ضلع قصور کی تمام تحصیلوں میں پرائس کنٹرول کمیٹیاں قائم کرکے لوگوں کو معیاری اشیائے خورد و نوش مناسب نرخوں پر فراہمی کو یقینی بنایا جائے گا ۔ ان خیالات کا اظہار پرائس کنٹرول کمیٹی سینٹرل پنجاب کے چئیرمین ندیم قادر بھنڈر نے قصور اور تحصیل چونیاں کا دورہ کرنے کے بعد پتوکی میں تحریک انصاف تحصیل پتوکی کے صدر چوہدری عقیل اسلم کے ہمراہ میڈیا سے خصوصی گفتگو کرتے ہوئے کیا انھوں نے کہا کہ ضلع قصور کی چاروں تحصیلوں میں پرائس کنٹرول کمیٹیاں قائم کرکے ایک ایک کوآرڈینیٹر اور دو دو میمبرز پر مشتمل کمیٹیاں تشکیل دی جارہی ہیں جو حکومتی ہدایات کے مطابق اشیائے خوردونوش کی قیمتوں کو کنٹرول کرکے عوام کو پرائس لسٹ کے مطابق اشیاء خوردونوش کی فراہمی کو یقینی بنائیں گے اس سلسلہ میں ڈپٹی کمشنر، اسسٹنٹ کمشنر اور پرائس مجسٹریٹ ان کی معاونت کریں گے انھوں نے کہا کہ سینٹرل پنجاب کے تمام اضلاع میں پرائس کنٹرول کمیٹیاں قائم کرنے کے لیے ہنگامی بنیادوں پر کام جاری ہے انشاء اللہ وزیراعظم پاکستان عمران خان اور وزیراعلی پنجاب عثمان بزدار کے وژن کو کامیاب بنانے کے لیے تمام وسائل بروئے کار لائیں جائے گے۔ اس موقع پر میاں سیلمان مالک چئیرمین پرائس کنٹرول کمیٹی لاہور ، تحریک انصاف تحصیل پتوکی کے صدر چوہدری عقیل اسلم، ظفر اسلم ، ریجنل یونین آف جرنلسٹس پنجاب کے جنرل سیکرٹری تنویر اسلم خاں آر یو جے ضلع قصور کے صدر منیر احمد خان ساقی سٹی پریس کلب پتوکی کے میڈیا کوآرڈینیٹر خالد ورک ترجمان محمد فرخ سجاد اور صفدر علی عادل بھی موجود تھے
Author: غنی محمود قصوری
-
ادویات مہنگی ہونے کا سلسلہ جاری،موجودہ حکومت میں ریکارڈ لگ گئے
قصور
ادویات مہنگی کرنے کا سلسلہ نا رک سکا ،ایک بار پھر ادویات مہنگی، موجودہ دور حکومت میں تاریخ میں پہلی بار ادویات کی قیمتوں میں 300 فیصد تک اضافہتفصیلات کے مطابق اشیاء ضروریات کی ہر چیزیں مہنگائی کی حدوں کو چھو رہی ہیں خاص کر ادویات سب سے زیادہ مہنگی ہوئی ہیں اور خاص بات یہ ہے کہ دیگر اشیاء ضروریہ کی قیمتوں میں اتار چڑھاؤ ہوتا رہتا ہے مگر ملکی تاریخ گواہ ہے کہ ایک بار ادویات مہنگی ہو جائیں پھر اس کی قیمتیں کبھی کم نہیں ہوئیں اب ایک بار پھر نزلہ زکام،کھانسی،بخار کی ادویات میں اضافہ کر دیا گیا ہے جن میں بیسوکوئین،ایرینیک،بروفن،سیپٹران،سپروفلاکساسین و دیگر ادویات شامل ہیں مگر ان ادویات کی قیمتوں بارے گورنمنٹ آنکھ بند کئے ہوئے ہے جبکہ ملکی تاریخ میں موجودہ گورنمنٹ واحد ہے جس کے دور حکومت میں ادویات 200 سے 300 فیصد تک مہنگی کی گئی ہیں اور تاحال یہ سلسلہ رکا نہیں مذید بڑھتا ہی جا رہا ہے جس پر غریب لوگ سخت پریشان ہیں کیونکہ سرکاری ہسپتالوں میں ادویات نا ہونے کے برابر ہیں زیادہ تر ادویات لکھ کر ہی دی جاتی ہیں
