Author: غنی محمود قصوری

قصور
کھڈیاں میں چوروں نے میڈیکل سٹور کے تالے توڑ کر نقدی اور دیگر سامان لوٹ لیا
تفصیلات کے مطابق کھڈیاں خاص میں میڈیکل سٹور کی رات گئے تک ڈکیتی ہوئی جس میں چوروں نے نقدی، ایل سی ڈی، یو پی ایس، بیٹری اور دیگر سازوسامان لوٹ لیا
تفصیلات کے مطابق جناز گاہ روڈ کھڈیاں میں واقع کرامت میڈیکل سٹور پر چوروں نے رات کے چار بجے کے قریب دوکان کے تالے توڑ کر چوری کی واردات کی، میڈیکل سٹور کے مالک کرامت اللہ نے ڈی پی او قصور عمران کشور سے اپیل کی ہے کہ چوروں کو جلد گرفتار کر کے اس کے نقصان کا ازالہ کیا جائے کیا جائے
متعلقہ پولیس تھانہ نے موقع پر پہنچ کر مقدمہ درج کر لیا اور تفتیش شروع کر دی ہے
جبکہ متعلقہ پولیس نے یقین دہانی کروائی ہے کہ ہم جلد ہی چوروں کو گرفتار کر لیں گے

قصور
شہر چونیاں میں ڈاکوؤں اور منشیات فروش چھا گئے تھانہ سٹی چونیاں کی حدود میں چور، ڈاکو بے لگام، نئے تعینات ہونے والے ایس ایچ او کو چوروں کی طرف سے ساڑھے چار لاکھ روپیہ واردات کی سلامی نواحی گاؤں میانوالہ گھاٹ پر صبح سویرے چوری کی واردات نامعلوم چور تالے توڑکرنقدی اور ساڑھے چار لاکھ مالیت کی بیٹریاں لے اڑے

تفصیلات کیمطابق میانوالہ گھاٹ میں نامعلوم چور جی ایل آئی گاڑی میں سوار ہو کر آئے اور انصاری بیٹری سروس دوکان کے تالے توڑ کر اندر داخل ہوگئے اور بڑے اطمینان سے کاؤنٹر سے نقد کیش نکالا اور دوکان میں موجود بیڑیوں سمیت ساڑھے چار لاکھ کا سامان چوری کیا اور بڑے اطمینان سے فرار ہونے میں کامیاب ہو گئے
ایس ایچ او تھانہ سٹی چونیاں کے پاس سی سی ٹی فوٹج ہو نے کے باوجود تھانہ سٹی چونیاں پولیس نے تا حال مقدمہ درج نہیں کیا جبکہ متاثرہ دوکاندار نے شدید احتجاج کرتے ہوئے چوروں کی گرفتاری اور چوری شدہ سامان کی برآمدگی کا مطالبہ کیا ہے

قصور
کل دوران ڈیوٹی ڈولفن فورس لاہور کے اہلکار قصور کے رہائشی کی دوران ڈیوٹی ایکسیڈنٹ ہونے پر وفات ہو گئی تھی جس کی نماز جنازہ رات 10 بے آبائی گاؤں میں ادا کر دی گئی، علاقہ میں ہر آنکھ اشکبار

تفصیلات کے مطابق کل صوا آصل میں دوران ڈیوٹی سرکاری موٹر سائیکل پر ایکسیڈنٹ سے وفات پانے والے قصور کے رہائشی نوجوان کی نماز جنازہ رات 10 بجے آبائی گاؤں میں ادا کر دی گئی
وفات پانے والا نوجوانوں محمد توصیف ولد طاہر خان میئو بستی قاضی والی کھارا کا رہائشی تھا جو کہ دو اہلکار کل دوپہر 3 بجے صوا آصل رائیونڈ روڈ پر ڈیوٹی کے دوران پیٹرولنگ کر رہے تھے کہ دو موٹر سائیکل سوار نوجوان ان کی موٹر سائیکل سے ٹکرا گئے جس سے ٹکرانے والے دونوں موٹر سائیکل نوجوان بھی فوت ہوگئے تھے جبکہ توصیف کا ڈولفن اہلکار ساتھی شدید زخمی ہوا جو کہ ہسپتال میں زیر علاج ہے
نوجوان توصیف انتہائی محنتی اور ہمدرد انسان تھا جس کی ایک معصوم تین سالہ بیٹی ہے
توصیف کا جسد خاکی گھر پہنچنے پر پورے علاقے میں کہرام مچ گیا اور ہر آنکھ اشک بار ہو گئی نماز جنازہ میں علاقہ کی سیاسی،صحافی،مذہبی و دیگر مکتبہ فکر کے سینکڑوں لوگوں نے شرکت کی اور مرحوم کے درجات کی بلندی کیلئے دعا کی گئی

