Author: غنی محمود قصوری

قصور
مرکز و مدرسہ زید بن حارثہ دینہ ناتھ قصور کی طرف سے ریڈ کریسنٹ ہسپتال مانگا منڈی میں پینے کے صاف پانی کا انتظام کر دیا گیا اور ہر ہفتے ایک دن مریضوں و لواحقین کے لئے کھانے کا بھی انتظام عرصہ دراز سے جاری ہے جسے اللہ کی مدد سے روزانہ میں جلد تبدیل کر دیا جائے گا، منتظم مدرسہ ابو یاسر
تفصیلات کے مطابق مرکز و مدرسہ زید بن حارثہ دینہ ناتھ قصور کے منتظم نے نمائندہ باغی ٹی وی قصور سے گفتگو کرتے ہوئے بتایا کہ ہم نے کئی فلاحی کام شروع کر رکھے ہیں جو کہ مقاقی افراد کے تعاون کی بدولت پایہ تکمیل پہنچتے ہیں ان کا کہنا تھا کہ ہم نے پاک ریڈ کریسنٹ ہسپتال مانگا منڈی میں مرکز زید بن حارثہ کی طرف سے مریضوں و ان کے لواحقین کے لئے صاف پینے کے پانی کا انتظام کیا گیا ہے اور اس تسلسل کو جاری رکھنے کے لیے 40 بڑی بوتلوں کی ضرورت ہے جبکہ ہم 12 بوتلوں کا انتظام کر پائے ہیں ان شاءاللہ جلد مذید 28 بوتلوں کی ضرورت کو بھی پورا کر دیا جائے گا نیز عرصہ دراز سے مرکز کی طرف سے مریضوں و ان کے لواحقین کے لئے ہفتے میں ایک دن کھانے کا انتظام کیا جاتا ہے جسے بہت جلد روزانہ کی بنیاد پر کر دیا جائیگا
منتظم کا کہنا تھا کہ اہل ثروت لوگ ہم سے تعاون کرتے ہیں جن کے تعاون کے باعث مدرسے میں بچے قرآن مجید حفظ کر رہے ہیں جبکہ مقامی افراد کی کمیٹی اور ہم مل کر فلاحک کام سر انجام دیتے ہیں جن میں غریبوں کیلئے راشن بھی شامل ہے

قصور
صحافیوں کی سب سے بڑی جماعت ڈسٹرکٹ پریس کلب قصور کے نام پر لالچی لوگوں نے تنظیمیں بنا لیں
تفصیلات کے مطابق سیکریٹری ڈسٹرکٹ پریس کلب قصور نے بات چیت کرتے ہوئے کہا کہ ڈی پی سی قصور پانچ سو سے زائد ممبران پر مشتمل قصور کی نمائندہ تنظیم ہے جس کی باڈی کا انتخاب خفیہ بیلٹ پیپر کے ذریعے عمل میں لایا گیا ہے لہذا ضلع قصور کی عوام سے التماس ہے اس نام سے معرض وجود میں آنے والی باڈی نام نہاد اور خود ساختہ ہے جنہوں نے گھر بیٹھے لالچی لوگوں کی طرح عہدوں کا انتخاب کیا ہے ڈسٹرکٹ پریس کلب قصور ایسے اوچھے ہتھکنڈے کی بھر پور مذمت کرتا ہے اور قانونی چارہ جوئی کے لئیے حق محفوظ رکھتا ہے عوام سے التماس ہے ایسے لوگوں کا محاسبہ کریں