-
چونیاں میں کرپشن کا نیا ریکارڈ
قصور کی تحصیل چونیاں میں کرپشن کا نیا ریکارڈ
تفصیلات کے مطابق تحصیل کونسل چونیاں کی کرپشن کی پھرتیاں عروج پر ہیں
سیکٹری یونین کونسل افسران کا منظور نظر سپرئیڈنٹ بن گیا چیف آفیسر طارق سب انجینئر دیگر افسران نے روڈی فرضی کوٹیشن دفتر کی رینویٹ کے نام پر کروڑوں ڈکار گئے ٹر یکٹر کا ڈیزل لاکھوں روپے کا دیگر گاڑیوں میں استمعال کرنے پر ڈی جی آنٹی کرپشن چیف سیکرٹری پنجاب کو تمام کوٹیشن اور روڈی وغیرہ کے نام پر کوٹیشن کی تحقیقات اور ٹریکٹر کا لاکھوں روپے تیل دیگر گاڑیوں میں استمعال کرنےپر فرضی ڈیلی ویجز افراد کی بھرتی پر تحقیقات کے لیے ڈی جی آنٹی کرپشن کو درخواست ارسال -
ٹاؤٹ مافیا اور جووے کے اڈوں کا راج
قصور
الہ آباد میں ٹاؤٹ مافیاءاور منشیات فروشی سمیت جوے کے اڈوں کی بھرمارتفصیلات کے مطابق تھانہ الہ آباد کی حدود چوکی تلونڈی کے متعدد علاقوں بھیڑ سوہڈیاں،ججل،بگھیانہ خورد،کھوکھر ٹوچر،جھگے چوبیل ،قلعہ ناتھا سنگھ میں نوجوان نسل کی زندگیاں داو پر سماج دشمن عناصر نے معاشرے میں تباہی مچادی جگہ جگہ جوے کے اڈے اور منشیات فروشی کا دھندہ چلانے والے متحرک ہیں مقامی پولیس ایسے عناصر کے خلاف کارروائی کرنے سے گریزاں نظر آتی ہے متعدد مرتبہ ایسے عناصر کے خلاف کارروائی کیجاتی ہے تو ٹاؤٹ مافیاء کی فوری مداخلت پر معاملے کو دبایا جاتا ہے
علاقہ کی سماجی و معزز شخصیات حاکم علی ،اللہ دتہ ،بشارت علی ،محمد اعظم ،لطیف خاں و دیگر نے ڈی پی او قصور سے میڈیا کے توسط پر اپیل کی ہے کہ تھانہ الہ آباد پولیس چوکی تلونڈی کی حدود میں منشیات فروشی اور جوے کے اڈے چلانے والوں کے خلاف فوری طور عملی اقدامات اٹھائے جائیں تاکہ نوجوان نسل تباہ ہونےاور معاشرے میں بڑھتی ہوئی جرائم کی شرح پر کنٹرول پایا جاسکے -
صحافت اور پولیس کا چولی دامن کا ساتھ
صحافت اور پولیس کا آپس میں چولی دامن کا ساتھ ہے ایس ایچ او تھانہ سٹی چونیاں
