Author: غنی محمود قصوری

قصور
الہ آباد میں ٹریفک پولیس کی غلطی سے ایک شحض کی جان چلی گئی
تفصیلات کے مطابق آلہ آباد ببر کھائی روڑ میں ایکسیڈنٹ ہوا ہے جس میں موٹرسائیکل سوار شحض روڈ پر کھڑے ٹرک سے ٹکرا گیا اور موقع پر جان بحق ہو گیا عینی شاہدین کے مطابق ٹرک کو ٹریفک پولیس نے روک رکھا تھا اور موٹرسائیکل سوار پھول فروخت کرنے کے لیے گہلن ہٹھار پھولوں کی منڈی آ رہا تھا جب ٹریفک والوں نے ٹرک کو اچانک روکا تو موٹرسائیکل سوار ٹرک سے ٹکرا گیا اور موقع پر جان بحق ہو گیا جاانبحق ہونے والے کے لواحقین کے ورثاء نے ٹریفک پولیس کے خلاف روڈ بند کرکے اجتجاج کیا

قصور
ڈسٹرکٹ پولیس کا بچھڑوں کو اپنوں سے ملوانے کا سلسلہ جاری،گم شدہ بچوں کو ان کے والدین کے حوالے کر دیا
تھانہ اے ڈویژن پولیس نے لاپتہ دو بچوں کو مسلسل محنت کے بعد تلاش کر کے ورثا کے حوالے کر دیا
تفصیلات کے مطابق تھانہ اے ڈویژن پولیس کو اطلاع ملی کہ تین سالہ نمرہ اور 5 سالہ ماہد لاپتہ ہو گئے ہیں واقعہ کی اطلاع پاکر ڈی ایس پی سٹی اور ایس ایچ او اے ڈویژن بھاری نفری کیساتھ موقع پر پہنچے اور بچوں کی تلاش شروع کردی
پولیس کی مسلسل محنت کے بعد بچے تلاش کر کے باحفاظت والدین کے حوالے کر دئیے گئے ہیں پولیس کی فرض شناسی اور بچوں کی باحفاظت واپسی پر والدین نے پولیس کا شکریہ ادا کیا

قصور
الہ آباد تحصیل چونیاں کے نان کمپیوٹرائز پٹوار سرکلوں سےسیاستدانوں کی منتھلیاں بند سیاستدان شدید پریشان ناجائز آمدنی رک گئی اعلیٰ ریونیو افسران نے حکم دیا ہے کہ زبانی بیعہ انتقالات درج کرنے کی بجائے صرف رجسٹری پاس کروائی جائے
تفصیلات کے مطابق باوثوق ذرائع سے معلوم ہوا ہے کہ ڈسٹرکٹ ریونیو آفیسر نے حکم دیا ہے کہ زمیں کے زبانی بیعہ انتقالات درج کرنے کی بجائے رجسٹریاں پاس کروائی جائیں جس سے نان کمپیوٹرائز حلقوں کو جان بوجھ کر کرپشن کے لئے کمپیوٹرائز نہیں کیا گیا تھآ کیونکہ پٹوار سرکل کے وہ شہر ی اور کمرشل حلقے جن میں چونیاں سٹی، کنگن پور، تلونڈی، الہ آباد، گہلن ہٹھاڑ وغیرہ شامل تھے یہ پٹواری حلقے پٹواریوں اور سیاستدانوں کے لئے سونے کی چڑیا تھے ان حلقوں میں تعینات ہونے والے پٹواری بھاری رشوت اور سیاسی اثرورسوخ کی وجہ سے تعینات ہوتے تھے مذکورہ حلقوں کے پٹواری کروڑ پتی بن چکے ہیں ان حلقوں سے بعض سیاستدانوں کو باقاعدہ منتھلی ادا کی جاتی تھی زبانی بیعہ انتقالات درج نہ ہونے سے پٹواری شدید پریشان ہیں اور انہوں نے سیاستدانوں کی منتھلیاں بھی بند کر دی ہیں مذکورہ حلقوں کے پٹواری بعض کرپٹ افسران کی بھی ناجائز ضروریات پوری کرتے تھے اور بعض افسران کو منتھلی بھی دی جاتی تھی

