Author: غنی محمود قصوری

قصور
محکمہ واپڈا کی نااہلی ،لوگ جلے ٹرانسفارمر خود ٹھیک کروانے پر مجبور،واپڈا اہلکاران دیہاڑیاں لگانے میں مصروف،ایل ٹی لائنز انتہائی پرانی و بوسیدہ

تفصیلات کے مطابق قصور اور گردونواح میں واپڈا قصور کی طرف سے کھلا اعلان ہے کہ خراب ہونے یا جلنے والا ٹرانسفارمر اپنے پلے سے لگوائیں یاں پھر دو چار ہفتہ انتظار کریں
قصور اور گردونواح کے تمام ٹرانسفارمرز کی ایل ٹی لائنز انتہائی بوسیدہ اور پرانی ہو چکی ہیں جن کو تبدیل کرنے کی کبھی زحمت ہی نہیں کی گئی
جس کے باعث آئے روز ٹرانسفامروں سے آگ نکلتی دکھائی دیتی ہے جس کی اطلاع واپڈا کو کی جائے تو کوئی کاراوئی نہیں کی جاتی بلکہ ٹرانسفارمر کے جلنے کا انتظار کیا جاتا ہے تاکہ دیہاڑی لگ سکے
مہنگی بجلی کے باعث لوگ پہلے ہی سخت پریشان ہیں اور اوپر سے اپنے گلی محلے کا ٹرانسفارمر جلنے پر مرمت کروانے کیلئے پیسے دینے پڑتے ہیں

قصور
تحصیل پتوکی میں اشیاءخوردونوش میں ملاوٹ انتہائی عروج پر پہنچ گئی۔ ڈسٹرکٹ فوڈ اتھارٹی اور لوکل انتظامیہ خواب خرگوش کے مزے لے کر سوگئی محکمہ فوڈ اتھارٹی کے افسران اور لوکل انتظامیہ محض کاغذی کاروائی اور پیسے بنانے میں مصروف عوام بہت سی بیماریوں کے گھیرے میں

تفصیلات کے مطابق تحصیل پتوی میں اشیائے خوردونوش میں ملاوٹ اپنے عروج پر گئی ۔دودھ، دہی ، گھی ، چائے کی پتی،مصالحات جات، سرخ مرچ، بیسن اور دیگرچیزوں کا خالص ملنانا ممکن ہو چکا ہے۔ فوڈ اتھارٹی کے افسران اور لوکل انتظامیہ کا غذی کاروائیوں تک محدودہوکر رہ گئی ہے۔خالص اشیاءکا ملنانا ممکن ہو چکا ہے۔سب سے زیادہ ملاوٹ دودھ، دہی ، گھی ، چائے کی پتی،مصالحات جات، سرخ مرچ ،بیسن میں کی جارہی ہے۔ مختلف علاقوں میں کھا د اور کیمیکلز وغیرہ دودھ،تیار کرنے کی فیکٹریوں میں دودھ کے نام پر کھلے عام صحت زہر فروخت کیا جارہا ہے۔مضر صحت اشیاءخوردونوش کے استعمال سے لوگوں کی بہت بڑی تعداد ہیپاٹائٹس ، ٹی بی اور گردوں کے امراض معدہ ،جگراور دیگر امراض میں مبتلا ہو چکے ہیں۔جب کہ سرکاری ونجی ہسپتال مضر اشیاءخوردونوش کے استعمال کرنے والے مریضوں سے بھرے پڑے ہیں۔جب کہ ڈسٹرکٹ فوڈ اتھارٹی اور لوکل انتظامیہ خواب خرگوش کے مزےلے کر سوگئی ہوئی ہیں۔ڈاکٹرز کا کہنا ہے کہ اشیاءخوردونوش میں ملاوٹ کے انسانی زندگیوں پر انتہائی خطرناک اثرات مرتب ہورہے ہیں

قصور
بسلسلہ آمد محرم الحرام لائسنسداران جلوس ومنتظمین مجالس اور معززین علاقہ کے ساتھ ایس ایچ او الہ آباد کی میٹنگ محرم الحرام میں مجالس اور جلوس ہائے کو فول پروف سکیورٹی فراہم کی جائے گی ، علماءکرام اور ذاکرین حضرات اپنے بیانات ،خطبات میں امن ،بھائی چار ے ،صبر اور براداشت کو فروغ دیں ،امن خراب کرنے والوں کے ساتھ سختی سے نمٹا جائے گا ایس ایچ او الہ آباد

