Author: غنی محمود قصوری

قصور
امن و مان کی صورتحال مذید ابتر ،اردو بازار میں دن کی روشنی میں شہری سے ڈاکو 6000 نقدی و موبائل فون لے اڑے

تفصیلات کے مطابق قصور میں امن و امان کی صورتحال دن بدن ابتر ہوتی جا رہی ہے کل تھانہ سٹی اے ڈویژن قصور کی حدود اردو بازار میں دوپہر کو شہری رکشہ ڈرائیور سلمان عرف کالی سکنہ کھارا جامع مسجد اردو بازار کے ساتھ والی گلی میں پیدل جا رہا تھا کہ 2 مسلح ڈاکوؤں نے اسے گن پوائنٹ پر روکا اور نقدی 6000 اور قیمتی اینڈرائڈ موبائل فون چھین لیا
اردو بازار میں ہر وقت رش رہتا ہے مگر کل ہفتہ اتوار لاک ڈاؤن کی بدولت دکانیں بند تھیں جس سے رش نا تھا اور ڈاکوؤں کو اپنا کام کرنے میں آسانی رہی
بڑھتی ہوئی وارداتوں کے پیش نظر شہریوں نے ڈی پی او قصور عمران کشور سے نوٹس لینے کی اپیل کی ہے

قصور
تحصیل پتوکی کے علاقے پھول نگر کے نواحی گاؤں کوٹ کھڑک سنگھ میں پولیس کا چھاپہ نازیبا حرکات کرتے ہوئے جوڑا گرفتار مقدمہ درج۔

تفصیلات کے مطابق تھانہ سٹی پھولنگر کے اے ایس آئی امانت علی کو اطلاع ملی کہ کوٹ کھڑک سنگھ میں رہائش پذیر رفعت بی بی اور محمد ارسلان زنا کی تیاری کررہے ہیں جس پر پولیس نے چھاپہ مارا تو کمرے میں موجود ایک چارپائی پر جوڑا نازیبا حرکات کر رہا تھا تھانہ سٹی پھول نگر پولیس نے امانت علی اے ایس آئی کی مدعیت میں رفعت بی بی اور محمد ارسلان کو گرفتار کر کے مقدمہ درج کر لیا ہے

قصور
تلونڈی

راجباہ سے درخت چوری کی تصدیق کے باوجود با اثرفاریسٹ گارڈ کے خلاف کارروائی نہ ہوسکی۔شہری نے فاریسٹ گارڈ کے خلاف کارروائی کے لئے ڈی جی اینٹی کرپشن پنجاب اور ڈی سی قصور کو تحریری درخواستیں ارسال کر دیں۔
تفصیلات کے مطابق تلونڈی کے رہائشی راشد منہاس نے ڈی جی اینٹی کرپشن پنجاب اور ڈی سی قصور کو مقامی باا ثر فاریسٹ گارڈ ابو بکر کے خلاف ڈھنگ شاہ مائنر کے علاقہ تلونڈی سے لاکھوں روپے مالیتی شیشم اور کیکر کے پرانے درخت غیر قانونی طریقے سے کاٹ کر فروخت کرنے پر کارروائی کیلئے درخواستیں ارسال کر دی ہیں شہری نے مذکورہ فاریسٹ گارڈ پر الزامات لگاتے ہوئے کہا کہ محکمانہ انکوائری میں راجباہ سے درختوں کی کٹائی کی تصدیق کے باوجود محکمہ جنگلات کے افسران مذکورہ گارڈ کے خلاف کارروائی سے گریزاں ہیں ڈی جی اینٹی کرپشن پنجاب اور ڈی سی قصور میرٹ کی بنیاد پر انکوائری کر کے مذکورہ گارڈ کے خلاف قانونی کارروائی کریں

قصور
چونیاں محکمہ صحت ای پی آئی پولیو سے پاک مہم کی ٹریننگ کا سلسلہ جاری سی ای او ہیلتھ اور ڈپٹی ڈسٹرکٹ ہیلتھ آفیسر کے مختلف ٹریننگ سنٹروں کی چیکنگ پر اظہار متمنی