تفصیلات کے مطابق ایس ایچ او تھانہ سٹی چونیاں عابد محمود چھینہ نے مرکزی پریس کلب کے صحافیوں سے بات کرتے ہوئے کہا کے صحافی بھائیوں کو ایسے افراد کی نشاندہی کرنی چاہیے جو جرائم میں ملوث ہیں کیوں کہ صحافی اور پولیس کا آپس میں چولی دامن کا ساتھ ہےاور اس شعبہ زندگی سے تعلق رکھنے والے معاشرے سے بہت سارے جرائم ختم کر سکتے ہیں انہوں نے کہا کہ صحافی بھائیوں کو ایسے افراد کی نشاندہی کرنی چاہیے جو جرائم میں ملوث ہیں تاکہ ان کی سرکوبی کی جا سکے معاشرے میں بہت ساری خرابیاں ایسی ہیں جن کو ہم نے مل جل کر حل کرنا ہے تاکہ معاشرے سے جرائم ختم ہوسکے انہوں نے کہا کہ اصلاحی خبریں لگانے سے معاشرہ بہتری کی طرف جاتا ہے انہوں نے کہا کہ صحافی بھائیوں کو پولیس کے ساتھ ہر ممکن تعاون کرنا چاہیے انہوں نے کہا کہ معاشرے میں جرائم ختم تو نہیں ہو سکتا مگر بروقت نشاندھی اور ان پر فوری کاروائی سے جرائم میں کمی ممکن ہے جیسا کہ میں نے روڈ ڈکیتی کو روکنے کے لیے محافظ فورس کا گشت یقینی بنایا ہے اس سے چوری ڈکیتی کی وارداتوں میں کافی حد تک کنٹرول ہے
-
آٹے کا بحران جاری،من مانے ریٹ پر فروخت
قصور
تحصیل پتوکی میں آٹے کا بحران شدت اختیار کر گیا،لوگ سخت پریشان،دکانداروں کی من مانیاں جاریتفصیلات کے مطابق پتوکی میں آٹے کا مصنوعی بحران شدت اختیار کر گیا عوام در بدر ٹھوکریں کھانے لگی
تاجر بلیک میں 10کلو آٹے کا تھیلا 430 روپے ولا سرکاری ریٹ توڑے پر آویزاں ہونے کے باوجود 550 روپے سیل کرنے لگے ہیں
آٹا ڈیلر شہر بھر میں سرکاری ریٹ والا آٹا مہنگے داموں فروخت کرنے لگے ہیں
جبکہ میگاروڑ پتوکی پر سرکاری ریٹ والا آٹا 10کلو تھیلا 550 میں فروخت کیا جا رہا ہے
لوگوں نے انتظامیہ سے انکے خلاف سخت ایکشن لینے کی اپیل کی ہے -
مہنگائی کی انتہاہ،دو وقت کی روٹی مشکل
قصور
پتوکی و گردونواح میں مہنگائئ عروج پر،لوگ دو وقت کی روٹی کو ترس گئے
تفصیلات کے مطابق پتوکی, پھولنگر،حبیب آباد،سرائے مغل اور گردونواح میں رمضان المبارک کی آمد سے پہلے مہنگائی کا طوفان شہری پریشان قیمتیں آسمانوں کو چھونے لگیں ہیں جس سے شہری سخت پریشان ہو گئے ہیں جبکہ دکانداروں کی من مانیاں بھی عروج پر پہنچ گئی ہیں مگر انتظامیہ پھر بھی خواب خرگوش کے مزے لینے میں مصروف ہے جبکہ لوگوں کا کہنا ہے کہ تبدیلی سرکار عوام کو ریلیف دینے میں بری طرح سے ناکام ہو چکی ہے اور غریب کو دو وقت کی روٹی سے بھی تنگ کر دیا گیا ہے -
گرمی کی ادھوری آمد،واپڈا نے چیخیں نکلوا دیں
قصور
گرمی کی ادھوری آمد پر واپڈا نے بجلی دینے سے انکار کر دیا،دو دنوں سے بلہے شاہ،ںہادر پورہ،مصطفی آباد و سب ڈویژن راجہ جنگ میں شدید لوڈ شیڈنگ،نیز ہر ہفتے ایک دن مسلسل 10 گھنٹے بجلی بند کرنا معمول بنا لیا،آخری تاریخ گزرنے پر بھی آدھے لوگوں کو بل نا ملے