تفصیلا ت کے مطابق بسلسلہ آمد محرم الحرام ایس ایچ او الہ آباد کی طرف سے ممبران امن کمیٹی اور لائسنسداران جلوس ومنتظمین مجالس اور معززین علاقہ کے ساتھ میٹنگ کا انعقاد کیا گیا ،میٹنگ میں محرم الحرام کے دوران علاقہ میں امن و امان کی فضا کو برقرار رکھنے کےلئے مختلف امور زیر بحث لائے گئے ایس ایچ او عابد محمود چھینہ نے گفتگو کرتے ہوئے کہا کہ محرم الحرام میں مجالس اورجلوس ہائے کیلئے فول پروف سکیورٹی انتظامات کیے جا رہے ہیں،کسی بھی ناخوشگوار وقوعہ سے بچنے اور امن کو قائم رکھنے کےلئے پولیس کی جانب سے تمام وسائل بروئے کا ر لائے جا رہے ہیں،محرم الحرام کے حوالے سے خصوصی سکیورٹی پلان بھی مرتب کیا جا رہا ہے، علماءکرام اور ذاکرین حضرات امن کے فروغ کےلئے اپنا ذمہ دارانہ کردار ادا کریں،اپنے بیانات ،خطبات میں امن ،بھائی چار ے ،صبر اور براداشت کو فروغ دیں،نفرت اور شر انگیز بیانات سے گریز کریں ،پولیس کے ساتھ تعاو ن کریں اور قیام امن کے لئے اپنا کردار ادا کریں، شہر کا امن خراب کرنے والے عناصر کے ساتھ سختی سے نمٹا جائے گا ،دوران میٹنگ شرکاءکی جانب سے سکیورٹی کے لئے پیش آنے والے مسائل اور تجاویز پیش کی گئی ایس ایچ او نے تجا ویز کا خیر مقدم کرتے ہوئے مسائل حل کرنے کی یقینی دہانی کرائی

قصور
تحصیل پتوکی کے نواحی علاقے حبیب آباد میں 5 سالہ مقتول فرمان عرفان کی قاتلہ گرفتار،قاتلہ مقتول کی سگی تائی ہے

تفصیلات کے مطابق قصور کی تحصیل پتوکی کے نواحی علاقے حبیب آباد میں ہولیس نے انتہائی مہارت سے 5 سالہ مقتول فرمان عرفان کی قاتلہ بشری بی بی کو گرفتار کر لیا جس نے قتل کا اعتراف کر لیا
مقتولہ بچے کی سگی تائی ہے اور ان کا آپس میں خاندانی معمولی نوعیت کا تنازعہ ہے جس کی رنجش پر مقتولہ نے 5 سالہ عرفان کو قتل کیا
پولیس نے دوران تفتیش شک کی بناء پر اسے گرفتار کیا تو بشری بی بی نے بچے کو قتل کرنے کا اعتراف کر لیا
ڈی پی او قصور عمران کشور نے قاتلہ کے خلاف مقدمہ درج کرکے عبرت ناک سزا کی یقین دہانی کراوائی
ڈی پی او قصور نے چند گھنٹوں میں قاتلہ کی گرفتاری پر پولیس ٹیم کو شاباش دی

قصور
کل سے قصور و گردونواح میں شدید بارش،فصلوں میں پانی کھڑا ہو گیا ،کچے مکانوں کو نقصان،ندی نالوں میں طغیانی،گہرے بادل تاحال موجود

تفصیلات کے مطابق قصور اور گردونواح میں کل سے شدید بارش کا سلسلہ جاری ہے جس کے باعث فصلوں میں پانی کھڑا ہو گیا ہے اور کچے مکانوں کو نقصان پہنچا ہے جبکہ بارش کے تیز سلسلہ سے ندی نالوں میں طغیانی آگئی ہے اور گلیوں بازاروں میں پانی کھڑا ہے
گہرے بادل تاحال موجود ہیں جس سے مذید برسات کا امکان ہے موجود ہے
گنڈا سنگھ بارڈر پر دریائے ستلج میں بھی طغیانی ہے جس کے باعث قریب کے دیہات میں سیلاب کا خطرہ موجود ہے جس کے پیش نظر ضلعی انتظامیہ نے فلڈ ریلیف وارننگ و کیمپ قائم کر دیا ہے