قصور
قصور کی عوام کے جان و مال کا تحفظ اولین ترجیح ہے۔ جرائم کے خاتمہ کیلئے عوام اور صحافیوں کا تعاون از حد ضروری ہے، جرائم پیشہ افراد کو علاقہ میں کسی صورت برداشت نہیں کیا جائے گا،ایس ایچ او تھانہ بی ڈویژن قصور

تفصیلات کے مطابق ایس ایچ او بی ڈویژن قصور رانا سہیل احمد نے صحافیوں سے گفتگو کے دوران کہا کہ علاقہ میں امن و امان کی صورتحال کو بہتر بنانے کیلئے ہنگامی بنیادوں پر اقدامات کر رہے ہیں۔ڈی پی او قصور عمران کشور کی جرائم کے خاتمہ کیلئے خصوصی ہدایات پر مؤثر گشت کے نظام سمیت جرائم کے خاتمہ کیلئے سخت ایکشن پلان تیار کر لیا ہے شہری بھی ذمہ دارانہ کردار ادا کرتے ہوئے کسی بھی غیر قانونی سرگرمی کی فوری اطلاع پولیس کے ایمرجنسی نمبر 15 پر دیں نیز صحافی بھائی غیر قانونی سرگرمیوں اور جرائم پیشہ افراد کی نشاندہی کریں،بلا تفریق جرائم پیشہ افراد کے خلاف فوری کارروائی کرکے انہیں منطقی انجام تک پہنچائیں گے۔ انہوں نے کہا کہ میری پوری ٹیم جرائم کے خاتمہ کیلئے ہمہ وقت تیار اور برسرپیکار ہے،جرائم پیشہ افراد یا تو جرائم چھوڑ دیں یا تو میرا علاقہ چھوڑدیں کیونکہ میرے علاقہ میں کسی بھی جرائم پیشہ افراد اور ان کے جرائم کو کسی صورت برداشت نہیں کیا جائے گا، اس سلسلے میں کسی قسم کی رعایت نہیں دی جائے گی۔ میرے دفتر کے دروازے ہرسائل اور مظلوم کیلئے 24 گھنٹے کھلے ہیں، جائز شکایات کا فوری ازالہ کیا جائے گا۔ ٹاؤٹ مافیا اور شریف شہریوں کو تنگ کرنے والے عناصر کا داخلہ تھانے میں بند کر دیا گیا ہے اور ایسے عناصر کے خلاف سخت کارروائی عمل میں لائیں گے۔ ان شاء اللہ بہت جلد علاقہ میں جرائم کی شرح نہ ہونے کے برابر ہوگی۔ماتحت عملہ کو سختی سے ہدایات جاری کر دی ہیں کہ سائلین کے ساتھ خوش اخلاقی کے ساتھ پیش آئیں اور کسی قسم کی غفلت، کوتاہی اور کرپشن برداشت نہیں کی جائیگی۔ شکایت کی صورت میں سخت محکمانہ کارروائی عمل میں لائی جائے گی۔

