیر اوپر والی وارڈ میں گیا تو جواب ملا کہ بی پی آپریٹر میل وارڈ میں ہے ،میل وارڈ میں جانے پر جواب ملا کہ بی پی آپریٹر فارغ نہیں
مذید تحقیق کرنے پر پتہ چلاا کہ پوری ایمرجنسی وارڈ میں ایک ہی کلوکومیٹر ہے جس کی سٹرپس زیادہ تر ختم ہی رہتی ہیں اور شوگر کے مریضوں کو باہر سے شوگر چیک کروانی پڑتی ہے
حیرت کی بات ہے کہ ضلع قصور کی آبادی تقریبا 32 لاکھ ہے اور زیادہ تر باقی تین تحصیلوں سے بھی لوگ یہیں آتے ہیں مگر پھر بھی ایک ہی بی پی آپریٹر ہے اور دیگر سہولیات کا بھی فقدان ہے
شہریوں نے ڈسٹرکٹ ہیڈ کوارٹر ہسپتال میں سہولیات کے فقدان پر شدید پریشانی کا اظہار کیا ہے اور وزیر اعلی پنجاب و وزیر صحت سے نوٹس لینے کی اپیل کی ہے

قصور
ڈی پی او قصور عمران کشور نے لوگوں کی لوٹی ہوئی رقم 9 لاکھ و مال مسروقہ برآمد ہونے پر اصل مالکان تک پہنچا دیا ،شہریوں کا اظہار تشکر

تفصیلات کے مطابق ڈی پی او قصور عمران کشور ،ڈی ایس پی صدر ذوالفقار علی ورک اور ایس ایچ او تھانہ مصطفی آباد صفدر پرویز نے گرفتار ہونے والے ملزمان سے برآمد ہونے والی نقد رقم 9 لاکھ روپیہ اور مال مسروقہ 3 عدد موٹر سائیکل،8 عدد قیمتی اینڈرائڈ موبائل، و دیگر مال مسروقہ مالیت تقریباً 9 لاکھ تھانہ مصطفیٰ آباد میں اصل مالکان تک واپس پہنچا دیا
جس پر شہریوں نے ڈی پی او قصور و قصور پولیس کے اس قدم کو خوب سراہا اور داد پیش کی

قصور
موجودہ گورنمنٹ سے جہاں غریب کی ہڈیاں ٹوٹی اور دو وقت کے کھانے سے محرومی ہوئی ہے وہیں سڑکیں بھی شدید ٹوٹ پھوٹ کا شکار ہیں،سرکار دعوے کرنے کیساتھ کام سے اجتناب بھی کرتی ہے،اربوں روپیہ کی لاگت سے بننے والا قصور بائی پاس عدم توجہی کے باعث ناکارہ

تفصیلات کے مطابق موجودہ دور حکومت میں جہاں چلتے پھرتے زندہ انسان دو وقت کی روٹی سے محروم ہوئے ہیں وہیں ضلع قصور کی سڑکیں بھی اپنی زبوں حالی کی تصویر بنی ہوئی ہیں قصور کی سب سے اہم سڑک باٸی پاس مکمل خستہ حال ہو چکا ہے جس کی وجہ موجودہ گورنمنٹ میں ایک بار بھی مرمت نا کرنا ہے اس بائی پاس پر قصور روڈ پر واقع روہی نالہ کا پل شدید ٹوٹ پھوٹ کا شکار ہے اور اپنی زبوں حالی کی تصویر بنا ہوا ہے اس روڈ پر آئے روز حادثات معمول بن گئے ہیں جس سے کتنے ہی لوگ موت کا شکار ہو گئے ہیں جبکہ اس روڈ پر کڑورں روپیہ کی لاگت سے لائٹیں لگ تو گئی لیکن چل نہ سکی ہیں جس کے باعث ابتک سینکڑوں وارداتیں ہو چکی ہیں
شہریوں نے سرکار سے فریاد کی ہے کہ خدارا اب تو کچھ کیجئے تاکہ آپ کا فوٹو شوٹ کچھ تو حقیقت پر مبنی ہو

قصور
جنگ گروپ کے بانی میر خلیل الرحمن کی اہلیہ محمودہ خلیل الرحمن کے انتقال ہر ڈسٹرکٹ پرس کلب قصور کی طرف سے اظہار غم اور دعائے مغفرت

تفصیلات کے مطابق ڈسٹرکٹ پریس کلب قصور نے جنگ گروپ کے بانی میر خلیل الرحمان کی اہلیہ محمودہ خلیل الرحمٰن کے انتقال پر تعزیت کا اظہار کیا ہے
ڈسٹرکٹ پریس کلب قصور کے تعزیتی اعلامیہ میں بانی پریس کلب سردار شریف سوہڈل،ڈسٹرکٹ پریذیڈنٹ ظفر اقبال چوہدی،سیکریٹری جنرل تنویر حسین شاہ،سیکریٹری فنانس سید عابد حسین بخاری ڈی پی سی ممبران و کونسل ممبران نے مرحومہ کے انتقال پر ان کی مغفرت اور لواحقین کے لئے صبر جمیل کی دعا کی ہے