قصور
گردونواح میں تین مختلف مقامات سے تین لڑکیاں اغواء مقامی پولیس نے نامزد ملزمان کے خلاف الگ الگ امقدمات درج کرلیے۔دربار شیخ علم دین کے رہائشی منظور نے پولیس تھانہ سٹی چونیاں میں درخواست دی ہے کہ میری بیٹی نفیسہ بی بی گھر میں اکیلی موجود تھی کہ ملزم داؤد آیا اور اسے ورغلاء پھسلاء کر اغواء کرکے لے گیا ہے اور گوہر ہٹھاڑ کے رہائشی مختار مسیح نے پولیس تھانہ گنڈا سنگھ والا میں درخواست دی ہے کہ میری بیٹی آسیہ بی بی گھر میں موجود تھی کہ ملزم ہارون آیا اور اسے اغواء کرکے لے گیا ہے جبکہ جاگوالا کے رہائشی رفاقت نے پولیس تھانہ کھڈیاں میں درخواست دی ہے کہ میری ہمشیرہ رفعت بی بی گھر میں سوئی ہوئی تھی کہ ملزم وقار آیا اور اسے اغواء کرکے لے گیا ہے۔مقامی پولیس مصروف کاروائی ہے۔

غیر اعلانیہ اور طویل لوڈشیڈنگ کی وجہ سے کسان شدید پریشان ہیں، محمد احمد قصوری
اعلیٰ حکام سے مطالبہ کرتے ہیں کہ لوڈشیڈنگ کا خاتمہ یقینی بنایا جائے، صدر تحفظ موومنٹ
قصور
قصور سٹی سمیت سرحدی علاقوں میں طویل لوڈشیڈنگ کے عوام کا جینا محال کر رکھا ہے ایک طرف حکومت وافر بجلی کا دعویٰ کرتی ہے دوسری طرف طویل لوڈشیڈنگ نے حکومت کے خلاف عوام کی نفرت کا مزید بڑھاوا دے دیا ہے۔ ان خیالات کا اظہار تحفظ موومنٹ آف پاکستان نے میڈیا سے گفتگو کے دوران کیا۔ ان کا کہنا تھا کہ پی پی دور حکومت میں 18 سے 20 گنٹھے لوڈشیڈنگ ہوا کرتی تھی آج بھی طویل لوڈشیڈنگ کرکے زرداری دور کو دہرایا جا رہا ہے جس کی وجہ سے دیہات اور زراعی علاقوں میں چاول کی فصل کو شدید نقصان کا خدشہ ہے۔ محمد احمد قصوری نے کہا کہ قصور کے کسانوں کو شدید پریشانی کا سامنا ہے ایک طرف لوڈشیڈنگ نے جینا حرام کیا ہوا تو دوسری طرف ڈیزل کی قمیتیں بھی مسلسل بڑھ رہی ہیں حکومت کسانوں کو ریلیف دے۔ ہمارا اعلیٰ حکام سے مطالبہ ہے کہ بجلی کی طویل لوڈشیڈنگ کے خاتمہ کو یقینی بنایا جائے۔

قصور
تحصیل پتوکی کے نواحی علاقے حبیب آباد کے نواحی گاؤں چکنمبر تھڑا میں طلبا و طالبات شدید پریشان

