Author: غنی محمود قصوری

قصور
شہر میں سنگین وارداتوں میں ملوث ایکٹو ڈکیت گینگ کے تین کارندے گرفتار

تفصیلات کے مطابق قصور تھانہ اے ڈویژن پولیس کی بڑی کاروائی میں شہر میں سنگین وارداتوں میں ملوث ایکٹو خطرناک ڈکیت گینگ کے 3 کارندے گرفتار کر لئے گئے ہیں گرفتار
ملزمان کے قبضہ سے لوٹی گئی ایک لاکھ 80 ہزار روپے کی نقدی، 6 موٹر سائیکل، موبائل فون اور جدید ناجائز اسلحہ بھی برآمد کر لیا گیا ہے
جبکہ گینگ کا سرغنہ عمران عرف مانی اپنے ساتھیوں شرافت اور راشد کے ہمراہ موٹر سائیکل پر سوار ہو کر شاپ رابری، سٹریٹ کرائم اور موٹر سائیکل چوری کی وارداتیں کرتے تھے نیز ملزمان نے دوران تفتیش شہر قصور اور اسکے گردونواح میں ایک درجن سے زائد وارداتوں کا انکشاف کیا ہے

قصور

لاہور قصور روڈ پر سفر کرنے والے موٹر سائیکل سوار شہری کاغذات کے نام پر گجومتہ لاہور ناکہ پر ذلیل و خوار ہونے لگے جبکہ 2020 کی اپلائیڈ فار کاریں کھلے عام گزرنے لگیں

تفصیلات کے مطابق ہزراوں لوگ قصور سے لاہور روزگار و دیگر امور کے لئے سفر کرتے ہیں جن میں سے بیشتر لوگ موٹر سائیکل پر سفر کرتے ہیں جنہیں لاہور کی حدود کے ناکہ گجومتہ پر کاغذات کے نام پر گھنٹوں ذلیل کیا جاتا ہے اگر کسی کے پاس موٹر سائیکل کے اصل کاغذات نا ہو تو اسے ڈرا دھمکا کر رشوت وصول کی جاتی ہے جبکہ اسی ناکے پر سے اپلائیڈ فار کاریں بغیر کسی روک ٹوک کے گزر رہی ہیں ان کاروں کو کئی کئی سال گزرنے پر بھی نمبر نہیں لگوائے گے جن کے باعث ان کاروں کے وارداتوں میں استعمال ہونے کا بھی خدشہ ہوتا ہے مگر بارعب کاروں والوں کو پولیس اہلکار روکتے ہی نہیں کیونکہ ان کی دیہاڑی غریب موٹر سائیکل سوار شہریوں سے ہی پوری ہو جاتی ہے اسی ناکے سے گزر کر ایسی کاریں لاہور سے قصور داخل ہوتی ہیں جن سے وارداتیں بھی ریکارڈ کی گئی ہیں اور قصور پولیس کے لئے مسائل بھی بنتے ہیں

شہریوں نے آئی جی پنجاب سے گجومتہ لاہور ناکہ پر تعینات پولیس اہلکاروں کے خلاف ایکشن لینے کا مطالبہ کیا ہے

قصور
تحصیل کوٹ رادہاکشن میں ہلکی بارش سے گلیاں بازار جوہڑ میں تبدیل ہو گئے،میونسپیل کوٹ رادہاکشن کی قلعی کھل گئی
تفصیلات کے مطابق ہلکی بارش نے میونسیپل کمیٹی کوٹ رادھا کشن کا پول کھول دیا ہے تین ماہ سے ٹھیکہ ہونے کے باوجود گٹروں کی صفائی نہ کی گئی جس سے کوٹ رادھاکشن کے بیشتر علاقے سیوریج سسٹم ناکارہ ہونے کی وجہ سے جوہڑ کا منظر پیش کرنے لگے گلیوں بازاروں میں پانی جمع ہے بچوں عورتوں اور بوڑھوں کو گزرنے میں سخت مشکلات کا سامنا ہے
شہریوں نے ڈی سی قصور سے نوٹس لے کر کاروائی کا مطالبہ کیا ہے تاکہ لوگوں کو صفائی جیسی نعمت میسر ہو سکے

قصور
خطرناک ڈکیت گینگ کے 7 کارندے گرفتار ،

تفصیلات کے مطابق تھانہ بی ڈویژن پولیس کی کاروائی میں ڈکیتی اور موٹر سائیکل چوری متعدد وارداتوں میں ملوث خطرناک ڈکیت گینگ کے 7 کارندے گرفتار ہوئے ہیں
ملزمان کے قبضہ سے لوٹی گئی لاکھوں روپے کی نقدی اور جدید ناجائز اسلحہ برآمد کر لیا گیا ہے ان
گرفتار ملزمان میں جاوید، نوید، زاہد، ساجد، بلال، عرفان نواز شامل گرفتار ملزمان نے چند روز قبل بستی ونیکاں میں جوتوں کے کارخانہ میں واردات بھی کی تھی
نیز ملزمان نے دوران تفتیش شہر قصور اسکے گردونواح میں 8 سے زائد وارداتوں کا انکشاف کیا ہے ملزمان سے مزید تفتیش جاری ہے
ڈی پی او قصور عمران کشور نے اچھی کارکردگی پر پولیس ٹیموں کو شاباش دی

