Author: غنی محمود قصوری

قصور
مختلف تھانوں کو مطلوب ملزم گرفتار کر لیا گیا

تفصیلات کے مطابق تھانہ تھ شیخم قصور کے ایس ایچ او سید افتخار بخاری نے اپنی ٹیم کے ہمراہ کاروائی کرتے ہوئے درجنوں وارداتوں میں مختلف تھانوں کو مطلوب خطرناک ڈکیت گرفتار کر لیا ہے گرفتار ملزم اظہر عباس ولد غلام محمد کو ٹریس کر کے گرفتار کر گیا ہے جو کہ
قصور کے متعدد علاقوں میں ڈکیتی اور چوری کی واردات میں سر گرم تھا
ملزم کے خلاف مختلف تھانوں میں مقدمات درج ہیں جبکہ ملزم سے مزید تفیش جاری ہے ملزم کو کیفرکردار تک پہنچانے کے لئے پولیس اپنے تمام تر وسائل بروئے کار لا رہی ہے

پولیس کی اس شاندار کامیابی پر ڈی پی او قصور عمران کشور نے ایس ایچ او سید افتخار بخاری اور ہمراہ پولیس ٹیم تھانہ تھ شیخم کو شاباش دی

قصور
واپڈا چونیاں کی غفلت اور نااہلی، پانچ روز قبل آندھی اور طوفانی بارش کے باعث پول اور تاریں ٹوٹنے سے 50 ہزار آبادیاں کی بجلی منقطع ہو گئی تھی جو ابھی تک بحال نہیں ہوسکی دیہاتی شدید ازیت میں مبتلا ہیں۔
تفصیلات کے مطابق چونیاں کے نواحی گدپور، چھینہ ہٹھاڑ، ڈھکو، کندوال، رحمت والا، دیوسیال، شمس آباد اور دیگر دیہات جن کی آبادی تقریباً پچاس ہزار افراد پر مشتمل ہے پانچ روز قبل شدید آندھی اور طوفانی بارش کے باعث بجلی کی مین سپلائی لائین کے متعدد پول اور تاریں ٹوٹ گئیں تھیں پانچ روز گزرنے کے باوجود واپڈا ان دیہاتوں کی سپلائی بحال نہیں کر سکی جس سے واپڈا کی غفلت اور نااہلی کھل کر سامنے آ گئی ہے، چوہدری نصر، اعظم چوہدری، تنویر احمد، فخر عباس اور دیگر علاقہ مکینوں نے بتایا کہ بارہا بار ایسکسئین، ایس ڈی او واپڈا سے رابطے کئے مگر ابھی تک سپلائی بحال نہیں ہوئی بس یہی کہہ رہے ہیں کرتے ہیں بس، شدید گرمی میں بچے اور بزرگ پریشان ہیں مسجدوں اور گھروں میں پانی ختم ہو چکا ہے، نمازیوں کیلئے وضو کا انتظام نہیں، شدید پریشانی میں مبتلا ہیں، لوگ دن رات گھروں سے باہر بیٹھ کر وقت گزاری کر رہے ہیں علاقہ مکینوں نے وزیر پانی و بجلی، ایس سی قصور سے مطالبہ کیا ہے کہ فوری نوٹس لے کر بچاس ہزار کی آبادی کی بجلی بحال کروائی جائے۔ ایکسیئن واپڈا کا موقف لینے کیلئے 03200521730 پر کال کی گئی مگر حسب روایت انہوں نے کال ریسیو نہ کی