قصور
تھانہ سٹی پھولنگر کے ایس ایچ او رانا سہیل احمد کی بڑی کاروائی بدنام زمانہ منشیات فروش رنگے ہاتھوں گرفتار بھاری مقدار میں چرس بر آمد مقدمہ درج
تفصیلات کے مطابق تھانہ سٹی پھولنگر کے ایس ایچ او ، رانا سہیل احمد نے مخبر خاص کی اطلاع پر اپنی ٹیم کے ہمراہ محلہ گلشن آباد لنگڑے والی ڈھاری پر چھاپہ مار کر ریکارڈ یافتہ بدنام زمانہ منشیات فروش طارق محمود ولد نذیر احمد قوم چنگڑ کو رنگے ہاتھوں گرفتار کر کے اسکے قبضہ سے 1500 گرام چرس بر آمد کر لی اور اسکے خلاف مقدمہ نمبر 400/20 درج کر کے سلاخوں کی پیچھے دھکیل کر مزید تفتیش شروع کر دی اہل علاقہ نے پولیس کی اس کاروائی کو خوب سراہا اور خراج تحسین پیش کیا

قصور
رائیونڈ قصور روڈ پر آج ایک اور حادثہ دو بسیں آپس میں ٹکڑا گئیں ایک ڈرائیور جانبحق ایک کی ٹانگیں ٹوٹ گئیں حادثہ سڑک کی کم چوڑائی سے پیش آیا
تفصیلات کے مطابق قصور ضلع کی سب سے زیادہ خونی سڑک رائیونڈ قصور روڈ پر آج صبح سویرے ایک اور حادثہ پیش آیا ہے جس میں دو بسیں آپس میں ٹکڑا گئیں بسیں ٹکرانے سے ایک بس کا ڈرائیور جانبحق جبکہ دوسری بس کے ڈرائیور کی دونوں ٹانگیں ٹوٹ گئیں تاہم مسافر محفوظ رہے ڈرائیوروں اور زخمی مسافروں کو ریسکیو 1122 نے ڈی ایچ کیو قصور منتقل کیا واضع رہے کہ اس سڑک کی چوڑائی بمشکل 20 فٹ ہے جبکہ روزانہ اس سڑک پر ہزاروں گاڑیاں گزرتی ہیں اور ضلع کی تمام سڑکوں میں سے سب سے زیادہ ایکسیڈنٹ اسی سڑک پر ہوتے ہیں
آئے روز کے حادثات کے پیش نظر لوگوں نے فوری روڈ کو ڈبل کرنے کا مطالبہ کیا ہے

قصور میں ڈی آر ٹی اے آفس میں تعینات سول ڈیفنس کا عملہ انتہاہ کا راشی
تفصیلات کے مطابق سیکرٹری ڈی آر ٹی اے آفس میں عرصہ دراز سے تعینات سول ڈیفنس اسٹاف کرپشن کا گڑھ بن گیا جو روڈ پر کھڑے ہوکر روڈ کرپشن کرنا اپنا حق سمجھتے ہیں اور اس کے ساتھ جرمانوں کی مد میں گاڑی والوں سے 3 ہزار روپے جرمانہ لیتے ہیں اور اپنا قریبی رشتہ دار بتا کر جرمانہ 500 روپے کروا لیتے ہیں عادل سول ڈیفینس ملازم جس نے کرپشن اور بد تمیزی کے تمام ریکارڈ توڑ رکھے ہیں سرعام روڈ پر گاڑیوں والوں سے انتہائی بد تمیزی سے بات کرتا ہے یہ سول ڈیفنس سٹاف سیکرٹری ڈی آر ٹی اے اور ایم وی قصور کے لیے بدنامی کا باعث بن چکا ہے
قصور کے تمام ٹرانسپورٹرز کی وزیر اعلی پنجاب کمشنر لاہور ڈویژن اور ڈی سی قصور سے ان کے خلاف سخت کارروائی کرنے کا مطالبہ کیا ہے