تفصیلات کے مطابق چونیاں تحصیل بھر میں شروع ہونے والی پولیو مہم با تاریخ 29 مارچ تا دو اپریل تک جاری رہے گی جس میں تحصیل بھر کے تقریبا ایک لاکھ 62 ہزار بچوں کو پولیو کے قطرے پلانے کے لیے 714 ممبران پر مشتمل 374 ٹیمیں تشکیل دی جا چکی ہیں جو گھر گھر جاکر پانچ سال کی عمر کے ہر بچے کو پولیو کے دو قطرے پلائیں گی پولیو ٹیم ممبران میں لیڈیز ہیلتھ ورکر محکمہ صحت کے ملازمین سرکاری ٹیچر دیگر محکمہ جات کے ملازمین اور پرائیویٹ سکول ملازمین شامل ہیں جن کی نگرانی سی او ہیلتھ ڈاکٹر جاوید اقبال اور ڈپٹی ڈسٹرکٹ ہیلتھ آفیسر چونیاں کریں گے اس سلسلہ میں محکمہ صحت کے اعلیٰ افسران کا پولیو ٹریننگ سنٹروں کا وقفے وقفے سے دورہ جاری ہے دوران چیکنگ پولیو ٹریننگ سنٹروں میں ایس او پیز کا مکمل خیال رکھا جا رہا ہے جس پر سی او ہیلتھ اور ڈپٹی ڈسٹرکٹ ہیلتھ آفیسر مطمئن ہیں ٹریننگ سنٹروں میں پولیو ورکرز کو پولیو فری پاکستان کے لیے بریفنگ دی جا رہی ہے مرکزی پریس کلب چونیاں کے ساتھیوں نے مختلف ٹریننگ سنٹروں کا دورہ کیا جس میں رورل ہیلتھ سینٹر جمشیر خورد میں پولیو ورکرز کو جو ٹریننگ دی جا رہی تھی اس میں ایس او پیز کا مکمل خیال رکھا جا رہا ہے ڈی ڈی ایچ او ہیلتھ نے صحافیوں سے گفتگو کرتے ہوئے کہا کہ تحصیل چونیاں میں انشاءاللہ ہم تحصیل بھر میں پانچ سال سے کم عمر کے ٹارگٹ بچوں کو دوران پولیو مہم میں پولیو کے قطرے پلائیں گے ہم نے پاکستان کے مستقبل کو پولیو سے بچانا ہے اور پولیو فری پاکستان بنانا ہے ہماری بچوں کے والدین سے گزارش ہے کہ وہ اپنے پانچ سال کی عمر تک کے بچوں کو پولیو کے قطرے پلائیں اور عمر بھر کی معزوری سے بچائیں اور پولیو ورکرز کے ساتھ بھرپور تعاون کریں

قصور
کنگن پور میں ایس سی واپڈا قصور اور ایکسین چونیاں کی ہدایت پر کنگن پور میں بجلی چوروں کے خلاف گرینڈ آپریشن

تفصیلات کے مطابق کنگن پور اور اس کے گردونواح میں بجلی چوروں کے خلاف سخت کارروائی کرتے ہوئے درجنوں بوگس میٹر ایل ٹی تاریں اور 7 ٹرانسفارمر واپڈا نے اپنے قبضہ میں لے لیے ہیں یہ گرینڈ آپریشن SDO واپڈا نعیم عباس اور SDO واپڈا عبدالرشید غازی کی سربراہی میں کیا گیا اس گرینڈ آپریشن میں بجلی چوروں کے خلاف ہیوی مشینری کا استعمال کیا گیا
اس پر SDO کنگن پور نعیم عباس کا کہنا تھا کہ جو افراد بجلی چوری میں ملوث پائے گئے ہیں ان کے خلاف قانونی کارروائی عمل میں لائی جائے گی