قصور
مرکز و مدرسہ زید بن حارثہ دینہ ناتھ قصور کی طرف سے ریڈ کریسنٹ ہسپتال مانگا منڈی میں پینے کے صاف پانی کا انتظام کر دیا گیا اور ہر ہفتے ایک دن مریضوں و لواحقین کے لئے کھانے کا بھی انتظام عرصہ دراز سے جاری ہے جسے اللہ کی مدد سے روزانہ میں جلد تبدیل کر دیا جائے گا، منتظم مدرسہ ابو یاسر
تفصیلات کے مطابق مرکز و مدرسہ زید بن حارثہ دینہ ناتھ قصور کے منتظم نے نمائندہ باغی ٹی وی قصور سے گفتگو کرتے ہوئے بتایا کہ ہم نے کئی فلاحی کام شروع کر رکھے ہیں جو کہ مقاقی افراد کے تعاون کی بدولت پایہ تکمیل پہنچتے ہیں ان کا کہنا تھا کہ ہم نے پاک ریڈ کریسنٹ ہسپتال مانگا منڈی میں مرکز زید بن حارثہ کی طرف سے مریضوں و ان کے لواحقین کے لئے صاف پینے کے پانی کا انتظام کیا گیا ہے اور اس تسلسل کو جاری رکھنے کے لیے 40 بڑی بوتلوں کی ضرورت ہے جبکہ ہم 12 بوتلوں کا انتظام کر پائے ہیں ان شاءاللہ جلد مذید 28 بوتلوں کی ضرورت کو بھی پورا کر دیا جائے گا نیز عرصہ دراز سے مرکز کی طرف سے مریضوں و ان کے لواحقین کے لئے ہفتے میں ایک دن کھانے کا انتظام کیا جاتا ہے جسے بہت جلد روزانہ کی بنیاد پر کر دیا جائیگا
منتظم کا کہنا تھا کہ اہل ثروت لوگ ہم سے تعاون کرتے ہیں جن کے تعاون کے باعث مدرسے میں بچے قرآن مجید حفظ کر رہے ہیں جبکہ مقامی افراد کی کمیٹی اور ہم مل کر فلاحک کام سر انجام دیتے ہیں جن میں غریبوں کیلئے راشن بھی شامل ہے

قصور
صحافیوں کی سب سے بڑی جماعت ڈسٹرکٹ پریس کلب قصور کے نام پر لالچی لوگوں نے تنظیمیں بنا لیں
تفصیلات کے مطابق سیکریٹری ڈسٹرکٹ پریس کلب قصور نے بات چیت کرتے ہوئے کہا کہ ڈی پی سی قصور پانچ سو سے زائد ممبران پر مشتمل قصور کی نمائندہ تنظیم ہے جس کی باڈی کا انتخاب خفیہ بیلٹ پیپر کے ذریعے عمل میں لایا گیا ہے لہذا ضلع قصور کی عوام سے التماس ہے اس نام سے معرض وجود میں آنے والی باڈی نام نہاد اور خود ساختہ ہے جنہوں نے گھر بیٹھے لالچی لوگوں کی طرح عہدوں کا انتخاب کیا ہے ڈسٹرکٹ پریس کلب قصور ایسے اوچھے ہتھکنڈے کی بھر پور مذمت کرتا ہے اور قانونی چارہ جوئی کے لئیے حق محفوظ رکھتا ہے عوام سے التماس ہے ایسے لوگوں کا محاسبہ کریں

قصور
تھانہ سٹی پھولنگر کے ایس ایچ او رانا سہیل احمد کی بڑی کاروائی بدنام زمانہ منشیات فروش رنگے ہاتھوں گرفتار بھاری مقدار میں چرس بر آمد مقدمہ درج
تفصیلات کے مطابق تھانہ سٹی پھولنگر کے ایس ایچ او ، رانا سہیل احمد نے مخبر خاص کی اطلاع پر اپنی ٹیم کے ہمراہ محلہ گلشن آباد لنگڑے والی ڈھاری پر چھاپہ مار کر ریکارڈ یافتہ بدنام زمانہ منشیات فروش طارق محمود ولد نذیر احمد قوم چنگڑ کو رنگے ہاتھوں گرفتار کر کے اسکے قبضہ سے 1500 گرام چرس بر آمد کر لی اور اسکے خلاف مقدمہ نمبر 400/20 درج کر کے سلاخوں کی پیچھے دھکیل کر مزید تفتیش شروع کر دی اہل علاقہ نے پولیس کی اس کاروائی کو خوب سراہا اور خراج تحسین پیش کیا