قصور
ضلع بھر میں غیر قانونی پرندوں کا شکار جاری
تفصیلات کے مطابق الہ آباد میں محکمہ تحفظ جنگلی حیات ضلع قصور کے افسران کی ملی بھگت سے بلا لائسنس غیر قانونی شکار جاری ہے جس سے بڑی تعداد میں نایاب پرندے اور جانور اپنی جانوں سے ہاتھ دھو رہے ہیں جبکہ محکمہ کی جانب سے بنائی جانے والی چھاپہ مار ٹیمیں بھی شکار کرنے والو سے ساز باز ہیں اور غیر قانونی شکار روکنے میں بری طرح ناکام نظر آ رہی ہیں باوثوق ذرائع کا کہنا ہے کہ سب سے زیادہ غیر قانونی شکار بٹیروں، مرغابیوں اور تیتر کا ہو رہا ہے اسی طرح دیگر جانوروں اور پرندوں کا بھی شکار کیا جا رہا ہے ذرائع نے اس بات کا انکشاف کیا ہے کہ غیر قانونی شکار محکمہ کے افسران کی ملی بھگت سے ہوتا ہے محکمہ وائلڈ لائف کے افسران ماتحت ملازمین کی ڈیوٹی لگا دیتے ہیں کہ وہ ان کے مہمانوں کو شکار کی سہولت مہیا کریں انسپکٹر وائلڈ لائف چونیاں رانا امجد سے رابطہ کیا گیا تو ان کا کہنا تھا کہ محکمہ نے غیر قانونی شکار کی روک تھام کے لیے سخت پالیسی بنا رکھی ہے۔ جس کے تحت مختلف علاقوں میں غیر قانونی شکار کرنے والے افراد کے خلاف کارروائی عمل میں لائی جا رہی ہے

قصور
نشے کے عادی افراد سرعام نشہ کرنے لگے جس سے نئی نسل کو خطرہ لاحق ہو گیا ہے،پولیس خاموش تماشائی
تفصیلات کے مطابق ضلع قصور میں نشہ انتہائی عام ہو گیا ہے جس سے نشئی حضرات کھلے عام نشہ کر رہے ہیں آج تحصیل چونیاں کے بس اسٹینڈ میں بیٹھ کر سرعام یہ بندہ قانون کی دھجیاں اڑا رھا ہے اور ہمارے معاشرے کے بچے اور نوجوان اسکو دیکھ کر کیا سکھییں گے قانون نافذ کرنے والے اداروں اور اسسٹنٹ کمشنر چونیاں کیلئے یہ لمحہ فکریہ ہے لوگوں کا کہنا ہے کہ اس پر جلد از جلد ایکشن لیکر اس بندے کو گرفتار کرنا چاہیے تاکہ ہمارا معاشرہ اس نشہ کی لعنت سے بچے سکے اور اسکو سخت سے سخت سزا دی جائے

قصور
الہ آباد میں حافظ قرآن دین کے طالب علم بچے پر تشدد کرکے موت حیات کی کشمکش میں مبتلا کرنے والے 15 افراد کے خلاف ایف آئی آر درج
تفصیلات کے مطابق قصور کی تحصیل چونیاں میں سردار شعیب ڈوگر اور اس کے 14 ساتھیوں نے مسجد و مدرسہ اقصیٰ کے طالب علم منیر ولد شہزاد رہائشی موضع گہلن ہتھاڑ کو معمولی بات پر اینٹیں مار مار کر شدید زخمی کر دیا تھا جو کہ اس وقت لاہور جنرل ہسپتال میں انتہائی نگہداشت وارڈ میں داخل ہے ان غنڈہ صفت عناصر کے خلاف مدرسہ انتظامیہ ایف آئی آر درج کروانے سے کترا رہی تھی کیونکہ یہ لوگ بااثر ہونے کے ساتھ ساتھ اس مدرسہ کو ماہانہ چندہ بھی دیتے ہیں تاہم قصور کی سیاسی ،سماجی،وکلاء برداری و صحافیوں کی کاوش سے ان 15 افراد کے خلاف تھانہ الہ آباد میں ایف آئی آر درج کر لی گئی ہے
اہلیان الہ آباد و اہلیان قصور کا کہنا ہے کہ ان بدمعاش عناصر کو جلد سے جلد قانون کے مطابق سزا دے کر نشان عبرت بنایا جائے

