Author: غنی محمود قصوری

قصور
تھانہ الہ آباد نے بغیر نمبر اپلائید فار موٹرا سائیکلوں کو تھانے میں بند کر دیا
تفصیلات کے مطابق ایس ایچ او تھانہ الہ آباد ملک شمشیر کاچوک الہ آباد میں ناکا لگا کر اپلائیڈ فار موٹر سائیکلوں کے خلاف قانونی کاروائی کرتے ہوئے درجنوں موٹر سائیکلوں کو تھانہ الہ آباد میں بند کر دیا گیا
ملک شمشیر کا کہنا ہے کہ کاروائی بلا تفریق کی گئی ہے اور کسی کے ساتھ کوئی رعایت نہ کی گئی یہ کارروائی حکومت پنجاب کی ہدایات کے مطابق کی گئی ہے کی موٹر سائیکلوں کو کم عمر بچے بھی نا چلائیں
ایس ایچ او الہ آباد نے اس موقع پر میڈیا سے بات چیت کرتے ہوئے کہا کہ یہ کارروائی روزانہ کی بنیاد پر ہی ہوتی رہے گی اور آئندہ ایسے غیر قانونی کام کرنے والوں کے خلاف سخت ایکشن لیتے ہوئے پرچہ بھی درج کیا جائے گا اس موقع پر بول پریس کلب الہ آباد کے بانی بابا سیف العزیز اور ان کے علاوہ چوھدری۔ سجاد حسین چدھڑ۔ اور ڈاکٹر عرفان اللہ اور دیگر عہدیداران بھی موجود تھے ایس ایچ او صاحب الہ آباد کی اس کارروائی میں تھانہ کے کئی افسران اور بھی تھے اور عوام نے ایس ایچ او کی اس کارروائی کو سراہا ہے

قصور
ڈپٹی کمشنر آسیہ گل نے کوٹ رادہاکشن میں ٹی ایچ کیو ہسپتال کا دورہ کیا ،صفائی ستھرائی کا کام چیک کیا اور اے سی آفس میں پودا لگایا

تفصیلات کے مطابق کل ڈپٹی کمشنر قصور آسیہ گل نے تحصیل ہیڈ کوارٹرز ہسپتال کوٹ رادہاکشن کا دورہ کیا جہاں انہوں نے مریضوں اور ان کے لواحقین کی شکایات سنیں اور ازالے کی یقین دہانی کرائی نیز صفائی ستھرائی کے انتظامات بھی چیک کئے گئے اور احکامات جاری کئے گئے کہ مریضوں و لواحقین کے ساتھ عزت و احترام والا رویہ اپنایا جائے اور صفائی ستھرائی کے نظام کو مذید بہتر بنایا جائے اور کسی قسم کی کوئی کمی کوتاہی برداشت نہیں کی جائے گی
ہسپتال میں موجود مریضوں اور لواحقین نے ڈپٹی کمشنر قصور آسیہ گل کی کارکردگی کو خوب سراہا
ڈپٹی کمشنر آسیہ گل نے اے سی ہاؤس کوٹ رادہاکشن میں کلین اینڈ گرین پنجاب کے تحت پودا بھی لگایا

قصور
26/6/2020 کو فاطمہ مسجد کے باہر سے چوری ہوئی موٹر سائیکل کی ایف آئی آر تھانہ صدر نے تاحال درج نہیں کی

تفصیلات کے مطابق شہری محمد عرفان ولد غلام محمد شریف ٹاؤن کھارا روڈ قصور کے رہائشی کی 26/6/2020 کو نماز جمعہ پڑھتے ہوئے فاطمہ مسجد کے باہر سے موٹر سائیکل نمبر ی ksk 1091 ماڈل 12 چوری ہوگئی جس پر 15 فائیو پر کال کرکے پولیس کو مطلع کیا گیا جنہوں نے تھانہ صدر کی چوکی کھارا کو ایف آئی آر درج کرنے کا کہنا تاہم پولیس نے کہا کہ ہم تفتیش کرکے ایف آئی آر درج کرینگے آج چند دن انتظار کر لیں تاہم آج اتنے ماہ گزرنے کے باوجود بھی موٹر سائیکل چوری کی ایف آئی آر درج نہیں کی جا رہی
واضع رہے کہ گزشتہ دنوں قصور شہر اور گردونواح سے کئی موٹر سائیکلیں چوری ہوئی ہیں مگر پولیس جلد ایف آئی آر درج نہیں کرتی جس پر شہری سخت پریشان ہیں
متاثرہ شحص نے ڈی پی او قصور سے نوٹس لے کر ایف آئی آر درج کرنے کی استدعا کی ہے

قصور
تحصیل پتوکی میں اشیاءخوردونوش میں ملاوٹ انتہائی عروج پرپہنچ گئی۔ ڈسٹرکٹ فوڈ اتھارٹی اور لوکل انتظامیہ خواب خرگوش کے مزے لے کر سوگئی محکمہ فوڈ اتھارٹی کے افسران اور لوکل انتظامیہ محض کاغذی کاروائی میں مصروف عوام بہت سی بیماریوں کے گھیرے میں