قصور
محکمہ صحت قصور میں آوے کا آوا بگڑا ہوا ہے،عوام پریشان

تفصیلات کے مطابق ڈپٹی کمشنر قصور آسیہ گل کی ہدایت پر
اسسٹنٹ کمشنر چونیاں رضوان الحق پوری کا دوپہر کے وقت رولر ہیلتھ سنٹر آلہ آباد اور کنگن پور کا اچانک دورہ جس میں ہسپتال انتظامیہ کی دوڑیں لگ گئیں جبکہ آر ایچ سی الہ آباد کا عملہ غائب تھا
اسسٹنٹ کمشنر چونیاں رضوان الحق پوری نے ڈیوٹی سے غائب/غیر حاضر عملہ کے خلاف کارروائی شروع کردی ڈیوٹی ڈاکٹر اور پیرا میڈیکل سٹاف بھی غائب تھیں
اسسٹنٹ کمشنر چونیاں رضوان الحق پوری صفائی کے ناقص انتظامات پر برہم ہسپتال میں صرف ایک LHV موقعہ پر حاضر تھی
مزید کارروائی کے لیے ڈپٹی کمشنر قصور کو کارروائی کیلئے مراسلہ بھیج دیا گیا اسسٹنٹ کمشنر چونیاں رضوان الحق پوری کا کہنا تھا کام چور ملازم کی میری تحصیل میں کوئی جگہ نہیں یا تو وہ اپنا قبلہ درست کر لیں یا پھر ٹرانسفر کروا لیں
اسسٹنٹ کمشنر چونیاں کا کہنا ہے کہ حکومت پنجاب کے ویژن کے مطابق عوام کو تمام تر سہولیات میسر لائی جائیں نیز صحت کے معاملے پر کسی قسم کی کوئی رعایت نہیں دی جائے گی ایمرجنسی 24 گھنٹےکام کرے گی اور عملہ ہر وقت موجود رہے گا کوتاہی ہر گز برداشت نہیں کی جائے گی

قصور پولیس کا بچھڑوں کو اپنوں سے ملانے کا سلسلہ جاری,10 سالہ بچے ہو ڈھونڈ کر والدین کے حوالے کر دیا
تفصیلات کے مطابق قصور پولیس تھانہ بی ڈویژن نے ڈی پی او قصور عمران کشور ڈی ایس پی سٹی محمد یقوب اعوان کی خصوصی ہدایت پر پر عمل کرتے ہوئے قصور پولیس تھانہ بی ڈویژن کے کرائم فائٹر ایس ایچ او افتخار احمد جوئیہ اور ہمراہی ٹیم نے قصور باگڑ کوٹ کا رہائشی 10 سالہ حسنین جو کہ گورنمنٹ پرائمری سکول کوٹ مولوی عبدالقادر میں پڑھنے کے لیے گیا پر گھر واپس نہ پہنچا محمد حسین ولد محمد آصف قوم ملک کو ایس ایچ او تھانہ بی ڈویژن افتخار احمد جوئیہ اور ان کی اشپیشل ٹیم نے انتہائی قلیل وقت میں تلاش کرکے اس کے والد محمد آصف کے حوالے کردیا جس پر اہل علاقہ نے پولیس کو خراج تحسین پیش کیا اور پولیس کارکردگی پر اطمینان کا اظہار کیا جس پر ڈی پی او قصور عمران کشور نے او ڈی ایس پی سٹی محمد یعقوب اعوان نے ایس ایچ او افتخاراحمد جوئیہ اور ان کی ٹیم کو شاباش دی

قصور
گراں فروشی کی حد ضلعی انتظامیہ آنکھیں بند کرکے سو گئی،210 روپیہ کی کمپنی ریٹ کی چیز اپنی چٹ لگا کر 250 روپیہ میں سرعام فروخت

تفصیلات کے مطابق قصور میں گراں فروشی کی حد کر دی گئی ہے دکانداروں کو کوئی پوچھنے والا نہیں کمپنی ریٹ سے بھی کئی گنا زیادہ اضافہ کیساتھ چیزیں سرعام فروخت کی جا رہی ہیں
قصور گندم منڈی میں سب سے بڑی دکان رحمانی پنسار سٹور نے اندھیر نگری مچا دی سرکہ انگوری پر رقم قیمت 210 کو اپنی چٹ لگا کر 250 کر دیا اور گاہکوں سے کہا جاتا ہے کہ لینی ہے تو لو ہم نے اسی قیمت میں دینی ہے
چند ماہ قبل اسی کمپنی کے سرکہ انگوری کی بوتل 190 روپیہ کی تھی مگر کمپنی نے 210 روپیہ قیمت پرنٹ کر دی اس پر بھی انہیں صبر نا آیا اور 40 روپیہ خود سے اضافہ کر دیا
شہریوں نے اس گراں فروشی کے خلاف سخت کاروائی کا مطالبہ کیا ہے تاکہ غریب عوام جائز قیمتوں پر خریداری کر سکیں