قصور
ڈی پی او قصور عمران کشور نے کہا کہ صحافی مثبت تنقید کرکے اصلاح کریں
تفصیلات کے مطابق ڈی پی او قصور عمران کشور نے کہا ہے کے قصور پولیس شہریوں کے جان و مال کے تحفظ کے لئے دن رات متحرک ہے قصور ضلع کی صحافی برادری مثبت تنقید کرکے اصلاح کریں تھانوں میں شریف شہریوں کو عزت دیں گے جبکہ بدمعاشوں و بدکرداروں کو نشان عبرت بنا دیں گے ان خیالات کا اظہار انہوں نے چیرمین پریس کلب پروفیسر ڈاکٹر یوسف آرائیں گروپ لیڈر عطا محمد قصوری نائب صدر خالد نواز خان سے گفتگو کرتے ہوئے کہا انہوں نے کہا کہ صحافی معاشرے کی آنکھ اور کان ہوتے ہیں عوام الناس کے ساتھ صحافیوں کے مسائل بنیادوں پر حل کئے جائیں گے عمران کشور ڈی پی او قصور نے کہا کے تھانہ کلچر کی تبدیلی وقت کی ضرورت ہے چائلڈ بیورو سمیت دیگر جنسی زیادتی کے واقعات کے بعد اب ہمیں ذمہ دار شہری بننا ہے بدکردار عناصر کو دنیا کے لیے مثال بنانا ہے اور تھانوں میں ہر شہری کو انصاف ملے گا

قصور
الہ آباد میں ظلم کی انتہاہ،مدرسے کے طالب علم کو مار مار کر برا حال کر دیا سر میں اینٹیں ماریں جس سے اسے شدید چوٹیں آئیں حالت غیر ہونے پر ہسپتال داخل
تفصیلات کے مطابق کل شام چونیاں کے شہر الہ آباد میں ظالموں نے دین کے طالب علم مدرسے کے لڑکے پر ظلم کی انتہاہ کر دی
جامعہ مسجد و مدرسہ اقصیٰ کا طالب علم شہزاڈ ولد منیر موضع گہلن ہتھاڑ کا رہائشی ہے جو کہ کل شام سے قبل مدرسہ کی گلی و مدرسہ کے لڑکوں کیساتھ کرکٹ کھیلنے کے لئے گراؤنڈ میں گیا تو اس کی گیند ٹریکٹرز آٹو سپئیر پارٹس (سردار شعیب ڈوگر )کی دکان کے لڑکے کو لگ گئی جس پر انہوں نے گراؤنڈ کے اندر ہی طالب علم کو مارنا شروع کر دیا مگر جب طالب علم گھر آئے تو انہوں نے اپنے اساتذہ و بڑوں کو بتایا جس پر لڑکوں کے ورثاء و اساتذہ نے دکان پر جا کر ان کی شکایت لگائی تو آٹو سپئیر پارٹس والوں بپھر کر طالبعلم شہزاد کو مدرسے سے نکال کر مارنے لگے کیونکہ شہزاد کا گاؤں مدرسہ سے دور ہے انہوں نے شہزاد کے سر میں اینٹیں ماریں جس پر شہزاد کا سر پھٹ گیا اور خون کے فوارے پھوٹ پڑے لڑکے کو مدرسے والے جان بچانے کی خاطر فوری ہسپتال لے گئے جہاں اس کی حالت انتہائی تشویشناک ہے جبکہ اس کے سر میں درجنوں ٹانکے لگے ہیں
یہ ساری صورتحال نزدیکی گھروں کے سی سی ٹی وی کیمروں میں بخوبی دیکھی جا سکتی ہے مگر تشویشناک بات یہ ہے کہ مارنے والے اتنے بااثر ہیں کہ مدرسہ انتظامیہ ان کے خلاف پرچہ کٹوانے سے کترا رہی ہے جبکہ لڑکے کے ورثاء لڑکے کی جان بچانے کی خاطر ہسپتال میں ہیں
خبر پاکر ایس ایچ او موقع پر تو پہنچے مگر کوئی کاروائی نا کی جس پر اہل محلہ و مدرسہ کے طالب علموں نے ایس ایچ او الہ آباد و ڈی ایس پی سے ملزمان کے خلاف فوری کاروائی کا مطالبہ کیا ہے