تفصیلات کے مطابق تحصیل پتوکی میں اشیائے خوردونوش میں ملاوٹ اپنے عروج پر گئی ہے ۔دودھ، دہی ، گھی ، چائے کی پتی،مصالحات جات، سرخ مرچ، بیسن اور دیگرچیزوں کا خالص ملنا ناممکن ہو چکا ہے۔ فوڈ اتھارٹی کے افسران اور لوکل انتظامیہ کا غذی کاروائیوں تک محدودہوکر رہ گئی ہے۔خالص اشیاءکا ملنانا ممکن ہو چکا ہے۔سب سے زیادہ ملاوٹ دودھ، دہی ، گھی ، چائے کی پتی،مصالحات جات، سرخ مرچ ،بیسن میں کی جارہی ہے۔ مختلف علاقوں میں کھا د اور کیمیکلز وغیرہ دودھ،تیار کرنے کی فیکٹریوں میں دودھ کے نام پر کھلے عام صحت زہر فروخت کیا جارہا ہے۔مضر صحت اشیاءخوردونوش کے استعمال سے لوگوں کی بہت بڑی تعداد ہیپاٹائٹس ، ٹی بی اور گردوں کے امراض معدہ ،جگراور دیگر امراض میں مبتلا ہو چکے ہیں۔جب کہ سرکاری ونجی ہسپتال مضر اشیاءخوردونوش کے استعمال کرنے والے مریضوں سے بھرے پڑے ہیں۔جب کہ ڈسٹرکٹ فوڈ اتھارٹی اور لوکل انتظامیہ خواب خرگوش کے مزےلے کر سوگئی ہوئی ہیں۔ڈاکٹرز کا کہنا ہے کہ اشیاءخوردونوش میں ملاوٹ کے انسانی زندگیوں پر انتہائی خطرناک اثرات مرتب ہورہے ہیں۔

قصور
جی ٹی روڈ پتوکی جمبر میں خوفناک ٹریفک حادثہ اس کے نتیجے میں 2 بچے سمیت 1 خاتون جانبحق ، جبکہ 4 افراد شدید زخمی زخمیوں کو ابتدائی طبی امداد کے بعد قریبی ہسپتال منتقل کردیا گیا حادثہ رکشہ اور کنٹینر میں پیش آیا
تفصیلات کے مطابق جی ٹی روڈ پتوکی جمبر میں خوفناک حادثہ پیش آیا لاہور سے جمبر آتی ہوئی رکشہ سوار فیملی کو تیز رفتار کنٹینر کی ٹکر ۔ خوفناک حادثے کے نتیجے میں 2 بچے ایک خاتون موقع پر ہی دم توڑ گئے جبکہ 2 خواتین 1 بچہ اور ایک رکشہ ڈرائیور شدید زخمی ہوگیا ریسکیو 1122 نے فوراً موقع پر پہنچ کر زخمیوں کو ابتدائی طبی امداد کے بعد قریبی ہسپتال منتقل کر دیا اطلاع ملتے ہی ڈی ایس پی موٹروے پولیس تنویر اصغر کھوکھر اور پولیس چوکی جمبر کا عملہ موقع پر پہنچ گیا کنٹینر ڈرائیور جائے وقوع سے فرار ہونے میں کامیاب حادثے کے باعث ملتان روڈ پر ٹریفک بری طرح جام ہو گئی جسے موٹروے پولیس اور اہل علاقہ نے بحال کروا دیا

قصور
دیپال پور قصور روڈ پر جگہ ہونے کے باوجود پیلی پٹی (ٹھوس لین)سے بھی آگے ریڑھی والوں کا راج، سڑک پر گزرنے والے سخت پریشان
تفصیلات کے مطابق قصور دیپالپور روڈ پر پیلی پٹی سے بھی آگے ریڑھی والوں،پھل فروشوں نے ڈیڑے جما رکھے ہیں جس سے ہر وقت حادثات کا خدشہ رہتا ہے اور کئی حادثات ہوئے بھی ہیں
حالانکہ پیلی پٹی سے پیچھے کافی جگہ کھلی بھی موجود ہے مگر پھر بھی ریڑھی بانوں نے ریڑھیاں آگے لگا رکھی ہیں جس سے تیز رفتار گاڑیوں کے گزرنے سے ہر وقت حادثات کا خدشہ رہتا ہے نیز لوگ پھل کھا کر پھلوں کے چھلے بھی سڑک پر پھینک دیتے ہیں
واضع رہے کہ یہ سلسلہ سارے قصور دیپالپور روڈ پر چل رہا ہے اور انتظامیہ کی کاروائی پر چند دن ریڑھیاں پیچھے کر لی جاتی ہیں تاہم وقت گزرنے کے ساتھ پھر وہی سلسلہ شروع ہو جاتا ہے
لوگوں نے ڈی سی قصور سے نوٹس لینے کی استدعا کی ہے تاکہ حادثات سے بچا جا سکے