قصور
چونیاں کا ایس ایچ او و صحافی اللہ کو بھول گئے،منشیات فروشوں کو تحفظ
تفصیلات کے مطابق چونیاں تھانہ سٹی کے ایس ایچ او عابد محمود چیھنہ منشیات فروشوں کو تحفظ دینے لگا شام ہوتے ہی نشئی چونیاں کے گلی کوچوں میں شراب نوشی کرتے اور غل غپاڑہ کرتے نظر آتے ہیں لیکن مجال ہے پولیس سٹی چونیاں کے ایس ایچ او نے ایکشن لیا ہو غریبوں کو پکڑ کر سب اچھا کی رپورٹ دینے میں مصروف ایس ایچ او فرعون بنا ہوا ہے چند زرد صحافی اپنے تحفظ کے لیے رکھے ہوئے ہیں جو ہر وقت سب اچھا کی نیوز شوشل میڈیا پر چلا کر ڈسٹرکٹ افسران کی آنکھوں میں دھول جھونکنے میں کامیاب نظر آتے ہیں غریبوں کی آواز زرد صحافی دبانے میں پیش پیش ہیں عرصہ دراز سے یہی لوگ منشیات کا کاروبار کرانے میں پیش ہیں کئی بار انکے خلاف سپیشل برانچ والوں نے قانون کی آنکھیں کھولنے کی کوشش کی ہے لیکن مقامی سطح پر یہ مضبوط اور بااثر ہیں ہر آنے والے ایس ایچ او اور ڈی ایس پی کیساتھ اپنے مفادات حاصل کرنے میں کامیاب ہیں لوگوں کا کہنا ہے کہ ان لوگوں کو کون پوچھے گا شعبہ صحافت جیسے مقدس پیشہ سے منسلک ہو کر مقررہ دھندا کرنے میں مصروف ہیں
چونیاں کے شہریوں کی آئی جی پنجاب سے خفیہ انکوائری کرانے کا مطالبہ کیا ہے تاکہ یہ نام نہاد لٹیرے قانون کی گرفت میں آ سکیں

قصور
ڈسٹرکٹ ہیڈ کوارٹرز ہسپتال میں ایک ہی الٹراساؤنڈ مشین،لوگوں کو کئی کئی دن بعد کا ٹائم دیا جا رہا ہے ،جس بورڈ پر درج ہے کہ الٹراساؤنڈ کی کوئی فیس نہیں اکھاڑ کر ایک سائیڈ پر رکھا ہوا ہے جبکہ خود سے 150 روپیہ فی الٹراساؤنڈ والا بورڈ لگا رکھا ہے

تفصیلات کے مطابق ڈسٹرکٹ ہیڈ کوارٹرز ہسپتال قصور میں لوگوں کو سخت مشکلات کا سامنا کرنا پڑ رہا ہے 32 لاکھ والے ضلع کے ہیڈ کوارٹرز ہسپتال میں ایک ہی الٹراساؤنڈ مشین ہے جہاں ہر وقت رش رہتا ہے خاص کر پہلے سے ٹائم ملنے والے خواتین و مرد صبح اجالا ہوتے ہی پہنچ جاتے ہیں کیونکہ انتہائی رش ہونے کے باعث کئی کئی دن چکر لگانے پڑتے ہیں اور تو اور جس بورڈ پر الٹراساؤنڈ کی ہدایات کے ساتھ فیس کے متعلق درج ہے کہ کوئی فیس نہیں اسے اکھاڑ کر ایک کونے میں رکھا گیا ہے جبکہ 150 روپیہ گی الٹراساؤنڈ کا چھوٹا سے بورڈ لگایا ہوا ہے اور ہر کسی سے 150 روپیہ فی الٹراساؤنڈ وصول کئے جا رہے ہیں
لوگوں نے وزیراعظم پاکستان،وزیراعلی پنجاب اور وزیر صحت پنجاب سے استدعا کی ہے کہ الٹراساؤنڈ مشینوں کی تعداد زیادہ کی جائے اور الٹراساؤنڈ کے نام پر مریضوں سے جگا وصول کرنے والوں سے أہنی ہاتھوں سے نمٹا جائے

قصور
تھانہ منڈی عثمانوالا کی کاروائی میں مختلف وارداتوں میں ملوث گینگ گرفتار، ملزمان سے موٹرسائیکل، بکرے سمیت نقدی رقم برآمد
تفصیلات کے مطابق ایس ایچ او تھانہ منڈی عثمانوالا نے کاروائی کرتے ہوئے مختار گینگ کو سرغنہ سمیت گرفتار کر لیا جو کہ عرصہ دراز سے لوگوں کے لئے فہشت کی علامت بنا ہوا تھا
گرفتار شدہ ملزمان ڈکیتی، راہزنی جیسی وارداتوں میں ملوث تھے جبکہ ملزمان سے 2 عدد پسٹل اور گولیاں اور مال مسروقہ 5 عدد موٹر،سائیکل، بکرے مالیتی 1 لاکھ نوے ہزار اور 95 ہزار روپے کی نقد رقم برآمد کر لی گئی ہے
اہلیان علاقہ نے پولیس کا شکریہ ادا کیا ہے