قصور
IG پنجاب کی ہدایت پر DPO قصور کی طرف سے پولیس اہلکاروں میں اچھی کارکردگی پر تعریفی اسناد اور انعامات تقسیم کئے گئے اپنی زندگیوں کو خطرہ میں ڈال کر عوام کو تحفظ فراہم کرنے والے پولیس اہلکار ہمارے ماتھے کے جھومر ہیں ان خیالات کا اظہار DPo قصور عمران کشور نے الہ آباد کے سینئر صحافیوں سے گفتگو کرتے ہوئے کیا اس موقع پر PRO ساجد علی انصاری بھی موجود تھے DPO قصور عمران کشور نے بتایا کہ IG پنجاب انعام غنی کی خصوصی ہدایت پر ضلع بھر میں اچھی کارکردگی کا مظاہرہ کرنے والوں کی حوصلہ افزائی کے لئے نقد انعامات اور تعریفی اسناد کا پنجاب بھر میں سلسلہ شروع کیاگیا ہے اس سلسلہ میں گزشتہ روز DPO قصور عمران کشور نے ضلع بھر کے ستر پولیس اہلکاروں میں اچھی کارکردگی کا مظاہرہ کرنے اور بہترین فرائض انجام دینے پر نقد انعامات اور تعریفی اسناد تقسیم کی گئیں SHo نصراللہ بھٹی کو بھی اچھی کارکردگی اور جرائم پیشہ افراد کو گرفتار کرنے پر تعریفی اسناد اور نقد انعام سے نوازا گیا سیاسی وسماجی رہنماؤں نے نصراللہ بھٹی کو مبارکباد پیش کی ہے اور امید ظاہر کی ہے کہ وہ آئندہ بھی جرائم پیشہ افراد کے خلاف کاروائیاں جاری رکھیں گے

قصور
ڈسٹرکٹ ہیڈ کوارٹرز ہسپتال قصور میں گورنمنٹ کی طرف سے لاکھوں روپیہ لگا کر بنائی گئی پناہ گاہ کو تالے،مریضوں کے لواحقین سخت پریشان،ڈی سی قصور سے پناہ گاہ کھلوانے کا مطالبہ

تفصیلات کے مطابق ڈسٹرکٹ ہیڈ کوارٹرز ہسپتال قصور میں مریضوں کے لواحقین کیلئے لاکھوں روپیہ لگا کر بنائی گئی پناہ گاہ کو ہسپتال انتظامیہ نے عرصہ دراز سے تالہ لگا رکھا ہے جس سے ہسپتال میں موجود اپنے پیاروں کی بیماری سے پرہشان لواحقین مذید پریشان ہیں سخت سردی و گرمی میں یہی پناہ گاہ مریضوں کے لواحقین کا واحد سہارا ہے کیونکہ ہسپتال انتظامیہ کی جانب سے ہسپتال میں کسی کو رات ٹھہرنے کی اجازت نہیں جس پر دور دراز سے آئے لواحقین سخت پریشان ہو جاتے ہیں کیونکہ مریض کے پاس ایک وقت میں ایک تیماردا ہی ٹھہر سکتا ہے جسے بحیثیت انسان نیند آتی ہے اور وہ اپنے ساتھ آئے دوسرے تیماردا کو مریض کے پاس چھوڑ کر سونے کیلئے جگہ ڈھونڈتا ہے مگر سرکاری پیسے سے بنی تالہ لگی پناہ گاہ کو دیکھ کر مریض کا تیماردا بھی نیند نا پوری ہونے سے وقتی طور پر مریض بن جاتا ہے
شہریوں نے سرکاری پناہ گاہ کو لگے تالے کو کھلوانے کیلئے ڈی سی قصور و کمشیر لاہور ڈویژن سے فریاد کی ہے