قصور
ڈی پی او نے ناقص کارکردگی پر ایس ایچ اوز معطل کر دیئے
تفصیلات کے مطابق ڈی پی او قصور عمران کشور نے ناقص کارکردگی کا مظاہرہ کرنے والے ایس ایچ اوز معطل کر دیے جن میں کامران شہزاد اور شیخ اعجاز کو معطل کر کے لائن حاضر کر دیا گیا ہے جبکہ میڈیا سے گفتگو کرتے ہوئے عمران کشور نے کہا کہ کام چور افسران کیلئے محکمہ پولیس میں کوئی گنجائش نہیں ہے سائلین کو انصاف کی سوفیصد فراہمی تک چین سے نہیں بیٹھونگا ضلع کو جرائم فری بنانے کیلئے ہر ممکن اقدامات اٹھائے جائینگے منشیات کے مکمل خاتمے کیلئے افسران محنت کو شعار بنائیں اور مضبوط ذرائع سے منشیات فروشوں کو قانون کی گرفت میں لائیں انہوں نے مزید کہا کہ صحافت مقدس پیشہ ہے مثبت صحافت کرنے والے صحافیوں کو محکمہ پولیس قدر کی نگاہ سے دیکھتا ہے شہری جرائم پیشہ افراد پر کڑی نظر رکھیں اور پولیس کو اطلاع دیں کر ذمہ داری کا ثبوت دیں اورکرایہ داری ایکٹ کی پاسداری کو یقینی بنائیں تا کہ جرائم کومکمل طورپر جڑ سے ختم کیا جا سکے

قصور
وارداتوں کا سلسلہ تاحال جاری،کوگ سخت پریشان
تفصیلات کے مطابق ضلع بھر میں چوری ڈکیتی کی وارداتیں تاحال جاری ہیں
راؤخانوالہ کا رہائشی اصغر علی مانوالا سے اپنے گھر کو جارہا تھا کہ بستی رحمان پورہ کے قریب دوکس نے اسلحہ کے زورپر زبردستی نقدی اور دیگر قیمتی سامان چھین کر موقع سے فرار ہوگئے اسی طرح سے جبومیل کا رہائشی محمد کاشف اوراڑہ سے اپنے گھر کو جارہا تھاکہ بحد رقبہ اوراڑہ کے قریب پہنچاتو دوکس نے گن پوائنٹ پر روکا اور زبردستی نقدی چھین کر موقع سے فرار ہوگئے ڈکیتی کی ایک واردات میں رسولپور قصور کے رہائشی محمد اعظم کے گھر چھ کس نامعلوم دیوار پھلانگ کر داخل ہوئے سب گھر والوں کو یرغمال بنا کر گھر سے ایک لاکھ پچاس ہزار ورپے نقدی دوتولہ طلائی زیوارات و دیگر گھریلو قیمتی سامان لوٹ کر موقع سے غائب ہوگئے راہزنی کی ایک اور واردات میں حویلی ترکھانانوالی کا رہائشی محمد اشفاق چندروز قبل موٹر سائیکل پر ملوکی سے اپنے گھر کو جارہا تھاکہ روہی ملوکی کے قریب تین کس نے گن پوائینٹ پر روکا نقدی،موبائل فون اور موٹر سائیکل چھین کر موقع سے چلتے بنے اسی طرح سے تھہ روسہ کا رہائشی محمد احمد راؤخانوالہ سے اپنے گھر کو جارہا تھاکہ بستی عیسیٰ نگر راجہ کے قریب دوکس نے روکا اور اسلحہ کے زورپر زبردستی نقدی،دو عدد چیک مالیت پچاس ہزارروپے اور ایک عدد موبائل فون چھین لیا ایسی ہی ایک اور واردات میں محمد ریا ض نے پولیس تھانہ مصطفے آباد میں درخواست دی ہے کہ میں گیارہ فروری کو لاہور سے گھر آرہا تھاکہ پکی حویلی کے قریب تین کس نامعلوم نے اسلحہ کے زور پر روکا نقدی،موبائل فون اور موٹر سائیکل چھین کر موقع سے فرار ہوگئے اسی طرح ہی برج کلاں کا رہائشی ذوالفقارموٹر سائیکل پر قصور شہر سے گھر کو آرہا تھاکہ واپڈا گرڈ اسٹیشن کے قریب دوکس نامعلوم مسلح نے روکا اور زبردستی دولاکھ روپے چھین کر موقع سے رفوچکر ہوگئے اور گہلن ہٹھاڑ کا رہائشی چندر وز قبل الہ آباد سے پتوکی آرہا تھاکہ نزد چونیاں انڈسٹریل اسٹیٹ کے قریب دو کس مسلح نامعلوم نے روکا نقدی اور موبائل فون چھین کر موقع سے فر ار ہوگئے جبکہ راجہ جنگ کا رہائشی حسین احمد اپنی جیولر شاپ پر موجود تھاکہ ایک نامعلو م مرد اور عورت آئے اور نوسر بازی کرکے ایک لاکھ روپے نقدی لیکر فرار ہوگئے
مقامی پولیس الگ الگ مقدمات درج کرکے مصروف کاروائی ہے