تفصیلات کے مطابق اس صدی میں بھی قصور کے سرکاری سکول میں سہولیات کا شدید فقدان ہے
گورنمنٹ پرائمری اسکول تھڑا ضلع قصور تحصیل پتوکی حبیب اباد چکنمبر تھرا کے سکول کی عمارت خستحالی کا شکار ہے جس کے دو کمروں اور ایک برآمدے پر محیط عمارت کسی بھی وقت زمین بوس ہوسکتی ہے
عمارت کی خستہ حالی سے بچے اور بچیاں خوفزدہ ہیں
سکول کی عمارت میں پڑی دراڑیں اور ٹوٹا فرش بجلی کا نا ہونا ایک بہت بڑا سوالیہ نشان ہے
غریبوں کے بچے کھلے آسمان تلے تعلیم حاصل کرنے پر مجبور
اہلیان علاقہ نے چھٹیوں سے قبل سکول کی تصاویر جاری کیں تھیںں اور کہ ہے کہ
ہم احکامِ بالا سے اپیل کرتے ہیں ک سکول کی خستہ حالی اور اور انتظامیہ کی ناقص کارکردگی کا نوٹس لیں تاکہ بچے پرسکون ماحول میں تعلیم حاصل کریں
عمارت کی خستہ حالی
کمروں کی کمی
گراونڈ کا نا ہونا
فرینیچر کا فقدان
ایلکٹرسیٹی واٹرز محفوظ نہیں
پنکھوں کی کمی ہے اور سایہ بھی نہیں
گرمی سردی سے بچنے کیلئے چھت نہیں اور چار دیواری چھوٹی ہے جس کے باعث لوگ دیواریں پھلانگ کر دیڑے جمائے رکھتے ہیں

قصور
فرنٹ ڈیسک کے ملازمین کو احتجاج کرنے پر آئی جی پنجاب کی طرف سے گرفتار کرنے کا فیصلہ

تفصیلات کے مطابق لاہور میں فرنٹ ڈیسک جو کہ سال 2015 سےسٹارٹ ہوا تھا اور جس کو عوام نے بہت پسند بھی
کیا ہے اور جس کے باعث تھانہ کلچر میں کافی حد تک بہتری بھی آئی ہے
ان ملازمین نے آج لاہور میں احتجاج کا فیصلہ کیا ہے جس پر آئی جی پںجاب نے ان کے خلاف پرچے کرنے اور انہیں گرفتار کرنے کا حکم دیا ہے
فرنٹ ڈیکس کے تمام ملازمین نے محکمہ پولیس میں بہت اچھا کام کیااور کرپشن سے پاک نوکری کر رہے ہیں جس کا اعتراف ہر کوئی کرتا ہے
یکن تقریباً چھ سال گزرنے کے باوجود ان کو نہ تو دیگر محکمہ جات کی طرح کوئی سالانہ انکریمنٹ لگائی گئی ہے اور نہ ہی اب تک ان ملازمین کو مستقل کیا گیا ہے جس کے پیش نظر فرنٹ ڈیسک کے ملازمین اب تنگ آکر محکمہ پولیس کو خیر باد کہہ رہے ہیں اور فرنٹ ڈیسک کے سینکڑوں ملازمین نے افسران بالا سے اپنے جائز مطالبات پورے کرنے کی اپیل کی ہے اور کہا ہے کہ اگر محکمہ نے ہمارے مطالبات نہ مانے تو وہ دفتر بند ہڑتال اور بھر پور احتجاج کریں گے اس سلسلے میں ملازمین لاہور پہنچنا شروع ہو گئے ہیں

فرنٹ ڈیسک کے ملازمین نے جناب انعام غنی صاحب انسپکٹر جنرل آف پولیس پنجاب لاہور جناب غلام محمود ڈوگر صاحب سی سی پی او لاہور سے مطالبہ کیا ہے کہ ان ملازمین کو مستقل کیا جائے تا کہ مہنگائی کے دور میں اپنا اچھا گزر بسر کر سکیں اور عوام کی فلاح کا یہ کام جاری رہ سکے کیونکہ تھانہ کلچر میں تبدیلی کا یہ پہلا قدم تھا جس کی پولیس افسران نے حکومت پنجاب اور وزیر اعظم سے شاباشیں وصول کیں اور تعریفی سرٹیفکیٹ حاصل کر کے ترقیاں لیں اور اصل حقدار اپنے جائز مطالبات سے محروم ہیں
فرنٹ ڈیسک ملازمین نے اپنے جائز مطالبات کے حق میں أج مورخہ 26.7.21 کو پنجاب اسمبلی کے سامنے احتجاج کی کال دیدی ہے تاہم آئی جی پنجاب ان کے احتجاج اور مطالبات پر غیر سنجیدہ ہیں