قصور
رات دو بجے تیز بارش و آندھی،درخت گر گئے،بجلی تاحال غائب،گندم کی فصل کا نقصان

تفصیلات کے مطابق پرسوں سے قصور و گردونوتیاح میں وقفے وقفے سے ہلکی بارش کا سلسلہ جاری ہے تاہم آج رات دو بجے قصور و گردونواح میں تیز بارش و آندھی چلی جس سے بیشتر مقامات پر درخت گر گئے اور دکانوں کے فلیکس و تنبوں وغیرہ اڑ گئے اور ساتھ ہی گندم کی فصل بھی لیٹ گئی جس سے گندم کی پیداوار میں کمی کا خدشہ ہے اس بابت کسان حضرات سخت پریشان ہیں کیونکہ کھاد و ادویات کا خرچ کافی زیادہ بڑھ چکا ہے
نیز رات سے ہی بیشتر مقامات پر بجلی بند ہے کئی ایک مقامات پر بجلی کی تاریں بھی جھول رہی ہیں
نیز ابھی تک گہرے بادل ہیں جس سے بارش کا امکان ابھی باقی ہے

قصور
وزیر اعلی پنجاب نے ڈسٹرکٹ ٹریفک آفیسر کو معطل کر دیا
تفصیلات کے مطابق وزیراعلیٰ پنجاب سردار عثمان بزدار کی کرپشن کے خلاف زیر وٹالرنس کی پالیسی پر عمل درآمد کرتے ہوئے قصور کے ڈسٹرکٹ ٹریفک آفیسر کے خلاف کرپشن کی شکایات کا سخت نوٹس لیا گیا اور ڈسٹرکٹ ٹریفک آفیسر قصور ڈی ایس پی نعیم احمد چیمہ معطل کیا گیا ہے اور معطلی کا نوٹیفکیشن جاری کر دیا ہے نیز وزیراعلیٰ عثمان بزدار نے معطل ڈی ایس پی نعیم احمد چیمہ کے خلاف محکمانہ کارروائی کا بھی حکم دیا ہے
مذید انٹرنل اکاؤنٹیبلٹی برانچ کو کرپشن کی شکایات کی مزید انکوائری کرنے کا حکم بھی دیا گیا ہے

قصور
پتوکی کے علاقے حبیب آباد میں پولیس کی کاروائی ، منشیات فروش گرفتار

تفصیلات کے مطابق پتوکی کے علاقے حبیب آباد میں بدنام زمانہ علی حسن عرف بابا منشیات فروش کو پولیس نے گرفتار کر لیا ہے جس کے قبضے سے 1500گرام منشیات برآمد ہوئی ہے ملزم عرصہ دراز سے پولیس کو مطلوب تھا اور منشیات فروشی کا مکروہ دھندہ کر رہا تھا
پولیس نے ملزم گرفتار کر کے مقدمہ درج کر لیا ہے

قصور
کوٹ رادہاکشن ریلوے اسٹیشن کے پلیٹ فارم پر مسافروں کے لئے دھوپ و برسات سے بچاؤ کیلئے لگائی گئی چھت برسات سے ٹپکنے لگی،مسافر سخت پریشان

تفصیلات کے مطابق انتہائی اہم ریلوے اسٹیشن کوٹ رادہاکشن قصور میں پلیٹ فارم پر مسافروں کے لئے دھوپ و برسات کے بچاؤ کے لئے لگائی گئی چھت ٹپکنے لگی جس سے مسافر حضرات سخت پریشان ہیں اور ریلوے انتظامیہ سے چھٹ مرمت کرنے کا مطالبہ کر رہے ہیں کیونکہ اس ریلوے اسٹیشن سے سینکڑوں لوگ روزانہ آتے جاتے ہیں جن کی سفری پریشانیوں کا ازالہ کرنا محکمہ ریلوے پر لازم ہے

قصور
ن لیگی کارکنان کی اجلاس میں شرکت کیلئے روانگی بائی پاس قصور سے دن 11 بجے ہوگی

تفصیلات کے مطابق مسلم لیگ ن یوتھ ونگ قصور کے کارکنان آج بائی پاس بھٹی ہسپتال والے گول چکر پر صبح 11 بجے اکھٹے ہونگے اور اجلاس میں شرکت کیلئے روانہ ہونگے
پاکستان مسلم لیگ ن یوتھ ونگ کے زیر اہتمام 21 مارچ بروز اتوار کو یوتھ کنونشن اڈاپلاٹ رائیونڈ روڈ لاہور میں ہوگا
جس میں نائب صدر پاکستان مسلم لیگ ن مریم نواز شریف بھی شرکت کریں گی اس اجلاس میں شرکت کرنے کیلئے قصور سے بھی ن لیگی کارکنان جائینگے