قصور
تحصیل پتوکی میں آٹا پھر نایاب ہو گیا،لوگ لائنوں میں لگ کر بمشکل آٹا لینے لگے
تفصیلات کے مطابق پتوکی شہر بھر میں سرکاری ریٹ 860 روپے والا آٹا تاجر دیدہ دلیری سے 1000/1200روپے میں فروخت کررہے ہیں
انتظامیہ کی نااہلی کے باعث آٹے کا بحران شدت اختیار کرگیا آٹے کے حصول کیلئے مرد خواتین کی لمبی قطاریں لگ گئی
کرونا کی خطرناک تیسری لہرمیں ایس او پیز کی خلاف ورزی
آٹے کی سرکاری قیمت 20 کلو کا تھیلہ860 توپیہ مقرر ہے آٹے کی قلت کی وجہ لمبی قطاریں لگ گئی
جبکہ میڈیا کی نشاندھی کے باوجود بھی بلیک میلرز قانون کی گرفت سے ازاد
اور غریب عوام کو 20کلو آٹے کا تھیلا لینے کیلئے سارا لائن میں لگنا پڑتا ہے
لوگوں کا کہنا ہے کہ انتظامیہ کو چاہیے کہ آٹے کے ٹرک اسسٹنٹ کمشنر پتوکی کے آفس کے سامنے کھڑا کریں اور عوام کو آٹا دیا جائے یا پھر ان مافیا کیخلاف سخت ایکشن لیا جائے

قصور
ناصر ہاشم بلڈنگ انسپیکٹر الہ آباد تعینات چارج سنبھال کر کام شروع کر دیا
تفصیلات کے مطابق میونسپل کمیٹی الہ آباد میں عرصہ دراز سے بلڈنگ انسپکٹر اور انفورسمنٹ انسپکٹر کی سیٹیں خالی تھیں اور قائم مقام زمہ داران نے لوٹ مار مچا رکھی تھی بلڈنگ اور نقشہ فیس کے نام پر دیہاڑیاں لگائی جاتی تھیں لیکن سرکاری خزانے میں کوئی فیس جمع نہیں کروائی جاتی تھی اور ناجائز تجاوزات کے نام پر بھی دکانداروں کا سامان اٹھا لیا جاتا تھا اور حسب ضرورت رشوت لیکر سامان واپس کیا جاتا تھا عوامی شکایات پر لوکل گورنمنٹ نے گزشتہ روز 14 سکیل کے ناصر ہاشم کی تقرری میونسپل کمیٹی الہ آباد میں کر دی سیاسی وسماجی حلقوں نے چیف آفیسر سہیل کوندل کی کاوشوں سے بلڈنگ انسپکٹر کی الہ آباد میں تعیناتی کو خوش آئند قرار دیا ہے اور امید ظاہر کی ہے کہ ناصر ہاشم الہ آباد کی تعمیرو ترقی اور دیگر بنیادی مسائل کے حل کے لئے اپنی کوشش کریں گے

قصور
ڈسٹرکٹ ہیڈ کو چھوڑ کر تحصیل چونیاں میں یونیورسٹی بنائے پر اہلیان قصور پریشان،یونیورسٹی قصور میں بنائی جائے کیونکہ چاروں تحصیلوں کا مرکز قصور شہر ہے

تفصیلات کے مطابق گورنمنٹ نے ضلع قصور کیلئے یونیورسٹی بنانے کا فیصلہ کیا ہے جس کے لئے چونیاں شہر میں جگہ کا انتخاب کیا گیا ہے اس فیصلے پر اہلیان قصور نے سوشل میڈیا پر احتجاج کرتے ہوئے گورنمنٹ سے اپنا فیصلہ واپس لے کر یونیورسٹی کو قصور شہر میں بنانے کا فیصلہ کیا ہے
لوگوں کا کہنا ہے کہ ضلع قصور کی چار تحصیلیں ہیں جن کا ڈسٹرکٹ ہیڈ قصور شہر ہے اس لئے یہ بات قطعاً درست نہیں کہ یونیورسٹی کو ہیڈ آفس کے علاوہ کہیں اور بنایا جائے نیز ضلع کے باقی سارے شہروں سے قصور شہر سب سے زیادہ بڑا ہے اس لئے حق قصور شہر کا ہی ہے ماضی میں بھی ٹیچنگ ٹرینگ سکول و دیگر اعلیٰ ادارے قصور شہر میں ہی ہے