قصور
الہ آباد پولیس کی کاروائی میں ڈکیتی معہ قتل سمیت درجنوں سنگین وارداتوں میں ملوث خطرناک ڈکیت گینگ کے 3 کارندے گرفتار

تفصیلات کے مطابق تھانہ الہ آباد پولیس کی کاروائی میں ڈکیتی معہ قتل سمیت درجن سے زائد سنگین وارداتوں میں ملوث انتہائی خطرناک ڈکیت گینگ کے 3 کارندے گرفتار کئے گئے ہیں
اور ان ملزمان کے قبضہ سے لوٹی گئی ڈیڑھ لاکھ روپے کی رقم، 3 موٹر سائیکل اور جدید ناجائز اسلحہ برآمد کیا گیا ہے
ملزمان کاشف عرف ذیشان وغیرہ موٹر سائیکل پر سوار ہو کر وارداتیں کرتے اور دہشت کی علامت بنے ہوئے تھے
چند دن قبل ملزمان نے بہاری پور کےقریب ڈکیتی مزاحمت پر شہری کو قتل جبکہ دو کو زخمی کیا تھا جبکہ دوران تفتیش درجن سے زائد وارداتوں کا انکشاف کیا ہے، ملزمان قصور سمیت دیگر اضلاع کو بھی مطلوب تھے
ملزمان سے مذید تفتیش جاری ہے

قصور
ڈسٹرکٹ پریس کلب قصور کا مشاورتی اجلاس زیر صدرات قائم مقام صدر پیر افضل حیدر،چئیرمین الیکشن بورڈ سردار شریف سوہڈل اور سئینر جرنلسٹ کوٹ رادہاکش ملک عبدالعزیر کی زیر صدارت ہوا

تفصیلات کے مطابق کل ڈسٹرکٹ پریس کلب قصور کا مشاورتی اجلاس قائم مقام صدر پیر افضل حیدر ،چئیرمین الیکشن بورڈ سردار شریف سوہڈل و سینئر جرنلسٹ کوٹ رادہاکشن ملک عبدالعزیر کی زیر صدرات ہوا منعقد ہوا صدر حافظ شریف اشرف کی علالت کے باعث صدرات قائم مقام صدر پیر افضل حیدر نے کی جس میں عہدیداران و ممبران نے متفقہ فیصلہ کیا کہ اگلے اجلاس تک سابقہ باڈی کو تحلیل نہیں کیا جائیگا اور بعد میں الیکشن کی تاریخ مقرر کی جائے گی نیز سردار شریف سوہڈل نے کہا کہ صحافت ایک مقدس فریضہ ہے ہمیں ڈر و خوف کو بالائے طاق رکھ کر مظلوموں کی آواز بننا ہو گا اور جو صحافی پورے سال میں سب سے زیادہ مظلوم و مجبور لوگوں کی آواز بنے گا اسے ان شاءاللہ عمرہ کروایا جائے گا اور یہ سلسلہ جاری رکھا جائے گا تقریب کل 4 بجے تک جاری رہی جس میں ممبران سے بھی مشاورت کی گئی اور تقریب کے اختتام پر صدر پریس کلب حافظ شریف اشرف کی صحت یابی کے لئے دعا بھی کی گئی

قصور کی تحصیل میں چونیاں تھانہ سٹی چونیاں کی حدود میں منشیات فروشوں نے ڈیرے ڈال لئے
تفصیلات کے مطابق قصور کی تحصیل چونیاں شہر و گردونواح میں نوجوان نشل تباہی کی دہانے پر ہے جس کی وجہ منشیات فروشوں کا کھلے عام منشیات فروشی ہے اچھے بھلے نوجوان نشے پر لگ چکے ہیں جبکہ
پولیس روزانہ کی بنیاد پر لاکھوں بٹورنے لگی ہے شہریوں کا ڈی پی او قصور عمران کشور سے فوری طور پر تحقیقات کر کے کارؤائی کا مطالبہ کیا ہے تاکہ لوگوں کی زندگیاں اور گھر تباہ ہونے سے بچ سکیں