قصور
رائیونڈ قصور روڈ پر آج ایک اور حادثہ دو بسیں آپس میں ٹکڑا گئیں ایک ڈرائیور جانبحق ایک کی ٹانگیں ٹوٹ گئیں حادثہ سڑک کی کم چوڑائی سے پیش آیا
تفصیلات کے مطابق قصور ضلع کی سب سے زیادہ خونی سڑک رائیونڈ قصور روڈ پر آج صبح سویرے ایک اور حادثہ پیش آیا ہے جس میں دو بسیں آپس میں ٹکڑا گئیں بسیں ٹکرانے سے ایک بس کا ڈرائیور جانبحق جبکہ دوسری بس کے ڈرائیور کی دونوں ٹانگیں ٹوٹ گئیں تاہم مسافر محفوظ رہے ڈرائیوروں اور زخمی مسافروں کو ریسکیو 1122 نے ڈی ایچ کیو قصور منتقل کیا واضع رہے کہ اس سڑک کی چوڑائی بمشکل 20 فٹ ہے جبکہ روزانہ اس سڑک پر ہزاروں گاڑیاں گزرتی ہیں اور ضلع کی تمام سڑکوں میں سے سب سے زیادہ ایکسیڈنٹ اسی سڑک پر ہوتے ہیں
آئے روز کے حادثات کے پیش نظر لوگوں نے فوری روڈ کو ڈبل کرنے کا مطالبہ کیا ہے

قصور میں ڈی آر ٹی اے آفس میں تعینات سول ڈیفنس کا عملہ انتہاہ کا راشی
تفصیلات کے مطابق سیکرٹری ڈی آر ٹی اے آفس میں عرصہ دراز سے تعینات سول ڈیفنس اسٹاف کرپشن کا گڑھ بن گیا جو روڈ پر کھڑے ہوکر روڈ کرپشن کرنا اپنا حق سمجھتے ہیں اور اس کے ساتھ جرمانوں کی مد میں گاڑی والوں سے 3 ہزار روپے جرمانہ لیتے ہیں اور اپنا قریبی رشتہ دار بتا کر جرمانہ 500 روپے کروا لیتے ہیں عادل سول ڈیفینس ملازم جس نے کرپشن اور بد تمیزی کے تمام ریکارڈ توڑ رکھے ہیں سرعام روڈ پر گاڑیوں والوں سے انتہائی بد تمیزی سے بات کرتا ہے یہ سول ڈیفنس سٹاف سیکرٹری ڈی آر ٹی اے اور ایم وی قصور کے لیے بدنامی کا باعث بن چکا ہے
قصور کے تمام ٹرانسپورٹرز کی وزیر اعلی پنجاب کمشنر لاہور ڈویژن اور ڈی سی قصور سے ان کے خلاف سخت کارروائی کرنے کا مطالبہ کیا ہے

قصور
ضلع بھر میں غیر قانونی پرندوں کا شکار جاری
تفصیلات کے مطابق الہ آباد میں محکمہ تحفظ جنگلی حیات ضلع قصور کے افسران کی ملی بھگت سے بلا لائسنس غیر قانونی شکار جاری ہے جس سے بڑی تعداد میں نایاب پرندے اور جانور اپنی جانوں سے ہاتھ دھو رہے ہیں جبکہ محکمہ کی جانب سے بنائی جانے والی چھاپہ مار ٹیمیں بھی شکار کرنے والو سے ساز باز ہیں اور غیر قانونی شکار روکنے میں بری طرح ناکام نظر آ رہی ہیں باوثوق ذرائع کا کہنا ہے کہ سب سے زیادہ غیر قانونی شکار بٹیروں، مرغابیوں اور تیتر کا ہو رہا ہے اسی طرح دیگر جانوروں اور پرندوں کا بھی شکار کیا جا رہا ہے ذرائع نے اس بات کا انکشاف کیا ہے کہ غیر قانونی شکار محکمہ کے افسران کی ملی بھگت سے ہوتا ہے محکمہ وائلڈ لائف کے افسران ماتحت ملازمین کی ڈیوٹی لگا دیتے ہیں کہ وہ ان کے مہمانوں کو شکار کی سہولت مہیا کریں انسپکٹر وائلڈ لائف چونیاں رانا امجد سے رابطہ کیا گیا تو ان کا کہنا تھا کہ محکمہ نے غیر قانونی شکار کی روک تھام کے لیے سخت پالیسی بنا رکھی ہے۔ جس کے تحت مختلف علاقوں میں غیر قانونی شکار کرنے والے افراد کے خلاف کارروائی عمل میں لائی جا رہی ہے