تفصیلات کے مطابق ڈسٹرکٹ قصور میں اگر کسی کرپٹ ترین سرکاری ادارے کا نام سر فہرست رکھا جائے تو واپڈا پہلے نمبر پر آتا ہے
ادھوری گرمی کی شروعات پر ہی واپڈا نے لوگوں کی چیخیں نکلوا کر رکھ دی ہیں دو دنوں سے سب ڈویژن بلہے شاہ،مصطفی آباد،راجہ جنگ و بہادر پورہ میں شدید لوڈ شیڈنگ جاری ہے جس سے لوگوں کی چیخیں نکل گئی ہیں نیز سب ڈویژن بہادر پورہ و راجہ جنگ میں ہفتے میں ایک دن مسلسل 10 گھنٹے لازمی بجلی بند کی جاتی ہے جبکہ ںہادر پورہ سب ڈویژن کے بیشتر علاقوں میں لوگوں کو بجلی کے بل ابھی تک موصول نہیں ہوئے تاہم بل ادائیگی کی آخری تاریخ بھی گزر چکی ہے مگر محکمہ واپڈا صارفین کو جرمانہ ڈالنا نہیں بھولتا
نیز واپڈا دفتر میں کوئی بھی کام بغیر رشوت کے طے پانا ناممکن ہے جبکہ بیشتر علاقوں میں واپڈا اہلکار رشوت لے کر لوگوں کو بجلی چوری کرواتے ہیں اور چھاپہ مار ٹیموں کے پہنچنے سے پہلے ہی خبردار کرتے ہیں
شہریوں نے وزیراعظم پاکستان و وزیراعلی پنجاب سے محکمہ واپڈا قصور کے کرپٹ و بدعنوان عملے کے خلاف انکوائری کرکے سخت کاروائی کا مطالبہ کیا ہے -
منشیات فروش رنگے ہوتھوں گرفتار
قصور
چونیاں تھانہ سٹی کی کاروائی 1250 گرام چرس کے ساتھ ملزمان گرفتارتفصیلات کے مطابق چونیاں میں منشیات فروشوں کے خلاف آپریشن میں بدنام زمانہ منشیات فروش منظور ماچھی کو چرس 1250 گرام کے ساتھ رنگے ہاتھوں پکڑ کر ایف آئی آر 172 نمبری درج کرکے قانونی کارروائی کی جا رہی ہے
ایس ایچ او عابد محمود چھینہ نے کہا کہ ڈی ایس پی چونیاں کے حکم پر کاروائی کرتے ہوئے ملزم کو حوالات میں بند کر دیا گیا ہے اور مذید تفتیش جاری ہے -
ڈاکؤوں کی شامت آ گئی ،گرفتار
قصور
چونیاں کے علاقے چھانگا مانگا میں ایس ایچ او حافظ عاطف نذیر کا ڈاکوؤں کے گرد گھیرا تنگ، عثمان عُرف عثمانی ڈکیت گینگ کے تین ارکان سرغنہ سمیت رنگے ہاتھوں گرفتار مال مسروقہ بر آمد مقدمہ درج
تفصیلات کے مطابق
ڈی پی او قصور کی ہدایت پر عمل کرتے ہوئے تھانہ چھانگا مانگا کے ایس ایچ او حافظ عاطف نذیر نے ڈاکوؤں کے گرد گھیرا تنگ کر دیا ہے جدید ذرائع استعمال کرتے ہوئے عثمان عُرف عثمانی ڈکیت گینگ کے تین ارکان کو سرغنہ سمیت رنگے ہاتھوں گرفتار کر لیا گرفتار ملزمان میں عثمان ، نوید اور عرفان شامل ہیں پولیس نے ملزمان سے 50ہزار روپے نقدی رقم ، تین عدد پسٹل تیس بور بمعہ بُلٹس، ایک عدد لوڈر رکشہ ، اور چار عدد موبائل فونز بر آمد کر لئے ملزمان علاقہ بھر میں چوری اور ڈکیتی کی وارداتیں سر انجام دیتے تھے اور اہل علاقہ کیلئے خوف کی علامت بنے ہوئے تھے ۔